lakbima.lk

1988 ජූලි 20 වැනිදා ඉන්දියාවේ උත්තර් ප‍්‍රදේශ් ප‍්‍රාන්තයේ උපන් ඇය නමින් අරුණිමා සිංහ. ඇය ජාතික මට්ටමේ වොලිබෝල් ක‍්‍රීඩිකාවක්. 2011 අපේ‍්‍රල් 12 වැනි දින ඇය දුම්රියකින් ගමන් කරමින් සිටියා. ඇය සිටියේ තරමක් පාළු මැදිරියකයි.  අරුණිමාගේ  අවාසනාවන්ත ඉරණමට මුලපිරුණේ මේ ගමන අතරවාරයේදියි. මේ දුම්රිය මැදිරියට දරුණු මංකොල්ලකරුවන් කණ්ඩායමක් කඩාවැදුණා. ඔවුන් ඇයව වටකරගෙන දරුණු අන්දමින් පහර දී ඇය සතුව තිබූ රන් ආභරණ, මුදල් සියල්ල පැහැර ගත්තා. මේ ම්ලේච්ඡයන් එයින් නතර වුණේ නැහැ.

ඔවුන් බොහෝ හෙම්බත්ව සිටි ඇයව ඔසවා දුම්රිය මාර්ගයකට වීසිකළා.

අරුණිමාට එතැනින් නැගිට ඉවත් වන්නටවත් හැකියාවක් තිබුණේ නැහැ. ඇය අවසිහියෙන් වගේ දුම්රිය මාර්ගයේ වැතිර සිටියා. ශීඝ‍්‍රගාමී දුම්රියක් ඇගේ පාදය මතින් ගියා. අරුණිමාව රෝහල්ගත කෙරුණා. ඇයට ඉතාමත් අසාධ්‍යයි. සිහිය ලැබුණෙ රෝහලේදියි.

දුම්රියේ රෝදවලට හසුවූ ඇයගේ පාදය දරුණු විදිහට හානි වි තිබුණා. ”කනගාටුයි. ඔබේ ජීවිතය බේරගන්න පාදය ඉවත් කරන්න වෙනවා.”

වෛද්‍යවරුන් පැවැසුවා. අරුණිමාට දැනුණේ වචනවලින් කියාගන්න බැරි තරමේ මහා දුකක්.

 ”අරුණිමා දුම්රියෙන් පැන ඇත්තේ දිවි නසාගන්නටයි.” ඉන්දීය මාධ්‍ය මේ සිද්ධිය වාර්තා කර තිබුණේ මේ අදහස ඉස්මතු වෙන විදිහටයි. මේ කතාව දැනගත් අරුණිමාට දැනුණේ තමන්ගේ පාදය අහිමි වුණාටත් වැඩි වේදනාවක් දුකක්.

 ”මොන දේ අහිමි වුණත් මගේ ජීවිතය බේරී තියෙනවානෙ. මාව වට්ටන්න මේ කිසිම බලවේගයකට පුළුවන්කමක් නැහැ. මගේ වොලිබෝල් සිහින ඔක්කොම හමාරයි. එ්ත් මම වෙනස් විදිහකට නැගී සිටිනවා” අරුණිමා ඉතාමත් දැඩි අධිෂ්ඨානයක් ගොඩනගාගත්තා. එ් ස්ථිර දැඩි අධිෂ්ඨානය ඇයගේ ජීවිතයට අලූත් වටිනාකමක් උරුම කරවූවා.  අරුණිමා කවදත් අභියෝග භාරගන්නට බොහොම කැමතියි. ඇයට  ඕන වුණේ ලෝකයම ඇය ගැන කතා කරන හේතු වෙන අලූත් දෙයක් කරන්නයි.

”මම කොහොම හරි එවරස්ට් කන්ද තරණය කරනවා” අරුණිමා එ් විදිහට සිතුවේ දැඩි අධිෂ්ඨානයක් ඇතිවයි.

එතැන් පටන් අරුණිමා එ් වෙනුවෙන් කළ යුතු කළ හැකි සෑම දෙයක්ම කරන්න පටන්ගත්තා. එවරස්ට් කඳු මුදුන කියන්නේ ලෝකයේ උසම තැනයි. එතැනට යන්න දෑත් දෙපා හොඳින් තිබෙන අයට වුවත් ලේසි පහසු නැහැ. එය ජීවිතයත් මරණයත් අතර ගමනක්. එ් බව ඇය නොදැන සිටියා නෙවෙයි. එ්ත් ඇය තමන්ගේ බලාපොරෙත්තුව මඳක්වත් වෙනස් කළේ නැහැ.  අරුණිමා එවරස්ට් කන්ද තරණය කරන්න අවුරුදු 3 ක ඉතාමත් දුෂ්කර පුහුණුවක් ලැබුවා. ඉන්පසු දවස් 52 ක ඉතාමත් වෙහෙසකර භයංකාර මාරාන්තික ගමනක් ගෙවා එවරස්ට් කඳු මුදුනට ළඟා වුණා.  කලින් ඇය වොලිබෝල් ක‍්‍රීඩිකාවක් විදිහට දැන හඳුනාගෙන තිබුණේ ඉන්දියාව තුළත් ඉතාමත් සීමිත පිරිසක් විතරයි. එ්ත් මේ මහා අභියෝගය ජයගත් ඇය මුළු ලෝකයේම අවධානයට යොමුවී සිටිනවා. ඒ පාදයක් අහිමි කෙනෙක් එවරස්ට් කන්ද ඉතාමත් සාර්ථකව තරණය කළ මුල්ම අවස්ථාව විදිහට ලෝක වාර්තාවක් පිහිටුවමින්.

