lakbima.lk

දකුණු අප්‍රිකානු සුපිරි වේග පන්දු යවන්නකු වන ඩේල් ස්ටේන් ආබාධයක් හේතුවෙන් ලෝක කුසලාන තරගාවලියෙන් ඉවත්වී තිබේ.

ලෝක කුසලානට පෙර පැවති පළමු පුහුණු තරගයේදී ආබාධයකට ගොදුරුවූ ස්ටේන් සුවය බලා‍පොරොත්තුවෙන් සිටියද අවසානයේ ඉවත් විය.

ස්ටේන් දකුණු අප්‍රිකාව සහභාගීවූ පළමු තරග දෙකටද ක්‍රීඩා නොකළේය. එම තරග දෙකෙන්ම දකුණු අප්‍රිකාවට පරාජය හිමිවිය.

ස්ටේන් වෙනුවට වමත් වේග පන්දු යවන්නකු වන බියුරන් හෙන්ඩ්රික්ස් කැඳවීමට දකුණු අප්‍රිකානු තේරීම් කමිටුව පියවර ගෙන තිබේ.

ඔස්ට්‍රේලියාවට මීළඟ තරගයේදී සුපිරි ක්‍රීඩකයන්ගෙන් සමන්විත කොදෙව් පිලෙන් තියුණු තර්ජනයක් එල්ල වන බවත් ඊට සූදානම් විය යුතු බවත් ඔස්ට්‍රේලියානු හිටපු නායක ස්ටීව් වෝ  අනතුරු හඟවා තිබේ.

 පළමු තරගයේදී ඇෆ්ගනිස්තානයට එරෙහිව පහසු ජයක් ලැබුවද තරග දිනවන්නන් රැසක් සිටින කොදෙව් පිල තියුණු අභියෝගයක් බව වෝ පවසයි.

 කොදෙව් පි‍ලේ පිතිකරු ලැයිස්තුව ඉතා ශක්තිමත් වන අතර නොම්මර 9 තෙක්ම තරග දිනවන්නන් සිටීම කැපී පෙනෙයි. පළමු තරගයේදී පකිස්තානය ලකුණු 105 කට දවාගත් කොදෙව් පන්දු යවන්නන්ද තම ශක්තිය පෙන්වීම නිසා කොදෙව් වේග පන්දු යවන්නන් කෙරෙහිද සෙසු රටවල අවධානය යොමුවි යුතු බව වෝ පවසයි

 

ලෝක කුසලාන එක්දින ක්‍රිකට් තරගාවලියේ  ශ්‍රී ලංකාව සහ ඇෆ්ගනිස්තානය අතර තරගය  කාඩිෆ් හීදි ඊයේ (04) පැවැත්විණි.

ලකුණු 187ක ජයග්‍රාහි ඉලක්කයක් හඹා ගිය ඇෆ්ගනිස්තානය පන්දුවාර 32යි පන්දු 4කදී සියල්ලන් දැවි රැස් කරගත්තේ ලඛුණු 152කි. ඒ අනුව ශ්‍රී ලංකා පිලට ලකුණු 34 ක ජයක් හිමිවිය.

ශ්‍රී ලංකා ඉනිම අරඹූ නායක දිමුත් කරුණාරත්න සහ කුසල් ජනිත් පෙරේරා පළමු කඩුල්ලට ලකුණු 92ක සාර්ථක සබඳතාවයක් ගොඩනැගීය. එහිදී දිමුත් කරුණාරත්න ලකුණු 30ක් රැස් කළේය.

අනතුරුව කුසල් පෙරේරාට එක් වු ලහිරු තිරිමාන්න දෙවන කඩුල්ලට ලකුණු 52 සබඳතාවයක් ගොඩනැගුවේ ය.

කුසල් ජනිත් පන්දු 81කදී  ලකුණු 78ක් රැස් කළේය.

තරගයට වර්ෂාවෙන් බදා එල්ල වීමත් සමඟ ඩක්වත් ලුවිස් න්‍යායට අනුව තරගයේ පන්දු වාර සංඛ්‍යාව 41කට සීමා විය.

ඒ අනුව ශ්‍රී ලංකා කණ්ඩායම පන්දුවාර 36යි පන්දු 5කදී සියල්ලන් දැවී ලකුණු 201ක් රැස් කළේය.

ඇෆ්ගනිස්ථානයට හිමි වු ඉලක්කය වුයේ පන්දුවාර 41කදී ලකුණූ 187ක් ලබා ගැනීමයි.

