lakbima.lk

ශ්‍රී ලංකා ක්‍රිකට් ක්‍රීඩකයන් මහරගම අපේක්ෂා රෝහලට (පිළිකා රෝහල) රුපියල් මිලියනයක වටිනාකමකින් යුත් අත්‍යවශ්‍ය ඖෂධ පරිත්‍යාග කර තිබේ.

මෙම අවස්ථාවට සහභාගිවී සිටි ශ්‍රී ලංකා ක්‍රිකට් ක්‍රීඩකයන් අපේක්ෂා රෝහ‍ලේ නේවාසිකව ප්‍රතිකාර ලබන රෝගී දරු දැරියන්ගේ සුවදුක් විමසමින් ඔවුන් සමග වැඩි කාලයක් ගතකර තිබේ.

ශ්‍රී ලංකා ක්‍රිකට් ආයතනයේ ක්‍රිකට් ඒඩ් ව්‍යාපෘතිය යටතේ මෙම සද්කාර්යය සංවිධානය කර තිබේ. ශ්‍රී ලංකා ටෙස්ට් නායක දිනේෂ් චන්දිමාල් ප්‍රමුඛ ක්‍රීඩකයෝ අදාල පරිත්‍යාගය සිදු කිරීමෙන් පසු නේවාසික දරු දරියන් සමග කාලය ගතකළ අයුරු ඡායාරූපවලින් දිස්වේ.

සිංගර් ශ්‍රී ලංකා සමාගමේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය සංවිධානය කරන අවු. 15න් පහළ අන්තර් පාසල් පළමු කොටසේ ක්‍රිකට් තරගාවලියේදී අභිෂේක්

ලියනාරච්චිගේ තුන් ඉරියව් දස්කම් සහ ගවිරු සෙන්හස්ගේ ශතකය හේතුවෙන් කොළඹ ඩී.එස්. සේනානායක විදුහලට ඉනිමක ජයක් අත්විය.

අභිෂේක් ලියනාරච්චි යක්කල ශ්‍රී චන්ද්‍රජෝති විද්‍යාලයට එරෙහිව පිත්තෙන් දස්කම් දක්වමින් ලකුණු 139ක් රැස් කළ අතර, පන්දුවෙන් ද දස්කම් දක්වමින් ලකුණු 32ට කඩුලු 7ක් දවාලීය.

මෙම තරගයේදී ගවිරු සෙන්හස් ලකුණු 113ක් රැස් කරමින් ඩී.එස්. ජයග්‍රහණය වෙනුවෙන් දායක විය.

කොළඹ ඩී.එස්. සේනානායක විද්‍යාලය යක්කල ශ්‍රී චන්ද්‍රජෝති විද්‍යාලයට එරෙහිව ඉනිමක සහ ලකුණු 144ක ජයක් වාර්තා කළ අතර, නාලන්දා, මාරිස්ටෙලා, ශා. සෙබස්තියන්, කේරි සහ පානදුර ශ්‍රී සුමංගල පළමු ඉනිමේ ජය වාර්තා කළේය.

ඩී.එස්.-යක්කල ශ්‍රී චන්ද්‍රජෝති

ශ්‍රී චන්ද්‍රජෝති: පළමු ඉනිම - 108 (පන්දුවාර 31.1) සුචිත්‍ර දෙනුවන් 55, අභිෂේක් ලියනාරච්චි 32/7

ඩී.එස්. සේනානායක: පළමු ඉනිම - 340/2 (පන්දුවාර 27) අභිෂේක් ලියනාරච්චි 139, ගවිරු සෙන්හස් 113, තිවිරු ගුණවර්ධන නොදැවී 40, දිනුක ද සිල්වා නොදැවී 38, සචින්ත තාරුක 82/2

ශ්‍රී චන්ද්‍රජෝති: දෙවැනි ඉනිම - 88 (පන්දුවාර 26.1) සුචිත්‍ර දෙනුවන් 49, විශ්ව ජයසිංහ 9/2, මාධව චතුරංග 10/2, චමිඳු කෞශාල් 17/2, මනුර පීරිස් 17/2

කොළඹ ඩී.එස්. සේනානායකයට ඉනිමක සහ ලකුණු 144ක ජයක්.

