lakbima.lk

දුම්රිය වෘත්තිය සමිති විසින් ආරම්භ කර ඇති වැඩ වර්ජනය හේතුවෙන් 04වන දින හැටන් දුම්රිය ස්ථානය පාලුවට ගොස් ඇති බව එහි නිලධාරියකු පවසන ලදි.

දුම්රිය සමන්‍යධිකාරිවරයාට කරන ලද බලපැම් හේතුවෙන් එයට විරෝධය පල කරමින් මෙම වැඩ වර්ජනය මෙසේ ආරම්භ කර ඇති බවද එම නිලධාරියා වැඩි දුරටත් පවසන ලදි.

නිරන්තරයෙන් සිදුවන දුම්රිය වර්ජනයන් හේතුවෙන් තමන් විවිධ දුෂ්කරතාවයන්ට පත්වන බව දුම්රිය මගින් පවසති.

සුදත් සෙල්ලහේවා - හැටන්

ඓතිහාසික රන්ගිරි දඹුලු ලෙන් විහාර පරිශ්‍රයේදී කුල දරුවන් 50 දෙනෙකු සසුන් ගත කිරීම 04 දින පෙරවරු 9.06 ට යෙදුනු සුභ මොහොතින සිදුවිණි.

අස්ගිරි විහාර පාර්ශ්වයේ අනුනායක වේඩරුවේ උපාලි,මල්වතු පාර්ශ්වයේ අනුනායක දිවුල් කුඹුරේ විමලධම්ම යන මහනායක හිමිවරුන ඇතුළු මහා සන්හ්ග රත්නය ඉදිරියේ මෙම සසුන්ගත කිරීම සිදුවූහ.

රන්ගිරි දඹුල්ල රජමහා විහාරය හා ශ්‍රී විෂ්ණු දේවාලයේ භාරකාර දඹුල්ල ශ්‍රී වළගම්බා පහ පිරිවෙනේ හා මැද පන්සලේ අධිපති මාතලේ දිසාවේ උප ප්‍රධාන සංඝනායක අඹගස්වැවේ සද්ධර්ම කිර්ති ශ්‍රී චන්ද්‍රජෝති රාහුල නායක හිමිපාණන්ගේ ජන්ම දිනයට සමගාමිව මාතලේ දිස්ත්‍රික් සංඝ සභාව විසින් මෙම පුන්යෝත්ස්වය සංවිධානය කර තිබුණි.

මෙම රගිරි දඹුලු රජමහ විහාරයේ විහාරාධිපති ආචර්ය ගොඩගම මංගල හිමියන්ද එක සිටියහ.

දඹුල්ල - අශෝක  එරමිනිගම්මන

ජාතික මත්ද්‍රව්‍ය නිවාරණ සතියේ දකුණු නාවික විධානය තුල වැඩසටහන් රැසක් ක්‍රියාත්මක කරන ලදි.
 
ඒ අනුව, පාසල් දරු දැරියන් මතට ඇබ්බැහි වීම වලක්වා ගැනීම සඳහා ජනාධිපති මත්ද්‍රව්‍ය නිවාරණ කාර්ය සාධන බලකාය සහ නාවික හමුදා මනෝ වෛද්‍ය ඒකකයේ උපදේශකයින් එක්ව දකුණු නාවික විධාන බල ප්‍රදේශයට අයත් පාසල් සිසුන් 2000 කට වැඩි පිරිසක් ආවරණය කරගනිමින් මනෝ උපදේශන වැඩමුළුවන් පැවැත්වූ අතර, එහිදී දුම්පානය සහ මත්ද්‍රව්‍ය භාවිතයේ ඇති ආදීනව පිළිබඳවත් එයින් සිදුවන සමාජීය, ආර්ථිකමය හා පෞද්ගලික පරිහානිය ඇතුළු අහිතකර බලපෑම් ආදිය පිළිබඳවත් විශේෂ අවධානයක් යොමු කරමින් සිසුන් දැනුවත් කිරීමට කටයුතු කරන ලදී.
 

තවද, ධර්ම දේශණා සහ වීථි නාට්‍ය මාලාවක් දකුණු නාවික විධානයේ සියලුම ආයතනයන්හි පැවැත්විමට කටයුතු කළ අතර, ඒ තුලින් පවුල්වල ඇතිවන ප්‍රධාන ගැටළු මෙන්ම අනෙකුත් භෞතික හා මූල්‍ය ගැටලු සම්බන්ධයෙන් නාවික පුද්ගලයින් දැනුවත් කරන ලදී. ‍
 
මෙම මත්ද්‍රව්‍ය නිවාරණ සතියට අමතරව ‍නාවික හමුදාධිපති, වයිස් අද්මිරාල් පියල් ද සිල්වා ගේ උපදෙස් මත ශ්‍රී ලංකා නාවික හමුදාව මත්ද්‍රව්‍ය නිවාරණ ජනාධිපති කාර්යය සාධන බලකාය හා එක්ව මත්ද්‍රව්‍ය භාවිතය අවම කිරීම අරමුණු කර ගනිමින් දිපව්‍යාප්තව මහජනතාව දැනුවත් කිරීමේ වැඩසටහන් මාලාවක් ද ක්‍රියාත්මක කර ගෙන යනු ලබයි. 
 
