Coss Ear2
lakbima.lk
COSS Ear 1

විසිඑක් වැනි වරටත් පැවැත්වෙන පාපන්දුවේ වසන්ත මංගල්‍යය හෙවත් ෆිෆා තරගාවලිය රුසියාවේදී මේ වන විට පැවැත්වෙයි. ජුනි 14 ඇරඹුණු තරගාවලිය ජුලි 15 දක්වා පැවැත්වෙනු ඇත. නගර එකොළහක පිහිටි ක්‍රීඩාංගණ දොළහක පැවැත් වෙන ෆිෆා තරගාවලියට රටවල් තිස්දෙකක කණ්ඩායම් සහභාගි වෙයි. මෙවර තරගාවලියේ 
පළමු තරගය පැවැත්වුණේ හා අවසන් තරගය පැවැත්වෙන්නේ මොස්කව් නුවර ලුස්නික් ක්‍රීඩාංගණයේදීය. මෙවර විශේෂත්වයක් වන්නේ 1958 සිට හැම ෆිෆා තරගාවලියකටම සහභාගි වූ ඉතාලිය ඒ සඳහා සුදුසුකම් නොලැබිමය. අයිස්ලන්තය හා පැනමාව මෙවර පාපන්දු ලෝක කුසලානය සඳහා එක්ව සිටින අලුත් රටවල් වෙයි.
ෆිෆා තරගාවලියෙන් පාපන්දු ෆෙඩරේෂණය විසින් ඉවත්කරන ලද රටවල් දෙකකි. ඒ ඉන්දුනීසියාව හා සිම්බාබ්වේය. තම පුහුණුුකරුට මුදල් නොගෙවීම හේතු වෙන් සිම්බාබ්වේ රාජ්‍යයට ෆිෆා තරගාවලිය අහිමි වූ අතර ඉන්දුනීසියාවට එය අහිමිවූයේ රාජ්‍ය මට්ටමින් එරට පාපන්දු ක්‍රීඩාවට සිදුවන ඇඟිලිගැසීම් හේතූවෙනි. ලෝක ජනගහනයෙන් සියයට හතළිස් හයක් වන එනම් බිලියන 3.2ක ජනතාව විනාඩියකට වැඩි කාලයක් පාපන්දු තරගයක් නැරඹීමට ගතකිරීම හරහා එය ලොව වැඩිම පිරිසක් නරඹන ක්‍රීඩාව බවට පත්වී තිබේ. 2010 වසරේ ස්පාඤ්ඤය ලෝක කුසලානය හිමිකරගන්නා ආකාරය නැරඹුවෝ මිලියන නමසිය නමයකි. පාපන්දු ලෝක කුසලානයේ ජයග්‍රාහී රටට ඇමෙරිකානු ඩොලර් මිලියන තිස්පහක් හිමිවන අතර දෙවන ස්ථානයට හිමිවන මුදල ඇමරිකානු ඩොලර් මිලියන විසිපහකි. මෙහි තවත් විශේෂත්වයක් වන්නේ තරගාවලියට ඉදිරිපත් වන සෑම රටකටම මිලියන ගණනින් මුදල් ගෙදර ගෙනියන්නට ලැබිමයි. 2014 වසරේදි මසක් පුරා පැවති ෆිෆා තරගාවලියෙන් පාපන්දු ෆෙඩරේෂණය උපයාගත් මුදල ඇමෙරිකානු ඩොලර් බිලියන හතරක් බැවින් මෙසේ ක්‍රීඩකයින්ට මිලියන ගණනින් මුදල් බෙදීම ඔවුන්ට අපහසු නැති බවද මෙහිදී සිහිපත් කළ යුතු වෙයි.
