lakbima.lk

ඇමෙරිකාවෙ බෆෝඞ් යනු එක් මිනිසෙකු පමණක් ජීවත් වන අමුතු නගරයකි. මෙහි නිවැරදි නාමය වනුයේ ෆින්ඩෙලි ටවුන් බෆෝර්ඞ් ය. මෙම හුදකලා නගරය පිහිටා ඇත්තේ ව්යෝමින් ප‍්‍රාන්තයේ ඇල්බනියට නුදුරෙනි. 1866 දී මෙම නගරය ජනාවාස වීම ආරම්භ විය. මෙහි ජීවත් වූවා යැයි සැළකෙන උපරිම ජනගහණය  2000 ක් විය. 1900 දී පිහිටවූ තැපැල් කාර්යාලය 2004 දී වසා දැමුණි.

මෙයට ආසන්න නගර වනුයේ ලැරමී සහ චෙයිනී නගරයි. මුහුදු මට්ටමින් අඩි 8000ක් උසින් මෙය පිහිටා ඇත. මෙම නගරයට බෆෝර්ඞ් ලෙස ව්‍යවහාර කරනුයේ මේජර් ජෙනරල් ජෝන් බෆෝර්ඞ් සිහිවීම උදෙසා ය. ඔහු ඇමෙරිකානු සිවිල් යුද්ධය සඳහා ඉමහත් කැපවිම් කළ අයෙකි.

ඩොන් සැමන්ස් නගරයට පැමිණෙන්නේ 1980 දී ය. ඒ සිය බිරිඳ සහ එකම පුතු සමඟනි. ඔහු 1992 එම නගරය මිලට ගන්නා ලදී. 1995 දී සිය බිරිඳගේ අභාවයෙන් අනතුරුව පුතු ද ඔහු හැර යෑමෙන් එම නගරයේ ඉතිරි වනුයේ ඔහු පමණී. මෙම නගරය අක්කර 9.9 ක ප‍්‍රමාණයක පිහිටා ඇත. එහි ආහාර ගබඩාවක්, ගෑස් ස්ටේෂමක් හා මොඩියුල් නිවසක් පවතියි.

2012 දී ඩොන් සැමන්ස් ද සිය පුතු සමඟ ජීවත්වීම සඳහා නගරය විකුණ දැමූයේ ප‍්‍රසිද්ධ වෙන්දේසියක් හරහා ය. 2012 අපේ‍්‍රල් 5 වන දා ඇමෙරිකානු ඩොලර් ලක්ෂ 9 කට බෆෝර්ඞ් මිලට ගනු ලැබුවේ වියට්නාම් ජාතිකයන් දෙදෙනෙකු විසින් බවයි.

මේ වන විට ඔවුන් දෙදෙනාගෙන් එක් අයෙකු පමණක් මෙහි ජීවත්වන බවට වාර්තා වේ.  ඒ වියට්නාමයෙන් ගෙන්වන ප‍්‍රමුඛ කෝපි වර්ගයක් විකුණමිනි.

උත්පලා ප‍්‍රබුද්ධිකා

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.