lakbima.lk

ජනතා විමුක්ති පෙරමුණ සහ මුස්ලිම් සංවිධාන කිහිපයක් අතර විශේෂ සාකච්ඡාවක් අද (08) දින පෙරවරුවේ ජනතා විමුක්ති පෙරමුණේ ප්‍රධාන කාර්යාලයේදී පැවැත්විණි. සමස්ත ලංකා ජමියතුල් උලමා සංවිධානය, ශ්‍රී ලංකා මුස්ලිම් කවුන්සිලය, යන්ග් මුස්ලිම් මෙන් ඇසෝසියේෂන්, ශ්‍රී ලංකා ජමාතේ ඉස්ලාම් සංවිධානය, මුස්ලිම් නීතිඥයින්ගේ සංවිධානය, මුස්ලිම් වියතුන්ගේ සභාව, ජාතික සූරා සභාව ඇතුළු සංවිධාන නියෝජනය කරමින් මුස්ලිම් නායකයින් රැසක් මෙම සාකච්ඡාවට සහභාගි විය. 
 
ජනතා විමුක්ති පෙරමුණ නියෝජනය කරමින් පක්ෂ නායක අනුර දිසානායක, ප්‍රචාරක ලේකම් විජිත හේරත්, පාර්ලිමේන්තු මන්ත්‍රී වෛද්‍ය නලින්ද ජයතිස්ස යන අය සහභාගි විය.

ලොව සුන්දරතම වෙරළ තිරයක් වශයෙන් සැලකෙන උණවටුණ වෙරළ තිරය  අද පාළුවට ගොස් ඇත. වෙනදා දෙස් විදෙස් සංචාරකයින්ගෙන් පිරි ඉතිරි යන වෙරළ තිරය  අදවනවිට පාළුවට ගොස් තිබේ.පාස්කු ඉරිදා වු මරාගෙන මැරෙන බොම්බ ප්‍රහාර මාලාවත් සමග විදේශිය සංචාරකයින්ගේ පැමිණිම විශාල වශයෙන් පහත වැටි ඇත. මෙම තත්වයත් සමග තැඹිලි වෙළෙන්දාගේ සිට මහාපරිමාන හොටල් හිමියා දක්වා විශාල පිරිසක් දැඩි අසරණ තත්වයට පත්ව තිබේ.ආචාර්ය ආතර් සී. ක්‌ලාක්‌ විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන් එකකි

 

ශ්‍රී ලංකා නාවික හමුදාව සතු ගැඹුරු මුහුදු නීරීක්ෂණ නෞකාවක් වන ශ්‍රී ලංකා නාවික නෞකා සමුදුර නෞකාව ඊයේ (06) ත්‍රිකුණාමල වරායෙන් සිංගප්පුරුව බලා පි‍ටත්ව යන ලදි.

සිංගප්පූරුවේදී පැවැත්වීමට නියමිත ජාත්‍යන්තර මුහුදු ආරක්ෂක ප්‍රදර්ශනය (International Maritime Defence Exhibition – IMDEX) සඳහා සහභාගී වීම පිණිස ශ්‍රී ලංකා නාවික නෞකා සමුදුර නෞකාව මෙලෙස සිංගප්පූරුව බලා පිටත්ව යන ලද අතර, ඒ සඳහා නිලධාරින් 17 ක් ඇතුළුව නාවික පුද්ගලයින් 154 දෙනෙකු එක්විය. 

මෙම ‍ ජාත්‍යන්තර මුහුදු ආරක්ෂක ප්‍රදර්ශනය සඳහා රටවල් 33 ක නාවික හමුදාවන් සහභාගීවන අතර, ඒ සඳහා නාවික හමුදාධිපතිවරුන් 16 දෙනෙකු මෙන්ම වෙරළාරක්‍ෂක නියෝජිත ආයතන 06 කට අයත් නිලධාරින් ද සහභාගිවිමට නියමිතව ඇත.

තවද, ශ්‍රී ලංකා නාවික නෞකා සමුදුර නෞකාව මැයි 12 වන දින සිට 17 වන දින දක්වා සිංගප්පූරුවේ රැදී සිටින අතර, එහිදී මුලික සංඥා හුවමාරුව, ධජ එසවීමේ ක්‍රියාකාරකම්, ගිනි නිවිම හා ආපදා කළමණාකරණය, හදිසි අවස්තාවකදි ස්ථානගතවීමේ ක්‍රියාකාරකම්, නෞකාවන් අතර ආරක්‍ෂිතව දුර පවත්වාගෙන යාමේ ක්‍රියාකාරකම් සහ නෞකාවක් ඇදගෙන යාම යන නාවික අභ්‍යාසයන් වලට ද නෞකාවේ කාර්ය මණ්ඩලය සහභාගී වීමට නියමිතය.

ඒ අනුව එළඹෙන මැයි 17 වන දින මෙම ජාත්‍යන්තර නාවික ප්‍රදර්ශනය සහ අභ්‍යාසය සාර්ථක ලෙස නිමා කරමින් සමුදුර නෞකාව ශ්‍රී ලංකාව බලා යාත්‍රා කිරීමට නියමිතව ඇත.

 

 

පසුගිය 21වනදා රට පුරා සිදුවූ බෝම්බ පිපුරුම් මාලාව හේතුවෙන් කල් දැමු දෙවන වාරයේ පාසල් ආරම්භය දැඩි ආරක්ෂාව මධ්‍යයේ අද දින සිදු විය.  

