lakbima.lk


85 වැනි ශා.ජෝසප් සහ ශා.පීතර අතර සාන්තුවරයන්ගේ මහ සටනට මෙවරත් තෙවැනි වරටත් ඩයලොග් අනුග්‍රහය හිමිවී තිබේ.
ශ්‍රී ලංකාවේ ප්‍රධානතම මහ ක්‍රිකට් තරග සියල්ලටම අනුග්‍රහය දැක්වීමට ඩයලොග් ආසියාටා ඉදිරිපත්වී ඇති අතර ඒ අනුව රාජකීය-ශා.තෝමස් සහ ආනන්ද-නාලන්ද මහ තරග වලටද අනුග්‍රහය දක්වයි.
ශ්‍රී ලංකාව පුරා පැවැත්වෙන මහ තරග 15 කට අධික සංඛ්‍යාවකට මෙවරද ඩයලොග් ආසියාටා සමාගම අනුග්‍රහය දැක්වීමට ඉදිරිපත්වී සිටියි.
ශා.ජෝසප් සහ ශා.පීතර අතර මොරිස් ජේ. ලෙගෝ පියතුමාගේ කුසලාන සඳහා 85 වැනි සාන්තුවරයන්ගේ සටන මාර්තු 1 සහ 2 දෙදින පී.සරා පිටියේදී පැවැත්වේ.

ශා.ජෝසප්-ශා.පීතර මහ තරග ඉලූහාසයේ තරග 12 ක ජය ශා.ජෝසප් විදුහලටත් තරග 10 ක ජය ශා.පීතර විදුහලටත් හිමිවී තිබේ.
චමින්ද වාස්, ඇන්ජලෝ මැතිව්ස්, ඈෂ්ලි ද සිල්වා, තිසර පෙරේරා, දිමුත් කරුණාරත්න, මයිකල් වැන්ඩොට්, රොෂේන් සිල්වා සහ සධීර සමරවික්‍රම ශා.ජෝසප් විදුහලෙන් ජාතික පිල නියෝජනය කර ඇති අතර රෝයි ඩයස්, රුමේෂ් රත්නායක,විනෝදන් ජෝන්, රසල් ආනල්ඩ්, අමල් සිල්වා, කෞෂාල් ලොකුආරච්චි, මලින්ද වර්ණපුර සහ ඇන්ජලෝ පෙරේරා ශා.පීතර විදුහලෙන් ජාතික පිලට ක්‍රීඩා කර තිබේ.
ශා.ජෝසප්-ශා.පීතර මහතරගයට අනුග්‍රහය දැක්වීම සංකේතවත් කරමින් අදාල අනුග්‍රාහක චෙක් පත පිරිනැමූ අයුරු
 

සංචාරක ශ්‍රී ලංකා කණ්ඩායම සහ දකුණු අප්‍රිකා කණ්ඩායම අතර පැවැත්වෙන තරගාවලියේ පළමු තරගය වන ටෙස්ට් තරගය අද(13) ඩර්බන්හි කිංග්ස්මේඞ් ක්‍රීඩාංගණයේදී  ආරම්භ විය. ශ‍්‍රී ලංකා කණ්ඩායම මෙම තරගයට සහභාගී වන්නේ දිමුත් කරුණාරත්නගේ නායකත්වයෙනි. මෙම තරගාවලිය සඳහා නවක ක‍්‍රීඩකයින් කිහිප දෙනෙකුම ශ‍්‍රී ලංකා කණ්ඩායමට ඇතුළත් කර ඇත.

කාසියේ වාසිය හිමිකර ගත්  ශ්‍රී ලංකා පිළ පන්දු රැකීමට තීරණය කර ඇත.

ශ්‍රී ලංකා සංචිතය

දිමුත් කරුණාරත්න (නායක), නිරෝෂන් දික්වැල්ල,චාමික කරුණාරත්න,මිලින්ද සිරිවර්ධන, ළහිරු තිරිමාන්න, කෞෂාල් සිල්වා, කුසල් මෙන්ඩිස්, කුසල් පෙරේරා, සුරංග ලක්මාල්, කසුන් රාජිත, විශ්ව ප්‍රනාන්දු, ධනංජය ද සිල්වා, ඕෂධ ප්‍රනාන්දු, ඇන්ජලෝ පෙරේරා,  මොහොමඞ් ෂිරාස්, ලක්ෂාන් සඳකැන් සහ ලසිත් ඇඹුල්දෙණිය

