lakbima.lk

ඉන්දීය සංචාරයක නිරතවන හිටපු ජනපති පාර්ලිමේන්තු මන්ත්‍රී මහින්ද රාජපක්ෂ මහතා හා ඉන්දීය අග්‍රාමාත්‍ය නරේන්ද්‍රසිං මෝදි අතර සුහද හමුවක් ඊයේ (12දා) නවදිල්ලි නුවර රාෂ්ට්‍රපති භවන්හිදී පැවැත්විණි. ඉන්දීය අගමැතිවරයා මහින්ද රාජපක්ෂ මහතා පිළිගත් අයුරු.

තෙල් ප්‍රවාහන නෞකාවක සිට මුතුරාජවෙල තෙල් පිරිපහදුව වෙත නළ මාර්ගයෙන් දැවිතෙල් මුදාහැරීමේදී ඊයේ අලුයම 6.00ට පමණ සිදුවූ තෙල් කාන්දුවකින් එම නැවෙන් ගෙන ආ තෙල් ටොන් 30000ක පමණ ප්‍රමාණයකින් ටොන් 5ත් 10ත් අතර ප්‍රමාණයක් උස්වැටකෙයියාව කල්දියවත්ත මුහුදු ජලයට එකතු වී ඇත. නාවික හමුදාවේ මාධ්‍ය ප්‍රකාශක කමාන්ඩර් දිනේෂ් බණ්ඩාර සඳහන් කළේ වෙරළ තීරය පිරිසිදු කිරීම් කටයුතු සඳහා මේ වන විට 300 දෙනෙක්ගෙන් යුත් නාවික හමුදා භට කණ්ඩායමක් යොදවා ඇති බවයි. මෙම පිරිසිදු කිරීම් කටයුතු සඳහා දින තුනක පමණ කාලයක් ගත වනු ඇතැයි තෙල් සංස්ථා සභාපති ධම්මික රණතුංග මහතා පැවැසීය.

ඡායාරූප - ප්‍රියන්ත ගමගේ / ලක්මාල් වසන්ත / මලිත් ගමගේ / ෆ්‍රෑන්ක් සොයිසා

නෙළුම් ‍පොකුණ රඟහ‍ලේදී පසුගිය අගෝස්තු 29 වැනිදා සවස පැවැති 23 වැනි සුමති සම්මාන උළෙලහිදී කලාකරුවකුට ජීවිතයේ එක්වරක් පමණක් පුදනු ලබන යූ. ඩබ්. සුමතිපාල අනුස්මරණ සම්මානයෙන් මෙවර පිදුම් ලැබුවේ ප්‍රවීණ නළු තිස්ස විජේසුරේන්ද්‍ර සහ ප්‍රවීණ නිළි ගීතා කුමාරසිංහයි. සුමති සම්මාන උළෙලෙහි නිර්මාතෘ හා සංවිධායක කමිටු සභාපති පාර්ලිමේන්තු මන්ත්‍රී තිලංග සුමතිපාල වෙතින් ඔවුන් එම සම්මාන ලබාගත් අවස්ථාව.

