lakbima.lk

සමස්ථ ලංකා බෞද්ධ මහා සම්මේලනය මගින් බෞද්ධ සම්මේලන පරිශ්‍රයේදී 18 වන වරටත් ඉදිරිපත් කරනු ලබන බෞද්ධාලෝක පොසොන් මහා තොරණ  විපක්‍ෂ නායක මහින්ද රාජපක්‍ෂ  මහතාගේ සුරතින් වීවෘත කරන ලදී.

මෙම අවස්ථාවට පාර්ලිමේන්තු මන්ත්‍රී සුසිල් ප්‍රේමජයන්ත, සමස්ථ ලංකා බෞද්ධ මහා සම්මේලනයේ සභාපති ජගත් සුමතිපාල, හිටපු යුධ හමුදාපති දයා රත්නායක ඇතුළු පිරිසක් එක්විය.

 

 

පොළොන්නරුව ඓතිහාසික පොසොන් මහා පෙරහැර ඊයේ (17) පස්වරුවේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඓතිහාසික වටදාගෙය අසළින් ආරම්භ කෙරිණි.

චිරාගත සම්ප්‍රදායානුකූල ව ජනාධිපතිතුමා මංගල හස්ති රාජයා මත කරඬුව තැන්පත් කිරීමෙන් අනතුරුව පෙරහැර ආරම්භ විය.

පොළොන්නරුව සොළොස්මස්ථානාධිපති පූජ්‍ය පණ්ඩිත වෙඬරුවේ උපාලි නායක හිමිපාණන් වහන්සේ ප්‍රමුඛ මහා සංඝයා වශන්සේලාගේ අනුශාසකත්වයෙන් හා දිස්ත්‍රික්කයේ රාජ්‍ය ආයතනල පුලතිසි ගොවි ජනතාවල ස්වේච්ඡා සංවිධාන හා ව්‍යාපාරික ප්‍රජාවගේ පූර්ණ දායකත්වයෙන් වාර්ෂිකව පෙරහැර සංවිධානය කෙරේ.

ප්‍රදේශයේ මහා සංඝරත්නය දල පොළොන්නරුව නගරාධිපති චානක සිදත් රණසිංහල දිස්ත්‍රික් ලේකම් පණ්ඩුක අබේවර්ධන යන මහත්වරුන් සහ සැදැහැවතුන් විශාල පිරිසක් මෙම අවස්ථාවට එක්ව සිටියහ.

ලෝක මුහුදු කැස්බෑ සංරක්ෂිත දිනය නිමිත්තෙන් කැස්බෑවන් සංරක්ෂණය කිරීමේ වැදගත්කම පිලිබදව විශේෂ වැඩ සටහනක් මැතිවරණ කොමිෂමේ සභාපති මහින්ද දේශප්‍රිය මහතාගේ ප්‍රධානත්වයෙන් කොස්ගොඩ කැස්බෑ සංරක්ෂණ මධ්‍යස්ථානයේදී ඊයේ (16) පොසොන් පොහොය දින පැවැත්විණි.

අහුන්ගල්ල සිංහ සමාජයේ සභාපති අහුන්ගල්ලේ දේ සු ද සොයිසා මහතාගේ මෙහෙයවීම යටතේ කොස්ගොඩ, ගල්බොක්ක කැස්බෑ සංරක්ෂණ මධ්‍යස්ථානයේ නිර්මාතෘ තුසිත ද සොයිසා මහතාගේ අනුග්‍රහය යටතේ මෙම කැස්බෑ සංරක්ෂණ වැඩ සටහන පැවැත්විණි.

සිංහ සමාජයේ සාමාජිකයින්, ප්‍රදේශවාසීන් ඇතුළු 500 කට ආසන්න පිරිසක් සහභාගී වූ මෙම වැඩ සටහනේදී කැස්බෑවන් සංරක්ෂණය කිරීමේ වැදගත්කම සම්බන්ධයෙන් පැමිණ සිටි පිරිස් දැනුවත් කරන ලදී. එයට අමතරව ධීවරයින්ගේ දැල් වලට පැටලී මාරාන්තික තුවාල ලැබූ කැස්බෑවකු ප්‍රතිකාර කර සුවපත් වීමෙන් පසු මුහුදට මුදාහැරීම සහ බිත්තර සංරක්ෂණය කිරීමෙන් පසු එයින් බිහිවූ කැස්බෑ පැටවුන් 1000 ක් මුහුදට මුදාහැරීමට මෙදින සිදු කෙරුණි.

