lakbima.lk

 

 

ලෝක කුසලාන එක්දින ක්‍රිකට් තරගාවලියේ  ශ්‍රී ලංකාව සහ ඇෆ්ගනිස්තානය අතර තරගය  කාඩිෆ් හීදි ඊයේ (04) පැවැත්විණි.

ලකුණු 187ක ජයග්‍රාහි ඉලක්කයක් හඹා ගිය ඇෆ්ගනිස්තානය පන්දුවාර 32යි පන්දු 4කදී සියල්ලන් දැවි රැස් කරගත්තේ ලකුණු 152කි. ඒ අනුව ශ්‍රී ලංකා පිලට ලකුණු 34 ක ජයක් හිමිවිය.

 

මධ්‍යම කදුකරයේ බටහිර බැවුම් ප්‍රදේශවල පිහිටි කාසල්රි සහ මවුස්සාකැලේ ජල පෝෂක ප්‍රදේශවලට ඊයේ (03) රාත්‍රියේ සිට කඩින් කඩ තද වැසි පතිත වෙමින් පවති.

පවතින අධික වර්ෂාව සමග හැටන් කොළඹ ප්‍රධාන මාර්ගයේ ගිනිගත්හේන සහ හැටන් අතර ස්ථාන කිහිපයකම පස් කදු සහ ගස් කඩා වැටි ඇති අතර එම මාර්ගයේ ස්ථාන කිහිපයකම  තද මිදුම් තත්ත්වයක් මතු වන නිසා වර්ෂාව පවතින වේලාවන් වල ප්‍රධාන මාර්ගය ලිස්සන සුළු බැවින් එම මාර්ගයේ රථ වාහන ධාවනය කිරිමේදි සැලකිලිමත් ලෙස සෙමින් රිය ධාවනය කරවන ලෙස  පොලිසිය රියදුරන්ගෙන් ඉල්ලා සිටියි.

හැටන් රංජිත් රාජපක්ෂ

පාර්ලිමේන්තු මන්ත්‍රී අතුරුලියේ රතන හිමියන් විසින් මහනුවර දළදා මාලිගාව ඉදිරිපිට ආරම්භ කර ඇති උපවාසයට සහයෝගය දක්වා හැටන් නගරයේ පාගමනක් සහ උන් වහන්සේට සෙත් පතා ආශිර්වාද පුජාවක් පැවත්වීය.

මෙම පාගම සහ ආශිර්වාද පුජාව හැටන් නිග්‍රෝධරාම විහාරස්ථානයේ විහාරධිපති මධ්‍යම පලාතේ ප්‍රධාන සංඝ නායක ශ්‍රාස්ත්‍රපති මහගම විමල හිමියන්ගේ ප්‍රධානත්වයෙන් පැවැත්වුණි.

හැටන් නිග්‍රෝධාරාම විහාරස්ථානයේ ආරම්භ කල පාගමන හැටන් නගර මධ්‍යය හරහා හැටන් පුංචි බෝධිය වෙත ගොස් බොධිය අසලදි අතුරුලියේ රතන හිමියන්ට සහ මඩකලපුවේ උපවාසයට සහයෝගය දක්වන පිරිසට සෙත් පතා ආශිර්වාද පුජාව සිදුකළේය.  

මෙම පාගමනට හැටන් ප්‍රදේශයේ බෞද්ධ , හින්දු සහ  කිතුනු බැතිමතුන් විශාල පිරිසක්ද සහභාගි වි සිටිහ.

පාගමන හැටන් නගර මධ්‍යයෙන් ගමන් කරන අවස්ථාවේ වෙළදසැල් වසා දමා ව්‍යාපාරිකයෝ ඊට සහයෝගය දක්වා සිටියහ.  

හැටන් රංජිත් රාජපක්ෂ 

 

ශ්‍රී ලංකා යුද්ධ හමුදා ගුවන් සංග්‍රාමික බලසේනාවට සහ 53 වන සේනාංකයට වසර 25 ක් පිරිම නිමිත්තෙන් කිලෝමීටර් 310 ක (රණකාමීන්ගේ පාගමන) දිගු පාගමනක ආරම්භක උත්සවය මැදවච්චිය නගරයෙන් 29දා   උදෑසන ආරම්භ.

“රණකාමීන්ගේ පාගමන” සඳහා යුද්ධ හමුදාවේ සියලු ඒකකයන්හී මෙන්ම ගුවන් සංග්‍රාමික බලසේනා පුහුණු පාසලේ සාමාජිකයින් 729 ක් සහභාගී වන අතර, දින 11 කින් පසුව අනුරාධපුරය, දඹුල්ල, නාවුල, උකුවෙල, මාතලේ, මහනුවර, කඩුගන්නාව, කෑගල්ල, පස්යාල, නිට්ටඹුව, කඩවත සහ බොරැල්ල යන නගරයන් පසුකරමින් කොළඹ නිදහස් චතුරස්‍රය වෙත ලඟාවීමට නියමිතව ඇත.

