lakbima.lk

බ්‍රෙක්සිට් ක‍්‍රියාවලිය සමග බැඳෙමින් වසර ගණනාවක් මුළුල්ලේ ඉදිරියට ඇදී ආ බි‍්‍රතාන්‍ය දේශපාලන අර්බුදයේ උච්චතම අවස්ථාවකට මේ වන විට එළැඹී තිබේ. ඒ අනුව වර්තමාන බි‍්‍රතාන්‍ය අග‍්‍රාමාත්‍ය තෙරේසා මේ ජුනි මස 7 වැනි දින සිට කන්සර්වේටිව් පක්ෂ නායකත්වයෙන් ඉල්ලා අස් වන බව නිවේදනය කළාය.

ඒ අනුව ජූලි මස අග වන විට බි‍්‍රතාන්‍යයට අලූ‍ත් අග‍්‍රාමත්‍යවරයකු හෝ අග‍්‍රාමාත්‍යවරියක තෝරා පත් කර ගැනීම සිදු වනු ඇත. ජුනි මස 7 වන දින කොන්සර්වේටිව් පක්ෂ නායකත්වයෙන් ඉවත් වුව ද නව අග‍්‍රාමාත්‍යවරයකු හෝ වරියක පත් කර ගන්නා තුරු තෙරේසා මේ අග‍්‍රාමාත්‍ය ධුරයේ කටයුතු කරනු ඇත.


තමන්ගේ ඉල්ලා අස්වීම් නිවේදනය කරමින් තෙරේසා මේ ඉතා සංවේදී කතාවක් පැවැත් වූ අතර ඇය කියා සිටියේ බ්‍රෙක්සිට් ගැටලූ‍ව විසඳීම සදහා තමන් ගත හැකි සියලූ‍ ක‍්‍රියාමාර්ග ගත් බවයි. තෙරේසා මේ වසර 3කට ආසන්න කාලයක් බි‍්‍රතාන්‍ය අග‍්‍රාමාත්‍ය ධුරයේ කටයුතු කළාය. ඒ ඬේවිඞ් කැමරන්ගේ ඉල්ලා අස්වීමෙන් පසුයි. ඬේවිඞ් කැමරන් ඉල්ලා අස්වන්නේ ද බ්‍රෙක්සිට් සම්බන්ධයෙන් ඇති වූ ගැටලූ‍වක් මුල් කර ගනිමිනි.


2017 වසරේ දී පැවැති බි‍්‍රතාන්‍ය මහ මැතිවරණයෙන් තෙරේසා මේ හට පැහැදිලි ජයක් ලබා ගැනීමට තරම් බහුතර බලයක් පාර්ලිමේන්තුවේ හිමි නොවූව ද ඇය අග‍්‍රාමා්‍යවරිය ලෙස අඛණ්ඩව කටයුතු කළාය. එහෙත් ඇය සතු වූ බලය සහමුලින්ම කේවල් වූවකි. 2017 මහ මැතිවරණය අවසන් වූ වහාම එක් කොන්සර්වේටිව් මන්ත‍්‍රීවරයකු පැවැසුවේ අවශ්‍ය නම් මේ ගේ ගමන නැවැත්වීමට අවශ්‍ය වන්නේ තමන් ඇතුළු හය දෙනෙකු පමණක් බවයි.

සත්‍ය වශයෙන්ම  ඇය ඉදිරිපත් කළ බ්‍රෙක්සිට් යෝජනාවලට සිය පක්ෂයේ ම මන්ත‍්‍රීවරුන්ගේ සහය නොලැබිණ. ඇයගේ මෙම ඉල්ලා අස්වීමට බලපෑවේ ද තමන්ගේ ම මන්ත‍්‍රීවරුන්ගේ සහයෝගයක් නොලැබීමයි.
තෙරේසා මේ සදහන් කළේ බි‍්‍රතාන්‍යය වෙත පූර්ණ ගෞරවයෙන් සහ ආදරයෙන් යුතු ව සියලූ‍ ක‍්‍රියාමාර්ග ගත්ත ද ඒවා කිසිවක් සාර්ථක කර ගැනීමට හැකි නොවූ බවයි.