දකුණු අප්‍රිකානු සංචිතය

ඩු ප්ලෙසි (නායක), හසිම් අම්ලා, ටෙම්බා බවුමා, ඩුඈන් ඔලිවර්, වර්නන් පිලැන්ඩර්,තියුනිස් ඩි බෘයින්, ක්වින්ටින් ඩි’කොක්, ඩීන් එල්ගා,  සුබෙයිර් හම්සා, කේෂව් මහරාජ්, ඒඞ්න් මාක්රම්, වියාන් මල්ඩර්, කගීසෝ රබාඩා සහ ඬේල් ස්ටේන්

 

ශ්‍රී ලංකා ක්‍රිකට් ආයතනයේ නිලවරණය සඳහා ඉදිරිපත් වු තමන්ගේ හා රවීන් වික්‍රමරත්නයන්ගේ නාම යෝජනා අභියාචනා කමිටුව විසින් ප්‍රතික්ෂේප කොට ඇති බව ගිය සිකුරාදා මධ්‍ය මගින් දැන ගන්නට ලැබුනත් මෙතෙක් තමන් වෙත ප්‍රතික්ෂේප වීමට හේතුන් නිල වශයෙන් දැනුම් දී නොමැති බව සභාපති ධූර අපේක්ෂක මොහාන් ද සිල්වා මහතා අද පැවති මාධ්‍ය හමුවකදී පැවසීය.

තව දුරටත් අදහස් දැක්වූ මොහාන් ද සිල්වා මහතා

මීට සුමාන දෙකක තුනක සිට ප්‍රතිවාදී පිලෙන් ක්‍රීඩා සමාජ වෙත කතා කර තමන් ඇතුළු කණ්ඩායම නැවත නිලවරණයට ඉදිරිපත් වීමට ඉඩ නෑ. ඔවුන් සමඟ එකතු වන ලෙස දන්නලා. සුදුසු කම් නොමැති ක්‍රිකට් ක්‍රීඩා නොකළ පුද්ගලයන් ක්‍රීඩා ව්‍යවස්ථාව උල්ලඝංනය කරලා එදිරිපත් වෙලා ඉන්නවා. සුදුසුකම් සම්පූර්ණ වැරදි වලට හසු නොවු අපි සියළුදෙනාට මෙසේ සිදු වීම ගැන පුදුම වනවා.  

 

2005 සිද්ධිය මූලික කරගෙන ප්‍රතික්ෂේප කරන්න නම් ඒ සම්බන්ධව අපිට එරෙහිව පරීක්‍ෂණයක් කරලා වරදකරුවන් වෙන් ඕනේ. ක්‍රීඩා පනතට අනුව මේ සිද්ධිය ගැන පරීක්‍ෂණයක් කළ යුතුයි. නමුත් එවැනි දෙයක් වූණේ නෑ. අපිට චෝදනා ඉදිරිපත් වෙලත් නෑ. පරීක්‍ෂණයක් කරලත් නෑ. ඉන් පසුවත් අපි ප්‍රධාන තනතුරුවල කටයුතු කළා. නමුත් කිසිඳු අවස්ථාවක අපි වරදකරුවන් වෙලා නෑ. අපේ නාමයෝජනා ප්‍රතික්ෂේප කරන්නේ නම 2005 දී තමන් සමඟ කමිටුවේ සිටි අයෙගෙත් නාමයෝජනා ප්‍රතික්ෂේප වෙන්න ඕන. ඒත් එහෙම වෙලා නෑ.

එම අසාධරණයට එරෙහිව කිරීමට අපි සූදානම්. ඒ වෙනුවන් දැනටමත් කටයුතු කරමින් සිටින බව මොහාන් ද සිල්වා මහතා පැවසීය.

