lakbima.lk

ලොව වයස්ගතම තැනැත්තා ලෙස දැන් සැලකෙන්නේ ජපානයේ කාන්තාවකි. ගිනස් වාර්තා කමිටුව ඒ බව මේ වසරේ ජනවාරි මාසය නිමවෙත්ම ප‍්‍රකාශයට පත් කළේය. ජපානය ද එය නිල වශයෙන් සනාථ කර ඇත.  කේන් ටනාකා නමැති මේ කාන්තාවගේ දැන් වයස අවුරුදු 116 ඉක්මවා ගොසිනි.

ගිනස් වාර්තාවේ සටහන්වලට අනුව කේන් ඉපිද ඇත්තේ කුමකිචි හා කුමා ඔටා යුවළගේ හත්වෙනි දරුවා ලෙසයි. ඒ නොමේරූ දරුවෙකු ලෙස 1903 වසරේ ජනවාරි දෙවනදාය. එය රයිට් සහෝදරයන් ප‍්‍රථම ගුවන් යානය ගුවනට නැංවූ දිනයයි.

කේන්ගේ දහනව වන උපන්දිනට දින හතරකට පසු එනම් 1922.01.06 වෙනිදා හිඩියෝ ටනාකා සමග ඇගේ විවාහය සිදුව ඇත. විවාහයට පෙර මනාල යුවළ හමුවීමේ සිරිතක් එකල ජපානයේ නොතිබුණි. එහෙත් දරුවන් හතර දෙනෙකු හදමින් පස්වැන්නකු කොහෙන් හෝ සොයා හදාගත යුතු බව ඔවුන් තීරණය කළ බව කේන් කියන්නීය.

හිඩියෝ සිය පවුලට අයත් ‘ටනාකා මොචියා’ නම්වූ ව්‍යාපාරයක නිරතව සිට ඇත. එය බත්, රසකැවිලි හා නූඞ්ල්ස් නිපදවා අලෙවිකරන ව්‍යාපාරයක් බව කේන් පවසන්නීය. 1937දී ඇගේ සැමියා හමුදා සේවයට කැඳවනු ලැබ ඇති අතර තම දරුවන් හා නැන්දම්මා රැක බලාගනිමින් ව්‍යාපාරයේ කටයුතු ද කිරීමට කේන්ට සිදුව ඇත.

කේන්ගේ දෙටු පුතු නොබුවෝ ද 1943දී හමුදා සේවයට එක්ව ඇත. සෝවියට් හමුදාවන්ට හසුවූ ඔහු ආපසු ජපානයට පැමිණියේ 1947 වසරේදී බව ඇය සිහිපත් කරන්නීය.

මහාඅන්ත‍්‍රයේ පිළිකාවක් සහ ඇසේ සුද ඉවත්කිරීමේ සැත්කමක් ඇතුළු සැත්කම් කිහිපයකට ඇය මුහුණපා ඇතත් දැන් ඇය විවේක නිවස්නයක සැනසිල්ලේ ජීවත්වන්නීය.

ලොව වයස්ගතම තැනැත්තාට හිමි ලෝක වාර්තාව පිරිනැමුණු උත්සවයේදී කේන් සයහැවිරිදි දැරියක සේ ලජ්ජාවූ බව සඳහන්ය. එම අවස්ථාවේ ඇයට චොකලට් පෙට්ටියක් ද තෑගි කර ඇත. ඇය එය ඉක්මනින් විවෘත කර කෑමට පටන්ගෙන ඇත. පසුව ඇයට එදින කෑමට චොකලට් කීයක් අවශ්‍යදැයි විමසන ලදුව ඇගේ පිළිතුර වී ඇත්තේ ‘100’ක් බවයි.

කේන්ට පෙර වසර 22ක් තිස්සේ මේ වාර්තාවට හිමිකම් කියා ඇත්තේ ලූයිස් කැල්මන්ට් නමැති ප‍්‍රංශ ජාතිකයෙකි. 1875 පෙබරවාරි 21දා උපන් ඔහු මියයන විට වයස අවුරුදු 122කුත් දින 164කි.

ඒ. ජී. දීපිකා ප‍්‍රියදර්ශනී

  1. පැයට කි. මී. 400ක දුම්රිය ධාවන පරීක්ෂාවට
  2. ජීවිත ආසාව අතහැර පළමු ප්‍රහාරයට පිටත් වෙයි
  3. පතාන්වරුන් කන්‍යාසොයුරියන් දූෂණය කරද්දී ඉන්දියාව කාශ්මීරය අල්ලති
  4. ට්‍රම්ප් ඉන්දියාවට ගණන් උස්සයි
  5. ඩුබායි නගරයට බායි කියන්නට බැරි හේතුව
  6. කලාතුරකින් දකින්නට ලැබෙන ඡායාරූප
  7. ඕස්ටේ‍්‍රලියාවෙන් හමු වූ විසල් එළදෙන
  8. ලෝකයේ සුවිසල් ලවණ කැඩපත
  9. අරුම පුදුම අයිස්ක‍්‍රීම් කෙසෙල්
  10. තූර්කියේ විස්මිත උණු වතුර ළිං
  11. ජපානයේ අරුම පුදුම රෝල් කෝස්ටර් පාලම
  12. ලෝකයේ පැහැදිලිම විල
  13. ලෝකයේ ලොකුම පුෂ්පය
  14. දියමන්ති ගුවන් යානයේ ඇත්ත කතාව
  15. මෙහෙමත් අවන්හල් !
  16. රතු ලේනුන් ගේ නොදුටු දසුන්
  17. අහසේ ගෙවන ජීවිතේ
  18. පුදුම හිතෙන කුඩ
  19. ඝානාවේ අමුතු මිනී පෙට්ටි
  20. ලොවක් වසඟ කළ විස්මිත ප්‍රතිමා
  21. පැණි රස සහ බළල්ලූ
  22. ලෝකේ ලොකුම ගෙතූ බීරළු ලේසය

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.