lakbima.lk

වසර 6 ක් පුරා පිට පිටම ලෝකයේ විශිෂ්ටතම ගුවන් තොටුපළ ලෙස ෂැංගි ගුවන් තොටුපළ පත් වන්නේ එය ලෝකයේ  අනෙකුත් ගුවන් තොටුපළවල් වලින් වෙනස් වන බැවිනි. මෙම ගුවන් තොටුපළ පරිශ්‍රය අතිශයින් පිරිසිදු තත්වයේ පවත්නා අතර   විවධ අයුරින් පරිසර හිතකාමීය. එමෙන්ම පහසුකම් අතින් ෂැංගී අනෙකුත් ගුවන් තොටුපළවල් වෙතින් වෙනස් වන්නේ එහි පවතින පහසුකම් වෙනත් ගුවන් තොටුපළවල් තුළ නොපවතින බැවිනි. ලෝකයේ විශිෂ්ටතම ගුවන් තොටුපළ ගෙස නම් දරන විට දී ලෝකයේ කාර්යබහුලතම ගුවන් තොටුපළවල්  15 අතර ද ෂැංගී ගුවන්තොටුපළ පවතියි.

මෙහි පළමු මහළ නිම වන්නේ 1981 දී ය. එම මහලේ පමණක් මිලියන 24ක මගීන් ප්‍රමාණයක් හැසිරවිය හැකි මට්ටමේ පවතියි. එමෙන්ම ඒ.ටී.එම් සේවා, ළදරු රුකවරණ මධ්‍යස්ථාන, ඊළඟ ගුවන් වාර එනතුරු විවේක ගත හැකි ස්ථාන, බඩු බාහිරාදිය තැබිය හැකි ස්ථාන, 3400 ක් වූ චාජින් පෝයින්ට්ස් සහිත විවිධාකාරයේ පහසුකම් සපයන ස්ථාන රැසක් ද මෙහි පවතියි. මෙම මහලේ ඉදිවී ඇති පතොක් උද්‍යානය තුළ වර්ග 100 කට අධික පතොක් රෝපණය කර ඇත. මහල් 4 කින් සමන්විත වන මෙම ගුවන් තොටුපල  මේ වන විට තව තවත් සේවා පුලුල් කරමින් හිඳියි.

සංචාරකය ආකර්ෂණය දිනා ගත්  දෙවන තටාකාංගනයේ පිහිටි කෝයි පොකුණ හා ඊට යාබදව පිහිටා ඇති දුර්ලභ සමනළයින් 10 000 ක් වෙසෙන සමනල් උද්‍යානය නැරඹීමට බොහෝ විදේශිකයින් පැමිණෙයි. තෙවන මහල වඩාත් සුවිශේෂී වන්නේ මෙතෙක් ලෝකයේ පිහිටි උසැති ම ගුවන් තොටුපළ අංඟන කොටස වන්නේ එය නිසා වීමයි. සුඛෝපභෝගී මට්ටමේ පවතින  ආහාරපාන ද මෙහිදී මැනවින් කැපී පෙනෙයි. ලෝකයේ විවිධ රසයෙන් පවතිනා විවිධ ආහාර වර්ග රැසක් මෙහිදී ඔබ හට ලබා ගත හැක.

මෙම ඔක්තෝබරයේ දී 4 වෙනි මහළ නිම වූ අතර එය සැකසීම සඳහා පමණක් ඇමරිකන් ඩොලර් මිලියන 737.5 වැය වී ඇත. එම කොටස තුළ විවිධ විනෝදාස්වාදනීය ක්‍රීඩා කිරීම සඳහා ක්‍රීඩාංගණ හා ජාතික උරුමයන් පිළිබඳ නිම වී ඇත. ඊට අමතරව මෙම කොටසින් ගුවන් මගීන්ගේ බඩු බාහිරාදිය කාණ්ඩ ගත කරන අතර මේ සඳහා මගීන් නිකරුණේ කාලය ගත කිරීමට අවශ්‍ය නොවෙයි. මෙහි පවතින ඉලෙක්ට්‍රොනික් උපාංග මගින් මුහුණු හඳුනාගැනීම නිරායාසයෙන් ම සිදු කෙරේ. 4 වන මහලේ කැපී පෙනෙන පහසුකම් අතර පැය 24 ම විවෘතව පවතින සම්බාහන ආයතන, ඉපැරණි තාලයේ රෙස්ටුරන්ට්, ඉහළ මාලයේ නිමවා ඇති නාන තටාකය , නොමිලේ පවත්නා ඉන්ටර්නෙට් පහසුකම් ප්‍රධාන ය.

මෙම පහසුකම් ලබා ගැනීම සඳහා බොහෝදෙනා ගුවන් වාර ආරම්භ කිරීමට බොහෝ පෙරාතුවම පැමිණෙන බව ගුවන් තොටුපළ බලධරයන් පවසයි. වසරකට මිලියන 62.2 ක් මෙම ගුවන්තොටුපළ වෙත පැමිණෙයි. අනාගතයේ දී  මෙම ගුවන් තොටුපළේ පහසුකම් තවත් පුලුල් කිරීමට නියමිත අතර පසුගිය සතියේ ලෝකයේ නොනවත්වා යනෙන දිගුම ගුවන් වාරය ආරම්භ කළේ ද ෂැංගි ගුවන් තොටුපළිනි.

 

උත්පලා ප්‍රබුද්ධිකා

 

 

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.