lakbima.lk

තම තමන්ගේ මැතිවරණ කොට්ඨාශවල පිහිටි පාසල් වලට ගොස් අද (21) දිනයේදී පාසල් වල ආරක්‍ෂක තත්වයන් සොයා බලා පාසල් වලට ළමුන් පැමිණීම සඳහා දිරිගැවීමට විපක්‍ෂයේ පාර්ලිමේන්තු මන්ත්‍රීවරුන්ට හා පළාත් පාලන නියෝජිතයින්ට කටයුතු කරන ලෙස ගරු විපක්‍ෂ නායක මහින්ද රාජපක්‍ෂ මැතිතුමා විසින් උපදෙස් ලබා දී ඇත.

ඒ අනුව ගරු මහින්ද රාජපක්‍ෂ මැතිතුමාද පුද්ගලිකවම මැදිහත් වෙමින් අද පෙරවරුවේ කොළඹ හා ඒ අවට පිහිටි තර්ස්ටන්, රාජකීය, විශාකා, හින්දු විද්‍යාලය, ආනන්ද, නාලන්ද, ගෝතමී යන පාසල්වලට ගොස් පාසල් ළමුන්, දෙමාපියන්, ගුරුවරුන් හා විදුහල්පතිවරුන් හා ආරක්‍ෂක නිලධාරීන් සමඟ  අදහස් හුවමාරු කර ගනිමින් පාසල් හා ඒ අවට ආරක්‍ෂක තත්වයන් සොයා බැලීමට කටයුතු කළේය.

මේ සඳහා පාර්ලිමේන්තු මන්ත්‍රීවරුන් වන බන්දුල ගුණවර්ධන, මහින්දානන්ද අලුත්ගමගේ, කනක හේරත්, විපක්‍ෂ නායක ලේකම් හර්ෂ විජේවර්ධන යන මහත්වරුන්ද එක්වූහ.

යුද්ධය නිමවී වසර 10 ක් සම්පූර්ණ වීම හා යුද්ධයෙන් මිය ගිය රණවිරුවන්ට සහ පාස්කු ඉරුදින ප්‍රහාරයෙන් මිය ගිය අයවෙනුවෙන් පිං පමුණුවීමත්, තුවාල ලැබූවන්ට ඉක්මන් සුව ප්‍රාර්ථනා කිරීම ඇතුළුව අරමුණු කිහිපයක් පෙරදැරි කර ගෙන ත්‍රෛයිනිකායික මහා සංඝරත්නය වැඩමවීමෙන් අරලියගහ මන්දිර භූමියේ රෝපිතව වැඩ වසන ජය ශ්‍රී මහා බෝධි ශාඛා වහන්සේ අභියසදී බෝධි පූජාමය පිංකමක් ඊයේ (19) පැවැත්විණි.

අග්‍රාමාත්‍ය රනිල් වික්‍රමසිංහ මහතා, මහාචාර්ය මෛත්‍රී වික්‍රමසිංහ මහත්මිය සහ රජයේ මැති ඇමැතිවරු හා බෞද්ධ පිංවතුන් රැසක් එම බෝධි පූජාමය පිංකමට සහභාගිවූ අතර, බෝධි පූජාව ආරම්භ කිරීමට මත්තෙන් අරලියගහ මන්දිරයේ පිවිසුම් දොරටුවේ සිට මහා සංඝරත්නය පෙරහරකින් බෝධීන් වහන්සේ අභියසට වැඩම කරන ලදී.

සේදවත්ත වෙහෙරගොඩ පුරාණ විහාරාධිපති පූජ්‍ය අඹන්වල ඥානාලෝක හිමිගේ අනුශාසනා පරිදි අග්‍රාමාත්‍ය කාර්යාලය විසින් මෙම බෝධි පූජා පිංකම සංවිධානය කරනු ලැබීය.

