lakbima.lk

අප මාකඳුරේ මධූෂ් ඩුබායි සිට ශ්‍රී ලංකාවට උදර්පනය කරන තෙක් බලා සිටියදී ජූලියන් අසාන්ජේ බ්‍රිතාන්‍යයේදී අත්අඩංගුවට ගැණිනි.  විකිලීක්ස් වබේ අඩවි නිර්මාර්තෘ අසන්ජේ ඇමෙරිකා එක්සත් ජනපදය ප්‍රමුඛ කොට ගනිමින් රාජ්‍ය රහස් හෙළිදරව් කිරීම පිළිබඳව චෝදනාවට ලක් විය. 2010  වසරේදී ලොව පුරා  මහත් ආන්දෝලනයකට තුඩු දුන් මෙම දත්ත නිරාවරණයත් සමගම, අසන්ජේද ඇමෙරිකාවට අත්‍යවශ්‍ය පුද්ගලයෙක් බවට පත්විය. 
 
2012 වසරේ සිට මේ දක්වා අසන්ජේගේ නිවස බවට පත් වූයේ බ්‍රිතාන්‍යයේ පිහිටි ඉක්වදෝර් තානාපති කාර්යාලයයි.  ඉක්වදෝර්ය තමාට ලබාදුන් දේශපාලන  රැකවරණය නිමාවට පත් කිරීමත් සමගම අසන්ජේ මෙලෙස ඉකුත් 11 වනදා බ්‍රිතාන්‍ය අත්අඩංගුවට පත් විය. අසන්ජේ සමගද උදර්පන නීතිය කරළියට එන්නේ ඔහු ඇමෙරිකා එක්සත් ජනපදයට උදර්පනය කිරීමේ වටපිටාවත් සමගය.
 
ඕස්ට්‍රේලියානු පුරවැසියකු වන අසන්ජේ මුලින්ම කරළියට එන්නේ ඇමෙරිකා එක්සත් ජනපද රාජ්‍ය  තාන්ත්‍රිය දත්ත නිරාවරණය කිරීමත් සමගය. ඒ ඉරාක ඇෆ්ගනිස්ථාන් යුද්ධයට සම්බන්ධ යුද රහස් සම්බන්ධයෙනි. අනතුරුව 2016  වසරේදීද ඇමෙරිකා එක්සත් ජනපද ජනාධිපතිවරණය  ඉලක්ක කර ගනිමින් නැවතත් තොරතුරු නිරාවරණය කිරීමක් සිදු කරන ලදී. මෙකී සියලු අර්බුදකාරි  සිදුවීම් මධ්‍යයේ අසන්ජේට ජීවිත තර්ජනද එල්ල විය.
 
එම හේතුව  පාදක කර ගනිමින් 2012  වසරේ සිට ඉක්වදෝර් රාජ්‍යයේ ආරක්ෂාව පැතීමට ඔහුට සිදු විය. ඉක්වදෝරයේ ආරක්ෂාව ලැබිමත් සමගම මේ දක්වාම අසන්ජේට නිවස වී තිබුණේද බ්‍රිතාන්‍යයේ පිහිටි ඉක්වදෝර තානාපති කාර්යාලයයි. ඉකුත්දා තමා අසන්ජේට සැපයූ ආරක්ෂිත තත්ත්වය ඉවත් කිරීමට ඉක්වදෝරය තීරණය කරන ලදී. ඒ සමගම ක්‍රියාත්මක වූ බ්‍රිතාන්‍ය මෙටේ‍රා‍පොලිටියන් ‍පොලීසිය මෙම අත්අඩංගුවට ගැනීම සිදු කරන ලදී. මේ වන විටත් ඇමෙරිකා එක්සත් ජනපදය විසින් අසන්ජේ තම රටට එවන ලෙසට බ්‍රිතාන්‍යයට ඉල්ලීමක්ද කර ඇත.
 
කෙසේ වෙතත් ඕස්ට්‍රේලියානු විදේශ සබඳතා අමාත්‍ය  මැරයිස් පාසිනේ ප්‍රකාශ කර ඇත්තේ මරණ දඬුවම ලබා දීම සිදුවනවා නම් බ්‍රිතාන්‍යය මෙම උදර්පනයට එකඟ නොවනු ඇති බවයි. ඇමෙරිකා එක්සත් ජනපදය පිළිබඳ තත්ත්වය මෙසේ වෙද්දී ස්වීඩනයද ස්ත්‍රී දූෂක චෝදනා අසාන්ජේට එල්ල කරමින් සිටී. 2010 වසරේදී සිදු කරන ලදැයි කියැවෙන ස්ත්‍රී දූෂක චෝදනා ද්විත්වයකට මෙලෙස අසාන්ජේට එරෙහිව චෝදනා එල්ල වෙමින් පවතී.
 