නාලන්දා-නුගේගොඩ ශාන්ත ජෝන්

නාලන්දා: පළමු ඉනිම - 168 (පන්දුවාර 33.3) සජිත විතානගේ 48, චනුල් අතුකෝරල 27, කුෂ්මිත සිල්වා 21, රංශික සෙනෙවිරත්න 20, දෙව්මිත් හෙට්ටිආරච්චි 13/3, චමුදිත් කෞශල්‍ය 27/2, ඩිල්ෂාන් ගුවන්ජිත් 32/2

නුගේගොඩ ශා. ජෝන්: පළමු ඉනිම - 147 (පන්දුවාර 58.2) ආකාෂ් නෙත්මිණ 46, නදිල් ජයකොඩි 30/5

නාලන්දා: දෙවැනි ඉනිම - 48/2 (පන්දුවාර 5) රංශික සෙනෙවිරත්න 37, මලින්ත ද සිල්වා 17/2

නාලන්දා විද්‍යාලයට පළමු ඉනිමේ ජයක්.

පන්නිපිටිය ධර්මපාල - කෝට්ටේ ශ්‍රී ජයවර්ධනපුර

ශ්‍රී ජයවර්ධනපුර: පළමු ඉනිම - 172 (පන්දුවාර 58) ලිසුක දින්සර 46, පසිඳු ආකර්ෂණ 44, උදාර නිශ්ශංක 33, දිනිඳු හේරත් 35/4, නිසල් පෙරේරා 7/2, චමත් ද සොයිසා 31/2

ධර්මපාල: පළමු ඉනිම - 132/9 (පන්දුවාර 46) ප්‍රවීන් මෙත්සර 44, සඳරු භානුක නොදැවී 31, දනිත් මධුෂාන් 21, දවිෂ්ක කළුආරච්චි 38/5

තරගය ජය පැරදුමෙන් තොරව අවසන් විය.

මලියදේව-මාත‍ලේ ශා. තෝමස්

ශා. තෝමස්: පළමු ඉනිම - 189 (පන්දුවාර 62.3) ටී. සුබසිංහ 38, ටී. රණවක 32, මාලිංග දසනායක 24, පී. හේරත් 23/3, අයි. සෝමරත්න 29/3, පී. කහගොල්ල 34/2

මලියදේව: පළමු ඉනිම - 178/9 (පන්දුවාර 40) පී. කහගොල්ල 72, ඒ. තෙන්නකෝන් 39, ජේ. මුතුකුමාර 33, ටී. සුබසිංහ 28/3, එස්. විජේසේකර 32/3, ඩී. කුලරත්න 28/2

තරගය ජය පැරදුමෙන් තොරව අවසන් විය.

මාරිස්ටෙලා-කෑගලු විද්‍යාලය

කෑගලු විද්‍යාලය: පළමු ඉනිම - 156 (පන්දුවාර 61) දස්සන ගම්ලත් 28, දේසඳු රාජපක්ෂ 23, අශාන් බණ්ඩාර 23, අනුහස් රත්නායක 20, නවිඳු විජේසූරිය 24/5, පසිඳු සිල්වා 21/2, ඉවීන් ප්‍රනාන්දු 59/2

මාරිස්ටෙලා: පළමු ඉනිම - 199/6 (පන්දුවාර 42) පසිඳු සිල්වා නොදැවී 67, කෙනත් පෙරේරා 42, දේසඳු රාජපක්ෂ 11/2, කවිඳු ජයරත්න 51/2

මාරිස්ටෙලා විද්‍යාලයට පළමු ඉනිමේ ජයක්.

ශා. සෙබස්තියන්-ලුම්බිණි

ශා. සෙබස්තියන්: පළමු ඉනිම - 201/4 (පන්දුවාර 42) ඉඳුවර ද අල්විස් 56, සංදීප් ප්‍රනාන්දු නොදැවී 38, යෂාන් අවිෂ්ක 37, මහේන් සිල්වා 29, ඩිෂේන් වීරසිංහ නොදැවී 27, යසිරු ජයසිංහ 33/2

ලුම්බිණි: පළමු ඉනිම - 124 (පන්දුවාර 40) ගයාන් කුමාරනායක 20, ඩිෂේන් වීරසිංහ 13/3, ඉඳුවර ද අල්විස් 40/3

ශා. සෙබස්තියන්ට පළමු ඉනිමේ ජයක්.