 

ජපන් ශ්‍රී ලංකා මිත්‍රත්ව පදනම විසින් පරිත්‍යාග කරන ලද රුපියල් මිලියන 151ක් වටිනා ගිනි නිවන රථ දෙකක් ජනාධිපති මෛත්‍රීපාල සිරිසේන මහතා වෙත නිල වශයෙන් භාරදීම අද (01) පෙරවරුවේ ජනාධිපති නිල නිවසේ දී සිදු විය.

වැඩබලන අමාත්‍ය බුද්ධික පතිරණ මහතාගේ මැදිහත්වීමෙන් මෙකී ගිනි නිවන රථ පරිත්‍යාග ලෙස ශ්‍රී ලංකාවට ලැබුණු අතර, ජපන් ශ්‍රී ලංකා මිත්‍රත්ව පදනමේ එරංගා තිලකරත්න මහත්මිය විසින් ඊට අදාළ ලිපි ලේඛන ජනාධිපතිතුමා වෙත භාරදෙනු ලැබීය.

මෙම ගිනි නිවන රථ දෙක ශ්‍රී ලංකා ගුවන් හමුදාවේ භාවිතය සඳහා ගුවන් හමුදාපති එයාර් මාර්ෂල් සුමංගල ඩයස් මහතා වෙත භාරදීම ද මෙහිදී ජනාධිපතිතුමා අතින් සිදුවිය.

වැඩබලන අමාත්‍ය බුද්ධික පතිරණ මහතා ද මේ අවස්ථාවට එක්ව සිටියේය.

ඡායාරූප : සඳරුවන් අමරසිංහ - ජනාධිපති මාධ්‍ය අංශය 

කටුගස්තොට, අලදෙනිය ප්‍රදේශයේ පිහිටි ගිනිපෙට්ටි නිෂ්පාදන පුද්ගලික ආයතනයක ඊයේ (30) පස්වරුවේ ඇතිවූ ගින්නකින් එම නිෂ්පාදනාගාරය සම්පූර්ණයෙන් විනාශ වී තිබේ.

ගින්නෙන් රුපියල් කෝටි තුනකට අධික අලාභයක් සිදුව ඇතැයි එම කර්මාන්තායතනය හිමිකරු සඳහන් කරයි.

ගින්න හට ගන්නා අවස්ථාවේ එහි සිටි සේවකයන් පිරිසක් වහා ඉන් ඉවත් වී දිවි ගලවාගෙන ඇතැයි කටුගස්තොට පොලීසිය සඳහන් කරයි.

නිෂ්පාදන ආයතනයේ කාර්ය මණ්ඩලය ප්‍රදේශවාසීන් සහ මහනුවර නාගරික ගිනි නිවීමේ ඒකකයේ නිලධාරීන් විසින් ගින්න මැඩලීමට කටයුතු කළහ. 

ගින්නට හේතුව මෙතෙක් අනාවරණය වී නොමැති අතර සිද්ධිය සම්බන්ධයෙන් කටුගස්තොට පොලිසිය වැඩිදුර පරීක්ෂණ පවත්වයි.

නදීක දයා බණ්ඩාර - මහනුවර

කොළඹ වරායේ සිට ගිනිගත්හේන පොල්පිටිය බොඩ්ලන්ඩ් ජල විදුලි බලාගාර ව්‍යපෘතිය සදහා ටොන් 25 යකඩ සහ උපකරණ ප්‍රවාහනය කරමින් තිබු කන්ටේනර් රථයක් ගිනිගත්හේන කළුගල ලක්ෂපාන ප්‍රධාන මාර්ගයේ දි ප්‍රධාන මාර්ගය හරහා අවහිර විමෙන් එම මාර්ගයේ ගමනා ගමන කටයුතු පැය 4 පමණ කාලයක් සම්පුර්ණයෙන්ම ඇණ හිට තිබුණි.

අද (28)  උදැසන 7 ට පමණ කන්ටෙයිනර් රථය ගිනිගත්හේන කළුගල ප්‍රදේශයෙන් ලක්ෂපාන මාර්ගයට පිවිස කන්ටෙයිනර් රථය ධාවනය කරවන අවස්ථාවේ වංගුවක් ගැනිමේදි කන්ටේනර් රථය මාර්ගය හරහා අවහිර වි ඇත.

කන්ටේනර් රථය එම මාර්ගය හරහා අවහිර විමෙන් ලක්ෂපාන, පොල්පිටිය, මිනුවන්දෙණිය,  හගරාපිටිය, ලක්ෂපාන හරහා නොටන්බ්‍රිජ් සහ මස්කෙලිය ප්‍රදේශවලට පිවිසෙන මාර්ගය සම්පුර්ණයෙන්ම ඇණ හිට තිබුණි.

බොඩ්ලන්ඩ් ජල විදුලි බලාගාර ව්‍යපෘතියේ ලොඩර් යන්ත්‍ර දෙකක්  උපකාරයෙන් මාර්ගය හරහා අවහිර වි තිබු කන්ටෙයිනර් රථය දැඩි පරිශ්‍රමයක් දරා ඉවත් කිරිමෙන් එම මාර්ගයේ ගමනා ගමන කටයුතු යළි යථා තත්ත්වයට පත් විය.

වංගු සහිත පටු මාර්ගයක් වු ගිනිගත්හේන කළුගල ලක්ෂපාන මාර්ගයේ මෙවැනි කන්ටෙයිනර් රථ ධාවනයට සුදුසු නොවන බවයි ප්‍රදේශවාසින් පවසන්නේ.

හැටන් රංජිත් රාජපක්ෂ 

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.