ලෝක කුසලාන ක්‍රිකට් තරගාවලිය යටතේ ශ්‍රී ලංකාව සහභාගී වන දෙවැනි තරගය ඇෆ්ගනිස්තානයට එරෙහිව අද (4 දා) කාඩිෆ්හිදී පැවැත්වේ.

ශ්‍රී ලංකාව මුහුණ දුන් පළමු තරගයෙන් නවසීලන්තය හමුවේ කඩුලු 10 ක පරාජයක් ලැබිය.

මුලින්ම පන්දුවට පහරදුන් ශ්‍රී ලංකාව ලකුණු 136 කට දවා ගැනීමට නවසීලන්ත පන්දු යවන්නන් සමත්වූ අතර ලකුණු 137 ක ඉලක්කය පහසුවෙන් පසු කළේය.

නවසීලන්ත පන්දු යවන්නන් විශිෂ්ට පන්දු යැවීමක නිරතවූ අතර නායක දිමුත් කරුණාරත්න හැරුණු කොට කිසිදු පිතිකරුවෙකු දිගු ඉනිමක් ක්‍රීඩා කිරීමට අසමත් විය.

පරාජයෙන් පසු අදහස් දැක්වූ නායක දිමුත් පැවසුවේ පිතිකරුවන්ගේ දුර්වලතාවය හේතුවෙන් තරගය සටනකින් තොරව පරාජයවූ බවයි.

 2019 ලෝක කුසලාන ක්‍රිකට් තරගාවලිය ආරම්භ කරමින් සත්කාරක එංගලන්තය සහ දකුණු අප්‍රිකාව අතර තරගය අද (30 දා) ලන්ඩන්හි ඕවල් පිටියේදී පැවැත්වේ.
 
 එංගලන්ත පිල එවයින් මෝගන් විසින් මෙහෙයවනු ලබන අතර දකුණු අප්‍රිකාව ෆැෆ් ඩුප්ලෙසිස් විසින් මෙහෙයවනු ලබයි.
 
 මෙවර ලෝක කුසලාන දිනා ගනිතැයි අනාවැකි පලවී ඇති ප්‍රබල එංගලන්ත පිලට පළමු තරගයේදීම ප්‍රබල ප්‍රතිවාදියකු මුණ ගැසී තිබිම කැපී පෙනෙයි.
 
 එංගලන්තය මෙන්ම දකුණු අප්‍රිකාවද ප්‍රබල ක්‍රිඩකයන්ගෙන් සමන්විත වන අතර දෙපි‍ලේම පන්දු යැවීමේ මෙන්ම පිතිකරණ අංශයද ප්‍රබල තත්ත්වයක පසුවෙයි.
 
 දකුණු අප්‍රිකානු අත්දැකීම් පිරි වේග පන්දු යවන්නා වන ඩේල් ස්ටේන් අද තරගයට ක්‍රීඩා නොකරන බව එංගලන්තයෙන් වාර්තා වෙයි.
 
 මේ අතර පසුගියදා පුහුණු තරගයේදී ආබාධයකට ගොදුරුවූ මාක් වුඩ්ද අද ක්‍රීඩා කිරීම සැක සහිතවී තිබේ.
 මේ අනුව එංගලන්ත පිතිකරුවන් ලෙස ජේසන් රෝයි, බේස්ටෝව්, රූට්, මෝගන්, බට්ලර්, මොයින් අලී සහ බෙන් ස්ටෝක්ස් ක්‍රිඩා කරති.
 
 වේග පන්දු යවන්නන් ලෙස ආචර්, ප්ලන්කට් හෝ ටොම් කරන්  සහ වෝක්ස් ක්‍රීඩා කරන අතර දඟ පන්දු යවන්නා ලෙස අදිල් රෂීඩි ක්‍රීඩා කිරීමට නියමිතව තිබේ.
 
 දකුණු අප්‍රිකානු පිතිකරුවන් ලෙස මාක්රම්, අම්ලා, කොක්, ඩුප්ලෙසිස්, වැන්ඩර් ඩුසන්, ඩුමිනි සහ මිලර් ක්‍රීඩා කිරීමට නියමිතව තිබේ.
 
 වේග පන්දු යවන්නන් ලෙස පෙස්ලුක්වායෝ, රබාඩා සහ එන්ගිඩි ක්‍රීඩා කිරීමට නියමිතව ඇති අතර දඟ පන්දු යවන්නා ලෙස ඉම්රාන් තහීර් ක්‍රීඩා කරයි.
 
