lakbima.lk

 

විස්සයි20 තරගයකදී කණ්ඩායමක් රැස්කළ ඉහළම ලකුණු සංඛ්‍යාවේ ලෝක වාර්තාව බිඳහෙළීමට ඇෆ්ඝනිස්ථානය 23 වැනිදා සමත්විය. ඇෆ්ගනිස්ථානය ඕවර 20 තුළදී කඩුලු 3කට ලකුණු 278ක් ලබා ගැනීමට සමත් විය.  ඒ අයර්ලන්තයට එරෙහිව දෙහ්රාදූන්හිදී පැවති දෙවැනි විස්සයි20 තරඟයේදීය. මීට පෙර ඕස්ට්‍රේලියාව මෙම වාර්තාවට හිමි කම් කියු අතර ඔවුන් ශ්‍රී ලංකාවට එරෙහිව ලකුණු 263ක් ලබා ගනිමින් මෙම වාර්තාව පිහිටුවීය.  

ඇෆ්ඝනිස්ථානය - ඕවර 20 කදී කඩුලු 3 ක් දැවී 278
(හස්රතුල්ලා සසාල් නොදැවී 162, උස්මාන් ඝානී 73)

අයර්ලන්තය - ඕවර 20 කදී කඩුලු 6 ක් දැවී 194
(පෝල් ස්ටිලිංග් 91, කෙවින් ඕබි්‍රයන් 37, ශේන් ගෙට්කේට් 24, රෂීඞ් ඛාන් 25/4)

 

ශ‍්‍රී ලංකාව සහ දකුණු අප‍්‍රිකාව අතර පැවැත්වෙන දෙවැනි ටෙස්ට් තරගයේ  පන්දුවට පහර දෙමින් සිටි ශ්‍රී ලංකා පිළ  ලකුණු 154 කට සියලුම ක්‍රීඩකයන් දවා ගැනිමට දකුණු අප්‍රිකානු පන්දු යවන්නෝ සමත්වූහ.

මේ වන විට දකුණු අප්‍රිකාව සිය දෙවන ඉනිම සඳහා එක් කඩුල්ලක් දැවි ලකුණු 10ක් ලබා සිටින්නේය.



ශ්‍රී ලංකා ක්‍රිකට් ආයතනය විසින් ස්ථාපිත කරනු ලැබූ "ශ්‍රී ලංකා ක්‍රිකට් කෞතුකාගාරය" ක්‍රීඩා අමාත්‍ය හරීන් ප්‍රනාන්දු මහතා විසින් අද උදෑසන (20) විවෘත කරන ලදී.

ශ්‍රී ලංකා ක්‍රිකට් මූලස්ථානය තුල ඉදිකර ඇති මෙම කෞතුකාගාරය හරහා මෙරට ක්‍රිකට් ක්‍රීඩාවේ අමරණීය මතක සටහන් රැසක් මහජනතාව හට ප්‍රථම වතාවට දැක ගැනීමට අවස්ථාව හිමිවේ. එමඟින් ශ්‍රී ලංකා ටෙස්ට් ක්‍රිකට් ඉතිහාසයත්, එක්දින තරග ඉතිහාසයත්, විස්සයි 20 තරග ඉතිහාසයත් අප කණ්ඩායම විසින් ලබා ගත් ජයග්‍රහණ සහ කුසලානත් ප්‍රදර්ශනය කරන අතර ක්‍රිකට් ක්‍රීඩාවේ ඓතිහාසික හැරවුම් ලක්ෂයන් ද මෙහිදී ප්‍රදර්ශනය කරනු ලැබේ.

තවද කෞතුකාගාරය නැරඹීමට පැමිණෙන නරඹන්නන් හට ශ්‍රී ලංකා ක්‍රිකට් ක්‍රීඩා වංශ කතාවේ අමරණීය ජයග්‍රහණයන් වන 1996 ලෝක කුසලානයත්, 2014 විස්සයි 20 ලෝක කුසලානය සහ ජයග්‍රාහී ආසියානු කුසලාන ද නැරඹීමේ අවස්ථාව හිමිවනු ඇත.

එමෙන්ම, මේ දක්වා ශ්‍රී ලංකා කණ්ඩායමට නායකත්වය ලබා දුන් ටෙස්ට්, එක්දින සහ විස්සයි 20 නායකයන්ගේ නම් සඳහන් සමරු ඵලකයක් සහ මේ දක්වා ටෙස්ට් වරම් හිමිකරගත් ශ්‍රී ලංකා ක්‍රීඩකයන්ගේ නම් සඳහන් සමරු ඵලකයක් ද, විවිධ අවස්ථාවලදී ක්‍රිකට් කණ්ඩායම ලැබූ සුවිශේෂී සමරු සටහන් සහිත පන්දු සහ ක්‍රිකට් පිති ද මෙහිදී ප්‍රදර්ශනය කරනු ලැබේ.

මෙම අවස්ථාවට ශ්‍රී ලංකා ක්‍රිකට් නිසි බලධාරී චූලානන්ද  පෙරේරා,ප්‍රධාන විධායක නිලධාරී ඈෂ්ලි ද සිල්වා, ප්‍රධාන මෙහෙයුම් නිලධාරී ජෙරම් ජයරත්න යන මහත්වරුන් සහ ශ්‍රී ලංකා කණ්ඩායම නියෝජනය කරමින් එක් දින සහ විස්සයි 20 නායක ලසිත් මාලිංග ද, ශ්‍රී ලංකා ක්‍රිකට් අනුග්‍රාහකයින් සහ මාධ්‍යවේදීන් ද සහභාගී විය.    