ජුනි මස 10 වන දිනෙන් ආරම්භ වන සතිය තුළ අලූ‍ත් අග‍්‍රාමාත්‍යවරයා හෝ වරිය තෝරා පත් කර ගැනීමට අදාළ ඡුන්ද විමසීම සදහා නාම යෝජනා භාර ගැනීමට නියමිතය. හිටපු විදේශ කටයුතු ‍ලේකම්වරයා බොරිස් ජොන්සන් මෙහි දී ඉදිරියෙන් ම සිටී.


කොන්සර්වේටිව් පක්ෂයෙන් අග‍්‍රාමාත්‍ය ධුරය සදහා ඉදිරිපත් වන අපේක්ෂකයන්ගේ නම් ජූලි මස අවසන් වීමට පෙර පක්ෂ සාමාජිකයන් අතර ඡුන්ද විමසීමකට ලක් කරනු ලැබේ. පසුගිය දා ස්විට්සර්ලන්තයේ පැවැති ආර්ථික සමුළුවක් අමතමින් ප‍්‍රධානතම තරගකරුවා වශයෙන් සිටින බොරිස් ජොන්සන් සදහන් කළේ ලබන ඔක්තෝබර් 31 වන දා වන විට යුරෝපා සංගමය සමග ගිවිසුමක් ඇති කර ගනිමින් හෝ එවැනි ගිවිසුමක් නොමැති ව යුරෝපා සංගමයෙන් ඉවත් වන බවයි.


යුරෝපා සංගමයෙන් මහා බි‍්‍රතාන්‍යය ඉවත් වීම හෙවත් බ්‍රෙක්සිට් ක‍්‍රියාවලිය වෙනුවෙන් පැවැත් වූ ජනමත විචාරණය අනුව මහා බි‍්‍රතාන්‍ය ජනතාවගෙන්  බහුතරය මහා බි‍්‍රතාන්‍යය යුරෝපා සංගමයෙන් ඉවත් විය යුතු බව ප‍්‍රකාශ කර තිබේ. බ්‍රෙක්සිට් ක‍්‍රියාවලියට විරුද්ධ ව සිටි ඬේවිඞ් කැමරන් හට අග‍්‍රාමාත්‍ය ධුරයෙන් ඉවත් වීමට සිදු වූයේ ද මෙම ජනමත විචාරණයේ ප‍්‍රතිඵලයක් වශයෙනි.

මෙම ඉවත් වීම සඳහා යුරෝපා සංගමය සමග එකඟතා ගිවිසුමක් ඇති කර ගැනීම අනිවාර්යය නොවූව ද එවැනි ගිවිසුමක් නොමැතිව ඉවත් වීම මහා බි‍්‍රතාන්‍යයට දීර්ඝ කාලීන ගැටලූ‍ රැසක් ඇති කිරීමේ අවදානමක් පවතී.


බ්‍රෙක්සිට් අර්බුදය තුළින් ඉදිරියට යෑම සඳහා මහා බි‍්‍රතාන්‍යය වෙත විකල්ප කිහිපයක් පවතී. ඉන් එකක් වන්නේ යුරෝපා සංගමය සමග කිසිදු එකඟතාවක් නොමැති ව ඉවත් වීමයි. අනෙක් විකල්පය නම් යළිත් බි‍්‍රතාන්‍ය පාර්ලිමේන්තුව සහ යුරෝපා සංගමය සමග මුල සිට සාකච්ඡාවක් ඇති කර ගනිමින්ව එකඟතාවක් වෙත යොමු වීමයි. මේ සඳහා තවත් දීර්ඝ කාලයක් ගත වනු ඇත.

