lakbima.lk

 

නරේන්ද්‍ර මෝදි මහතා දෙවන වරටත් ඉන්දීය අග්‍රාමාත්‍ය ධුරයේ දිවුරුම් දීමේ උලෙළ අභිමානවත් අයුරින් අද (30) පස්වරුවේ නවදිල්ලි නුවර රාෂ්ට්‍රපති භවන්හි දී පැවැත්විණි.

ඉන්දීය අග්‍රාමාත්‍ය නරේන්ද්‍ර මෝදි මහතාගේ ආරාධනයට අනුව එම උලෙළේ ආරාධිත අමුත්තෙකු ලෙස ජනාධිපති ගරු මෛත්‍රීපාල සිරිසේන මැතිතුමා ද එක් විය.

ඉන්දීය මහ මැතිවරණයෙන් විශිෂ්ට ජයග්‍රහණයක් ලබාගනිමින් දෙවන වරටත් එරට අග්‍රාමාත්‍ය ධුරයට පත් වූ නරේන්ද්‍ර මෝදි මහතාට මෙහි දී ජනාධිපතිතුමා සිය උණුසුම් සුබ පැතුම් පිළිගැන්වීය. 

මෙම අවස්ථාවට ඉන්දීය ජනාධිපති Ram Nath Kovind මහතාද. 
( ඡායාරූප : සුදත් සිල්වා)

ඉන්දීය අග්‍රාමාත්‍ය නරේන්ද්‍ර මෝදි මහතාගේ දෙවන පදවි ප්‍රාප්ති උලෙළට සහභාගිවීම සඳහා ඉන්දියාව බලා පිටත්ව ගිය ජනාධිපති ගරු මෛත්‍රීපාල සිරිසේන මැතිතුමා අද (30) දහවල් නවදිල්ලි නුවරට ළගා විය.

නවදිල්ලි නුවර ඉන්දිරා ගාන්ධි ජාත්‍යන්තර ගුවන්තොටුපොළේ දී ඉන්දීය විදේශ කටයුතු අමාත්‍යාංශයේ ජ්‍යෙෂ්ඨ නිලධාරින් පිරිසක් විසින් ජනාධිපතිතුමා හරසරින් පිළිගන්නා ලදි.

ඉන්දියාවේ ශ්‍රී ලංකා මහකොමසාරිස් ඔස්ටින් ප්‍රනාන්දු මහතා ඇතුථ කාර්ය මණ්ඩලය ද මෙම අවස්ථාවට එක්ව සිටියහ.

ඉන්දීය ජනාධිපති නිල නිවස වන රාෂ්ට්‍රපති භවන්හි දී අද පස්වරුවේ පැවැත්වෙන දිවුරුම් දීමේ උලෙළට සෙසු රටවල් රැසක රාජ්‍ය නායකයන් සමඟ ජනාධිපති ගරු මෛත්‍රීපාල සිරිසේන මැතිතුමා ද එක්වීමට නියමිතය.

ඡායාරූප : සුදත් සිල්වා

ලෝක පූජිත ප්‍රවීණ ක්‍රිකට් ක්‍රීඩක රංගන හේරත් මහතාගේ මූල්‍ය දායකත්වය යටතේ වන්නි ආරක්ෂක සේනා බල ප්‍රදේශයේ ජිවත්වන අඩු ආදායම්ලාභී පවුල් දෙකක් වෙත ස්ථිර නිවාස ඉදිකිරීමට මුල්ගල තැබීම රංගන හේරත් මහතාගේ ප්‍රධානත්වයෙන් සිදුකෙරිණ.
 
නව නිවාස  දෙක 21 වන සේනාංක බල ප්‍රදේශයේ මැදවච්චිය අගුනොච්චිය ලිපිනයේ පදිංචි එස්.සංජීව සිරිසේන මහතා සහ 56 වන සේනාංක බළප්‍රදේශයේ වව්නියාව දිස්ත්‍රික්කයේ පදිංචි කේ.ඒ.එස් සරත් තිලකරත්න මහතා වෙත ලබාදීමට නියමිතය.
 
වන්නි ආරක්ෂක ‍සේනා ආඥාපති මේජර් ජෙනරල් කුමුදු පෙරේරා මහතාගේ මෙහෙයවීම යටතේ දෙවන විජයබාහු පාබල රෙජිමේන්තුවේ සහ හත්වන ශ්‍රීලංකා  සිංහරෙජිමේන්තුවේ නිලධාරීන්ගේ ශ්‍රම දායකත්වය මත අදාළ නිවාස ඉදිකිරීමට නියමිතය.
 
