lakbima.lk

මේ අපූරු ස්ථානය අපට දැක බලාගත හැකි වනුයේ බොලීවියාවෙනි. වර්ග කිලෝමීටර් 10,582ක් පුරා පැතිරී ඇති මෙම ලවණ කාන්තාරය ලෝකයේ සුවිසල් ම ලවණ පතළ ලෙස හැඳින්වේ. බොලීවියානු භාෂාවෙන් මෙම කාන්තාරයට නම් තබා ඇත්තේ සලාර් ඩි උයිනි යන නමින්.

උයිනි ලවණ කින්තාරය පිහිටා ඇත්තේ නිරිග දිග බොලීවියාවේ පොටෝසි හි ය. සැබැවින් ම මෙය  අන්දීස් කඳුකරයේ මුදුණත ආසන්නයේ හෙවත් මුහුදු මට්ටමින් අඩි 11 995ක් උසින් පිහිටා ඇති නිසාවෙන් අපූරු දර්ශන රැසක් මවාලන සුන්දර ස්ථානයක් බවට පත්ව ඇත.

උයිනි ලවණ කාන්තාරය බිහිව ඇත්තේ ලෝක නිර්මාණය සිදුවූ කාල වකවානුව තුළ ය. එම කාල පරිච්ඡේදයේ වූ විවිධ රසායනික නිර්මාණ ක‍්‍රියාවලිය නිසාවෙන් මෙහි ලිතියම් සංඝටක 50 ත් 70ත් අතර ගැබ් වී ඇත. ඒ අනුව මෙම පරිසරය ආශ‍්‍රිතව ලෝකයේ විශාලතම ලිතියම් ආකරය ද නිර්මාණය වී තිබීම සුවිශේෂී ය.

උයිනි ලවණ කාන්තාරයේ පවතින තවත් සුවිශේෂී ම ලක්ෂණයක් වනුයේ එය උස් බිමක පැවතුණ ද සම තලාවක් මෙන් ඈතට පැතිරී තිබීමයි. ඒ හේතුවෙන් මෙහි මතුපිට පැහැදිලි කණ්ණාඩියක් මෙන් පැහැපත්ව දිදුලන අතර වර්ෂා සමයේ දී වතුර සහිත විලක් බවට පත්වේ.

මෙම අපූරු ස්ථානයේ අහස හා පොළව සැතපුම් ගණනාවක් එක්ව පෙනෙන අතර මෙහි සුන්දර දසුන් නැරඹීමට දහස් ගණන් සංචාරකයන් පැමිණෙයි. කෙසේවෙතත් මෙම ලූණු ආකාරය නැරඹීමට යන විට දී ඇස් ආරක්ෂා කිරීමට අවැසි උපකරණ හා බෙහෙත් ද්‍රව්‍ය ගෙන යාම ද අනිවාර්ය කර ඇත.

උත්පලා ප‍්‍රබුද්ධිකා

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.