Coss Ear2
lakbima.lk
COSS Ear 1

ජනපතිගේ අවධානය සොරකම් කළ දකුණු කොරියානු ජනපතිගේ බොඩිගාඩ්

දකුණු කොරියාවේ නව ජනපති මුන් ජේ ඉන් මේ වනවිටත් රට නව මාවතකට ගෙනයාමට ‍පොරොන්දුවී සිටියි. කෙසේ වුවද නව නායකයාට යොමුවිය යුතු අවධානය ඔහුගෙන් උදුරාගන්නා තවත් අයෙකු ගැන ලොවපුරා මාධ්‍ය මේ වනවිට විමසිලිමත්ව සිටියි. නමින් චෝ යන්ග් ජේ වන මොහු ජනපතිවරයාගේ ප්‍රධාන අංගරක්ෂකයා හෙවත් බොඩිගාඩ් ලෙස කටයුතු කරයි. ඔහුගේ කඩවසම් පෙනුම හා ඉරියව් සිහිපත්කරන්නේ 1990 වසරේ සුප්‍රකට හොලිවුඩ් චිත්‍රපටයක් වන ද බොඩි ගාඩ් චිත්‍රපටයේ ජනප්‍රිය නළු කෙවින් කොස්ට්නර් වය. යුරෝපීය ඇඳුමින් සැරසී තියුණු දෑසින් ජනපති පසුපසටවී බලාසිටින වයස අවුරුදු තිස්හයක් වූ කඩවසම් බොඩිගාඩ්ගේ රුව මේ වනවිට අන්තර්ජාලය හරහාත් බෙහෙවින් ජනප්‍රියය.
දකුණු කොරියාවේ ඇතැම් ජනප්‍රිය වබේ අඩවි ජනපතිට එල්ලවිය හැකි අනතුරක් ගැන විමසිලිමත් වන යන්ග් ජේ ගේ විවිධ ඉරියව් රැගත් ඡායාරූප පෙළක් ප්‍රසිද්ධියට පත්කිරීමත් සමග මේ අපූරු අංගරක්ෂකයාගේ ජනප්‍රියත්වය තවත් වැඩිවී තිබේ. මේක චිත්‍රපටයක දර්ශනයක් වගෙයි. ඒ දසුන් දුටු අයෙකුට සිතෙනවා නම් එය පුදුමයක් නොවේ. කෙසේවුවද රිදී තිරයේ බොඩිගාඩ් චරිතය සැබෑ ජීවිතයේදී තමාට ඇළුම් කරන සුරූපී යුවතියක් සමග රඟන්නට නම් යන්ග් ජේට නොහැකිය. අවාසනාවකට වගේ ඔහු විවාහකයි. එසේ කියන්නේ නව රජයේ නිලධාරියෙකි.
තම අංගරක්ෂකයා තරමටම තරුණ කාලයේ කඩවසම්ව සිටි නව ජනපතිගේ එම තරුණ වියේ ඡායාරූපද මේ වනවිට ඉතා ජනප්‍රියව තිබේ.
නිශානි දිසානායක 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.