1994 තරගාවලියේදි කැමරූන් සමග පැවැති තරගාවලියේදී ගෝල පහක් ලබාගනිමින් ෆිෆා තරගාවලියේදි වැඩිම ගෝල ලබාගත් ක්‍රීඩකයා වීමේ වාර්තාවට හිමිකම් කියන්නේ රුසියාවේ ඔලෙග් සැලෙන්කෝය. 1982 තරගාවලියේදී ගෝල දහයක් ලබාගනිමින් එල් සැල්වදෝරය පරාජය කළ හංගේරියාව ෆිෆා තරගාවලියකදී වැඩිම ගෝල ලබාගත් කණ්ඩායම වීමේ වාර්තාවට හිමිකම් කියයි. මේ අතර ෆිෆා පාපන්දු ලෝක කුසලාන තරගාවලියේ අනුග්‍රාහක අගය මෙවර වෙන වසරවලට වඩා අඩුවී ඇති බවක් කියැවෙයි.අනුග්‍රාහකයින් සොයාගැනීම මෙවර තරමක් දුෂ්කර වූ බවද පසුව චීන සමාගම් කිහිපයක් අනුග්‍රාහකත්වය දැක්වූ බවද මාධ්‍ය වාර්තාවල දැක්විනි.
මෙවර ලොව පුරා පාපන්දු ලෝලින් දෑස් දල්වාගෙන බලා සිටින්නේ තම හද දිනූ පාපන්දු තරු පිටියේ දක්වන දස්කම් දෙසය. ඒ අතර පෘතුගාලයේ ක්‍රීස්ටියානෝ රොනාල්ඩෝ කැපී පෙනෙයි. ඒ මේ වනවිට වයස අවුරුදු තිස්තුනක් වුවද තවමත් පිටියේ ඉහළම දස්කම් දැක්විය හැකි ඔහු ක්‍රීඩා දිවියෙන් සමුගැනීමට පෙර තම මූලික ඉලක්කය කොටගෙන සිටින්නේ ලෝක පාපන්දු කුසලානය තම රටට දිනාදීම බැවිනි. පස් වරක් රන් පාපන්දුව එනම් ගෝල්ඩන් බෝල් සම්මානය දිනා සිටින රොනාල්ඩෝ තමා ක්‍රීඩා කරන රියල් මැඩ්රිඩ් ක්‍රීඩා සමාජයට ගෝල හාරසිය හතළිස් තුනක් මේ වනවිට ලබාදී ඇත්තේ රියල් මැඩ්රිඩ් සමාජයට වැඩිම ගෝල ගණනක් ලබාදුන් ක්‍රීඩකයා බවට පත්වෙමිනි. පෘතුගාල පාපන්දු ඉතිහාසය තුළ වැඩිම ගෝල ගණනක් ලබාදුන් ක්‍රීඩකයා වීමේ වාර්තාවට රොනාල්ඩෝ හිමිකම් කියන්නේ ගෝල හැත්තෑනමයක් තම රට වෙනුවෙන් ලබාදෙමිනි.
ආජන්ටිනාවේ ලියොනෙල් මෙසී ගැන නොදන්නේ මොන පාපන්දු ලෝලියා ද? දැඩි පාපන්දු ලෝලියක වන මේ ලියන මගේද ප්‍රියතම ක්‍රීඩකයා වන්නේ මෙසීය. එදා මෙදා තුර මගේ ප්‍රියතම පාපන්දු තරුව ප්‍රංශයේ සිනෙඩීන් සිඩෑන් වුවද කණ්ඩායමේ හොඳම හා කැපී පෙනෙනම ක්‍රීඩකයා නිතර සැරසෙන නොම්මර දහය සහිත කමිසයෙන් සැරසී පිටිය පුරා දිවයන ලියොනෙල් මෙසී කලක සිට බොහෝ පාපන්දු ලෝලීන්ගේ මෙන් මගේද ප්‍රියතම දසුනකි. සුපිරි පාපන්දු තරුවක වන දියා ගෝ මරදෝනා ඇතුළු පාපන්දු තරු බිහිකර ඇති ආජන්ටිනාවේ කණ්ඩායම කලක සිට වර්ණවත් කරන්නේ මෙසීය.මෑත කාලයේදී තම කණ්ඩායමට ප්‍රධාන පෙළේ සම්මානයක් දිනාගැනීමට බැරිවූ හෙයින් මෙවර ලෝක කුසලානයේදී ආජන්ටිනාව වෙනුවෙන් ගෝල රැස්කොට ලෝක කුසලානය දිනාගැනීමට මෙසී ඇතුළු පිරිස හැකි වෙර යොදනු නිසැකය. ලෝක කුසලානය අතරේම තම තිස්එක් වැනි උපන් දිනය සමරන මෙසී නිසැකයෙන්ම මෙවර තරගාවලියේ දිදුළන තරුවයි. ගෝල්ඩන් බෝල් සම්මානය පස්වරක් දිනා ඇති මෙසී තම රට වෙනුවෙන් ගෝල හැටඑකක් ලබාගෙන වැඩිම ගෝල ලබාගත් ක්‍රීඩකයාගේ වාර්තාවට හිමිකම් කියයි.
