lakbima.lk

ඇමෙරිකාවේ හිටපු හා තිස්නව වැනි ජනාධිපති ජිමි කාටර් කවදත් සරල මිනිසෙකි. ජෝර්ජියාවේ සෙනෙට් සභිකයකුව හා ආණ්ඩුකාරවරයාව සිට 1977 වසරේදී ඩිමොක්‍රටික් පක්ෂයෙන් ජනපති පදවියට පත් හා මේ වනවිට වයස අවුරුදු අනූහතරක් වන හිටපු ජනපතිවරයා ජනපති පදවියෙන් සමුගත් පසුවද ජීවත්වන්නේ එම තනතුර ලබන්නට පෙර ජෝර්ජියා ප්‍රාන්තයේ ප්‍ලේන්ස් නම් කුඩා නගරයෙහි පිහිටි තම ගොවිපළෙහි ඉදිකරගත් හා ජීවත්වූ නිදන කාමර දෙකක් සහිත නිවසේය. වයස අවුරුදු අනූඑකක් වන බිරිය රොසලින් කාටර් සමග අතීතයේදී කළක් මෙන් ගෙවත්තේ වගාකරන කාටර්, බිරිය හෝ තමා විසින්ම එම එළවළු, පලතුරු හා කොළ වර්ගවලින් තනාගත් ආහාර ගෙන බිරියට උදව්වක් ලෙස පිඟන්, කෝප්ප, සාස්පාන්ද සෝදා දමන්නේය.හිටපු ජනපතිවරුන්ට ලැබෙන වරප්‍රසාද ඉතා අඩුවෙන් ලබාග න්නා ඔහු එසේ තබාගත් දෑ අතර ආරක්ෂක භටයන් කිහිපදෙනෙක් වෙයි. තම කැමැත්තෙන්ම අඩු වරප්‍රසාද ලබාගන්නා බැවින් හිටපු ජනපතිවරුන් වන බුෂ්, ක්ලින්ටන් හා ඔබාමා වෙනුවෙන් රජය කරන වියදම හා සසඳා බලනවිට කාටර් වෙනුවෙන් රජය දරන්නේ ඔවුන්ට කරන වියදමින් හතරින් එකක මුදලකි. වෙනත් ආකාරයකට කිව්වොත් ජනතාවගේ බදු මුදලින් අනෙක් ජනපතිවරුන්ට වඩා හතරින් එකකට අඩු මුදලකි.

මේ සියල්ල මදිවාට ජිමි කාටර් ජනපති පදවිය ලබන්නට පෙර කළාක් මෙන් තමා පදිංචි ප්‍රදේශය අයත් දේවස්ථානයේ ඉරිදා ඉස්කෝ‍ලේ උගන්වයි. ඒ නිසාම ඉරිදා දිනයට ඒ අවට ගැවසෙන සෙනඟද වැඩිවන්නේ ජිමි කාටර් බලන්නට අවට ජනතාවද පැමිණෙන නිසාය. ඇතැම්විට එසේ පැමිණෙන ජනතාව ‍පෝලිම් සැදෙන්නේ සෙනසුරාදා රාත්‍රියේ සිට බව වාර්තාවෙයි. වයස අවුරුදු අනූහතරේදීද යහපත් සෞඛ්‍ය තත්ත්වයේ සිටින ජනපතිවරයාට 2015 වසරේදී  අක්මාවේ හා මොළයේ මෙලනෝමා පිළිකා තත්ත්වයක් ඇතිවුවද විකිරණ ප්‍රතිකාරවලින් පසු සම්පූර්ණයෙන් සුවය ලබා සිටියි. ඔහුගේ දෙමව්පියන්, බාල සොයුරා හා සොයුරියන් දෙදෙනාම මියගියේ පිළිකා රෝගයට ගොදුරුවීමෙනි. තවමත් ක්‍රියාශීලී හිටපු ජනපතිවරයා යොවුන් වියේදී ඇමෙරිකානු නාවික හමුදාවේද සේවය කොට තිබේ. ජනපති පදවි කාලය අවසන්ව උපන් ගමට යනවිට ඔහුගේ වයස අවුරුදු පනස් හයකි. ජීවත්වන ගොවිපළ නිවසෙහි වටිනාකම ඇමෙරිකානු ඩොලර් එක්ලක්ෂ හැටහත්දහසකි.එය පිහිටි නගරයෙහි ජනගහනය හත්දහසකි. තමා මෙවන් සරල ජීවන රටාවක් ගෙවීමෙහි වරදක් නොදකින ජිමි කාටර් සුව පහසු ජීවිතයක් ගතකිරීමට කැමති අනෙක් ජනපති වරුන්ගේද වරදක් නොදකියි. අනෙක් හිටපු ජනපතිවරුන් මෙන් දේශන පවත්වා මුදල් ඉපැයීම හා විශාල ව්‍යාපාරවල අධ්‍යක්ෂ මණ්ඩල සාමාජිකයකු වීම පසෙක දැමූ ඔහු රටකජු ගොවියකු වී සිට ධවල මන්දිරයට ගොස් නැවත ඒ ගොවිපළටම පැමිණ සිටියි. ඒ එනවිට ඇමෙරිකානු ඩොලර් මිලියනයක පාඩුවක් ලබා තිබූ රට කජු ව්‍යාපාරය විකුණා දැමීමට කාටර්ට සිදුවිය. කාටර් කිසිදිනෙක දේශපාලනයෙන් මුදල් නොඉපැයු බවට හොඳම සාක්ෂිය එයයි.

