lakbima.lk

ජාතික මහා ක්‍රීඩා උළෙ‍ලේ තරග රැසක් කල් යන ලකුණු


45 වැනි ජාතික මහා ක්‍රීඩා උළෙ‍ලේ පාපැදි, තරග ඇවිදීම සහ මැරතන් තරග කල් දැමීමට සිදුවී ඇති බව අමාත්‍යාංශ ආරංචි මාර්ග සඳහන් කරයි.

මේ මස 23,24,25 සහ 26 දිනවල අනුරාධපුරේදී මෙම තරග පැවැත්වීමට සැලසුම් කර තිබුණි.
එහෙත් රටේ උද්ගතවූ තත්ත්වය හේතුවෙන් මෙම තරග කල් දැමීම කෙරෙහි අවධානය යොමුවී තිබේ.

මේ පිළිබඳ සාකච්ඡා කිහිපයක් පසුගිය දිනවල අනුරාධපුරේදී පවත්වා ඇති නමුත් අවසන් තීරණයක් ගෙන නොමැති බව වාර්තා වේ.

 ජාතික මහා ක්‍රීඩා උළෙ‍ලේ ඉසව් 34 ක් පැවැත්වෙන අතර ඉන් මේ දක්වා පවත්වා ඇත්තේ නුවරඑළියේ පැවැති ජාතික රට හරහා දිවීමේ තරගය පමණි.

 ජාතික මහා ක්‍රීඩා උළෙ‍ලේ සමාප්ති උළෙල ලබන සැප්තැම්බර් මස බදුල්ල වින්සන්ට් ඩයස් ක්‍රීඩාංගණයේදී පැවැත්වීමට සැලසුම් කර තිබේ.

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.