lakbima.lk

හදිසි අනතුරු හැරුණු විට බොහෝ අකල් මරණවලට හේතුවක් වන්නේ හෘදයාබාධයන්ය. “ගහක් ගලක් වගේ හිටිය  මනුස්සයා කිසිම ලෙඩක් තිබුණේ නෑ. එක සැරේ වෙච්ච දේ බලන්නකෝ” වැනි කතා බොහෝ විට අසන්නට ලැබෙන්නේ නිරෝගීව සිට එකවරම හෘදයාබාධවලින් මියගිය අය වෙනුවෙනි. හෘදයාබාධ කොයි මොහොතේ පැමිණේදැයි කිව නොහැකිය. බොහෝ හෘදයාබාධවලට හේතු වනුයේ හෘද කපාට ආශ්‍රිතව ඇතිවන අවරෝධයන්ය. එහෙයින් හෘද රෝගී බහුතරයකට මෙතුවක් තිබූ හොඳම විසඳුම වූයේ බයිපාස් සැත්කම්ය. එම සැත්කමේදී සිදුවනුයේ පාදයේ නහරයක් කපා හෘදයේ අවරෝධිත ධමනියට බද්ධ කිරීමයි. එහෙත් මෙවැනි සැත්කම්වලට රෝගීන් මුහුණදෙන ප්‍රධාන ගැටලු රැසකි. ඒ අතරින් පාදයේ තුවාලයක් හට ගැනීමද එකකි. නහර කොටසක් ලබා ගැනීමට පාදයේ කරන  සැත්කම නිසා හටගන්නා මෙම තුවාල නිසා විෂබිජ ශරීරගත වීමට  ඉඩක් තිබිම ප්‍රධාන ගැටලුවකි. එමෙන්ම එවැනි සංකූලතා නිසා මියයන පිරිසද බහුල විය. ඊට අමතරව හදවත විවෘත කර කරන සැත්කමක් නිසා බොහෝ අසීරුතාවන්ට මුහුණදීමට රෝගීන්ට සිදුවේ. දීර්ඝ කාලයක් රෝහල්ගත වීම, සැත්කමෙන් පසු දැඩි ලෙස ප්‍රවේසම් වීමට සිදුවීම, සැත්කම සිදුකරන අතරතුර හදවතේ ක්‍රියාකාරීත්වය යන්ත්‍රයකට පැවැරීම ඒ අතරින් සමහරකි.

එහෙත් අද වන විට වෛද්‍ය විද්‍යාව ලබා ඇති  ශීඝ්‍ර දියුණුව නිසා හදවත විවෘත නොකර හදවතේ සංස්ථානික මහා ධමනිය අවහිර වීමට ප්‍රතිකර්මයක් කළ හැකිව ඇත. ශ්‍රී ලංකාවේ සිදුකළ එම වර්ගයේ පළමු සැත්කම පසුගියදා කොළඹ ජාතික රෝහ‍ලේදී සිදුවිය. ඒ හෘද රෝග විශේෂඥ වෛද්‍ය සේපාලිකා මෙන්ඩිස් ප්‍රමුඛ වෛද්‍ය කණ්ඩායම විසිනි.

මෙය ඇත්තටම ශල්‍යකර්මයකට වඩා ප්‍රතිකර්මයකි.  ටාවී ප්‍රතිකර්මය (TAVI) නම් මෙම ප්‍රතිකර්මය පසුගියදා ශ්‍රී ලංකාවේ පළමු වරට සිදුකර ඇති අතර එයට බදුන්ව ඇත්තේ වයස අවුරුදු හැත්තෑවක් වන ප්‍රේමා සේරම් නමැති කාන්තාවය. ඇයට ඇති වී තිබූ රෝගී තත්ත්වය නම් හදවතේ සංස්ථානික මහා ධමනියට ‍ලේ ගමන් කරන කපාටය කැල්සියම් බැඳී තදබල ලෙස සිහින් වීමෙන් එය අවහිර වීමයි. මෙවැනි රෝගී තත්ත්වයක් ඇතිවූ විට මීට පෙර සිදුකර තිබුණේ ශල්‍යකර්මයක් මගින් උරස් කුහරය විවෘත කොට අවහිර වී ඇති කපාට ඉවත් කොට අලුත් කපාටයක් දැමීමයි.

එහෙත් මෙම ටාවී ප්‍රතිකර්මය මගින් එලෙස ශල්‍යකර්මයක් කිරීමට අවශ්‍ය නොවන බව වෛද්‍ය සේපාලිකා මෙන්ඩිස් පවසන්නීය.