මහනුවරට පා ගමන් ලඟා වූයේ යුද හමුදා මාණ්ඩලික ප්‍රධානී මේජර් ජෙනරාල් ෂවේන්ද්‍ර සිල්වා, 53 සේනාංකාධිපති මේජර් ජෙනරාල් අතුල කොඩිප්පිලි සහ ගුවන් සංක්‍රමික බලසේනාධිපති කර්නල් නිස්ශංක ඊරියගම මහත්වරුන්ගේ සහභාගීත්වයෙනි.

මහනුවරට ළඟාවූ රණකාමීන් මහනුවර ශ්‍රී දළදා මාළිගයේ පැවති ආගමික වතාවත් වලටද සහභාගී විය.

 

 

 

 
ශ‍්‍රී ලංකාවට අවශ්‍ය  ඕනෑම සහායක් ලබාදීමට ඉදිරියේ දී ද සූදානම් බව දෙවන වරටත් ඉන්දීය අග‍්‍රාමාත්‍ය ධුරයට පත් වූ නරේන්ද්‍ර මෝදි මහතා පවසයි.
 
ඉන්දීය මහ මැතිවරණයෙන් විශිෂ්ට ජයග‍්‍රහණයක් ලබාගත්  නරේන්ද්‍ර මෝදි මහතා දෙවන වරටත් ඉන්දීය අග‍්‍රාමාත්‍යවරයා ලෙස ඊයේ පස්වරුවේ දිවුරුම් දුන් අතර එතුමාගේ ආරාධනය පරිදි ජනාධිපති  මෛතී‍්‍රපාල සිරිසේන මහතා ද එම අභිමානවත් උලෙළට එක් විය.
 
ඉන් අනතුරුව ජනාධිපති මෛතී‍්‍රපාල සිරිසේන මහතා සහ නරේන්ද්‍ර මෝදි මහතා අතර හමුවක් අද (31) පෙරවරුවේ හයිද්‍රාබාද්හි දී සිදු විය. 
 
හයිද්‍රාබාද් නිල නිවස වෙත ගිය ජනාධිපතිතුමා ඉන්දීය අග‍්‍රාමාත්‍ය නරේන්ද්‍ර මෝදි මහතා විසින් ඉතා මිත‍්‍රශීලිව සහ උණුසුම් අන්දමින් පිළිගන්නා ලදී.
 
සුහද කථා බහකින් අනතුරුව නායක දෙපළ ද්විපාර්ශ්වික සාකච්ඡාවලට එක් වූ අතර තම ආරාධනය පරිදි දිවුරුම් දීමේ උලෙළට එක්වීම පිළිබදව නරේන්ද්‍ර මෝදි මහතා මෙහි දී ජනාධිපතිතුමා වෙත සිය සතුට පළ කළේය. 
එමෙන්ම පසුගියදා ශ‍්‍රී ලංකාවට මුහුණදීමට සිදුවූ ඛේදජනක සිදුවීම කනගාටුවෙන් සිහිපත් කළ ඉන්දීය අග‍්‍රාමාත්‍යවරයා සාමය සහ සංවර්ධනයට අදාළව දෙරට අතර පවතින ද්විපාර්ශ්වික සබදතා තවදුරටත් ශක්තිමත් කර ගැනීම පිළිබදව ද සාකච්ඡා කළේය. 
 
ත‍්‍රස්තවාදය පිටුදැකීම සහ කලාපයේ සාමය වෙනුවෙන් එක්ව කටයතු කිරීමට ද මෙහි දී නායකයෝ ප‍්‍රතිඥා දුන්හ.
නරේන්ද්‍ර මෝදි මහතා මෙවර මැතිවරණයෙන් ද විශිෂ්ට ජයග‍්‍රහණයක් ලබාගනිමන් දෙවන වරටත් ඉන්දීය අග‍්‍රාමාත්‍ය ධුරයට පත්වීම පිළිබද මෙහි දී සිය සතුට පළ කළ ජනාධිපතිතුමා එතුමාගේ ඉදිරි පාලන කාලය තුළ ශ‍්‍රී ලංකාව සහ ඉන්දියාව අතර සබදතා වඩාත් ශක්තිමත් වනු ඇති බවට ද විශ්වාසය පළ කළේය.
 
එමෙන්ම සමීපව කටයුතු කරන නායකයන් ලෙස එහිදී එක් ව කැපවීමට ද නායකයෝ එකග වූහ. 
 

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.