අසන්ජේ මෙම සියලු චෝදනා ප්‍රතික්ෂේප කළද අදාළ කාන්තාවන් එම පරීක්ෂණ නැවත පවත්වන ලෙස එරට ‍පොලීසියෙන් ඉල්ලීමක්ද කර ඇත.
ඇමෙරිකා එක්සත් ජනපද ජනාධිපති ඩොනල්ඩ් ට්‍රම්ප් මේ සම්බන්ධයෙන් ප්‍රකාශ කර ඇත්තේ මෙම අත්අඩංගුවට ගැනීමට තමා කිසිදු සම්බන්ධයක් නොමැති බවයි. 
 
එසේම එය තමාට අදාළ ක්‍රියාවක් නොවන බවටද ට්‍රම්ප් ප්‍රකාශ කර ඇත.  බ්‍රිතාන්‍ය අගමැතිනි තෙරේසා මේ ප්‍රකාශ කර ඇත්තේ  මහ බ්‍රිතාන්‍ය තුළ නීතියට ඉහළින් කිසිවෙක් නොමැති බව මේ හරහා ඔප්පු වන බවයි. මෙම අත්අඩංගුවට ගැනීම සිදු කළ ‍පොලිස් නිලධාරීන්ට අනුව මෙය 2012  ජුනි මස 29 දින වෙස්ට්මිනිස්ටර් මහේස්ත්‍රාත් අධිකරණයෙන් නිකුත් කළ වරෙන්තුවකට අනුව කරන ලද අත්අඩංගුවට ගැනීමකි. පසුව ‍පොලීසිය විසින් සිදු කරන ලද ප්‍රකාශයකට අනුව මෙම  අත්අඩංගුවට ගැනීම සිදු කරන ලද්දේ ඇමෙරිකා එක්සත් ජනපදය වෙනුවෙන් කරන ලද්දකි. 
 
අත්අඩංගුවට ගැනීමෙන් පසුව අසන්ජේ බ්‍රිතාන්‍ය අධිකරණයට පමුණුවන ලදී. එහිදී ඇප කොන්දේසි කඩ කිරීමේ  හේතුව මත ඔහු වැරදිකරුවකු බවට පත් කරන ලදී. ඒ මාස 12 දක්වා වන සිර දඬුවමකටයි. අසේන්ජේ තම නිර්දෝෂිභාවය ප්‍රකාශ කරමින් කියා සිටියේ තමා වෙනුවෙන් කරුණු දැක්වීමට පවා සාධාරණ නඩු විභාගයක් තමාට නොලැබුණ බවයි. ඇමෙරිකාව ප්‍රකාශ කරන අන්දමට අසන්ජේ සිදු කරන ලැබූ නීතිවිරෝධී ක්‍රියාවන් සම්බන්ධයෙන් ඔහුට අවම ලෙස වසර 05ක  සිරදඬුවමක් ලැබෙනු ඇති බවයි.
 
මෙලෙසම ඇමෙරිකානු රාජ්‍යතාන්ත්‍රික රහස් ලොවට නිරාවරණය කළ එඩ්වඩ් ස්නේඩින් තම ටිවිටර් ගිණුම  හරහා ප්‍රකාශ කර ඇත්තේ මෙය අත්තනෝමතික අත්අඩංගුවට ගැනීමක් බවයි. එසේම එය අදහස් ප්‍රකාශ කිරීමේ නිදහසෙහි ඇඳුරු මොහොතක් වන බවත් ඔහු වැඩිදුරටත් ප්‍රකාශ කර සිටී. ඇමෙරිකානු සිවිල් ලිබරල්වාදී සංගමයේ අධ්‍යක්ෂ බෙන් විස්නර් ප්‍රකාශ කර ඇත්තේ  මෙය අත්අඩංගුවට ගැනීම ආණ්ඩුක්‍රම ව්‍යවස්ථාවට පටහැනි බවත්, වෙනත් පුවත් සංවිධානවලටද එරෙහිව අපරාධමය විමර්ශන පැවැත්වීමේ දොරටුව මෙමගින් විවෘත වනු ඇති බවයි. ජුලියන් අසන්ජේගේ නීතිඥයා වන ජෙනිෆර්  රොබින්සන්ද ප්‍රකාශ කර ඇත්තේ මෙය නිදහස් අදහස් ප්‍රකාශ කිරීම සම්බන්ධ ගැටලුවක් වන බවයි.
 