තුන්වැනි විකල්පය නම් යළිත් ජනමත විචාරණයක් සදහා යොමු වීමයි. 2016 වසරේ දී පැවැත් වූ ආකාරයේම ජනමත විචාරණයක් මෙහි දී පැවැත්වීමට හැකි වන අතර 2016 වසරේ පැවැත්වූ ජනමත විචාරණය මෙන්ම මෙයද නීතියෙන් නොබැඳුණු ජනමත විචාරණයක් වනු ඇත.

එබැවින්  අර්බුදය නිමා නොවන්නේ නම් තුන්වැනි ජනමත විචාරණයක් කරා වුව ද යෑමේ සම්භාවිතාවක් ඇත. එබැවින් ඇතැම් මන්ත‍්‍රීවරුන් යෝජනා කරන්නේ නීතියෙන් බැඳීමක් ඇති අලූ‍ත් ජනමත විචාරණයක් කරා යා යුතු බවයි. 2011 වසරේ දී මහා බි‍්‍රතාන්‍යයේ ඡුන්ද ක‍්‍රමය වෙනස් කිරීම සදහා එවැනි මැතිවරණ ක‍්‍රමයක් ක‍්‍රියාත්මක කෙරිණ.


හතර වැනි විකල්පය වශයෙන් පවතින්නේ අලූ‍තින් මහ මැතිවරණයක් කැදවීමයි. එහෙත් ආණ්ඩු කාලය අවසන් වීමට පෙර එවැනි මහ මැතිවරණයක් පවත්වන්නේ නම් පාර්ලිමේන්තුවේ මන්ත‍්‍රීවරුන්‍ගේ තුනෙන් දෙකක බලය කැමැත්ත අවශ්‍ය වේ.

පවතින තත්ත්වය අනුව මහ මැතිවරණයක් සදහා තුනෙන් දෙකක බලයක් හිමි වේ යැයි සිතීමට අපහසුය. මෙවැනි හදිසි මහ මැතිවරණයක් පවත්වා මතය උරගා බලනවා නම් මහ මැතිවරණයක් කැදවා දින 25ක් බලා සිටිය යුතු වේ. දින 25ක් හෝ ඊට වැඩි කාලයක් ගත වීමෙන් පසු මහ මැතිවරණයක් පැවැත්වීමට බි‍්‍රතාන්‍ය නීතිය අනුව හැකිය.


පස්වැනි විකල්පය වශයෙන් පවතින්නේ විශ්වාස භංග යෝජනාවක් ගෙන ඒමයි. කෙසේවෙතත්, පසුගිය ජනවාරි මාසයේ දී ගෙන ආ විශ්වාස භංගයෙන් තෙරේසා මේ ගේ ආණ්ඩුව රැදී පැවැතියේය. එහෙත් ලේබර් පක්ෂයට අලූ‍තින් තවත් විශ්වාස භංග යෝජනාවක් ගෙන ඒමට අවකාශය ඇත.

එහි දී එක්කෝ විශ්වාස භංග යෝජනාව දිනා ගනිමින් බ්‍රෙක්සිට් ගිවිසුම ද දිනා ගනිමින් කොන්සර්වේටිව් පක්ෂය ඉදිරියට යා යුතු වන අතර නැත්නම් කම්කරු පක්ෂය විශ්වාසභංගය දිනා නැවත මහ මැතිවරණයක් පැවැත්වීම ස`දහා යෝජනා කරමින් පාර්ලිමේන්තුව නැවත යෝජනාවක් ගෙන ඒම සිදු කළ යුතු වේ.