මෙම වැඩ සටහන සදහා මැතිවරණ කොමිසමේ සභාපති මහින්ද දේශප්‍රිය, පොලිස් අධිකාරි නිශාන්ත සොයිසා, කතිකාචාර්ය යූ ජී මෙන්ඩිස්, කොස්ගොඩ පොලිස් ස්ථානාධිපති පොලිස් පරීක්ෂක ජයවීර, කොස්ගොඩ කැස්බෑ සංරක්ෂණ මධ්‍යස්ථානයේ ප්‍රධානී තුසිත ද සොයිසා, නීතීඥ කමල් ජයන්ත, බළපිටිය හිටපු ප්‍රාදේශීය සභා මන්ත්‍රී උෂාන්ත මෙන්ඩිස් යන මහත්වරුන් ඇතුළු පිරිසක් සහභාගී විය.

ජයකාන්ත ලියනගේ  -  බළපිටිය   

සෞඛ්‍ය අමාත්‍ය රාජිත සේනාරත්න මහතාගේ ප්‍රජා අයිතිය අහොසි කරන ලේස ඉල්ලමින් බදුල්ල මහ රොහලේ වෛද්‍ය වරැන් පිරිසක් අද බදුල්ල මහ රොහල ඉදිපිටදි විරෝධතාවයක නිර්ත විය.

රජයේ වෛද්‍ය නිලධාරීන්ගේ සංගමයේ ලේකම් වෛද්‍ය පාලිත රාජපක්ෂ මහතා ඇතුළු වෛද්‍යවරුන් පිරිසක් සහ බදුල්ල මහ නගර සභාවේ මන්ත්‍රීවරුන් පිරිසක්ද මෙම විරොධතාවයට සහභාගි විය.

සුලක්ෂ පියතිස්ස - බදුල්ල 

 

 

මුලතිව්, මුල්ලිවයික්කාල් ප්‍රදේශයේ ධීවර දැළකට හසුවු මුතු තල්මසෙකු ඊයේ (11) සවස නැවත සාගරයටම මුදාහළ බව මුල්ලිවයික්කාල් ධීවරයෝ පවසති.

මුල්ලිවයික්කාල් ධීවරයින් පැවසුවේ තමන් එළන ලද දැළකට විශාල මාළුවෙකු හසුවී තිබු අතර, දැල වැල්ලට ගැනීමේදී තල්මසා හසුව සිටි බව දැක ගැනීමට හැකිවු බවයි.

තල්මසා දැළට පැටලී සිටි බැවින් තල්මසා දැලින් ඉවත්කොට නැවත සාගරයටම මුදාහළ බව ධීවරයෝ පැවසූහ.

මීට පෙරද දැල්වලට හසුවූ තල්මසුන් මුලතිව් සාගරයට මුදාහළ බව ධීවරයින් සඳහන් කළහ.

 

වවුනියාව - මාධව කුලසූරිය

 

 

සෞඛ්‍යය අමාත්‍යංශය මගින් මේ රට තුල අලෙවි කිරිම තහනම් කර ඇති එන්.සි නැමති මත් ද්‍රව්‍යය ටින් 75 අලෙවි කිරිම සදහා ලග තබාගෙන සිටි සැකකරුවෙකු ඊයේ රාත්‍රියේ (10) සැකපිට අත්අඩංගුවට  ගත් බව බගවන්තලාව පොලිසිය පැවසිය.

ඉන්දියාවෙන් මේ රටට නිතිවිරෝධි ලෙස ආනයනය කර ඇති මෙම එන්.සි නැමති මත්ද්‍රව්‍යය පාසල් ළමුන් ඉලක්ක කර ගනිමින් අලෙවි කිරිම සදහා සැකකරු කොළඹ ප්‍රදෙශයෙන් රැගෙන විත් බගවන්තලාව තෙරේසියා වතුයායේ ඔහු පදිංචි නිවසේ සගවා තිබෙන බවට ලද තොරතුරක් මත බගවන්තලාව පොලිසිය මගින් මෙම වැටලිම සිදු කර ඇත.

අත්අඩංගුවට ගත් මත් ද්‍රව්‍යය ග්‍රෑම් 10 බැගින් කුඩා ටින් 75 ක අසුරා තිබුණි.

ග්‍රෑම් 10 බැගින් වු එක් මත්ද්‍රව්‍යය ටින් එකක් පාසල් ළමුන්ට සහ වතු කම්කරුවන්ට ඉතා අධික මිලකට සැකකරු විසින් කාලයක් තිස්සේ අලෙවි කරමින් සිට ඇති බවයි මෙම වැටලිම සිදු කල බගවන්තලාව පොලිසියේ  නිලධාරින් පැවසුවේ.

අත්අඩංගුවට ගත් මත් ද්‍රව්‍යය වල වටිනාකම මෙතෙක් තක්සේරු කර නොමැති අතර අත්අඩංගුවට ගත් සැකකරු සහ මත්ද්‍රව්‍යය තොගය  හැටන් මහෙස්ත්‍රාත් අධිකරණය වෙත ඉදිරිපත් කරන බව වැටලිම සිදු කල  බගවන්තලාව පොලිසියේ නිලධාරින් පැවසිය.

හැටන් රංජිත් රාජපක්ෂ

 

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.