Coss Ear2
lakbima.lk
COSS Ear 1

ඇමෙරිකාව සහ උතුරු කොරියාව යනු කාලයක් තිස්සේම නයි මුගටි වෛරයකින් පසුවන රාජ්‍යයන් දෙකක් බව රහසක් නොවේ. පසුගිය දිනවල මේ දෙරට අතර ආතතිය ඉතා උණුසුම් තත්ත්වයකට පත් වූ අතර ඇමෙරිකාවේ ඕනෑම තැනකට පහර දිය හැකි මිසයිල පවා උතුරු කොරියාව අත්හදා බැලුවේය.  ඇමෙරිකාව එයින් දැඩි ලෙස නොසන්සුන් වූ බව දැකිය හැකි විය. මෙම තත්ත්වය තුළ මේ දෙරට අතර යුද ගැටුමක් ඇති විය හැකිද යන සැකය පවා බොහෝ පාර්ශ්ව තුළ බැරෑරුම් ලෙස මතු වූ බවද සඳහන් කළ හැකිය. නමුත් මේ වනවිට ලැබෙන අලුත්ම තොරතුරු අනුව පෙනී යන්නේ ඇමෙරිකාව සහ උතුරු කොරියාව මතෛක් ගමන් කළ ගැටුම්කාරී මාවතෙන් තරමක් ඉවත්ව ඉතා ඉක්මනින් සාකච්ඡා මාවතකට යොමු වීමට ඉඩ ඇති බවයි. ඔවුන් මේ ආකාරයෙන් සාකච්ඡා මාර්ගයට එළැඹුණහොත් එය මෙම කලාපයේ සාමකාමී තත්ත්වයක් පිළිබඳ අපේක්ෂාවෙන් සිටි බොහෝ දෙනකු තුළ බලා‍පොරොත්තු ඇති කරන ආරම්භයක් විය හැකිය.
උතුරු කොරියාව දිගින් දිගටම ඉදිරියට ගෙන යමින් සිටි න්‍යෂ්ටික මිසයිල වැඩපිළිවෙළනිසා ඔවුනුත්, ඇමෙරිකාවත් අතර පසුගිය වසරේ අවසන් භාගයේ උත්සන්න වෙමින් පැවැති ගැටුම්කාරී තත්ත්වය අලුත් දිශාවකට හැරෙන්නට පටන් ගත්තේ පසුගිය දිනවල දකුණු කොරියාවේ පැවැති ශීත සෘතු ඔලිම්පික් උළෙලට සමගාමීවය. මෙම ඔලිම්පික් උළෙල ගැන ජාත්‍යන්තරය තුළ වැඩියෙන්ම කතා වුණේ ක්‍රීඩාවලටත් වඩා වෙනත් හේතුවක් නිසා යයි පැවැසිය හැකිය. එනම් ඇමෙරිකාව සමග මෙන්ම දකුණු කොරියාව සමගද විරසකව සිටින උතුරු කොරියාව කිසිවෙකුත් නොසිතූ ලෙස මෙම ඔලිම්පික් උළෙලට සිය කණ්ඩායමක් එවීමට තීරණය කිරීමයි. දකුණු කොරියාව යනු ඇමෙරිකාවේ ඉතා සමීප මිතුරෙකු වන අතර මෙම තත්ත්වය තුළ උතුරු කොරියාව ඔවුන් දෙසද බලන්නේ  සතුරෙකු ලෙසිනි. ඇමෙරිකාව තම රට ආක්‍රමණය කිරීමටත්, එහි පවතින කිම් ජොං උන්ගේ වත්මන් පාලනය පෙරළා ඔවුන්ට හිතවත් පාලනයක් ඇති කර ගැනීමටත් කුමන්ත්‍රණය