lakbima.lk



ඉන්දීය ත්‍රිවිධ හමුදා සාමාජිකයින් හා ඔවුන්ගේ පවුල්වල සාමාජිකයින් 200 දෙනෙකුගෙන් යුත් නියෝජිතයින් පිරිසක් දකුණු නාවික විධානයේ සංචාරයක නිරත විය.

ඒ අනුව ද්වීපාර්ශවික සුහද සංචාරයක් සඳහා  මෙරටට පැමිණි ඉන්දීය ත්‍රිවිධ හමුදා සාමාජිකයින් සහ ඔවුන්ගේ භාර්යාවන්  ගාලු කොටුව ඇතුළු වැදගත් ස්ථාන රැසක් නැරඹිම සඳහා එක්විය.  

තවද, මෙම නියෝජිත පිරිස දකුණු නාවික විධානය භාර නියෝජ්‍ය ආඥාපති සහ ශ්‍රී ලංකා නාවික නෞකා ‘නිපුණ’ ආයතනයේ අඥාපති, කොමදෝරු අනුර ධනපාල හමුවූ අතර, එහිදී ආඥාපති විසින් ඔවුන් හට සමරු තිළිණ ප්‍රදානයක් ද සිදු කරන ලදි.


ගිනිගත්හේන පොල්පිටිය ශ්‍රි බෝධිරුක්ඛාරාම විහාරස්ථානයේ චෛත්‍යය රාජාණයාණන් වහන්සේගේ  කොත් පැළදවිම සහ චෛත්‍යය ඝර්භයේ සමාධි බුදු පිලිම වහන්සේ නේත්‍රා ප්‍රතිෂ්ඨපනය කිරිම.

ගිනිගත්හේන කළුගල ශ්‍රි බෝධිරුක්ඛාරාම විහාරස්ථානයේ චෛත්‍යය රාජාණන් වහන්සේගේ කොත් පැලදවිම සහ චෛත්‍යය ඝර්භ සමාධි බුදු පිලිම වහන්සේගේ නේත්‍රා ප්‍රතිෂ්ඨාපනය කිරිම ඊයේ (18) සිදු කෙරිණ.

සියම් මහ නිකාගේ අස්ගිරි පාර්ශවයේ අනුශාසක පොලොන්නරුව දොලොස්මස්ථානාධිපති  මහනුර ගොඩිගේ රජමහාවිහාරධිපති ශ්‍රි මත් වෙඩවරුවේ උපාලි නා හිමියන්ගේ ප්‍රධානත්වයෙනුයි චෛත්‍යය රාජාණන් වහන්සේගේ කොත් පැලද විම සිදු කලේ.

එම විහාරස්ථානයේ ඉකුත් 16 වෙනි දින සිට පින්කම් රැසක් පැවැත්විණ.

චෛත්‍යය රාජාණන් වහන්සේගේ කොත්  පැලද විමේ උත්සවයට විශාල බැතිමතුන් පිරිසක් සහභාගි විය.

හැටන් - රංජිත් රාජපක්ෂ

සමස්ථ ලංකා බෞද්ධ මහා සම්මේලනය මගින් බෞද්ධ සම්මේලන පරිශ්‍රයේදී 18 වන වරටත් ඉදිරිපත් කරනු ලබන බෞද්ධාලෝක පොසොන් මහා තොරණ  විපක්‍ෂ නායක මහින්ද රාජපක්‍ෂ  මහතාගේ සුරතින් වීවෘත කරන ලදී.

මෙම අවස්ථාවට පාර්ලිමේන්තු මන්ත්‍රී සුසිල් ප්‍රේමජයන්ත, සමස්ථ ලංකා බෞද්ධ මහා සම්මේලනයේ සභාපති ජගත් සුමතිපාල, හිටපු යුධ හමුදාපති දයා රත්නායක ඇතුළු පිරිසක් එක්විය.

 

 

පොළොන්නරුව ඓතිහාසික පොසොන් මහා පෙරහැර ඊයේ (17) පස්වරුවේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඓතිහාසික වටදාගෙය අසළින් ආරම්භ කෙරිණි.

චිරාගත සම්ප්‍රදායානුකූල ව ජනාධිපතිතුමා මංගල හස්ති රාජයා මත කරඬුව තැන්පත් කිරීමෙන් අනතුරුව පෙරහැර ආරම්භ විය.