කේරි-රද්දොළුව ශ්‍රී ප්‍රඥානන්ද

ශ්‍රී ප්‍රඥානන්ද: පළමු ඉනිම - 112 (පන්දුවාර 45.2) අතින කනිල් නොදැවී 29, ඉරංග යේෂාන් 26/5, බිනුර සංදීප 25/2

කේරි: පළමු ඉනිම - 145/7 (පන්දුවාර 39.5) මොහොමඩ් නබිල් 48, චමෝද් දිනිඳු 17/2, සිතුම්

හිමාංෂන 29/2, ඉෂෝධ්‍ය යශෝර 37/2

ශ්‍රී ප්‍රඥානන්ද: දෙවැනි ඉනිම - 18/1 (පන්දුවාර 3.4)

කේරි විද්‍යාලයට පළමු ඉනිමේ ජයක්.

තර්ස්ටන්-ශා. බෙනඩික්ට්

තර්ස්ටන්: පළමු ඉනිම - 270 (පන්දුවාර 66.4) තෙනුර ශමික 73, ජනිඳු පීරිස් 42, හරිත් හර්ෂණ 36, රනිධ සෙන්මිත් 24, භානුල පෙරේරා 56/5, අධීෂ රන්දික 45/2, වර්ණජිත් වීරසිංහ 48/2

ශා. බෙනඩික්ට්: පළමු ඉනිම - 165/4 (පන්දුවාර 28) අශේන් ද සොයිසා නොදැවී 54, අධීෂ රන්දික 49, නිදුල ඩිල්ෂාන් 33, ඉසුරු දිල්හාර 30/2

තරගය ජය පැරදුමෙන් තොරව අවසන් විය.

පමෝද් ලසන්ත

බංග්ලාදේශයේ තරග සංචාරයක නිරත ශ්‍රී ලංකා ‘ඒ’ සහ බංග්ලාදේශ ‘ඒ’ අතර සිල්හෙට්හිදී පැවැති පළමු එක්දින ක්‍රිකට් තරගයේදී තියුණු සටනකින් පසු ශ්‍රී ලංකා ‘ඒ’ට ලකුණු දෙකක පරාජයක් අත්විය.

මේ අනුව තරග 3කින් සමන්විත එක්දින ක්‍රිකට් තරගාවලිය 1-0ක් ලෙස පෙරමුණ ගැනීමට බංග්ලාදේශ ‘ඒ’ සමත් විය.

පළමුවෙන් පන්දුවට පහර දුන් බංග්ලාදේශ ‘ඒ’ පන්දුවාර 50දී කඩුලු 7ක් දැවී ලකුණු 280ක් රැස් කළ අතර, පිළිතුරු ඉනිම ක්‍රීඩා කළ ශ්‍රී ලංකා ‘ඒ’ට පන්දුවාර 50දී සියලු දෙනා දැවී රැස්කරගත හැකිවූයේ ලකුණු 278ක් පමණි.

බංග්ලාදේශ ‘ඒ’ ඉදිරි පෙළ පිතිකරුවන් සියලු දෙනාම ලකුණු අතරට පිවිසෙමින් ඉනිම ශක්තිමත් කළ අතර, මිසානූර් රහමන් සහ ෆස්ලි මහමුද් අර්ධ ශතක වාර්තා කළහ.

මිසානුර් රහමන් පන්දු 107කදී හතරේ පහර 4ක් සහ හයේ පහර 3ක් සමගින් ලකුණු 67ක් රැස් කළ අතර, ෆස්ලි මහමුද් පන්දු 63කදී හතරේ පහර 2ක් සහ හයේ පහර 2ක් සමගින් ලකුණු 59ක් වාර්තා කළේය.

නායක මොහොමඩ් මිතුන් පන්දු 44කදී හතරේ පහර 5ක් සමගින් ලකුණු 44ක් රැස් කළ අතර, වේගවත් පිතිහරඹයක් දියත් කළ අරිෆුල් හක් පන්දු 22කදී හතරේ පහර 3ක් සහ හයේ පහර 4ක් සමගින් ලකුණු 47ක් රැස් කරමින් බංග්ලාදේශ ‘ඒ’ ලකුණු පුවරුව ඉහළ නැංවීය.

ශ්‍රී ලංකා ‘ඒ’ වෙනුවෙන් ෂෙහාන් මධුෂංක, දසුන් ශානක, ෂෙහාන් ජයසූරිය, තිසර පෙරේරා සහ මලින්ද පුෂ්පකුමාර එක් කඩුල්ල බැගින් බිඳ හලූහ.