 


සංචාරක ශ්‍රී ලංකා පිළ සහ දකුණු අප්‍රිකාව සමග පැවැත්වෙන ටෙස්ට් තරඟාවලියේදී ශ්‍රි ලංකා ක්‍රිකට් කණ්ඩායම සමග එක්වීම සඳහා ක්‍රීඩකයින් සිව් දෙනෙකු අද අළුයම දකුණු අප්‍රිකාව බලා පියත්ව ගියහ. ඒ අනුව කණ්ඩායමට එකතුවන ක්‍රීඩකයන් වන්නේ මිලින්ද සිරිවර්ධන, කෞෂාල් සිල්වා, ඕෂධ ප්‍රනාන්දු හා මොහොමඩ් ශිරාස් ය. ඔස්ට්‍රේලියා සංචාරය නිමවූ ශ්‍රී ලංකා කණ්ඩායමද ඊයේ (06) ඔස්ට්‍රේලියාවේ සිට දකුණු අප්‍රිකාව බලා ගියහ.

දකුණු අප්‍රිකානු සංචාරයේදී ශ්‍රී ලංකා ටෙස්ට් කණ්ඩායමේ නායකත්වය සඳහා ආරම්භක පිතිකරු දිමුත් කරුණාරත්න නම්කර ඇති අතර කණ්ඩායමේ උපනායකයා වශයෙන් නිරෝෂන් දික්වැල්ල පත්කර ඇත. ටෙස්ට් නායකත්වය මෙතෙක් දරන ලද දිනේෂ් චන්දිමාල්ට නායකත්වය හා කණ්ඩායමේ සාමාජිකත්වයද අහිමි වී තිබේ.

දකුණු අප්‍රිකාව බලා යන කණ්ඩායම ක්‍රීඩා ඇමති හරීන් ප්‍රනාන්දු මහතාගේ අනුමැතිය හිමිව තිබේ.

චන්දිමාල් මීට පෙර සදහන් කර තිබුනේ තමන් කෙටි කාලයකට ජාත්‍යන්තර පිටියෙන් ඉවත් වී දේශීය තරග සදහා සහභාගී වී පිතිකරණයේ අඩුපාඩු සකස් කර ගැනීමට අදහස් කර සිටින බවයි.

ශ්‍රී ලංකා කණ්ඩායම ඕස්ට්‍රේලියාවේ සිට දකුණු අප්‍රිකාව බලා පිටත්වන අතර ශ්‍රී ලංකාව සහ දකුණු අප්‍රිකාව අතර පළමු වැනි ටෙස්ට් තරගය මේ මස 13 වැනිදා ඩර්බන් නුවරදී ආරම්භ වේ. 

සංචාරක ශ්‍රී ලංකා කණ්ඩායම හා ඕස්ට්‍රේලියා කණ්ඩායම අතර කැන්බරා හිදී ආරම්භ වූ දෙවන ටෙස්ට් තරඟයේ පළමු දිනය අවසාන වන විට ඕස්ට්‍රේලියා කණ්ඩායම කඩුලු 4ක් දැවී ලකුණු 384 ක් රැස්කර ගැනීමට සමත් විය.

තරඟයේ කාසිය වාසිය දිනා මුලින් පන්දුවට පහර දීමට තීරණය කළ ඕස්ට්‍රේලියා කණ්ඩායම වෙනුවන් ජෝ බර්නස් නොදැවී ලකුණු 172 ක් රැස් කර ගැනීමට සමත් වූ අතර ට්‍රැවිස් හෙඩ් ලකුණු 161ක් රැස් කර ගැනීමට සමත් විය. ඔවුන් දෙදෙනා සිව්වෙනි කඩුල්ල වෙනුවෙන් ලකුණු 308ක සම්බන්ධතාවක් පැවැත්වීම හේතුවෙන් ඕස්ට්‍රේලියා කණ්ඩායම ප්‍රබල තත්වයක පසු වෙයි.

ශ්‍රී ලංකා කණ්ඩායමේ ජ්‍යෙෂ්ඨ වේගපන්දු යවන්නාවූ සුරංග ලක්මාල් නවක පන්දු යවන්නන් වන ළහිරු කුමාර සහ දුෂ්මන්ත චමීර ආබාධවලට ලක්ව සිටීම හේතුවෙන් අද තරඟයට ක්‍රීඩා නොකළ අතර ඒ හේතුවන් ටෙස්ට් වරම් හිමිකර ගැනීමට චාමික කරුණාරත්න සමත් විය.

ඕස්ට්‍රේලියාව - 384/4 (ජෝ බර්නස් නොදැවී 172, ට්‍රැවිස් හෙඩ් 161, විශ්ව ප්‍රනාන්දු 99/3, චාමික කරුණාරත්න 87/1)

Page 1 of 12

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.