lakbima.lk


ශ්‍රී ලංකා ප්‍රේක්ෂකයන් කාඩිෆ් පිටියට පැමිණියේ ජයග්‍රහණය  භුක්තිවිඳීමේ අපේක්ෂාවෙනි. එහෙත් ඔවුන් පත්වූයේ බලා‍පොරොත්තු කඩවීමකටය.

විනෝද වීම පිණිස ගෙන ආ ඩ්‍රම්ස් ගිටාර් ද රැගෙන ඉක්මනින් අහවර වූ තරගයෙන් පසුව ඔවුන් යළි රැස් වූයේ ක්‍රීඩාංගණයෙන් පිටත වූ එළිමහනකය.

පිටතින් බලන්නෙකුට පෙනුණේ මේ ජයග්‍රහණය සැමරීමක් විය හැකි බවය. සැබෑ ජයග්‍රහණය භුක්ති විඳි නවසීලන්ත ප්‍රේක්ෂකයනට පවා මෙය ප්‍රහේලිකාවක් විය.

අන්තයේදී මේ අපූරු ක්‍රීඩාශීලිත්වයෙන් පුදුමයට පත් නවසීලන්ත ප්‍රේක්ෂකයන් පිරිසක්ද ඔවුනට එක් වී නටන්නටත් ගයන්නටත් පටන් ගත් බව කියැවෙයි.


දකුණු අප්‍රිකානු වේග පන්දු කරු කගීසෝ රබාඩා පවසා තිබුණේ කොපමණ හොඳ පිතිකරුවකු වුවද කෝලි නිතර හැසිරෙන්නේ අපරිණත ලෙස බවයි. “අපි නම් පැලෑන් එකට අනුවයි සෙල්ලම් කරන්නේ.

ඒත් මේ හාදයා? මම හතරක් ගහනවා, ගහල මොන මොනවාදෝ කියනවා. ඒකට අපි මොනවාහරී කිව්වොත් ඕන්න කේන්ති ගන්නවා. මට නම් තේරෙන්නෙ  නැහැ මොන මිනිහෙක්ද කියලා.”


එහෙත් පසුගිය සතියේ මේ රබාඩා - කෝලි හටන ඊළඟ දවසකට කල් ගියේ දෙදෙනාගේම දවස හොඳ නැති වූ බැවිනි.

ඇෆ්ගනිස්තානය සහ අයර්ලන්තය අතර පැවති දෙවැනි එක්දින ක්‍රිකට් තරගයෙන් ලකුණු 126 ක ජයක් වාර්තා කිරීමට ඇෆ්ගනිස්තානය සමත් විය.

 මෙම තරගයේදී ඇෆ්ගනිස්තානය වෙනුවෙන් විශිෂ්ට දස්කම් දැක්වූ මොහොමඩ් ෂෙෂාර්ඩ් ලකුණු 101 ක්ද ගුලාබ්ඩීන් නේබ් ලකුණු 43 ට කඩුලු 6 ක්ද බිඳ දැමීය.

 මුලින්ම පන්දුවට පහරදුන් ඇෆ්ගනිස්තානය පන්දුවාර 50 දී කඩුලු 7 ට ලකුණු 307 ක් ලබාගත් අතර අයර්ලන්තයට පන්දුවාර 41.2 දී ලබාගත හැකිවූයේ ලකුණු 179 ක් පමණි. තරග 3 කින් සමන්විත තරගාවලිය මේ වන විට 1-1 ලෙස සමවී තිබේ.



ලෝක කුසලාන ක්‍රිකට් තරගාවලියේ නිල පුහුණු තරග යටතේ ශ්‍රී ලංකාව සහභාගි වන පළමු පුහුණු තරගය දකුණු අප්‍රිකාවට එරෙහිව 24 දා පැවැත්වේ.

මෙම තරගය කාඩිෆ්රි සොෆියා ක්‍රීඩාංගණයේදී දිවා තරගයක් ලෙස පැවැත්වේ.

ශ්‍රී ලංකාව සිය දෙවැනි පුහුණු තරගය ඔස්ට්‍රේලියාවට එරෙහිව ලබන 27 දා පැවැත්වේ.

මෙම තරගය සවුත්හැම්ප්ටන්හිදී දිවා තරගයක් ලෙස පැවැත්වෙන බව ජාත්‍යන්තර ක්‍රිකට් කවුන්සලය නිවේදනය කරයි.

ශ්‍රී ලංකාව ලෝක කුසලාන ක්‍රිකට් තරගාවලිය යටතේ ලබන 1 දා කාඩිෆ්හිදී නවසීලන්තයට එරෙහිව තරග වදියි.

අයර්ලන්තයේ පැවැත්වෙන කොදෙව්-බංග්ලාදේශ සහ අයර්ලන්තය අතර තුන් කොන් ක්‍රිකට් තරගාවලියේ අවසන් මහ තරගයට සුදුසුකම් ලැබිමට කොදෙව් සහ බංග්ලාදේශ කණ්ඩායම් සමත් වූහ.

අවසන් මහ තරගයට පෙර අයර්ලන්තය සමග මූලික වටයේ දෙවැනි තරගය ඉතිරිව තිබියදී ලකුණු සටහනේ පෙරමුණ ගනිමින් බංග්ලාදේශය අවසන් සම සටනට පිවිසුණි.

මේ වන විට බංග්ලාදේශය ලකුණු 10ක්ද කොදෙව් ලකුණු 9ක්ද ලබා සිටින අතර අයර්ලන්තය තරග තුනක් පරාජය වී සිටියි.

මූලික වටයේ බංග්ලාදේශය සහ අයර්ලන්තය අතර තරගයෙන් ජය ගත්තද අයර්ලන්තයට අවසන් තරගයට පිවිසීමේ අවස්ථාව අහිමි වී තිබේ.

Page 1 of 8

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.