lakbima.lk

එය උසින් ඇමෙරිකාවේ ලිබර්ටි ප්‍රතිමාවට වඩා සිව් ගුණයකින් වැඩිය. ඒ අනුව ගුජරාතයේ ඉදිකොට පසුගිය තිස්එක්වැනිදා නිරාවරණය කළ මෙම ප්‍රතිමාව හේතුවෙන් ලොව උසින් වැඩිම ප්‍රතිමාව තම රට සතුවීමේ ගෞරවය ඉන්දියාවට ලැබි තිබේ. අඩි පන්සිය අනුහතක් උස මෙම ප්‍රතිමාවෙහි දැක්වෙන්නේ ඉන්දියානු නිදහස් සටනේ පෙරමුණ ගත් සර්දාර් වල්ලභායි පටේල්ය. ඉන්දියාවේ පළමු ස්වදේශ කටයුතු ඇමැතිවරයාද මොහුය. ඉන්දියාවේ යකඩ මිනිසා ලෙස විරුදාවලිලත් වල්ලභායි පටේල් හින්දු ජාතිකවාදයේ සංකේතයකි. මේ ප්‍රතිමාව තනා ඇත්තේද හින්දුන් හා මුස්ලිම්වරුන් අතර කලක් තිස්සේ වරින්වර ගැටුම් පැනනැගුණු ගුජරාත් ප්‍රාන්තයේය. රන් පැහැගත් මෙම පිළිරුවට වැය වු මුදල ඇමෙරිකානු ඩොලර් මිලියන හාරසිය අටකි. වත්මන් අගමැති නරේන්ද්‍ර මෝදිගේ උපන් ප්‍රදේශය වන මෙහි හින්දු ජාතිකත්වය සංකේතවත් කරන මෙම ප්‍රතිමාව තැනීමෙහි තවත් අරමුණක් වන්නේ ලොව කැපී පෙනෙන සුපිරි බලවේගයක් ලෙස ඉන්දියාව හුවා දැක්වීම බව විචාරකයන්ගේ අදහසයි. මේ සම්බන්ධයෙන් පාර්ලිමේන්තුවෙහි සඳහනක් කරමින් මෝදි පවසා තිබුණේ සර්දාර් පටේල් ඉන්දියාවේ අගමැති වුණා නම් කාෂ්මීර යෙහි කොටසක් පාකිස්තානයට ලබාගන්නට ඉඩ නොලැබෙන බවය. පටේල් පසුව ජවහර්ලාල් නේරුගේ උප අගමැති ලෙසද කටයුතු කළේය. පසුගිය කාලයේද කොංග්‍රසය පටේල්ට නිසි ගෞරවය ලැබෙන ලෙස කටයුතු නොකළ බවද පාලක භාරතීය ජනතා පක්ෂය නිරතුරු චෝදනා කරයි.

මෙම ප්‍රතිමාව විශාල ලෙස සංචාරකයන් ඇදගන්නා ස්ථානයක් වන බවද අගමැති මෝදි කියා තිබේ. මෙහි තවත් විශේෂත්වයක් වන්නේ මෙම ලෝකඩ ප්‍රතිමාව තැනීමේදී ඉන්දියාවට චීනයේ පිහිට පතන්නට සිදුවීමය. මෙතරම් විශාල ප්‍රතිමාවක් තැනීමට අවශ්‍ය දැනුම හා උපකරණ ඉන්දියාවේ නොමැති වූ බැවිනි. නර්මදා ගංගාව දෙස බලා සිටින පටේල්ගේ රුව තනන්නට දිවා රෑ කම්කරුවන් හාර දහසක් සේවය කළ බව වාර්තාවෙයි. මෙම ප්‍රතිමාව විවෘත කිරීමේ උත්සවය ලබන වසරේ මෝදි නැවත අගමැති තනතුරට තේරී පත්වීමේ මැතිවරණ ව්‍යාපාරයෙහි ඇරඹුමක් ලෙසද සැලකෙයි. 2021 වසරේදී මෙවැනි තවත් යෝධ ප්‍රතිමාවක් මහාරාෂ්ට්‍රයෙහිද නිරාවරණය කිරීම සඳහා ඉදිකෙරෙමින් පවතියි.

