lakbima.lk

රහ්මා හරුනා මෙලොව එළිය දකින්නේ බාහිර පෙනුමෙන් කිසිදු වෙනසක් නොමැති සාමාන්‍ය දරුවකු ලෙසිනි. නමුත් හුසෙයිනි හරුනා සහ ෆෝඩි හරුනා නම් වූ ඇගේ මාපියන්ට වෛද්‍යවරුන් පවසන්නේ ඇය ඉතාම දුර්ලභ ආකාරයේ දරුවෙකු බවය. ඒ පිළිබඳව වැටහීමක් නොමැති වීම නිසා එය එතරම් ගණනකට   නොගන්නා හරුනා මාපියන්ට එදා වෛද්‍යවරුන් පැවසූ කතාව ගැන යම් වැටහීමක් ලැබෙන්නට පටන් ගන්නේ රහ්මාගේ වයස මාස තුනක් පමණ වන විට ය.

ඒ, රහ්මාගේ හිස වර්ධනය වුව ද අත් සහ පාද වර්ධනය වීමක් සිදු නොවන බව ඔවුන්ට අවබෝධ වන බැවිනි. රහ්මාගේ වයස මාස තුනක් වූ විට මාපියන් ඇය රෝහලට රැගෙන යන්නේ ඇගේ අත් පා සාමාන්‍ය ලෙස නොවැඞීමට හේතු දැන ගන්නට ය. එහිදී ඔවුන්ට දැන ගන්නට ලැබෙන්නේ ඇගේ අත් සහ පාද කිසිම දිනක සාමාන්‍ය ආකාරයට වැඩෙන්නේ නැති බවකි.

රහ්මා පෙළෙන්නේ ඉතාම දුර්ලභ වූ ජානමය රෝගී තත්ත්වයකිනි. ජානමය    රෝගයක් යනු කුමක්ද යන්න පිළිබඳව පවා රහ්මාගේ මාපියන්ට වැටහීමක් නැත. එබැවින් ඔවුන් පවසන්නේ ඉස්ලාම් දහමේ ඉගැන්වෙන භූතයෙකු වූ ‘‘ජින්”ගේ බැල්ම රහ්මාට වැටී ඇති බැවින් ඇගේ සිරුර අන් දරුවන්ට වඩා වෙනස් වී ඇති බවය.

රහ්මාගේ ගෙලට ඉහළ ප‍්‍රදේශය සාමාන්‍ය ලෙස වර්ධනය වුව ද ඇගේ ශරීරය හෝ අත් පා නිසි ලෙස වර්ධනය වීමක් සිදු වන්නේ නැත. වෛද්‍ය වාර්තාවලට අනුව මෙවැනි දරුවකු උපත ලබන්නේ සජීවි දරු උපත් මිලියන හතරකට එකක් ලෙසිනි. මෙම තත්ත්වය හැඳින්වීම සඳහා නිශ්චිත විද්‍යාත්මක නමක් පවා මේ දක්වා යෙදී නැත. එයට හේතුව රහ්මාගේ මෙම ජාන සැකැස්ම සහිත තත්ත්වය ඉතාම විරල බවින් යුතු වීමත් එවැනි දරුවන් කීපදෙනෙකු පරීක්ෂාවට ලක් කිරීමෙන් පමණක් එයට නිශ්චිත හේතු ඉදිරිපත් කළ යුතු විමත් නිසා ය.

හේන් ගොවියකු ලෙස වගා කටයුතු කරන රහ්මාගේ පියාත්, වෙළෙඳ පොළේ එළවළු විකුණන ඇගේ මවත් රහ්මාටත් ඇගේ සහෝදරයාටත් කිසිදු අඩුපාඩුවක් සිදු නොකරන්නට වගබලා ගනිති. මව විසින් එළවළු විකුණද්දී
පාරිභෝගිකයන්ගෙන් මුදල් අය කර ගැනීම සිදු කරන්නේ රහ්මා විසිනි.

විකුණන එළවළු මලූවලට දමා දෙන්නේ ඇගේ සහෝදරයා විසිනි. දිනපතාම රහ්මා වෙළෙඳපොළ වෙත ඔසවාගෙන යන්නේ ඇගේ මවය. ඒ ඇයටම වෙන් වූ ප්ලාස්ටික් බේසමක් තුළ ඇයව දමාගෙනය. රහ්මා සතුව ප්ලාස්ටික් බේසම් දෙකක් තිබේ.

එකක් නිල් පැහැතිය. අනෙක කොළ පැහැතිය. ගෙදර සිටින විට නිල් පැහැති බේසම තුළත් ගමනක් යනවිට කොළ පැහැති බේසම තුළත් ඇයව දමාගෙන යනු ලබයි. එයට හේතුව කොළ පැහැති බේසම උසස් තත්ත්වයේ එකක් වීමත් නිල් පැහැති බේසම බාල වර්ගයේ එකක් වීමත්නිසාය.