කරමින් සිටින බව කාලයක් තිස්සේම උතුරු කොරියාවේ අදහස වී තිබේ. එමෙන්ම ඔවුන් සිතන්නේ දකුණු කොරියාවද එයට උදව් කරන බවයි. මේ නිසා උතුරු සහ දකුණු කොරියාවන්ද  යුද්ධයකට මැදි විය හැකි බවට පසුගිය කාලයේ සැක පළවන්නට විය. එසේ වුවහොත් උතුරු කොරියාවත්, දකුණු කොරියාවත් විශාල විනාශයකට මුහුණ දෙනු ඇතැයි බොහෝ දෙනා බිය පළ කළහ. නමුත් කා තුළත් විමතියක් ඇති කරමින්, දකුණු කොරියාවේ ශීත සෘතු ඔලිම්පික් උළෙලට තම රටේ කණ්ඩායමක් සහභාගි කරවීමට කැමති බව උතුරු කොරියානු නායක කිම් ජොං-උන් ජනවාරි මුල ප්‍රකාශ කිරීමත් සමග එතෙක් පැවැති තත්ත්වයෙහි කැපී පෙනෙන වෙනසක් ඇති වීමට පටන් ගත්තේය. දකුණු කොරියානු ජනාධිපති මූන් ජේ-ඉන් ද වහා මෙම යෝජනාවට ප්‍රතිචාර දක්වමින් උතුරු කොරියානු ක්‍රීඩා කණ්ඩායමට තම රටට පැමිණීම සඳහා අවශ්‍ය කටයුතු සම්පාදනය කළේය. මේ නිසා එතෙක් පැවැති යුද ආසන්න උණුසුම මඳක් සමනය වෙමින් කිසියම් ''මිත්‍රශීලී'' වාතාවරණයක් ගොඩ නැගෙන්නට විය.
මෙහිදී සිදු වූ තවත් වැදගත් සිදුවීමක් වූයේ උතුරු කොරියානු නායක කිම් ජොං-උන් ගේ එක් කුස උපන් සොහොයුරිය වන කිම් 
යෝ-ජොං ද ඔලිම්පික් උළෙ‍ලේ සමාරම්භක උළෙලට සහභාගි වීමට පැමිණීමයි. ඒ අතරතුර ඇය සහ දකුණු කොරියානු ජනාධිපති මූන් 
ජේ-ඉන් අතර සාකච්ඡාවක්ද ඇති වීම මෙම දෙරට අතර සබඳතා ක්‍ෂේත්‍රයේ ඉතා විශේෂ අවස්ථාවක් විය. උතුරු කොරියාවෙන් මේ තරම් ඉහළ මට්ටමේ රාජ්‍ය නියෝජිත පිරිසක් දකුණු කොරියාවට පැමිණ එහි නායකයෙකු හමුව තිබුණේ නවසිය පනස් ගණන්වලින් පසු පළමු වතාවටය. කිම් යෝ-ජොං මෙම ගමනේදී සිය සොහොයුරා විසින් සියතින්ම ලියන ලද ලිපියක්ද ගෙන ආ බව සඳහන් විය. එහි සඳහන් වූ බව පැවසුණේ මූන්  ජේ-ඉන් ට සාකච්ඡා සඳහා උතුරු කොරියාවට පැමිණෙන ලෙස ඇරයුමකි. ඒ අතර සිය රටේ ඔලිම්පික් කණ්ඩායමට දැක් වූ සත්කාර සම්බන්ධයෙන් ද කිම් 
ජොං-උන් දකුණු කොරියානු නායකයාට විශේෂ ස්තුතියක් පුද කළේය.