“මෙම ටාවී ප්‍රතිකර්මය හදවත හෝ උරස් කුහරය විවෘත නොකර කරනා සැත්කමක්. නිටිනෝල්වලින් සාදන ලද කපාටයක් කැතීටරයක් මාර්ගයෙන් පාදයේ ඌරවිය ධමනිය තුළින් සංස්ථානික මහා ධමනියේ අඩසඳ කපාටයට දැමීම මෙම සැත්කමේදී කරනවා. අපි අලුතින් දාන කපාටය අවහිර වූ කපාටය ඇතුළට තමයි දාන්නේ. එවිට එය අවශ්‍ය ප්‍රමාණයට සකස් වෙනවා. අපි අලුතින් ඇතුළු කරන කපාටය නිකල් සහ ටයිමේනියම් එකට එකතු කරලා සාදන ලද ලෝහයක්. මෙය ඌරන්ගේ හදවතේ පිටස්තර ආවරණයක් යොදා ගනිමින් සකස් කරලා තියෙන්නේ”

ටාවී ප්‍රතිකර්මය මෙරට ප්‍රථම වරට කිරීම සඳහා හංගේරියා ජාතික රෝහ‍ලේ හෘද රෝග ශල්‍ය වෛද්‍යවරියක් වූ ගීසා ෆොන්ටෝස් තමාට ගුරුහරුකම් නොමඳව ලබා දුන් බව වෛද්‍යවරිය ප්‍රකාශ කළාය.

මෙම ටාවී ප්‍රතිකර්මය සෑම හෘද රෝගියෙකුටම යොදා ගන්නේ නැත. මේ සඳහා තෝරා ගනු ලබන්නේ වයසින් වැඩි ශල්‍යකර්මවලට භාජනය කළ නොහැකි, සිහිසුන් කොට ශල්‍යකර්ම සිදු කිරීමට නොහැකි සහ ශල්‍යකර්මයක් කිරීමෙන් සංකූලතාවලට ලක්වන හෘද රෝගීන් සඳහා පමණි.  නොඑසේ නම් සැත්කමක අවදානම දැරිය නොහැකි රෝගීන් වෙනුවෙනි. වෛද්‍ය උපදේශන මාලාවලට අනුව දැනට මෙම ටාවී ප්‍රතිකර්මය සාමාන්‍ය තත්ත්වයේ සිටින හෘද රෝගීන්ට සිදු කිරීමට අනුමැතිය හිමිවී නැත.

මෙම ප්‍රතිකර්මය හරහා රෝගියාට විශාල වාසි ප්‍රමාණයක් හිමිවේ. උරස් කුහරය විවෘත නොකිරීම ඉන් පළමු වැන්නයි. එමෙන්ම ශල්‍යකර්මයක් කරන විටදී තුවාලය තුළට විෂබිජ යාමේ අවදානමක් තිබේ. එහෙත් මෙහිදී එම අවදානම නොමැත. ඒ වගේම ශල්‍යකර්මයක් කළ විට ‍ලේ දියවීමට ලබාදෙනු වෝෆරින් ඖෂධය ලබා ගැනීමටද මේ හරහා අවශ්‍ය නොවේ. එමෙන්ම රෝගියාට ඉක්මනින් රෝහලෙන් පිටව යාමටද අවස්ථාව ලැබේ. තවද රෝගියාට සංකූලතා ඇතිවීමේ අවදානමද අඩු බව විශේෂඥ වෛද්‍ය සේපාලිකා මෙන්ඩිස් පවසන්නීය. ශල්‍යකර්මයක් මගින් සිදුකරන කපාට බද්ධයට වඩා ටාවී ප්‍රතිකර්මය සඳහා වැය වන වියදම මඳක් වැඩි වුවද එමගින් ඇති වාසි ඉතා විශාල බව විශේෂඥ වෛද්‍යවරිය අපට පැවැසුවාය. එමෙන්ම මෙම සැත්කම පූර්ණ නිර්වින්දනයට රෝගියා ලක් නොකර කළ හැකිවීමද විශේෂත්වයකි. එහෙත් මෙරටදී මෙම ප්‍රතිකර්මය පළමු වරට සිදුකළ බැවින් මෙවර රෝගියා සිහිසුන් කොට මෙම ප්‍රතිකර්මය සිදුකළ බව ඈ පවසන්නීය. එහෙත් රෝගියා  සිහිසුන් නොකර රෝගියාට නිදිමත පමණක් ඇති කර මෙම ප්‍රතිකර්මය කිරීමට හැකි බව විශේෂඥ වෛද්‍ය සේපාලිකා මෙන්ඩිස් පවසන්නීය.