අවසන් විකල්පය  වශයෙන් ඇත්තේ කාලය ධනය සුවිශාල වශයෙන් වැය කළ මෙම බ්‍රෙක්සිට් නාඩගම අමතක කර දැමීමයි. එනම්, බ්‍රෙක්සිට් ක‍්‍රියාවලිය අහෝසි කර දමා පෙර පරිදිම මහා බි‍්‍රතාන්‍යය යුරෝපා සංගමයේ රැඳී සිටීමයි. මින් පෙර යුරෝපා අධිකරණයක් තීන්දුවක් ලබා දෙමින් ප‍්‍රකාශ කර සිටියේද මහා බි‍්‍රතාන්‍යයට බ්‍රෙක්සිට් අමතක කර දමා යුරෝපා සංගමය තුළ පෙර පරිදි කිසිදු ගැටලූ‍වකින් තොරව සිටිය හැකි බවයි.

එහි දී නව නීති අණ පනත් කිසිවක් අවශ්‍ය නොවන බව ද ප‍්‍රකාශයට පත් කෙරිණ.

දර්ශන අශෝක කුමාර

  1. ඉරානයට එරෙහිව ඇමෙරිකාව ගල්ෆ් කලාපයේ සීරුවෙන්
  2. වසර 2000 පැරණි ප‍්‍රභූ සුසානයක් රුසියාවෙන් සොයා ගනී
  3. ලොව වැඩිම මිලක් නියම වූ 'ගලවා ගන්නා' සිතුවම
  4. යැක් ගවයන් 300ක් හාමතින් මිය යයි
  5. අඳුරේ ආ ඇමෙරිකානු හෙලිකොප්ටරය ගොවි බිමකට ගොඩ බසී
  6. ළඟදි යුගදිවි ගමන් අරඹන නවසීලන්තයේ අගමැතිනිය
  7. භූ විෂමතා ලක්ෂණ රාශියකටම උරුමකම් කියන මැටර්හෝන් කඳුවැටිය
  8. සැප්තැම්බර් ප්‍රහාරයට බැට දෙන්නට ඇෆ්ගනිස්ථානය දණගැස්වූ 12 දෙනාගේ මෙහෙයුම
  9. එදා ගුරුවරුන්ටත් එපා වූ අද ඉන්දියාවම නටවන මහත ළමයා
  10. නොබෙල් ත්‍යාගය සඳහා යෝජනා වූ ලොව ළාබාලතම දැරිය
  11. ලොව කැලඹූ විකිලීක්ස් නිර්මාතෘ එංගලන්තයේදී අත්අඩංගුවට
  12. හිටපු ජනපති දිවි නසා ගත්තේ හමුදාවෙන් තෑගි ලැබුණු තුවක්කුවකින්
  13. බිලිඳුන් සමග පාර්ලිමේන්තු ගිය දේශපාලක මව්වරු
  14. දේශපාලන කුණාටුවකට මුල පිරූ මෝදි පිළිබඳ සිනමා පටය
  15. වයිකින් ස්කයි නැව බේරාගත් හෙලිකොප්ටර් මෙහෙයුම
  16. වැටුපෙන් සියයට 80ක් සිසු දරුවන්ට දෙන ලෝකයේ හොඳම අපූරු ගුරුවරයා
  17. නවසීලන්ත ත්‍රස්ත ප්‍රහාරයෙන් මතුවූ වීරයා ඇෆ්ගනිස්ථානයේ අසීස්
  18. ඇල්ජීරියාවේ ජනපතිවරයාට විරුද්ධව වාර්තාගත උද්ඝෝෂණ තවදුරටත්
  19. කාර්යාල සේවකයන්ට දුරකථන සහනයක්
  20. බෝයිං 737ට චීන අහස තහනම්
  21. පාප් වහන්සේ රහස් හෙළිකරයි
  22. ඉන්දු- පාකිස්තාන යුද්ධයක් නතර කළ ගුවන් නියමුවා
  23. නොබෙල් ත්‍යාගයට ට්‍රම්ප්ගේ නම අබේගෙන්
  24. දෙවන ලෝක යුද්ධයේ අසිරිමත් ඡායාරූපය
  25. නාපාමි දැරියට ඉහළම සම්මානයක්

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.