කෙසේවෙතත් විද්වත් මතය අනුව අසන්ජේ ඉතා ඉක්මනින් ඇමෙරිකා එක්සත් ජනපදය වෙත පිටුවහල් කරනු ඇත. මන්දයත් බ්‍රිතාන්‍ය හා ඇමෙරිකා එක්සත් ජනපදය අතර පවතින උදර්පන නීති ඇතුළත් ගිවිසුමේ ක්‍රියාවලිය ඉතා ඉක්මනින් හා පහසුවෙන් සිදු කළ හැකි එකක් වීමයි.
 
අනෙක් අතට ස්වීඩනයද කෙසේ ක්‍රියාකරනු ඇත්ද යන්න පිළිබඳව තවමත් ඇත්තේද අවිනිශ්චිත භාවයකි.
මේ අනුව පැහැදිලි වන්නේ අසන්ජේගේ ප්‍රධාන චෝදනාවට අමතරව තවත් චෝදනාවන් එල්ල වෙමින් පවතින බවය. කෙසේවෙතත් මෙය පැහැදිලි ලෙසම අසන්ජේගේ අනාගතය පිළිබඳ ගැටලුවකි. එසේම විවිධ මතයක් දරන්නා වූ රාජ්‍යයන් කිහිපයක්ද අසන්ජේ මූලික කර ගනිමින් මෙම සමස්ත ක්‍රියාවලියටම සම්බන්ධ වී ඇත. 
 
කෙසේ වෙතත් අප මතක තබා ගත යුත්තේ අයිතීන් යම් සීමාවක් තුළ පමණක් පැතිරි පවත්නා බවය. එකී සීමාවන් බිඳ හෙළන්නේ නම් ඒ සමස්ත සමාජයේම යහපත සඳහාම පමණක්ම විය යුතුය. අසන්ජේගේ ඉරණම බ්‍රිතාන්‍යයේ, ඇමෙරිකාවේ හෝ ස්වීඩනය තුළදී විසඳුනද අප අපේ සීමාවන් තුළ හිඳිමින් කටයුතු කළ යුතු බව අසන්ජේ  සමගම මතකයට නැගෙනු නොඅනුමානය.
 
 
 එරංගි ප්‍රමෝධා
  1. හිටපු ජනපති දිවි නසා ගත්තේ හමුදාවෙන් තෑගි ලැබුණු තුවක්කුවකින්
  2. බිලිඳුන් සමග පාර්ලිමේන්තු ගිය දේශපාලක මව්වරු
  3. දේශපාලන කුණාටුවකට මුල පිරූ මෝදි පිළිබඳ සිනමා පටය
  4. වයිකින් ස්කයි නැව බේරාගත් හෙලිකොප්ටර් මෙහෙයුම
  5. වැටුපෙන් සියයට 80ක් සිසු දරුවන්ට දෙන ලෝකයේ හොඳම අපූරු ගුරුවරයා
  6. නවසීලන්ත ත්‍රස්ත ප්‍රහාරයෙන් මතුවූ වීරයා ඇෆ්ගනිස්ථානයේ අසීස්
  7. ඇල්ජීරියාවේ ජනපතිවරයාට විරුද්ධව වාර්තාගත උද්ඝෝෂණ තවදුරටත්
  8. කාර්යාල සේවකයන්ට දුරකථන සහනයක්
  9. බෝයිං 737ට චීන අහස තහනම්
  10. පාප් වහන්සේ රහස් හෙළිකරයි
  11. ඉන්දු- පාකිස්තාන යුද්ධයක් නතර කළ ගුවන් නියමුවා
  12. නොබෙල් ත්‍යාගයට ට්‍රම්ප්ගේ නම අබේගෙන්
  13. දෙවන ලෝක යුද්ධයේ අසිරිමත් ඡායාරූපය
  14. නාපාමි දැරියට ඉහළම සම්මානයක්
  15. රජිව් ගාන්ධිගේ දියණිය දේශපාලනයට
  16. නයගරාව ගල්ගැහෙයි
  17. සමාජ ජාලා හරහා හැමෝම ඉල්ලන Like
  18. මළවුන්ගේ නගරයේ විස්මිත තතු
  19. දිනෙන් දින වර්ධනය වන අපූරු දුපත
  20. නෙදර්ලන්තයේ අපූරු සුරංඟනා ගම්මානය
  21. ලෝකයේ අවසානයට හමු වූ මැමත් පැටියා
  22. සේවකයන් පහළොස් දෙනෙක් තවමත් මීටර් 112ක් යට
  23. බැරලයකින් අත්ලන්තික් සයුර තරණයට ගිය මිනිසා
  24. මැදපෙරදිග ඉදි වූ විශාලතම දෙව් මැඳුර
  25. ගඟක් උඩින් ඇලක් !

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.