කිම් ජොං-උන්ගේ ඇරයුම අනුව තමා සාකච්ඡා සඳහා උතුරු කොරියාවට යනවාද යන්න දකුණු කොරියානු නායකයා නිශ්චිතව පැවැ  සුවේ නැත. නමුත් ඒ සඳහා පරිසරය සකස් කර ගැනීමට දෙරටම මහන්සි විය යුතුය වැනි අදහසක් ඔහුගෙන් පළ වී තිබිණි. ඔහුගේ එක් අදහසක් වූයේ උතුරු කොරියාව තමුන් සමග පමණක් නොව ඇමෙරිකාව සමගද සාකච්ඡා කිරීමට කැමැති විය යුතු බවයි. ඇමෙරිකාව ද මෙම ගැටුමේ ප්‍රධාන පාර්ශ්වයක් වන නිසා ඔවුන් ද සම්බන්ධ කර ගන්නා සාකච්ඡා ක්‍රියාමාර්ගයකින් තොරව මෙම ගැටලු විසඳිය නොහැකි බව අමුතුවෙන් කිව යුතු නොවේ. මේ නිසා දකුණු කොරියානු ජනාධිපතිවරයා උතුරු කොරියාව සහ ඇමෙරිකාව අතර අතරමැදියෙකු ලෙස කටයුතු කිරීමට පියවර ගනිමින් සිටින බවද දැකිය හැකි වේ. 
පසුගිය කාලය තුළ වර්ධනය වූ  තත්ත්වයන්ට අනුව ඇමෙරිකාව සහ උතුරු කොරියාව යන දෙපාර්ශ්වයම සිටියේ කිසියම් සාකච්ඡා මාර්ගයකින් තොරව ඉදිරියට යාමට නොහැකි තත්ත්වයකය. එක් අතකින් ඇමෙරිකාවේ මූලිකත්වයෙන් එක්සත් ජාතීන්ගේ සංවිධානය හරහා ගෙන එන ලද සම්බාධක නිසා උතුරු කොරියාව අසීරුතාවලට මුහුණ දෙමින් සිටියේය. අනික් අතට උතුරු කොරියාවේ මිසයිල නිසා ඇමෙරිකාවේ ආරක්ෂාවට සහ ඔවුන්ගේ බල ව්‍යාපෘතිවලට තර්ජනයක් එල්ල වෙමින් තිබිණි. දකුණු කොරියාව මැදිහත්කරුවෙකුගේ භූමිකාව රඟ දක්වන්නට යන්නේ මෙවැනි පසුබිමක් නිර්මාණය වී තිබූ තත්ත්වයක් යටතේය. මාස කිහිපයකට කලින් මේ දෙපාර්ශ්වයම සිටියේ කිසිසේත් සාකච්ඡා සඳහා යොමු නොවනු ඇතැයි සිතිය හැකි පසමිතුරු තත්ත්වයකය. 
උතුරු කොරියාව ඔවුන්ගේ මිසයිල වැඩපිළිවෙළනතර කිරීමට කැමති වනතුරු තමුන් ඔවුන් සමග සාකච්ඡා නොකරන බව ඇමෙරිකාව කීවේය. අනෙක් අතට උතුරු කොරියාව කීවේ තමුන් මොනම තත්ත්වයක් යටතේවත් මිසයිල වැඩපිළිවෙළ නතර නොකරන බවයි. ඇමෙරිකාව උතුරු කොරියාවේ පාලනය පෙරළා දැමීම වැළැක්වීමට නම් තමුන් න්‍යෂ්ටික බලවතෙකු බවට පත්විය යුතු බව ඔවුන්ගේ අදහස විය. නමුත් මේ වනවිට දෙපාර්ශ්වයම වඩාත් නම්‍යශීලී තැනකට පත්ව සිටින බව පෙනී යන අතර එහිදී දකුණු කොරියානු ජනාධිපතිවරයාගේ කාර්යභාරය විශේෂයෙන් කැපී පෙනේ. 
දකුණු කොරියාවේ ඔලිම්පික් සමාරම්භක උළෙලට උතුරු කොරියානු නායකයාගේ සොයුරිය මෙන්ම ඇමෙරිකානු උප ජනාධිපති මයික් පෙන්ස්ද සහභාගි විය. එහිදී ඔවුන්  අතර සාකච්ඡාවක් ඇති වීමට ඉතාම ආසන්න තත්ත්වයක් ඇති වූ බවත්, නමුත් අවසන් මොහොතේ උතුරු කොරියාව එයින් මගහැර ගිය  බවත් වාර්තා විය. 