 
වන්නි ආඥාපති මේජර් ජෙනරාල් කුමුදු පෙරේරා මහතාගේ ‍මෙහෙයවීම මත බල ප්‍රදේශයේ ජිවත්වන ඉතා අඩු ආදායම්ලාභි පවුල් වෙනුවෙන් මැදවච්චිය පුල්එලිය, සැලළිහිණිගම, වව්නියාව ගනේෂපුරම්, වව්නියාව පම්පෙමඩු, ගලෙන්බිදුණුවැව සහ වැලිඔය ප්‍රදේශයන්ගේ නව නිවාස සදා මීට පෙර පරිත්‍යාග කරනු ලැබීය.
 
 
වැඩසටහන් අවස්ථාවට 211 බළසේනා මුලස්ථානයේ බළසේනාධිපති කර්නල් ලාල් විජේතුංග මහතා, 561 බළසේනා මුලස්ථානයේ බළසේනාධිපති කර්නල් ආර්.ඒ.එන්.කේ රත්නායක මහතා, ආරක්ෂක සේනා මුලස්ථානය කර්නල් ප්‍රධාන මාණ්ඩලික කර්නල් අනිල් පීරිස් මහතා, වන්නි යුධ හමුදා නිලධාරීන්, ප්‍රදේශවාසීන් ඇතුළු විශාල පිරිසක් එක්ව සිටියහ.
 
වවුනියාව - මාධව කුලසූරිය

පූජ්‍ය ගලගොඩඅත්තේ ඥානසාර හිමියන්ගේ මෑණියන් ඊයේ (23) රාත්‍රියේ උන්වහන්සේ සමඟ ජනාධිපති මෛත්‍රීපාල සිරිසේන මැතිතුමා හමු විය.
ඒ මහගම සේකර මාවත ජනාධිපති නිල නිවසේ දී ය.

ජනාධිපතිතුමා විසින් ජනාධිපති පොදු සමාව ලබාදෙමින් ඥානසාර හිමියන් නිදහස් කිරීමට කටයුතු කිරීම  පිළිබඳ මෙහිදී ජනාධිපතිතුමා වෙත සිය ගෞරවය සහ ස්තූතිය පළ කළ එම මෑණියන් ජනාධිපතිතුමා සමඟ සුහද කථා බහක ද නිරත විය.

ඡායාරූප : සඳරුවන් අමරසිංහ - ජනාධිපති මාධ්‍ය අංශය

කාසල්රි ජලශයට ජයන්ට් කාෆ්ට් වර්ගයේ මිරිදිය මත්ස්‍යය පැටවුන් විසිපන්දහසක් අද (23) මුදා හැරිය.

නුවරඑලිය ජාතික ජලජජිවි වගා සංවර්ධන කාර්යයාල යටතේ පාලනය වන නුවරඑලිය මත්ස්‍යය අභිජනන මධ්‍යස්ථානයේ අභිජනනය කරන ලද ජයන්ට් කාෆ්ට් වර්ගයේ මත්ස්‍යය පැටවුන් මෙසේ ජලාශයේ ආරක්ෂිත දැල් කුඩු වලට  මුදා හැර තිබුණේ.

එම මත්ස්‍යය පැටුවුන් එම ජලාශයේ සවි කර තිබෙන ආරක්ෂිත දැල් කුඩුවක් මත මුදා හැර එම මත්ස්‍යය පැටවුන් දින 45 ක කාලයක් ජලාශයට හුරු කර එම මත්ස්‍ය පැටවුන් මත්ස්‍යය ඇගිල්ලන් ලෙස වැඩුණු පසු ආරක්ෂිත දැල් කුඩුවලින් ඉවත් කර ජලාශයට මුදා හැරිමට නියමිතය.