වරක් ඇගේ මව ඇයව ප්ලාස්ටික් බේසම තුළ දමාගෙන වෙළෙඳ පොළට ගිය අවස්ථාවක එය දුටු එක් කරුණාවන්ත කාන්තාවක් ඇයට රෝද පුටුවක් පරිත්‍යාග කර තිබිණි. දැන් රහ්මාගේ මවට ඇය සහිත බේසම ඔසවාගෙන යාමට අවශ්‍ය නැත. රහ්මාව බේසමට බස්සා බේසම රෝද පුටුව මත තබාගෙන එහා මෙහා ගෙන යනු ලබයි. මේ නිසා රහ්මාට ගමේ වටපිටාව පෙන්වීමට ඇගේ බාල සහෝදරයාට ද හැකියාව තිබේ.

ඔහු දිනපතාම සවස් කාලයේ රහ්මා සමග ගම පුරා ඇවිදින්නට යයි. මේ නිසා රහ්මා ගමේ ඇති බොහෝ දේ මල්ලීගෙන් ඉගෙන ගනී.

මේ වනවිට ඇගේ වයස අවුරුදු 19 කි. එසේ වුව ද තනිව ආහාර ගැනීමට පවා ඇයට හැකියාවක් නොමැත. රහ්මා ජීවත් වන්නේ විශාල බලාපොරොත්තු රැසක් සමගිනි.

ඇගේ එකම බලාපොරොත්තුව අනාගතයේ ව්‍යාපාරයක් ආරම්භ කිරීමය. ඇය වඩාත්ම කැමැත්තක් දක්වන්නේ ග්‍රොසරියක් පටන් ගැනීමට ය. ”ග්‍රොසරියක් කියලා කියන්නේ  ඕනෑම දෙයක් තියෙන ලොකු කඩයකට.

ඒ වගේ කඬේකට මම කැමතියි. කවුරු හරි ඇවිදින් මොනවාහරි ඉල්ලූවාම ඒවා නැහැනෙ කියලා කියන්නේ නැතිව බඩු ගන්න එන අයට දෙන්න හැමදේම තියෙන ග්‍රොසරියක් පටන් ගන්නයි මම කැමති. දෙවියෝ ඒක කරන්න මට උදව් කරාවි” ඇය එසේ පවසන්නී ය.

 දුලංජලී මුතුවාඩිගේ

  1. භූතානයේ දොස්තර අගමැති
  2. පෞද්ගලික ආරක්ෂිකාවගේ ආරක්ෂාව තායිලන්ත රජු යටතට
  3. ඇමෙරිකාවට ආදායම් බදු ගෙවන බ්‍රිතාන්‍යයේ අලුත් කුමාරයා
  4. වසර මිලියන පන්සීයක් පැරණි ග්‍රේට් කැනියන් නිම්නය
  5. බෘෘනායි රාජ්‍යයේ සමලිංගිකයන්ට අලුත් නීතියක්
  6. ලොව බරින් වැඩිම දැරිය ආලියා සලීම්
  7. සුඩානයේ යුද්ධය වෙනුවෙන් පාප්වහන්සේගේ වැඳ වැටීම
  8. අවුරුදු 65,000කට පසු මානව වර්ගයාට අලුත් නෑයෙක්
  9. ස්ලෝවැකියාවේ ජනාධිපති ධුරයට පළමු වරට කාන්තාවක්
  10. බ්‍රෙක්සිට් නිසා මේ තවත් අමාරුවේ
  11. රජ පවු‍ලේ අයෙක් පළමු වරට කියුබාවට
  12. කථානායකට රට භාරදී ජනපති ගෙදර යයි
  13. වියපත් පුද්ගලයන් ජපානයෙන් වැඩිපුර වාර්තාවන්නේ ඇයි?
  14. ඉන්දියාවේ ගැමි කතුනගේ දුක කියා ඔස්කාර් සම්මානය දිනාගත් චිත්‍රපටය
  15. රැකියා තුන්දහසක් අහිමි කරමින් ලොව ලොකුම ගුවන් යානය කඩාවැටෙයි
  16. ලෝකයේ දූෂිතම නගර 20න් 18ක්ම දකුණු ආසියාවේ
  17. අල්කයිඩාවේ මීළඟ නායකයා ඔසාමා බින් ලාඩ්න්ගේ පුත් හම්සාද?
  18. “අයිනු”වන්ට රජයේ පිළිගැනීම ලැබේ
  19. කාල් මාක්ස්ගේ සොහොන්කොතට සති දෙකක් තුළ ප්‍රහාර දෙකක්
  20. 2020 ඔලිම්පික් පදක්කම් කසළ ගොඩකින්
  21. රුසියාව අන්තර්ජාලය ක්‍රියා විරහිත කිරීමේ සූදානමක
  22. කියුරියොසිටි සිට අභ්‍යවකාශයේ කඳු තරණය කරයි
  23. වකුගඩුවක් දන් දී පුංචි සමනළියකගේ දිවි බේරාගත් ගුරුවරිය
  24. චීනය තුළ ජපනුන් හැදු මරණයේ දොරටුව
  25. අයිස් ග්ලැසියරයෙන් මතු වූ ලේ ඇල්ල

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.