“සල්ලිකාරයෙක් වෙන්න වුවමනාවක්වත් කැමැත්තක්වත් මට කවදාවත් තිබුණෙ නැහැ. ධවල මන්දිරයට යාම දවසක මුදල් ඉපැයීිමට හේතුවක් කරගන්නත් මගේ කැමැත්තක් නැහැ.” ඔහු කියයි.

වැඩි මුදලක් තමා සතුව නැති බව වැටහුණු හිටපු ජනපතිවරයා ‍පොත් ලිවීමෙන් මුදල් ඉපැයීමට තීරණය කළේ බදු ගෙවන්නන්ගේ මුදල් මත යැපීමට ඇති අකමැත්ත නිසාය. මේ වනවිට විවිධ විෂයයන් යටතේ ‍පොත් තිස්තුනක් ලියා යම් තරමකට මුදල් ඉපැයුවද ඒවා මෑතකාලයේ ජනපතිවරුන්ගේ ‍පොත් මෙන් උණු කැවුම් මෙන් විකිණී ගිය ඒවා නොවේ. ඔහු තම දියණිය සමග එක්ව ළමා ‍පොතක් ද ලියා තිබේ. අනෙක් හිටපු ජනපතිවරුන්ට වාර්ෂිකව ලැබෙන ඇමෙරිකානු ඩොලර් 210, 700 ක විශ්‍රාම වැටුප ලබාගන්නා කාටර් ඉතිරි බොහෝ පහසුකම් ලබා නොගනියි. නූතන යුගයේ ජනපතිවරුන් අතරින් ජනපති පදවියට සමුදීමෙන් පසු ඊට පෙර ජීවත්වූ නිවසේම පදිංචියට ගිය එකම ජනපති වරයා වන්නේද ජිමි කාටර්ය. වත්මන් ජනපති ඩොනල්ඩ් ට්‍රම්ප් දිවුරුම් දෙනු බලන්නට පැමිණ සිටි වයසින් වැඩිම හිටපු ජනපතිවරයාද ඔහුය. කාටර් සතු තවත් වාර්තාවක් වන්නේ නිවසේ නොව රෝහලකදී උපත ලැබූ පළමු ඇමෙරිකානු ජනාධිපතිවරයා වීමය. දේශපාලනයට පිවිසෙන්නට පෙර රජයේ නිවාසවල ජීවත්ව පසුකලක ජනපති පදවියට පත් එකම පුද්ගලයා වන්නේද කාටර්ය. වැඩිම කාලයක් එනම් වසර තිස්හතක් ඇමෙරිකාවේ හිටපු ජනපතිවරයකු ලෙස ජීවත්වන්නේද ජිමී කාටර්ය. තමාට හුරු පුරුදු පරිසරයේ ජීවත්වීම සතුටක් බවද පළාතේ ජනතාව තමන් දෙදෙනාව හොඳින් බලාකියා ගන්නා බවද හිටපු ජනපතිවරයා කියයි. කාටර් යුවළට උපහාරයක් ලෙස නගරයේ ප්‍රධාන වෙළෙඳසලෙහි ඔවුන්ගේ රුව ඇතුළත් පදක්කම් හා රටකජු යෙදූ අයිස්ක්‍රීම් විකුණන්නට තිබේ. හැම සෙනසුරාදාවකම තම මිතුරෙකුගේ නිවසේ රාත්‍රී ආහාරය ගන්නා කාටර් යුවල එතැන්සිට 1961 වසරේ ඉදිකළ තම නිවස දක්වා ඇති සැතපුම් භාගයක දුර ඇවිද යන්නේ අත්වැල් බැඳගෙනය. මනා ශරීර සුවයෙන් පසුවන රොස්ලින් කාටර් ඇවිදින විට බස්තමක් පාවිච්චි කරන්නට පුරුදුවූයේද බෙහෙවින් මෑත කාලයේය.