ආරක්ෂිත දැල් කුඩු වලට මුදා හැරි මිරිදිය මත්ස්‍යය පැටවුන් ජලාශයේ සිටින අනෙකුත්  මත්ස්‍යයන්ගේ ගොදුරු බවට පත් නොකර හා එම මත්ස්‍යය පැටවුන් එම ජාලාශයට හුරු කිරිමේ පසු ජයන්ට් කාෆ්ට් මත්ස්‍යය පැටවුන් ජලාශයට මුදා හරින බවයි ජාතික ජලජ ජිවි වගා සංවර්ධන අධිකාරියේ නුවරඑලිය දිස්ත්‍රික් ජාතික ජලජ ජිවි ව්‍යාප්ති නිලධාරි චන්දන ජගත් කුමාර මහතා කියා සිටියේ.

මෙම මත්ස්‍යය පැටවුන් මාස 8 ක කාලයක් තුල කිලෝ 1 ½   ත්, 2 ක් අතර ප්‍රමාණයකට වැඩෙන බවත්, වසරක් වැනි කාලයක් තුල ජලාශයට මුදා හැරි මත්ස්‍යය පැටවුන් මෙන් දස ගුණයකින් මෙම ජයන්ට් කාෆ්ට් මත්ස්‍යයින් බෝ වන බව ජතික ජලජ ජිවි වගා සංවර්ධන අධිකාරියේ නිලධාරින් කියා සිටියේ.

වතුකරයේ ජනතාවගේ පෝෂණ තත්ත්වය ඉහල දැමිමටත්, ඔහුන්ට අඩු මිලකට මිරිදි මසුන් ලබා දිමටත් කාසල්රි ජලාශයේ ධිවරයන්ගේ ආදායම් තත්ත්වය ඉහල දැමිමේ අරමුණින්, කාසල්රි ජලාශයට මේ වන විට මත්ස්‍යය පැටවන් විශාල ප්‍රමාණයක් මුදා හැර ඇති තිබේ. 

හැටන් රංජිත් රාජපක්ෂ

යුද, නාවික හා ගුවන් හමුදාවලට අයත් නිත්‍ය බල සේනාවන්හි ජ්‍යෙෂ්ඨ නිලධාරීන් විසින් ඉටු කරන ලද සුවිශේෂී වූ සේවාව වෙනුවෙන් උපහාර වශයෙන් පිරිනැමෙන විශිෂ්ට සේවා විභූෂණ පදක්කම් ප‍්‍රදානය, ජනාධිපති මෛත‍්‍රීපාල සිරිසේන මහතාගේ  ප‍්‍රධානත්වයෙන් ඊයේ (22) පෙරවරුවේ ජනාධිපති කාර්යාලයේ දී පැවැත්විණි. ත‍්‍රිවිධ හමුදාවේ සේවයේ යෙදී සිටින සහ විශ‍්‍රාමික නිලධාරීන් 65 දෙනෙකු මෙහි දී ජනාධිපතිතුමා අතින් විශිෂ්ට සේවා විභූෂණ පදක්කම්වලින් පිදුම් ලැබූ අතර, එයට යුද හමුදා නිලධාරීහු 40 දෙනෙක්, නාවික හමුදා නිලධාරීහු 12 දෙනෙක් සහ ගුවන් හමුදා නිලධාරීහු 13 දෙනෙක් ඇතුළත් වූහ. විශිෂ්ට සේවා විභූෂණ පදක්කම සුවිශේෂ ප‍්‍රදානයක් වන අතර, එය යුද හමුදාවේ ලූතිනන් කර්නල් සහ ඊට ඉහළ නිලවල නිලධාරීන් වෙත සහ නාවික හා ගුවන් හමුදාවල ඒ හා සමාන නිල දරන අවම වශයෙන් වසර 25ක  අඛණ්ඩ සේවා කාලයක් හා යහපත් සේවා ඉතිහාසයක් හිමි නිලධාරීන් වෙත පමණක් ප‍්‍රදානය කෙරෙන පදක්කමකි. එම අවස්ථාවට ආරක්ෂක රාජ්‍ය අමාත්‍ය රුවන් විජේවර්ධන, ජනාධිපති ලේකම් උදය ආර්. සෙනෙවිරත්න, ආරක්ෂක ලේකම් ජෙනරාල් ශාන්ත කෝට්ටේගොඩ, ආරක්ෂක මාණ්ඩලික ප‍්‍රධානී ඇතුඑ ත‍්‍රිවිධ හමුදාපතිවරුන් සහ ආරක්ෂක අංශ ජ්‍යෙෂ්ඨ නිලධාරීහු සහභාගි වී සිටියහ.             

 - ඡායාරූපය : සුදත් සිල්වා

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.