ජයග්‍රහණය සඳහා ලකුණු 281ක ඉලක්කයක් හඹා යාමට පිටියට පිවිසි ශ්‍රී ලංකා ආරම්භක පිතිකරු යුගළය වන සධීර සමරවික්‍රම (3) සහ උපුල් තරංග (10) අඩු ලකුණු සංඛ්‍යාවකට දැවී යාමෙන් ශ්‍රී ලංකා ‘ඒ’ අසීරු තත්ත්වයකට පත්විය.

දසුන් ශානක පන්දු 78කදී හතරේ පහර 2ක් සහ හයේ පහර 6ක් සමගින් වේගවත් ලකුණු 78ක් රැස් කරමින් ශ්‍රී ලංකාව ජයග්‍රාහී මාවතට රැගෙන ආ අතර, ඔහුට අනගි සහයක් ලබාදුන් අශාන් ප්‍රියන්ජන් ලකුණු 42ක් වාර්තා කළේය.

නායක තිසර පෙරේරා (22), සම්මු අශාන් (28) සහ ෂෙහාන් මධුෂංක (21) ශ්‍රී ලංකාව වෙනුවෙන් සටනක නිරත වුවද අවසානයේ ලකුණු 2ක පරාජයක් අත්විය.

බංග්ලාදේශ ‘ඒ’ වෙනුවෙන් විශිෂ්ට පන්දු යැවීමක නිරත වූ කලීඩ් අහමඩ් ලකුණු 72ට කඩුලු 4ක් බිඳ හෙලූ අතර, ෂොරිෆුල් ඉස්ලාම් ලකුණු 54ට කඩුලු 3ක්ද බිඳ හෙළීය.

ලකුණු තත්ත්වය :-

බංග්ලාදේශ ‘ඒ’

පන්දුවාර 50දී - 280/7යි

මිසානුර් රහමන් 67, සෞම්‍ය සකාර් 24, සකීර් හසන් 18, ෆස්ලි මහමුද් 59, මොහොමඩ් මිතුන් 44, අරිෆුල් හක් 47, අල් අමීන් (නොදැවී) 8, සන්සාමුල් ඉස්ලාම් 0, නයීම් හසන් (නොදැවී) 1, ෂෙහාන් මධුෂංක 61/1, දසුන් ශානක 24/1,     ෂෙහාන් ජයසූරිය 39/1, තිසර පෙරේ 44/1, මලින්ද පුෂ්පකුමාර 44/1

ශ්‍රී ලංකා ‘ඒ’

පන්දුවාර 50දී - 278යි

සධීර සමරවික්‍රම 3, උපුල් තරංග 10, ලහිරු තිරිමාන්න 29, ෂෙහාන් ජයසූරිය 20, අශාන් ප්‍රියන්ජන් 42, දසුන් ශානක 78, තිසර පෙරේරා 22, සම්මු අශාන් 28, ෂෙහාන් මධුෂංක 21, මලින්ද පුෂ්පකුමාර 0, නිශාන් පීරිස් (නොදැවී) 1, කලීඩ් අහමඩ් 72/4, ෂොරිෆුල් ඉස්ලාම් 54/3, අරිෆුල් හක් 42/2

ශ්‍රී ලංකා-ඉන්දියා අවුරුදු 19න් පහළ පළමු සිව්දින ක්‍රිකට් තරගයේ ශ්‍රී ලංකා මුල් ඉනිම ලකුණු 244කට සීමා කිරීමට ඉන්දීය පන්දු යවන්නෝ සමත් වූහ.

තරගයේ මුල් දිනය වූ ඊයේ දිනය නිමාවන විට ඉන්දියාව එක් කඩුල්ලක් දැවී ලකුණු 92ක් ලබා ශ්‍රී ලංකා මුල් ඉනිමට වඩා තවත් ලකුණු 152ක් පසුපසින් විය.

ශ්‍රී ලංකා මුල් ඉනිම වෙනුවෙන් සාර්ථක පිතිහරඹයක් දියත් කළ පසිඳු සූරියබණ්ඩාර අර්ධ ශතකයක් රැස් කළ අතර, නිශාන් මධුෂ්ක, නිපුන් ධනංජය සහ සඳුන් මෙන්ඩිස් පිත්තෙන් දස්කම් දැක්වූහ.