කෙසේවුවද මෙම ප්‍රතිමාවට ගුජරාතයේ ගොවි ජනතාවගෙන් නැගෙන්නේ දැඩි විරෝධයක් හා අප්‍රසාදයකි. දැඩි දුක් කරදර මැද තමා ජීවිතය ගෙන යෑමට සටන් කරද්දී රජය මේසා වියදමක් ප්‍රතිමාවට වැයකිරීම ගැන ඔව්හු තම අප්‍රසාදය මාධ්‍ය හරහා මුදාහැර තිබේ. මෙහිදී අදහස් දැක්වු තිස්නව හැවිරිදි ගොවියෙකු වු විජේන්ද්‍ර තද්වි කියන්නේ වසර ගණනාවක් තිස්සේ අක්කර තුනක් වගාකිරීමට තමා නොවිඳිනා දුක් විඳි බවය. වැසි අඩුකම නිසා සහ ජලය ලබාගැනීමට ක්‍රමයක් නැති නිසා තම ගොවිතැන් පාළුවෙද්දී ගොවිතැන නතරකොට රියැදුරෙකු ලෙස තමා රැකියාවක් සොයාගත් බව තද්වි කියයි. එවැනි තත්ත්වයක් තිබියදී ගුජරාත ප්‍රාන්ත රජය අඩකටත් වඩා හා මධ්‍යම රජය ඉතිරි මුදල යොදවා මේසා විශාල මුදලක් වැයකොට ප්‍රතිමාවක් තැනීම ඔහු දැඩි ලෙස විවේචනය කරයි.එම මුදල ප්‍රාන්තයේ ගොවීන්ගේ ගොවිතැන් කටයුතු නගාසිටුවීම සඳහා වැයකළ යුතුව තිබුණු බව ඔහු ගේ අදහසයි.තවමත් ගොවි ජනතාවට තම කටයුතු සඳහා අවශ්‍ය මූලික පහසුකම් හෝ නොමැති බව තද්වි කියයි. මෙම ප්‍රතිමාව සමග තරු තුනේ හෝටලයක්, කෞතුකාගාරයක් හා පර්යේෂණ මධ්‍යස්ථානයක්ද ඉදිකිරිමේ කටයුතු පවතින අතර මේ සියල්ල සිදුවන්නේ නර්මදා දිස්ත්‍රික්කයේ බහුතරය දිළින්දන් වන තද්වි ජීවත්වන ගම්මානයට කිලෝමීටර් දහයක් දුරිනි. මෙම ප්‍රදේශයේ වැඩිදෙනෙකුට කුසට හරිහැටි ආහාරයක් නොලැබෙන අතර ප්‍රාථමික අධ්‍යාපනය සම්පුර්ණයෙන් කඩාවැටී තිබෙන්නේ මන්ද‍පෝෂණයෙන් පෙළෙන පුද්ගලයන්ගේ ගණනද දිනෙන් දින වැඩිවන අතරය. ඒ බව 2016 වසරේ ප්‍රාන්ත රජය නිකුත්කළ වාර්තාවකම දැක්වෙයි. රජය කියන්නේ මෙම ප්‍රතිමාව හේතුවෙන් වසරකට සංචාරකයන් මිලියන 2.5ක් පමණ ප්‍රදේශයට ඇදීඒමත් සමග ප්‍රාන්තයේ ආර්ථිකය සවිමත් වන බවය.ප්‍රදේශයේ සංචාරක ව්‍යාපාරය දියුණුවීමත් සමග තරුණ,තරුණියන්ට රැකියා අවස්ථා විවරවන බව රජය වැඩිදුරටත් කියයි.

මෙහිදී රජයට ප්‍රතිචාර දක්වමින් ගොවීන් අසන්නේ මේ වෙනුවට ගොවින්ට උපකාර කොට ඔවුන්ගේ ජීවන තත්ත්වය නගාසිටුවීමට ව්‍යාපෘතියක් රජයට ආරම්භ කළ නොහැක්කේ මන්ද යනුවෙනි.” දැන් කාලෙක ඉඳලා රජය අපට ගොවිතැන් කරන්න වතුර ලබාදෙන්න ‍පොරොන්දුවෙලා තියෙනවා.

ඒකවත් දීලා නැහැ.”ඔවුහු කියති.

මෙම ප්‍රදේශයේ සියයට අසූපහක්ම ජීවත්වන්නේ ගොවිතැනෙනි. මුදල් ‍පොලියට දෙන්නන්ගෙන් හා බැංකුවලින් ගොවිතැන සඳහා ලබාගන්නා ණය ගෙවාගත නොහැකිව ඔවුහු දැඩි ලෙස දුක්විඳින බව හා සියදිවි නසාගැනීමට පෙළැඹෙන බව කියැවෙයි. ඇතැම් ස්ථානවල නීතිවිරෝධී ලෙස ජලය ලබාගැනීමටද ගොවි ජනතාව පෙළැඹී සිටිති. නිතර රජයට විරුද්ධව ගොවීන්ගේ උද්ඝෝෂණ හා විරෝධතා ද ඇතිවෙයි.

නිශානි දිසානායක

  1. ගහකොළට ආදරය කර දඬුවම් ලැබූ ඇය අද ලෝකයේම ගෞරවය ලබන පරිසර වේදිනියක්
  2. ලෝකයේ අරුම පුදුම අමුතු පාලම්
  3. මයික්‍රොසොෆ්ට් ලොවට හඳුන්වා දීමට පෙරමුණ ගත්තේ ඔහුය
  4. 2018 ලොව හොඳම වන ජීවී ඡායාරූප
  5. බ්‍රිතාන්‍යයේ මහ රැජින හා සාමාන්‍ය ඉන්දියානුවකු අතර අසාමාන්‍ය කතාව
  6. කාටත් නොකියා දරුවන් 669 දෙනකුගේ ජීවිත බේරාගත් නිහඬ වීරයා
  7. ගෝරිල්ලන් පවා පෙම් කළ ඇයට මිනිසුන් පෙම්නොකළේ ඇයි?
  8. නවසීලන්තයේ පළමු බබා එක්සත් ජාතීන්ගේ සැසිවාරයට
  9. ජිම්නාස්ටික් ක‍්‍රීඩාවෙන් නෙරපු ශෝකයට රිටි පැනීමට එක්ව ගිනස් වාර්තා තැබූ යෙලිනා
  10. තනි පාදයෙන් හිමාලය තරණය කොට ගිනස් පොතට ගිය දියණිය අරුණිමා සිංහ
  11. සමාජ සේවයෙන් ලොවක් දිනූ ජෝර්දාන් රැජින

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.