ශ්‍රී ලංකා ක්‍රිකට් මූලස්ථානයේ පිහිටා ඇති මෙම ක්‍රිකට් කෞතුකාගාරය මහජනයා වෙනුවෙන් සතියේ දිනවල පෙරවරු 9.00 සිට පස්වරු 5.00 දක්වා විවෘත කර තිබෙන අතර පාසල් ළමුන් සඳහා මෙය නොමිලේ නැරඹීමට අවස්ථාව ලබා දෙනු ලැබේ.

ශ්‍රී ලංකා කණ්ඩායම සහ දකුණු අප්‍රිකා කණ්ඩායම අතර පැවැත්වෙන පළමු ටෙස්ට් තරගයේ ශ්‍රී ලංකා පළමු ඉනිම ලකුණු 191කට සීමා විය. කුසල් පෙරේරා ලකුණු 51 ලබා ගත් අතර දිමුත් කරුණාරත්න ලකුණු 30ක් ලබාගත්තේය. දකුණු අප්‍රිකා කණ්ඩායම වෙනුවෙන් ස්ටේන් ලකුණු 48ට කඩුලු 4ක් බිඳ දැමීය.

තරගයේ මුලින් පන්දුවට පහරදුන් දකුණු අප්‍රිකා කණ්ඩායම සිය පළමු ඉනිමට ලකුණු 235ක් ලබා ගත්තේය.

නවසීලන්තය හා සංචාරක බංග්ලාදේශ කණ්ඩායමට අතර නේපියර්හිදී පැවැති පළමු එක්දින ජාත්‍යන්තර ක්‍රිකට් තරගයෙන් කඩුලු 8 ක ජයක් වාර්තා කිරීමට නවසීලන්ත කණ්ඩායම ඊයේ (13) සමත් විය. ඒ අනුව තරග 3 කින් සමන්විත එක්දින තරගාවලිය 1-0 ක් ලෙස පෙරමුණ ගැනීමට නවසීලන්තය සමත් විය.  

කාසියේ වාසිය දිනා පළමුවෙන් පන්දුවට පහරදුන් බංග්ලාදේශ කණ්ඩායම ඕවර 48.5 ක් අවසානයේ සියලු දෙනා දැවී ලකුණු 232 ක් ලබාගත්තේය. ජයග්‍රහණය සඳහා ලකුණු 233 ක ඉලක්කයක් හඹාගිය නවසීලන්ත ක්‍රීඩකයෝ ඕවර 44.3 ක් අවසානයේ කඩුලු 2 ක් පමණක් දැවී පහසුවෙන්ම එම ඉලක්කය සම්පූර්ණ කිරීමට සමත් විය.  දක්ෂ පිතිහරඹයක නිරත වූ ආරම්භක පිතිකරු මාටින් ගප්ටිල් පන්දු 116 කදී හයේ පහර 4 ක් සහ හතරේ පහර 8 ක් සමග නොදැවී ලකුණු 117 ක් රැස්කරමින් සිය කණ්ඩායම ජයග්‍රහණය කරා රැගෙන ගියේය. 

බංග්ලාදේශය - ඕවර 48.5 කදී සියලු දෙනා දැවී 232 
(සෞම්‍ය සාකර් 30, මොහොමඞ් මිතුන් 62, මෙහෙදි හසන් 26, මොහොමඞ් සයිෆුඩීන් 41, ටේ‍රන්ට් බෝල්ට් 40/3, මිචෙල් සෑන්ට්නර් 45/3, ලොකී ෆර්ගියුසන් 44/2, මැට් හෙන්රි 48/2) 

නවසීලන්තය - ඕවර 44.3 කදී කඩුලු 2 ක් දැවී 233
(මාටින් ගප්ටිල් නොදැවී 117, හෙන්රි නිකෝල්ස් 53, රොස් ටේලර් නොදැවී 45) 


 දකුණු අප්‍රිකාව සහ පාකිස්ථානය අතර පැවති තුන්වන  T20 තරගය ලකුණූ 27කින් ජය ගැනීමට පාකිස්ථාන කණ්ඩායම ඊයේ(06) සමත් විය.
තරගයේ මුලින් පන්දුවට පහරදුන් පාකිස්ථානය කඩුලු 09ක් දැවී ලකුණු 168ක් ලබා ගත්තේය. ඊට පිළිතුරු ලෙස පිවිසි දකුණු අප්‍රිකානු කණ්ඩායමට නියයමිත පන්දුවාර 20 අවසානයේ කඩුලු 09ක් දැවි ලබා ගත හැකි වූයේ ලකුණු 141ක් පමණි.
කෙසේවෙතත් තරග තුනකින් සමන්විත T20 තරගාවලියේ පළමු තරග දෙකම ජයගත් දකුණු අප්‍රිකාව තරගාවලියේ ශුරතාව හිමිකර ගත්තේය.
 

Page 2 of 7

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.