ශ්‍රී ලංකා ආරම්භක පිතිකරු කමිල් මිෂාර ලකුණු 9කට දවා පිටියෙන් ඉවත් කිරීමට ඉන්දීය හිටපු සුපිරි පිතිකරු සචින් තෙන්ඩුල්කාර්ගේ පුත් අර්ජුන් තෙන්ඩුල්කාර් සමත් විය.

ඉන්පසු පිටියේ එක්වූ නිශාන් මධුෂ්ක සහ නායක නිපුන් ධනංජය දෙවැනි කඩුල්ල වෙනුවෙන් 53ක සම්බන්දතාවක් පවත්වමින් ඉනිම ගොඩනැංවීවූහ.

නිශාන් මධුෂ්ක හතරේ පහර 7ක් සමගින් ලකුණු 39ක්ද, නිපුන් ධනංජය හතරේ පහර 8ක් සමගින් ලකුණු 39ක්ද වාර්තා කළේය.

නුවනිඳු ප්‍රනාන්දු ලකුණු 22කට දැවී යාමෙන් පසු පසිඳු සූරියබණ්ඩාර සහ සඳුන් මෙන්ඩිස් පස්වෙනි කඩුල්ලට ලකුණු 78ක සම්බන්ධතාවක් ගොඩනංවමින් ශ්‍රී ලංකා මුළු ලකුණු සංඛ්‍යාව 200 සීමාව කරා රැගෙන ගියහ.

සඳුන් මෙන්ඩිස් හතරේ පහර 4ක් සහ එක් හයේ පහරක් සමගින් ලකුණු 39කට දැවී යාමෙන් අනතුරුව පසුපෙළ පිතිකරුවෝ අසාර්ථක වීම හේතුවෙන් ශ්‍රී ලංකා ඉනිම ලකුණු 244කට සීමා විය.

ශ්‍රී ලංකා ඉනිම ගොඩගනිමින් විශිෂ්ට පිතිහරඹයක නිරත වූ පසිඳු සූරිය බණ්ඩාර පන්දු 134කදී හතරේ පහර 4ක් සහ හයේ පහර 3ක් සමගින් ලකුණු 69ක් වාර්තා කළේය.

ඉන්දියාව වෙනුවෙන් පන්දුවෙන් දස්කම් දැක්වූ අයුෂ් බදෝනි ලකුණු 24ට කඩුලු 4ක්ද, හර්ෂ් යාගී ලකුණු 92ට කඩුලු 4ක්ද බිඳ හෙළීය.

ඉන්දීය මුල් ඉනිම වෙනුවෙන් නායකත්වයේ ඉනිමක් ක්‍රීඩා කළ අනුජ් රාවට් පන්දු 59කදී හතරේ පහර 8ක් සහ හයේ පහර 2ක් සමගින් වේගවත් ලකුණු 63ක් රැස් කළ අතර, අතර්වා ටයිඩ් නොදැවී ලකුණු 26ක් ලබා පිටියේ රැඳී සිටියි.

අද තරගයේ දෙවැනි දිනයයි.

ලකුණු තත්ත්වය :-

ශ්‍රී ලංකා අවු. 19න් පහළ පිල මුල් ඉනිම - 244යි (පන්දුවාර 70.3)

කමිල් මිෂාර 9, නිශාන් මධුෂ්ක 39, නිපුන් ධනංජය 39, නුවනිඳු ප්‍රනාන්දු 22, පසිඳු සූරියබණ්ඩාර 69, සඳුන් මෙන්ඩිස් 39, දුනිත් වෙල්ලාලගේ 0, කල්හාර සේනාරත්න 2, නිපුන් මාලිංග 4, ශෂික දුල්ෂාන් (නොදැවී) 7, කළණ පෙරේරා 2, හර්ෂ් යාගි 92/4, අර්ජුන් තෙන්දුල්කාර් 33/1, මෝහිත් ජන්ග්‍රා 28/1, අයුෂ් බදෝනි 24/4

ඉන්දීය අවු. 19න් පහළ පිල  මුල් ඉනිම 92/1යි (පන්දුවාර 16.4)

අතර්වා ටයිඩ් (නොදැවී) 26, අනුජ් රාවට් 63, කල්හාර සේනාරත්න 20/1

ටෙස්ට් තරගාවලිය 2-0 කින් ජය ගැනීම තම අරමුණ බවත් එය ශ්‍රී ලංකාවට ටෙස්ට් ශ්‍රේණියෙන් ඉහළට යාමට උපකාරී වන බවත් ශ්‍රී ලංකා නායක සුරංග ලක්මාල් පවසයි.