ඡායාරූප - ප්‍රියන්ත ගමගේ, ලක්මාල් වසන්ත

ශ්‍රී ලංකාව තුළ ප්‍රජාතන්ත්‍රවාදය සහ නිදහස තහවුරු කරමින් සංහිඳියාවත්, ස්ථිරසාර සාමයත් උදාකර ගැනීමට ජනාධිපති ධුරයට පත් වූ දා සිට ජනාධිපති මෛත්‍රීපාල සිරිසේන මහතා සිදු කරන කැපවීම තමා අතිශයින්ම අගය කරන බව ඉන්දීය අග්‍රාමාත්‍ය නරේන්ද්‍ර මෝදි මහතා ඊයේ (30දා) පැවැසීය.
නේපාලයේ කත්මණ්ඩු නුවර පැවැත්වෙන බහුආංශික තාක්ෂණීක හා ආර්ථික සහයෝගිතාව සඳහා බෙංගාල බොක්ක ප්‍රවේශය හෙවත් බිම්ස්ටෙක් හතරවන රාජ්‍ය නායක සමුළුවට සහභාගි වී සිටින ජනාධිපති මෛත්‍රීපාල සිරිසේන මහතා සහ ඉන්දීය අග්‍රාමාත්‍ය නරේන්ද්‍ර මෝදි මහතා අතර හමුව ඊයේ (30දා) පස්වරුවේ සිදු වූ අතර එහිදී ඉන්දීය  අග්‍රාමාත්‍යවරයා මේ බව සඳහන් කළේය.
මෙහිදී ජනාධිපතිවරයා සමග සුහද කතා බහකට එක්වූ ඉන්දීය අග්‍රාමාත්‍යවරයා එළැඹෙන සැප්තැම්බර් 03 වනදාට යෙදෙන ජනාධිපතිවරයාගේ ජන්ම දිනය වෙනුවෙන් ජනාධිපතිවරයා වෙත සිය සුබපැතුම් පළ කළේ මෙම මිත්‍රශීලී හමුව ඉතා අගය කරමිනි.
එමෙන්ම හතරවන බිම්ස්ටෙක් රාජ්‍ය නායක සමුළුව අවසානයේ එහි සභාපතිත්වය ශ්‍රී ලංකා ජනාධිපති මෛත්‍රීපාල සිරිසේන මහතා වෙත භාරදීමට නියමිත අතර ඒ පිළිබඳ අදහස් දැක්වූ ඉන්දීය අග්‍රාමාත්‍යවරයා බිම්ස්ටෙක් සමුළුවේ නව සභාපතිවරයා ලෙස ජනාධිපති මෛත්‍රීපාල සිරිසේන මහතා පවරනු ලබන ඕනෑම කාර්යයක් නිසි අයුරින් ඉටු කිරීමට සූදානම් බව ද කියා සිටියේය.
එමෙන්ම අත්දැකීම් බහුල නායකයෙකු ලෙස ජනාධිපති මෛත්‍රීපාල සිරිසේන මහතගේ නායකත්වය යටතේ බිම්ස්ටෙක් සංවිධානය ඉතා ශක්තිමත් සංවිධානයක් බවට පත්වනු ඇති බව සඳහන් කළ නරේන්ද්‍ර මෝදි මහතා ඒ තුළින්  බිම්ස්ටෙක් සමුළුවේ අරමුණු, ඉලක්ක සාක්ෂාත් කර ගැනීමට නව ප්‍රවේශයක් ලැබෙනු ඇති බවද සඳහන් කළේය.
 

මල්වතු පාර්ශ්වයේ මහානායක තිබ්බටුවාවේ ශ්‍රී සිද්ධාර්ථ සුමංගල මහා නාහිමියන් සහ අස්ගිරි පාර්ශ්වයේ මහානායක අතිපූජ්‍ය වරකාගොඩ ඤාණරතන හිමියන් ප්‍රමුඛ දියවඩන නිළමේ නිලංග දෑල මහතාගේ ඉල්ලීම මත ප්‍රතිසංස්කරණය කරන ලද ශ්‍රී දළදා මාලිගාවේ රන් වියන පෙරේදා (25දා) පෙරවරුවේ ජනාධිපති මෛත්‍රීපාල සිරිසේන මහතා අතින් විවෘත කෙරිණි.
රන්වියන විවෘත කිරීමට ශ්‍රී දළදා මාලිගාවට පැමිණි ජනාධිපතිවරයා වෙත සමන් පිච්ච මල් වට්ටියක් ලබාදී ඔහු පිළිගනු ලැබුවේ දියවඩන නිළමේ නිලංග දෑල මහතා විසිනි.  දළදා වහන්සේ වැඳ පුදා ගැනීමෙන් අනතුරුව ජනාධිපතිවරයා විසින් රන් වියන ප්‍රතිසංස්කරනය කරන ලද බවට සඳහන් සමරු පලකයක්ද මාලිගාවේදී විවෘත කරනු ලැබිය. මෙම රන්වියන ප්‍රතිසංස්කරණය කරන ලෙස මල්වතු අස්ගිරි මහා නාහිමිවරුන් ප්‍රමුඛ දියවඩන  නිළමේ වරයා අග්‍රාමාත්‍ය රනිල් වික්‍රමසිංහ මහතාගෙන් කළ ඉල්ලීමකට අනුව ජනාධිපති අරමුදලින් මෙම රන්වියන ප්‍රතිසංස්කරණය කර තිබේ.
දළදා මාලිගාවේ  රන්වියන ප්‍රතිසංස්කරණය කිරීම සඳහා ජනාධිපති අරමුදලින් රුපියල් මිලියන හතළිස් පහකට අධික මුදලක් වෙන් කර තිබිණි. රන්වියන ප්‍රතිසංස්කරණය කිරීමේ තාක්ෂණික කටයුතු මොරටුව විශ්ව විද්‍යාලය විසින් සිදු කර ඇති අතර ඉදිකිරීම් කටයුතු කරනු ලැබුවේ රාජ්‍ය ඉංජිනේරු සංස්ථාවයි. වර්ග අඩි තුන්දහස් හාරසිය පණහකින් සමන්විත මෙම රන්වියන අවසන් වරට ප්‍රතිසංස්කරණය කර ඇත්තේ 2002 වසරේදීය.

ගයා වන්නිආරච්චි

Page 2 of 4

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.