ටාවී ප්‍රතිකර්මය මෙරට රෝගීන් සඳහා හඳුන්වා දීමට බොහෝ කාලයක සිට තමා බලා‍පොරොත්තුවෙන් සිටි බවත්, ඒ සඳහා අවශ්‍ය උපකරණ කපාට සෞඛ්‍ය අමාත්‍යවරයාට දැනුම් දීමෙන් පසු ඉතා ඉක්මනින් එය ලැබිම නිසා මෙම ප්‍රතිකර්මය කිරීමට හැකි වූ බවත් ඇය කියා සිටියාය. එමෙන්ම ජාතික රෝහ‍ලේ හෘද රෝග විශේෂඥ වෛද්‍ය අනිදු පතිරණ ඇතුළු හෘද රෝග විශේෂඥ වෛද්‍යවරු, නිර්වින්දන වෛද්‍යවරු, ශල්‍ය විශේෂඥ වෛද්‍යවරු, පුහුණු වන වෛද්‍යවරු, හෙද හෙදියන් සහ අනෙකුත් කාර්ය මණ්ඩලය මෙම ටාවී ප්‍රතිකර්මය කිරීම සඳහා දායක වූ බවද වෛද්‍යවරිය අප සමග ප්‍රකාශ කළාය.

නව තාක්ෂණයත් සමග ලෝකය දියුණු වෙමින් යද්දී වෛද්‍ය විද්‍යාවද දියුණු වී ඇත. මේ හරහා රෝගීන්ටද විශාල යහපතක් සිදුවී තිබේ. තුවාලකර ගැනීම වෙළුම් පටිවලින් සිය ශරීරය පැලැස්තර  දාගෙන දිගු කලක් රෝගී මානසිකත්වයෙන් පසුවනවා වෙනුවට ටාවී ප්‍රතිකර්මය රෝගියාටද ඉතා පහසුය. මේ හරහා කකු‍ලේ මිලිමීටර පහක පමණ සිදුවූ තුවාලයට අමතරව විශාල තුවාලවීම් කිසිවක් නොමැත. මෙලෙස නව තාක්ෂණය යොදා ගනිමින් රෝගී ජීවිත සුරැකීම සඳහා වෛද්‍ය විද්‍යාව දියුණුවීම අප වැනි රටකට ඉතා අගනේය. එමෙන්ම පළමු ටාවී සැත්කම සාර්ථකව නිමවීමෙන් පෙනී යන්නේ ලාංකේය වෛද්‍යවරුන්ගේ කුසලතාවන් ලෝකයේ ඕනෑම රටක වෛද්‍ය වෘත්තිකයන්ට නොදවෛනි බවය.

තනුජා නානායක්කාර

  1. "සොබා දහමේ යොවුන් ඇස' චිත්‍ර හා ඡායාරූප ප්‍රදර්ශනය 21 සිට
  2. කොළඹ කනත්තේ හුදකලා වූ ධර්මපාලතුමාගේ භෂ්මාවශේෂ තැන්පත් වෙහෙර ගෙය
  3. රටටම සර්වඥ ධාතු බෙදාදුන් නීලගිරි සෑය
  4. බෙරපදයක හඬට පත්තු වෙන සබරගමු මහ සමන් දේවාලයේ කාලතුවක්කුව
  5. එකම දවසේ එකම කුස ඉපදී එකම දවසේ හමුදාවට බැඳී එකම දවසේ මේජර් ජෙනරාල්වරුන් වූ සොහොයුරන් දෙදෙනා
  6. පරිගණක ක්‍රීඩා කරන්න දෙන්න එපා: දරුවන්ගේ ඇස් දුර්වල වෙනවා
  7. හොඳ පුරවැසියෙක් සමාජයට දායාද කරන තැන දහම් පාසලයි
  8. හදවත විවෘත නොකර කපාට බද්ධ සැත්කම් තුනක් මෙරට දී පළමු වරට
  9. බුද්ධි නදීශාන්ගේ වර්ණාවලි යන්ත්‍රයට ලෝකයේ මුල් තැන
  10. අප ක්ෂණික ආහාර පසුපස දිව යද්දී ඕස්ටේ‍්‍රලියාවත් කාබනික ගොවිතැනට
  11. දැන්වීම්වලින් සුපිරි වාහන ගෙන්වා අතුරුදන් කරන ජාවාරමක්
  12. වයඹ ශ්‍රී විභූතිය යළි පිබිදෙයි
  13. ප්‍රාග් මානවයාගේ ආයුධ රජගලින් මතුවේ
  14. වයඹ ගොවි පවස නිවන්නට මහවැලි වතුර
  15. පෝට් සිටියේ පළමු අදියරේ වැඩ තව ටික දවසකින් අවසන්
  16. එතෙර රටවල වාහන වෙළෙඳපොළ ගැනත් දැන ගමු
  17. රත්නපුර කම්කරු කාර්යාලයට ගල් භීතියක්
  18. චීන නාවික හමුදා නෞකාවක් සිව් දින නිල සංචාරයකට ඇවිත්
  19. ඇස්වහ කටවහ ගැන විශ්වාසයට ආගම් භේද නෑ

Page 1 of 20

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.