 මෙවර ලෝක කුසලාන ක්‍රිකට් තරගාවලියේ මූලික වටයේ තරග 48 ක් පැවැත්වෙන අතර ලකුණු සටහනේ ඉහළින්ම සිටින කණ්ඩායම් අතර අවසන් පූර්ව තරග පවත්වා අවසන් මහ තරගය පැවැත්වේ.
 
 මෙවර ලෝක ශූරයන්ට ඩොලර් මිලියන 4 ක්ද අනු ශූරයන්ට ඩොලර් මිලියන 2 ක්ද අවසන් පූර්ව වටයට පිවිසෙන කණ්ඩායම් වලට ඩොලර් ලක්ෂ 8 ක්ද හිමිවේ.
 
 එංගලන්ත සංචිතය
 
 එවයින් මෝගන් (නායක) ජේසන් රෝයි, ජොනී බේස්ටෝව්, ජෝ රූට්, ජොස් බට්ලර්, මොයින් අලී, බෙන් ස්ටෝක්ස්, ක්‍රිස් වෝක්ස්, ලියම් ප්ලන්කට්, ජොෆ්රා ආචර්, අදිල් රෂීඩ්, ජේම්ස් වින්ස්, ලියම් ඩෝසන්, මාක් වුඩ්, ටොම් කරන්
 
 දකුණු අප්‍රිකානු සංචිතය
 
 ෆැෆ් ඩුප්ලෙසිස් (නායක) හෂීම් අම්ලා, ඒඩ්‍රියන් මාක්රම්, ක්වින්ටන් ඩි කොක්, වැන්ඩර් ඩුසන්, ජේ.පී.ඩුමිනි, ඩේවිඩ් මිලර්, පෙස්ලුක්වායෝ, කගිසෝ රබාඩා, ලුන්ගි එන්ගිඩි, ඉම්රාන් තහීර්, ටබ්රේෂ් ෂම්සි, ඩේන් ප්‍රිටෝරියස්, නොට්ජේ, ක්‍රිස් මොරිස්

ලෝක කුසලාන ක්‍රිකට් පුහුණු තරග යටතේ පැවති නවසීලන්තය සහ කොදෙව් අතර තරගයේදී ලකුණු 421 ක් රැස් කිරිමට කොදෙව් පිතිකරුවෝ සමත් වූහ.
 
 මෙවර ලෝක කුසලාන තරගාවලියේ ප්‍රබලතම පන්දු යැවීමේ බලඇණිය සතුවන නවසීලන්තයට එල්ලවූ මෙම ප්‍රහාරය කොදෙව් පිලෙන් සෙසු කණ්්ඩායම් වලට කළ අනතුරු ඇඟවීමක් බව ක්‍රිකට් විචාරකයෝ පවසති.
 
 ප්‍රබල ප්‍රහාරක පිතිකරුවන්ලෙන් සමන්විත කොදෙව් පිතිකරු ලැයිස්තුව මෙම තරගයේ පළමු පන්දුවේ සිට අවසානය දක්වා ප්‍රහාරයක් දියත් කිරිම කැපී පෙනෙයි.
 
 මෙම තරගයේදී ෂායි හෝප් ශතකයක් ලබා ගත් අතර ලුවිස් සහ රසල් අර්ධ ශතක වාර්තා කළහ.
 නවසීලන්තය වෙනුවෙන් නවක ක්‍රීඩක ටොම් බ්ලන්ඩෙල් ලකුණු 101 ක්ද විලියම්සන් ලකුණු 85 ක්ද රැස්කළ අතර තරගයෙන් කොදෙව් පිලට ජය හිමිවිය.
 
 ලකුණු තත්ත්වය
 
 කොදෙව් පන්දුවාර49.2 දී 421 යි
 
 ගේල් 36 ලුවිස් 50 හෝප් 101 බ්‍රාවෝ 25 හෙට්මයර් 27 හෝල්ඩර් 47 රසල් 54 බ්‍රාත්වේට් 24 නර්ස් නොදැවී 21 ටේ‍රන්ට් බෝල්ට් 50-4 යි
 
 නවසීලන්තය පන්දුවාර 47.2 දී 330 යි
 
 ටොම් බ්ලන්ඩේල් 106 කේන් විලියම්සන් 85 ඉෂ් සෝඩි 39 බ්‍රාත්වේට් 75-3 යි ෆේබියන් ඇලන් 47-2 යි   

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.