ඇමෙරිකාවේ හිටපු ජනපතිවරු පෞද්ගලික ගුවන්යානාවල ගමන් කරද්දී කාටර් හා බිරිය ගුවන් යානාවල සාමාන්‍ය පන්තියේ ගමන් කරයි. එවැනි ගමන් යනවිට යානයේ සිටින සියල්ලන් සමග සිනාසෙමින්, කතා කරමින් සෙල්ෆි ගන්නටද කාටර් පැකිලෙන්නේ නැත. තමන් ලොක්කන් ලෙස සිතමින් හැසිරෙන්නට අකමැති ඔහු තමා ලොක්කෙක් ලෙස ගණන් නොගනියි. දක්ෂ චිත්‍ර ශිල්පියකු වන කාටර්ගේ සිතු වම් ඔහුගේ නිවස තුළ වෙයි. ජනපති ලෙස කටයුතු කළේ සිව් වසරක් බැගින් වීම හා රජයේ නිලධාරීන්ට ලැබෙන සෞඛ්‍ය රක්ෂණය ලැබෙන්නේ වසර පහකට පසු වීම නිසා ඒ පහසුකමද කාටර්ට අහිමිය. ඔවුන්ට සෞඛ්‍ය රක්ෂණය ලැබෙන්නේ වසර තිස්හයක් ඉගැන්වීමේ කටයුතු කළ එමෝරි විශ්ව විද්‍යාලයෙනි. නිවසේ පරණ ගරාජයක් කන්තෝරු කාමරය බවට හරවාගෙන සිටින කාටර් කියන්නේ තම ප්‍රියතම ජනපතිවරයා හැරී ටෘෘමන් බවය. ජිමි කාටර් නිසාම වසරකට සංචාරකයන් හැත්තෑදහසකට වැඩි ගණනක් ප්‍ලේන්ස් වෙත එන්නේ නගරයට හා රටේ ආර්ථිකයට ඇමෙරිකානු ඩොලර් මිලියන හතරකට නොඅඩු මුදලක් එක්කරමිනි. පසුගිය දිනයක තමා හා සම්මුඛ සාකච්ඡාවක් පැවැත්වූ මාධ්‍යවේදියකු සමග කාටර් යුවළ නගරයේ ඇවිද ගිය අතර ඔවුන් සමග නගරවැසියන් කෙතරම් සමීපද යන්න එම මාධ්‍යවේදියාට දැකගන්නට ලැබිණි. ඒ යන අතර හිටපු ජනපතිවරයා හමුදා සේවයෙන් නිවාඩු ලබා පැමිණි දිනයක තම බිරිය රොසලින්ව තමා මුල්වරට දුටු තැනද පෙන්නූ බව ලිපියෙහි සඳහන් වෙයි.