ජයග්‍රහණයෙන් පසු මාධ්‍ය හමුවේදී ලක්මාල් පැවැසුවේ නායකත්වය තාවකාලික බව දන්නා නමුත් ලැබුණු අවස්ථාවේදී ජය ගැනීමටම ක්‍රීඩා කිරීම තම අරමුණ බවයි.

තරගයක් ජය ගැනීමට සියලුම ක්‍රීඩකයන්ගේ දායකත්වය අවශ්‍ය බවත් මෙම තරගයේදීත් නායකයා බව දැනගත්තේ තරගයට පෙර දින රාත්‍රියේ බවත් පැවැසීය.

කණ්ඩායමේ ‍‍‍ජ්‍යෙෂ්ඨ ක්‍රීඩකයන්ගෙන් තමන්ට හොඳ සහයක් ලැබෙන බවත් එය තමන්ට කණ්ඩායම මෙහෙයවීමට පහසුවක් බවත් ලක්මාල් පවසයි.

දෙවැනි ටෙස්ට් තරගය ජයගෙන තරගාවලිය ජය ගැනීමට සියලුම ක්‍රීඩකයන් සූදානමින් සිටින බවද ලක්මාල් පවසයි.

ශ්‍රී ලංකාව සමග පැවැති පළමු ටෙස්ට් ක්‍රිකට් තරගයට ලබාදුන් ගාල්ල තණතීරුව හොඳ තණතීරුවක් බවත් එහි කිසිදු වරදක් තමන් නොදකින බවත් වරද තම පිතිකරුවන්ගේ දුර්වල පිතිහරඹය බවත් දකුණු අප්‍රිකානු නායක ෆැෆ් ඩුප්ලෙසිස් පරාජයෙන් පසු පැවැසීය.

“එය ටෙස්ට් තරගයකට උචිත තණතීරුවක්. දිමුත් එහිදී හොඳින් පන්දුවට පහර දුන්නා. ඒත් ශ්‍රී ලංකා දඟ පන්දු යවන්නන්ට හොඳින් පහරදීමට අපේ පිතිකරුවන්ට නොහැකි වුණා” යැයි ඩුප්ලෙසිස් පැවැසීය.

මෙවන් තණතීරුවකදී පළමු ඉනිමේ රැස් කරන ලකුණු ප්‍රමාණය ඉතා වැදගත් වන බව පැවැසූ ඩුප්ලෙසිස් ශ්‍රී ලංකාව එම තත්ත්වය පාලනය කළ නමුත් තම පිතිකරුවන්ට එය කළ නොහැකිවූ බව පවසයි.

පළමු ඉනිමේ ශ්‍රී ලංකා පසුපෙල පිතිකරුවන්ට කඩුලු සම්බන්ධතා ලබා ගැනීමට ඉඩ සැලැස්වීමෙන් ලකුණු 100 ක් පමණ වැඩිපුර ලබාදීමෙන් අවාසිදායක තත්ත්වයක් ඇතිවූ බවත් අවසන් කඩුලු දෙක ඉක්මනින් දවාගත්තේ නම් ප්‍රතිඵලය වෙනස්වීමට ඉඩ තිබූ බවත් දකුණු අප්‍රිකානු නායකයා පවසයි.

ශ්‍රී ලංකාවේදී දඟ පන්දු යවන්නන්ට පහරදීම අසීරු බව දැන සිටි නමුත් මෙම තරගයේදී වැඩි දඟ කැවීමක් ඇතැයි සිතූ නමුත් තම පිතිකරුවන් දැවී ගියේ එතරම් දඟ නොකැවුණු පන්දුවලට බවත් ඩුප්ලෙසිස් පවසයි.

ශ්‍රී ලංකා දඟ පන්දු යවන්නන් ඉතා විශිෂ්ට බැවින් ඔවුන්ට මීට වඩා හොඳින් පන්දුවට පහරදීමට තමන්ට සිදුවන බවත් එසේ නොවුණහොත් ඉදිරි තරගවලදී දැඩි අපහසුතාවකට පත්වන බවත් ඩුප්ලෙසිස් පවසයි.

Page 1 of 73

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.