මෙම අවස්ථාවට ශ්‍රී ලංකා අමරපුර මහානිකායේ දක්ෂිණ පළාතේ ප්‍රධාන සංඝනායක සද්ධර්ම කීර්ති ශ්‍රී කෙහෙඹියේ විජිත නාහිමිපාණන්, රාමඤ්ඤ මහා නිකායේ සමයෝජක ආචාර්ය කරකෝලේ පියදස්සි නාහිමි, එක්සත් ජාතික භික්ෂු පෙරමුණේ ලේකම් නාලාන්දාරාමාදිපති පූජ්‍ය තිනියාවල පාලිත නාහිමි, එක්සත් ජාතික භික්ෂු පෙරමුණේ උත්තරීතර උපදේශක දර්ශනපති කහටපිටියේ පඤ්ඤාසාර නාහිමි ප්‍රමුඛ මහා සංඝරත්නය සහ බුද්ධශාසන හා වයඹ සංවර්ධන අමාත්‍ය ගාමිණ ජයවික්‍රම පෙරේරා, එක්සත් ජාතික පක්ෂ මහලේකම් සහ අධ්‍යාපන අමාත්‍ය අකිල විරාජ් කාරියවසම්, අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන, ප්‍රාථමික කර්මාන්ත සහ සමාජ සවිබලගැන්වීම් අමාත්‍ය දයා ගමගේ, අභ්‍යන්තර හා ස්වදේශ කටයුතු සහ පළාත් හා පළාත් පාලන රාජ්‍ය අමාත්‍ය ජේ.සී. අලවතුවල, ප්‍රවාහන හා සිවිල් ගුවන් සේවා අමාත්‍ය අර්ජුන රණතුංග, කම්කරු හා වෘත්තීය සමිති සබදතා කැබිනට් නොවන අමාත්‍ය රවීන්ද්‍ර සමරවීර, ප්‍රවාහන හා සිවිල් ගුවන් සේවා රාජ්‍ය අමාත්‍ය අශෝක් අබේසිංහ, පාර්ලිමේන්තු මන්ත්‍රීවරුන් වන ආශු මාරසිංහ, හර්ෂණ රාජකරුණා, අග්‍රාමාත්‍ය ලේකම් සමන් ඒකනායක යන මහත්වරුන් ප්‍රමුඛ දේශපාලනඥයින් සහ බැතිමත්හු විශාල පිරිසක් සහභාගීවී සිටියහ.

 


ශ්‍රි පාද උඩ මළුවේ සිට මාර්ග තුනක් ඔස්සේ වැඩම කළ සදාතුක කරඩුව සමන් දේව ප්‍රතිමාව සහ දේවාභරණ අද (20) පස්වරු වන තෙක් පැල්මඩුල්ල රජ මහ විහාරස්ථානයේ ගමන් මාලිගාවේ තැන්පත් කෙරේ.

ශ්‍රි පාද  වන්දනා වාරය අවසන් විමත් සමග පැල්මඩුල්ල රජ මහ විහාරස්ථානයේ ගමන් මාලිගාව දක්වා ඊයේ (19) රාත්‍රියේ වැඩම කෙරු සදාතුක කරඩුව සමන් දේව ප්‍රතිමාව සහ දේවාභරණ අද (20) පස්වරු 3 තෙක්  බැතිමතුන්ට වැද පුදා ගැනීමට අවස්තාව සලසා දි ඇති බව ශ්‍රි පාදස්ථානාධිපති  බෙන්ගමුවේ ධම්මදින්න නායක ස්වාමින් වහන්සේ පැවසිය.

2018-2019 ශ්‍රි පාද වන්දනා වාරය වෙසක් පොහෝ දිනයෙන් අවසන් විමෙන් පසු ශ්‍රි පාද උඩ මළුවේ තැන්පත් කර තිබු සදාතුක කරඩුව සමන් දේව ප්‍රතිමාව සහ දේවාභරණ ශ්‍රි පාද උඩ මළුවේ සිට නල්ලතන්නිය දක්වා ලක්ෂපාන යුධ හමුදා කදවුරේ නිලධාරින් සහ භට පිරිස් විසින් ඊයේ (19) පස්වරුවේ පහළට වැඩම කරනු ලැබුවා.

ශ්‍රි පාද උඩ මළුවේ සිට රත්නපුර රජ මාවත ඔස්සේත්, බගවන්තලාව බලංගොඩ මාර්ගය ඔස්සේත්, ලක්ෂපාන යටියන්තොට අවිස්සාවේල්ල රත්නපුර මාර්ගය ඔස්සේත් පැල්මඩුල්ල රජ මහ විහාරස්ථානයේ රජ මහ විහාරස්ථානයේ ගමන් මාලිගාව දක්වා රිය පෙරහැරවල් තුනක් මගින් සදාතුක කරඩුව සමන් දේව ප්‍රතිමාව සහ දේවාභරණ වැඩම කරනු ලැබුවා.

නල්ලතන්නියේ බෞද්ධ මධ්‍යස්ථානය දක්වා ඊයේ පස්වරුවේ  වැඩම කර වු සමන් දේව ප්‍රතිමාව සහ දේවාභරණවලට වැද පුදා ගැනීම  සදහා ප්‍රදේශයේ දේශපාලඥයන් , ආරක්ෂක අංශ නිලධාරින්  මෙන්ම  විශාල බැතිමතුන් පිරිසක් ද පැමිණ සිටියහ.

පැල්මඩුල්ල රජ මහ විහාරස්ථානයේ ගමන් මාලිගාව තුළ තැන්පත් කර තිබෙන සදාතුක කරඩුව සමන් දේව ප්‍රතිමාව සහ දේවාභරණ අද පස්වරුවේ තවත් රිය පෙරහැරක් මගින් පැල්මඩුල්ල ගල්පොත්තාවෙල රජ මහ විහාරස්ථානය දක්වා වැඩම කර ශ්‍රි පාද අවාරය අවසන් වන තෙක් එහි තැන්පත් කර තැබෙන බවයි ශ්‍රි පාද්ස්ථානාධිපති හිමියන් කියා සිටියේ.