නමුත් දැන් නැවතත් දැනගන්නට ඇත්තේ උතුරු කොරියාව සාකච්ඡා සඳහා කැමැත්ත පළ කර ඇති බවයි. දැනට පෙනෙන්නට ඇති තත්ත්වය අනුව නම් ඇමෙරිකාව ද එයට එකඟ වීමට බොහෝ දුරට ඉඩ තිබේ. නමුත් මෙම සාකච්ඡාවලදී උතුරු කොරියාව 
න්‍යෂ්ටික අවි වැඩපිළිවෙළින් ඉවත් කර ගැනීමේ අරමුණින් තව දුරටත් පීඩනයක් ඇති කරනු පිණිස යළිත් සම්බාධක වටයක් ගෙන ඒමටද ඇමෙරිකාව කටයුතු කරමින් සිටියි.
 
නිහාල් පීරිස්
  1. විලියම් කේට් යුවළ ඇකඩමි උළෙලේ
  2. ලොව පුරා දූෂිත දේශපාලකයන්ට දකුණු අප්‍රිකාවෙන් රතු එළියක්
  3. කුහුඹු ඝාතන වෘත්තය
  4. ජැෆා කේක්
  5. කැටලෝනියාව වෙනම රාජ්‍යයක් වීම වැළැක්වීමේ ස්පාඤ්ඤ රජයේ වෑයම තවදුරටත්
  6. දූෂිත වායුව පිරිසිදු කරන කුලුනක් නෙදර්ලන්තයෙන්
  7. වහල් දරුවෝ
  8. මිෂෙල්ට 54ක්
  9. ඇස් දෙක ‘ඇස් දෙක වගේ’ රකින්න ඕනේ ඇයි?
  10. අභ්‍යවකාශ මෙහෙයුම් හයකට එක්වූ ගගනගාමි ජෝන් යං සමුගනියි
  11. සිය දියණිය වසර 15ක් කාමරයක සිර කර තැබූ මව්පිය යුවළක්
  12. ත්‍රාසජනක වීඩියෝවක් හැදීමට ගොස් තට්ටු 62කින් ඇද වැටුණු ‘ක්‍රීඩකයා’
  13. ගෝතමාලාවේ තීරණයෙන් ජෙරුසලම ගැන නැවතත් ආන්දෝලනයක්
  14. අමුතු හැඩයක් ගත් ආකාශ වස්තුව පිටසක්වළ යානයක්ද?
  15. පෙම් පලහිලව්වකින් පටන්ගත් පළමුවන ලෝක යුද්ධය
  16. ලොව ලොකුම බස් නැවතුම් මධ්‍යස්ථානය අසල එල්ල වූ ප්‍රහාරය
  17. ජෙරුසලම ගැන ට්‍රම්ප්ගේ තීන්දුවෙන් මැද පෙරදිග උණුසුම් වෙයි
  18. 300 කට මරු කැඳවූ ඊජිප්තුවේ බෝම්බ සහ වෙඩි ප්‍රහාරය
  19. රෝගීන් 100ක් මරා දැමූ බවට සැක කරන හෙද නිලධාරියා
  20. ජර්මන් නායිකා ඇන්ජෙලා මර්කල් දේශපාලන අවදානමක
  21. මුගාබේ නිවාස අඩස්සියට ගත් සිම්බාබ්වේ හමුදා කුමන්ත්‍රණය
  22. ඉතාලියේ සාපලත් ගම්මානයේ අවාසනාවන්ත කතාව
  23. චීනයේ ඉදිවන ලොව පළමු වනාන්තර නගරය
  24. මියගොස් වසරකට පසු තායිලන්ත රජුගේ ආදාහනය මේ සතියේ
  25. පුටින්ට එරෙහිව කාන්තාවක් ජනාධිපති සටනට

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.