 කාටර්ගේ බිරිය රොසලින්ද වත්තේ වවා ගෙදර කෑම උයා නිවස පිරිසිදු කරගත්තද කලක් තානාපති සේවයේ සිටි හා ජිමි ජනපති පදවිය දරන සමයේ ඔහුගේ කිට්ටුම උපදේශිකාව ලෙස කටයුතු කළ කාන්තාවකි. කාටර් උපත ලැබූ ජෝර්ජියාවේ ප්‍ලේන්ස් නගරයේම සාමාන්‍ය පවුලක උපත ලැබූ ඇය ඔහු හා පෙමින් බැඳුණේ 1945 වසරේදීය. විවාහ වූයේ 1946 වසරේදීය. ෆස්ට් ‍ලේඩි ෆේ‍රාම් ප්‍ලේන්ස් නමින් තම ජීවිත කතාව ‍පොතකට ගෙන ආ ඇය සැමියා ජිමි කාටර් සමග එක්ව ‍පොතක්ද වෙනත් කර්තෘවරුන් සමග ‍පොත් තුනක්ද ලියා තිබේ. ඔවුන් මුණගැසී විවාහවී ගතකළ කාලය වසර හැත්තෑ දෙකකි. කාටර් යුවළට පුතුන් තිදෙනෙක් හා දියණියක් වෙයි. මුනුපුරන් අටදෙනෙක් හා මිනිපිරියන් කීපදෙනෙකි. මින් එක් මුනුපුරෙක් වයස අවුරුදු විසිඅටේදී මියගියේය. මී මුනුපුරන් දෙදෙනකි.    

නිශානි දිසානායක

  1. ගූග්ල් බයිසිකල්
  2. වසර 65කට පසු හැඟුම්බර හමුවක්
  3. අලිම අලි අලිගැටපේර
  4. සිනහවේ රහස්
  5. මිනිස් සිරුරේ විස්මිත රහස්
  6. මහා ගල් කන්දක් තනිවම කඩා ගමත් නගරයත් එකට යා කළ දශ්රාත් මාන්ජි
  7. ෆොටෝ ගහලා මේල් කරන අපූරු කැමරාවක්
  8. සාමය සඳහා මැදිහත් වූ සංවේදි මිනිසා කොෆී අන්නන්
  9. වෙනිසියුලන් සංක‍්‍රමණ අර්බුදය උත්සන්න අතට
  10. කොෆී අනන් ගේ ජීවිත වියමන
  11. ප්‍රංශය විසිපස් වසරක් සොයන රන් බකමූණා
  12. ලොව වටා ආහාර ගැන නොදත් දේ
  13. බංගලාදේශයම නතරකළ රිය අනතුර
  14. ලොව පුරා රූපවාහිනී නාලිකාවලට අලුත් අභියෝගයක්
  15. සත්ව ලෝකයේ අපූරු තොරතුරු
  16. පීටර් රැබිට් චිත‍්‍රපටයේ නොපෙණුනු කතාව
  17. පලතුරු රස රහස්
  18. ඉන්දියානු රජය සුළුතරය මඩින මෙහෙයුමක ?
  19. ලොව පළමු නළ බබා කියන අපූරු කතාවක්
  20. මනාලයාට ගුටි බැට දෙන දකුණු කොරියානුවෝ
  21. දවස් දෙකයි මඟුල ඉවරයි
  22. අදෘශ්‍යමාන ශ‍්‍රවණාධාරකයක්
  23. යුනෙස්කෝවේ ලෝක උරුමයන් අතරට එක්වූ අලූත් සාමාජිකයෝ
  24. තෝරු මෝරු එළියට හාල් මැස්සන් ඇතුළට
  25. මේගන් පළමු රාජකීය සම්ප‍්‍රදාය කඩයි

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.