ඉන්දාියානු රජය ඇය වෙනුවෙන් ඉහළම ගෞරව පුද කළා. පද්ම ශ‍්‍රී සම්මානය එ් අතරින් ප‍්‍රධානයි. එ් හැරුණු විට උස් කඳු මුදුන් තරණය කරන්නන් සඳහා වන ටෙන්සින් නෝර්ගේ සම්මානයද ඇයට හිමිවුණා.

අරුණිමා තමන්ගේ ජීවිත අත්දැකීම් සමාජයට කියාපාන්නටත් අමතක කළේ නැහැ. ඇය එය ඉටුකළේ ‘කඳු මුදුනේදී නැවතත් උපන්නෙමි’ යන පොතෙන්. ඇය එහි මුල් පිටපත ඉන්දීය අගමැති නරේන්ද්‍ර මෝදි මහතා වෙත පිළිගැන්වූවා.  අරුණිමා ඉතාමත් වැදගත් සමාජ සේවයක්ද ඉටුකර තිබෙනවා. එ් තමන්ට සම්මානවලින් ලැබුණු මුදල් යොදවා දිළිඳු සහ ආබාධිත වූවන්ගේ සුබසාධනය වෙනුවෙන් අරමුදලක් පිහිටුවීමයි.

නඳුන් අමන්ද මනමේන්ද්‍ර ආරච්චි

  1. සමාජ සේවයෙන් ලොවක් දිනූ ජෝර්දාන් රැජින
  2. සල්ලිවලට කරන්න දෙයක් නැත්තම් රත්තරන් නෙත් දෙකින් බලන්න රත්තරන්
  3. අවු: 18 සිට අවු: 81 දක්වා දිගටම ලේ දන්දී දරුවන් ලක්‍ෂ 24කගේ ජීවිත බේරාගත් ජේම්ස්
  4. ඉන්දියාවේ නිමවෙන ලෝකයේ උසම ප‍්‍රතිමාව
  5. අද ලෝකයම හොල්ලන මේ කියන සමාගම් ආරම්භ වුණේ කොහොමද?
  6. ගංගාවක ගිලී නොපෙනී යාමට තිබූ දුපතක් ක්‍ෂේම භූමියක් කළ ජාදාව් පායෙන්ග්
  7. අප්‍රසිද්ධ පොත් රහස්
  8. ඉතිහාසය නිර්මාණය කොට සමුගත් සැබෑ ඇමෙරිකානුවා ජෝන් මැකේන්
  9. චොක්ලට් එපා කියන ප‍්‍රංශ වැසියෝ
  10. දකුණු ආසියාව ගැන බලවතුන්ගේ බල අරගලය
  11. ලොව කැළඹූ අපූරු ඡායාරූප
  12. 2050 වනවිට මුහුද යටට යන නගරය ඉන්දුනීසියාවේ ජකර්තා
  13. සතුන්ගේ සා පවස නිවන්නට අවදානම් ගමනක් යන පැටි‍්‍රක්
  14. සූර්ය ගවේෂණයට යානයක්
  15. පාකිස්තාන අගමැතිගේ නොදන්න කතා
  16. කැස්පියන් මුහුද රටවල් පහක් බෙදා ගනී
  17. අරුම පුදුම ගෙවල් පහක්
  18. හිට්ලර් නිසා අපූරු හෝටලයකුත් නිර්මාණය වූ බව ඔබ දන්නවාද?
  19. මිනිස් මිතුරන්ට උදව්කොට ඔවුන් නිසාම මෙලොවින් සමුගත් සුනඛ වීරයා
  20. මගේ දුව දැන් ඉන්නේ බය වෙලා වගේ මේගන් මාර්කල්ගේ පියා පවසයි
  21. ගම් යටකරමින් බිඳී ගිය ලා ඕසයේ වේල්ල
  22. වසරක් තුළ ලොව වැඩිම ආදායම් ඉපැයූ රංගන ශිල්පියා ජෝජ් ක්ලූනි
  23. මී වධය නැති නගරය
  24. කුඩා දේවල් අස්ථාන ගතවීම වළක්වන උපකරණයක්
  25. ලොකකුසලාන පාපන්දුව යට සැඟවුණු මේ කතා ටිකත් දැනගමු

Page 1 of 113

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.