වාර හතක් තුළ ඉංග්ලිෂ් ප්‍රිමියර් ලීග් වෙනුවෙන් ගෝල එකසිය තිස් හතරක් ලබා ඇති එංගලන්තයේ විසිපස් හැවිරිදි හැරී කේන් මෙවර බොහෝ දෙනාගේ තවත් බලා‍පොරොත්තුවකි. 2015 මාර්තු විසිහත්වැනිදා පළමුවරට තම ජාතික කණ්ඩායම වෙනුවෙන් ක්‍රීඩාකළ හැරී පළමු විනාඩිය තුළදී තම පළමු ගෝලය ජාතික කණ්ඩායම වෙනුවෙන් ලබාදුන්නේය.රුසියාවේ පැවැත්වෙන මෙම තරගාවලියේදී එංගලන්තය සුදුසුකම් ලබන්නට ප්‍රබල දායකත්වයක් ලබාදුන් හැරී කේන්ගේ දස්කම් ලෝක පාපන්දු තරගාවලියකදී දකින්නට ලැබෙන පළමු අවස්ථාව මෙය බැවින් පාපන්දු ලෝලීන්ගේ විශේෂ උනන්දුවක් ඔහු වෙත යොමුව තිබේ.
එතෙක් මතෛක් ලොව බිහිවු විශිෂ්ටතම පාපන්දු තරුව ලෙස සැලකෙන බ්‍රසීලයේ පේ‍ලේ විසින් පාපන්දු හඳුන්වන ලද්දේ “ද බියුටිෆුල් ගේම්”එනම් ලස්සන ක්‍රීඩාව ලෙසිනි.පේ‍ලේ වැනි තරු බිහිකළ බ්‍රසීලයේ පාපන්දු පිටිය ලස්සන කරන වර්තමාන තරුව නෙයිමාර් බොහෝ දෙනකුගේ තවත් බලා‍පොරොත්තුවකි. කෙ සේවුවද කණ්ඩායමේ එකම තරුව වීමට විසිහය හැවිරිදි නෙයිමාර්ට නොහැකි වනු ඇත්තේ මෙවර බ්‍රසීල කණ්ඩායම දක්ෂ තරුණ ජවයෙන් පිරී ඇති බැවිනි. කෙසේවුවද පාදයේ අස්ථියක ඇති ආබාධයක් නිසා පුරුදු දස්කම් දැක්වීමට නෙයි මාර්ට හැකිවේද යන්න ගැන ඇතැමෙක් සැක පළකරති.