පොළොන්නරුව සොළොස්මස්ථානාධිපති පූජ්‍ය පණ්ඩිත වෙඬරුවේ උපාලි නායක හිමිපාණන් වහන්සේ ප්‍රමුඛ මහා සංඝයා වශන්සේලාගේ අනුශාසකත්වයෙන් හා දිස්ත්‍රික්කයේ රාජ්‍ය ආයතනල පුලතිසි ගොවි ජනතාවල ස්වේච්ඡා සංවිධාන හා ව්‍යාපාරික ප්‍රජාවගේ පූර්ණ දායකත්වයෙන් වාර්ෂිකව පෙරහැර සංවිධානය කෙරේ.

ප්‍රදේශයේ මහා සංඝරත්නය දල පොළොන්නරුව නගරාධිපති චානක සිදත් රණසිංහල දිස්ත්‍රික් ලේකම් පණ්ඩුක අබේවර්ධන යන මහත්වරුන් සහ සැදැහැවතුන් විශාල පිරිසක් මෙම අවස්ථාවට එක්ව සිටියහ.

ලෝක මුහුදු කැස්බෑ සංරක්ෂිත දිනය නිමිත්තෙන් කැස්බෑවන් සංරක්ෂණය කිරීමේ වැදගත්කම පිලිබදව විශේෂ වැඩ සටහනක් මැතිවරණ කොමිෂමේ සභාපති මහින්ද දේශප්‍රිය මහතාගේ ප්‍රධානත්වයෙන් කොස්ගොඩ කැස්බෑ සංරක්ෂණ මධ්‍යස්ථානයේදී ඊයේ (16) පොසොන් පොහොය දින පැවැත්විණි.

අහුන්ගල්ල සිංහ සමාජයේ සභාපති අහුන්ගල්ලේ දේ සු ද සොයිසා මහතාගේ මෙහෙයවීම යටතේ කොස්ගොඩ, ගල්බොක්ක කැස්බෑ සංරක්ෂණ මධ්‍යස්ථානයේ නිර්මාතෘ තුසිත ද සොයිසා මහතාගේ අනුග්‍රහය යටතේ මෙම කැස්බෑ සංරක්ෂණ වැඩ සටහන පැවැත්විණි.

සිංහ සමාජයේ සාමාජිකයින්, ප්‍රදේශවාසීන් ඇතුළු 500 කට ආසන්න පිරිසක් සහභාගී වූ මෙම වැඩ සටහනේදී කැස්බෑවන් සංරක්ෂණය කිරීමේ වැදගත්කම සම්බන්ධයෙන් පැමිණ සිටි පිරිස් දැනුවත් කරන ලදී. එයට අමතරව ධීවරයින්ගේ දැල් වලට පැටලී මාරාන්තික තුවාල ලැබූ කැස්බෑවකු ප්‍රතිකාර කර සුවපත් වීමෙන් පසු මුහුදට මුදාහැරීම සහ බිත්තර සංරක්ෂණය කිරීමෙන් පසු එයින් බිහිවූ කැස්බෑ පැටවුන් 1000 ක් මුහුදට මුදාහැරීමට මෙදින සිදු කෙරුණි.

මෙම වැඩ සටහන සදහා මැතිවරණ කොමිසමේ සභාපති මහින්ද දේශප්‍රිය, පොලිස් අධිකාරි නිශාන්ත සොයිසා, කතිකාචාර්ය යූ ජී මෙන්ඩිස්, කොස්ගොඩ පොලිස් ස්ථානාධිපති පොලිස් පරීක්ෂක ජයවීර, කොස්ගොඩ කැස්බෑ සංරක්ෂණ මධ්‍යස්ථානයේ ප්‍රධානී තුසිත ද සොයිසා, නීතීඥ කමල් ජයන්ත, බළපිටිය හිටපු ප්‍රාදේශීය සභා මන්ත්‍රී උෂාන්ත මෙන්ඩිස් යන මහත්වරුන් ඇතුළු පිරිසක් සහභාගී විය.

ජයකාන්ත ලියනගේ  -  බළපිටිය   

සෞඛ්‍ය අමාත්‍ය රාජිත සේනාරත්න මහතාගේ ප්‍රජා අයිතිය අහොසි කරන ලේස ඉල්ලමින් බදුල්ල මහ රොහලේ වෛද්‍ය වරැන් පිරිසක් අද බදුල්ල මහ රොහල ඉදිපිටදි විරෝධතාවයක නිර්ත විය.

රජයේ වෛද්‍ය නිලධාරීන්ගේ සංගමයේ ලේකම් වෛද්‍ය පාලිත රාජපක්ෂ මහතා ඇතුළු වෛද්‍යවරුන් පිරිසක් සහ බදුල්ල මහ නගර සභාවේ මන්ත්‍රීවරුන් පිරිසක්ද මෙම විරොධතාවයට සහභාගි විය.

සුලක්ෂ පියතිස්ස - බදුල්ල 

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.