ශ්‍රි පාද අවාරයේ ශ්‍රි පාදස්ථානය කරුණා නොකරන ලෙසත් එසේ යම් කෙනෙකුට ශ්‍රි පාදස්ථානය කරුණා කිරිමට  අවශ්‍යය නම් පොලිසිය දැනුවත් කර ශ්‍රි පාදය කරුණා කරන ලෙස ශ්‍රි පාදස්ථානාධිපති බෙන්ගමුවේ ධම්මදින්න නායක ස්වාමින් වහන්සේ ඉල්ලා සිටිහ.

හැටන් - රංජිත් රාජපක්ෂ

විපක්‍ෂ නායක මහින්ද රාජපක්‍ෂ මහතාගේ උපදෙස් පරිදි යුද ජයග්‍රහණයේ දස වන වසර නිමිති කොටගෙන මිය ගිය රණවිරුවන් වෙත පිං පැමිණවීම සඳහා දිවයිනේ පළාත් 09 ආවරණය වන සේ තෝරාගත් විහාරස්ථාන 09 ක 19 වනදා සර්ව රාත්‍රික පිරිත් දේශනාවන් පවත්වනු ලැබිණි.

බස්නාහිර පළාත වෙනුවෙන් නාරාහේන්පිට අභයාරාමයේ පැවති සර්ව රාත්‍රික පිරිත් දේශනාව සවන්දීම සඳහා විපක්‍ෂ නායක මහින්ද රාජපක්‍ෂ  මහතාද එක්විය.

බෙල්ලන්විල රජමහා විහාරාධිපති බෙල්ලන්විල ධම්මරතන නාහිමියන් ප්‍රමුඛ මහා සංඝරත්නය විසින් සර්ව රාත්‍රික පිරිත් දේශනාව පවත්වන ලදී.

මෙම අවස්ථාවට පාර්ලිමේන්තු මන්ත්‍රීවරුන් වන ගාමිණී ලොකුගේ, මහින්ද යාපා, බන්දුල ගුණවර්ධන, උදය ගම්මන්පිල, සුසිල් ප්‍රේමජයන්ත යන මහත්වරුන් හා හිටපු ත්‍රිවිධ හමුදා ප්‍රධානීන් ද එක්වූහ. 


වෙසක් පුර පසළොස්වක පොහොය සැමරීම සඳහා මහනුවර නගරයේ ජනතාව මේ වන විට ලහිලහියේ සූදානම් වෙති.

නගරයේ විහාරස්ථාන, නිවාස, ව්‍යාපාරික ස්ථාන සහ රාජ්‍ය ආයතන ද මේ වන විටත් බෞද්ධ ධජ, වෙසක් කූඩු ආදියෙන් සරසා තිබෙනු දැකිය හැකිය.

මල්වතු මහා විහාරීය ආරක්ෂක අංශ ඇතුලු කාර්යය මණ්ඩලය වෙසක් සැමරුම සදහා වෙසක් කූඩු සූදානම් කරමින් සිටින අවස්ථාව ඡායාරූපයේ දැක්වේ.

නදීක දයා බණ්ඩාර - මහනුවර

 

 

 

 

                                                                                              

බලපත්‍රයක් නොමැතිව රජයේ අරක්කු බෝතල් 19 ක් ත්‍රීවීල් රථයකින් ප්‍රවාහනය කරමින් සිටියදී එක් සැකකරුවෙක් සමග ඊයේ (15) පස්වරුවේ ට පමණ මස්කෙළිය පොලීසිය මගින් අත්අඩංගුවට ගෙන ඇත.

මස්කෙළිය පොලිස් වසමට අයත්, සාමිමලේ සිට  ස්කාබ්‍රෝ කොටස බලා මෙම අරක්කු තොගය ප්‍රවාහනය කරමින් සිටියදී පොලීසියට ලද තෙරතුරක් මත වැටලීම සිදු කළ බව මස්කෙළිය පොලිස්ථානාධිපති පොලිස් පරීක්ෂක ටිරෝන් රත්තනායක මහතා පැවසීය.

අරක්කු තොගය සමග සැකකරු හා ත්‍රීවීල් රථය අද (16) හැටන් මහේස්ත්‍රාත් අධිකරණය හමුවට පමුණුවන බව මස්කෙළිය පොලීසිය පවසයි.

මස්කෙළිය පොලිස්ථානාධිපති පොලිස් පරීක්ෂක ටිරෝන් රත්නායක මහතාගේ උපදෙස් මත පොලිස් කොස්තාපල්වරුන් වන අපොන්සු (81032), රාමනාදන් (89032) හා නිත්‍යරාජ් (36605) යන නිලධාරීහූ මෙම වැටලීමට සහභාගී වූහ.

 

මස්කෙළිය - ගාමිණී බණ්ඩාර ඉලංගන්තිලක

 

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.