බාසිලෝනා සමාජයට ක්‍රීඩාකරන ජර්මනියේ නොම්මර එකේ දැල රකින්නා වන මාක් ඔන්ද්‍රේට ස්ටෙජන් ලොව හොඳම ක්‍රීඩකයන් අතරට එක්වන බවට අනාවැකි පළව ඇති අයෙකි. ලෝක කුසලානය පැවැත්වෙන අතරේ තම විසිහය වැනි උපන්දිනය සමරන මොහු ටෝනි කෲස් හා රොබට් ලෙවාන්ඩවුස්කි වැනි සුපිරි ක්‍රීඩකයන් සමග එක්ව ජර්මනියට ලෝක කුසලානය දිනාදීමට සියලු වෙර ගනු ඇත.පැනමාවේ රොමාන් ටොරෙස් ද පාපන්දු ලෝලීන් ඇස ගසා සිටින තවත් තරුවකි. මෙවර පළමුවරට පාපන්දු ලෝක කුසලාන තරගබිමට පිවිස සිටින පැනමාව වෙනුවෙන් තරග වදින තිස් දෙහැවිරිදි රොමාන් 2017 වසරේ පැනමාවේ හොඳම ක්‍රීඩකයාට හිමි සම්මානය දිනාගෙන තිබේ. 
 
නිශානි දිසානායක
  1. රුසියාවෙන් අපූරු පාපන්දු සැමරුමක් පිදුරුවලින් පාපන්දු පිටියක්
  2. හදිසියේ මතුවූ ග්‍රහකයක් නිසා ලෝකයට අලුත් තර්ජනයක්
  3. බරක් සහ මිෂෙල් ඔබාමා ටෙලි නාට්‍ය නිෂ්පාදනයට
  4. ලෝකයෙන් තුරන් වී ගිය සත්වයෙකු චිනයෙන් මතුවෙයි
  5. සඳෙහි නොපෙනෙන පැත්තට යන පළමු යානය චීනයෙන්
  6. වෙඩිං හැංගි මුත්තන්
  7. ඉන්දියාව භීතියට පත්කළ ලිංගික අපරාධ රැල්ලක්
  8. හැරී සහ මේගන් මධු සමය කල් දමති
  9. ගූගල් කැමරාවට හසුවූ අරුම පුදුම ඡායාරූප කිහිපයක්
  10. ටජ්මහලට අනතුරක්
  11. පෘථිවියට සමාන ග්‍රහලොවක් සොයන්නට නාසා ආයතනයෙන් චන්ද්‍රිකාවක්
  12. 22 වෙනි වරටත් එවරස්ට් නැග ලෝක වාර්තාවක් තැබිමට යන කමි රීටා
  13. යුග පුරුෂයකු පිටුපස සිටි දිරිය කත විනී මැන්ඩෙලා නික්ම යයි
  14. ප්‍රහාරයට මැදි වූ 6000කට පිළිකා ;නිව්යෝක් ප්‍රහාරයේ අනුවේදනීය පසුවදන
  15. ලෝකයේ හොඳම ගුරුවරියට කෝටි 16ක තෑග්ගක්
  16. හද බැඳි විකසිත ආදරයේ තේමා සංගීතය ද සවුන්ඩ් ඔෆ් මියුසික්
  17. මුහුණු පොත අඩපණ කළාට පස්සේ කරළියට ආපු ලොව පුරා රහස්
  18. භූතයන් එලවීම
  19. රජ පවුලට එක්වන්නට පෙර මේගන් මාකල් ඉගෙන ගත යුතු රාජකීය සිරිත්
  20. ඔස්ට්‍රේලියාවේ වෙරළකින් හමු වූ පැරණිම පණිවුඩය
  21. කෙට්ටු වෙලා තෑගි දිනමු
  22. ඇමෙරිකාව සහ උතුරු කොරියාව අතර සාකච්ඡා ඇරඹෙන ලකුණු?
  23. විලියම් කේට් යුවළ ඇකඩමි උළෙලේ
  24. ලොව පුරා දූෂිත දේශපාලකයන්ට දකුණු අප්‍රිකාවෙන් රතු එළියක්
  25. කුහුඹු ඝාතන වෘත්තය

Page 1 of 83

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.