lakbima.lk



සුරතලයට ඇති කරන සුනඛයන් ආශ්‍රිතව පැතිර යන රෝගයක් ශ්‍රී ලංකාවේ පළමුවරට පේරාදෙණිය විශ්වවිද්‍යාලය මගින් සිදුකරන ලද පරීක්ෂණයකින් හඳුනාගෙන තිබේ.

අප්‍රිකානු රටවල සුනඛයන් අතර පවතින මෙම රෝගය මිනිසාට ද ආසාදනය වන නමුත් එය මිනිසාට දැඩි ආසාදනයක් සිදු නොවන බවත් චර්ම රෝගී ලක්ෂණ ඉන් පෙන්නුම් කරන බව පේරාදෙණිය විශ්වවිද්‍යාලයේ වෛද්‍ය පීඨයේ ජ්‍යෙෂ්ඨ කථිකාචාර්ය මහාචාර්ය අශෝක දංගොල්ල මහතා ප්‍රකාශ කළේය.

අක්ෂි රෝග තත්ත්වයකින් පෙළෙන ගෘහාශ්‍රිත සුනඛයකු ප්‍රතිකාර සඳහා පේරාදෙණිය විශ්වවිද්‍යාලයේ පශු ශික්ෂණ රෝහලට බලංගොඩ ප්‍රදේශයේ සිට යොමු කිරීමෙන් පසු එම සුනඛයාගෙ රුධිර සාම්පල පරීක්ෂා කිරීමේදී එම සත්ත්වයා (Trypanasoma) නම් රෝගී තත්ත්වයෙන් පෙළෙන බව හඳුනාගෙන තිබේ.



එම රෝගී තත්ත්වය ශ්‍රී ලංකාවෙන් වාර්තා වන පළමු අවස්ථාව මෙය වන අතර රෝගී තත්වය වාර්තා වූ මුලතිව් සහ බලංගොඩ ප්‍රදේශවල සුනඛයන්ගේ රුධිර සාම්පල එකතු කොට පරීක්ෂාකිරීම පේරාදෙණිය විශ්ව විද්‍යාලයේ සම සෞඛ්‍ය පීඨය මගින් සිදුකරන බව මහාචාර්යවරයා සඳහන් කළේය.

නිවෙස් වල සුරතලයට ඇති කරන සුනඛයන්ට සාපේක්ෂව නිදැල්ලේ සැරිසරන සුනඛයන්ගේ ප්‍රතිශක්ති මට්ටම ඉහල  බැවින් ගෘහාශ්‍රිත සුරතල් සුනඛයන් පිළිබදව විමසිලිමත් විය යුතු යැයි කී මහාචාර්යවරයා මෙම රෝගය සුනඛයාගේ සිට රෝග වාහකයෙක් මගින් මිනිසුන්ට වැළඳීමේ හැකියාව ඇතැයි ද කීවේය.

ප්‍රතිකාර සඳහා පේරාදෙණිය පශු රෝහලට ඇතුළත් කළ සුනඛයා මරණයට පත්ව ඇත අතර කල්තියා හදුනා ගෙන ප්‍රතිකාර කිරීම මගින් සතුන් බේරා ගත හැකි යැයි ද මහාචාර්ය අශෝක දංගොල්ල මහතා කීහ.



පේරාදෙණිය විශ්ව විද්‍යාලයේ විද්‍යා පීඨයේ සත්ත්ව විද්‍යා අංශයේ මහාචාර්ය රූපිකා රාජකුරුණා, කීට විද්‍යඥ නිර්මාල් සුබසිංහ, විද්‍යා පීඨයේ සත්ත්ව විද්‍යා අංශයේ ආචාර්ය  ප්‍රියංකා දි සිල්වා,සම සෞඛ්‍ය විද්‍යා පීඨයේ ශිෂ්‍ය ලිලංක විජේසුන්දර,සම සෞඛ්‍ය විද්‍යා පීඨයේ ශිෂ්‍ය සජිනි ගුණවර්ධන,රජයේ වෛද්‍ය නිලධාරි පශු වෛද්‍ය නිසංසලා ,රජයේ වෛද්‍ය නිලධාරි පශු වෛද්‍ය ප්‍රියංකා යන මහත්ම මහත්මීන් ඇතුළු පර්යේෂණ මඩුල්ලකගේ  සහයෝගයෙන් ඉදිරි පරික්ෂණ කටයුතු කඩිනමින් සිදුකරන  බවද මහචාර්ය  අශෝක දංගොල්ල  මහතා වැඩිදුරටත් සඳහන් කළේය.

නදීක දයා බණ්ඩාර - මහනුවර

  1. විජේවීරත් බිය වූ එකම පොලිස්කාරයා
  2. ආණ්ඩුකාරවරු ගෙදර යැවූ චන්ද්‍රිකාගේ කුමන්ත්‍රණය
  3. නාමල් කුමාර රෝහිණී හතුරුසිංහගේ “මල්ලීි
  4. සේද මාවතේ රහස් සොයා මන්නාරම් වරාය කැණීම් යළි ඇරඹේ
  5. සිරීපාදේ ඉරසේවය ලෝකෙටම එකයි
  6. ලංකාවේ ගොවිතැන වනසන සේනා දළඹු සංහාරයට දහයියා අළු
  7. චිකාගෝ ක්‍රමයට බන්ධනාගාරයෙන් පැන ගිය සිරකරු මීමුරෙන් මතුවෙයි
  8. කළුතරින් මතු වූ අලුත් සක්විත්තා “අසංක”
  9. දෙවුන්දර තුඩුවේ සිට පේදුරු තුඩුවට රෝද පුටුවෙන් යන ධෛර්යය
  10. මධුෂ්ගේ තවත් තිර නාටකයකට රඟ දැක්වුණු කෝටි 700 දියමන්ති කොල්ලය
  11. හමුදාපතිවරියක් සිටින ලෝකයේ ලංකාවේත් තරු දෙකේ ජෙනරාල්වරියන් බිහිවුණා
  12. ජනපති ඝාතන කුමන්ත්‍රණය ගැන ‍පොලිස්පති සී.අයි.ඩී.යට කී කතාව
  13. මහින්දගේ නමත් පැටළුණ ඉරාන ජාතිකයාගේ ඩොලර් මල්ල
  14. අපරාධකරුවෙකුට රැකවරණදී රිමාන්ඩ් වුණු හමුදා තුනේම ලොක්කා
  15. එස්.ටී.එෆ් වෙඩි පහරට බිලි වූ කොස්ගොඩ තාරකගේ වමත සහ දකුණත
  16. ඩෙංගු මඩින්නට බත්කූරු මෙහෙයුමක්
  17. ජාත්‍යන්තර ‍පොලීසියට නව සභාපතිවරයෙක්
  18. ප්‍රතිජීවක නිසා 2050දී මිලියන 10ක් මරුට
  19. ගාලු මුවදොරෙන් කොළඹ හතට ගිය ලංකාවේ ලොකුම යුද ස්මාරකය
  20. මැති සබයේදී මියගිය මන්ත්‍රීවරු
  21. බදුල්ල බන්ධනාගාරයෙන් පැන යන්නට හැදූ නවුෆර්ගේ වැරදුණ කුරුමානම
  22. අගමැතිවරු අරලියගහ මැදුරට ආ හැටි - ගිය හැටි
  23. කැප්පෙටිපොළ අසාමාන්‍ය වීරයෙක්

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.