පාසල් ආරම්භ වුවද කොළඹ ඇතුළු නගර කිහිපයකම පාසල් සඳහා සිසුන්ගේ පැමිණීම ඉතා අඩු මට්ටමක පැවැති අතර ග්‍රාමීය පාසල් වල සිසුන්ගේ පැමිණීම යම් මට්ටමක පැවති බව ද වාර්තා වෙයි.

අදියර දෙකක් වශයෙන් පාසල් ආරම්භය සිදු කෙරුණු අතර අද දිනයේ 6 වසරේ සිට 13 වසර පන්ති දක්වා සිසුන්ට පාසල් ආරම්භ විය.

ඡායාරූප - රංජිත් රාජපක්ෂ , සුදත් සෙල්ලහේවා, රොහාන් ප්‍රේමතිලක

 

පසුගිය 21වන දින සිදුවු මිලේච්ච ප්‍රහාරයෙන් මිය ගිය ක්‍රිෂ්තු භක්තිකයන් වෙනුවෙන් හැටන් තරුණ බෞද්ධ සංගමයේ ශෝකය ප්‍රකාශ කිරිමට එහි නිලධාරින් පිරිසක් හැටන් ක්‍රිෂ්තු දෙව් මැදුරට 05වන දින යන ලදි.

එම බෝම්බ ප්‍රහාරයත් සමග හැටන් ක්‍රිෂ්තු දෙව් මැදුරේ ආරක්ෂාව සදහාද ප්‍රදේශයේ ක්‍රිෂ්තු භක්තිකයන් දිවා රාත්‍රියේ රැදි සිටින අතර ඔවුන්ට අවශ්‍ය ආහාර ද්‍රව්‍යද එම නිලධාරින් විසින් එදින හැටන් සිරි කුරුස දෙවස්ථායේ මීසම් පාලක නිවුමන් පිරිස් පියතුමන් වෙත බාර දෙන ලදි.

මෙහිදි අදහස් දැක්වු හැටන් ශ්‍රි නිග්‍රෝධාරාම විහාරාධිපති මධ්‍යම පලාත් ප්‍රධාන සංඝනායක හැටන් තරුණ බෞද්ධ සංගමයේ පැවදි අනුසාසක දර්ශනපති පුජ්‍ය මහගම විමල නායක හිමියන් පවසන ලද්දේ හැටන් නගරයේ සියලුම ජාතින් සියලුම ආගමිකයන් එක මවකගේ දරුවන් ලෙස කටයුතු කරන බවත් මෙවන් අවස්ථාවේදි හැටන් ප්‍රදේශයේ කිතුන් භක්තිකයන් තනි නොකරන බවත් ඔවුන්ට අවශ්‍ය ඕනැම උදවුවක් කිරිමට කටයුතු කරන බවත්ය.

එහිදි අදහස් දැක්වු හැටන් සිරිකුරුස දේවස්ථානයේ මිසම් පාලක නිවුමන් පිරිස් පියතුමන් පවසන ලද්දේ හැටන් තරුණ බෞද්ධ සංගමය හැටන් විහාරාධිපති ගරුතර ස්වාමින් වහන්සේ සමග මෙම දේවස්ථානයට පැමිණිම පිළිබදව තමන් මෙන්ම ප්‍රදේශයේ කිතුනු ජනතාව සතුටට පත්වන බවත් මෙම ප්‍රදේශයේ සියලුම දෙනා එකට එක්ව කටයුතු කිරිම අගය කල යුතු බවත්ය.

එමෙන්ම හැටන් සිරි කුරුස දේවස්ථානයට සම්බන්ධ කිතුනු ජනතාවද නිරන්තරයෙන් අන් ජාතින් අන් ආගමිකයන් සමග ඉතාමත් සුහදව ලෙන්ගතුව කටයුතු කිරිමට නිරන්තරයෙන් පියවර ගන්නා බවද පවසන ලදි.

සුදත් සෙල්ලහේවා  - හැටන්  


හෙට (06) දින දිවයිනේ  පාසල් ආරම්භ කිරීමට ප්‍රථම අද (05) දින පොලීසිය ඇතුලු ආරක්ෂක අංශ මගින් පාසල් පරීක්ෂා කිරීමේ ජාතික වැඩ සටහනට සමගාමිව මස්කෙළිය පොලිස් බල ප්‍රදේශයට අයත් සියලුම සිංහල, ද්‍රවිඩ, මුස්ලිමි පාසල්, ළදරු පාසල් හා ළමා සුරැකුම් මධ්‍යස්ථාන පරීක්ෂා කිරීම අද පෙරවරුවේ සිට ආරම්භ කෙරිණි.

මස්කෙළිය පොලිස් බල ප්‍රදේශයට අයත් මස්කෙළිය, සාමිමලේ, ලකඹේ යන නගර හා උප නඟරවල පිහිටි සියලුම පාසල් හා ළදරු පාසල්, බල ප්‍රදේශයට අයත් තේ වතුවල පිහිටි පාසල් සියල්ලම පොලිස් නිලධාරීන් හා  යුද හමුදා නිලධාරීන්ද සමග 35 කින් සමන්විත පිරිසක් කණ්ඩායම් 05 කට වෙන්කර  අද දවස පුරා පුලුල් පරීක්ෂාවට ලක්කිරීමට උපදෙස් ලබා දුන් බව මස්කෙළිය පොලිස්ථානාධිපති පොලිස් පරීක්ෂක ටිරෝන් රත්නායක මහතා පැවසීය.

ඡායාරූප හා සටහන - මස්කෙළිය - ගාමිණී බණ්ඩාර ඉලංගන්තිලක

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.