lakbima.lk

මල්වතු පාර්ශ්වයේ මහානායක තිබ්බටුවාවේ ශ්‍රී සිද්ධාර්ථ සුමංගල මහා නාහිමියන් සහ අස්ගිරි පාර්ශ්වයේ මහානායක අතිපූජ්‍ය වරකාගොඩ ඤාණරතන හිමියන් ප්‍රමුඛ දියවඩන නිළමේ නිලංග දෑල මහතාගේ ඉල්ලීම මත ප්‍රතිසංස්කරණය කරන ලද ශ්‍රී දළදා මාලිගාවේ රන් වියන පෙරේදා (25දා) පෙරවරුවේ ජනාධිපති මෛත්‍රීපාල සිරිසේන මහතා අතින් විවෘත කෙරිණි.
රන්වියන විවෘත කිරීමට ශ්‍රී දළදා මාලිගාවට පැමිණි ජනාධිපතිවරයා වෙත සමන් පිච්ච මල් වට්ටියක් ලබාදී ඔහු පිළිගනු ලැබුවේ දියවඩන නිළමේ නිලංග දෑල මහතා විසිනි.  දළදා වහන්සේ වැඳ පුදා ගැනීමෙන් අනතුරුව ජනාධිපතිවරයා විසින් රන් වියන ප්‍රතිසංස්කරනය කරන ලද බවට සඳහන් සමරු පලකයක්ද මාලිගාවේදී විවෘත කරනු ලැබිය. මෙම රන්වියන ප්‍රතිසංස්කරණය කරන ලෙස මල්වතු අස්ගිරි මහා නාහිමිවරුන් ප්‍රමුඛ දියවඩන  නිළමේ වරයා අග්‍රාමාත්‍ය රනිල් වික්‍රමසිංහ මහතාගෙන් කළ ඉල්ලීමකට අනුව ජනාධිපති අරමුදලින් මෙම රන්වියන ප්‍රතිසංස්කරණය කර තිබේ.
දළදා මාලිගාවේ  රන්වියන ප්‍රතිසංස්කරණය කිරීම සඳහා ජනාධිපති අරමුදලින් රුපියල් මිලියන හතළිස් පහකට අධික මුදලක් වෙන් කර තිබිණි. රන්වියන ප්‍රතිසංස්කරණය කිරීමේ තාක්ෂණික කටයුතු මොරටුව විශ්ව විද්‍යාලය විසින් සිදු කර ඇති අතර ඉදිකිරීම් කටයුතු කරනු ලැබුවේ රාජ්‍ය ඉංජිනේරු සංස්ථාවයි. වර්ග අඩි තුන්දහස් හාරසිය පණහකින් සමන්විත මෙම රන්වියන අවසන් වරට ප්‍රතිසංස්කරණය කර ඇත්තේ 2002 වසරේදීය.

ගයා වන්නිආරච්චි


ඓතිහාසික හලාවත මුන්නේෂ්වරම ඊශ්වර දේවාලයේ වාර්ෂික නිකිණි පෙරහර මේ දිනවල පැවැත්වේ. පසුගිය 30 වැනිදා දේවාලයේ කප් සිටුවීමෙන් මංගල්‍ය සමය ආරම්භ විය.
ඊශ්වර දේවාලයේ මහා රථය ඇදීමේ උත්සවය පෙරේදා (25දා) දහවල් සිදු කරන ලදී. රථ උත්සවය පැවැත්වීමට පෙර දේවාලය තුළ විශේෂ දේව පූජාවක්ද පවත්වන ලදී. අනතුරුව මුන්නේෂ්වරම ඊශ්වර දේවාලයට අධිපති වඩිවාම්බිගා දේවියගේ සහ මහේෂ්වර දෙවියන්ගේ ප්‍රතිමා රැගත් රථ වීථි සංචාරය කරන ලදී.
ලබන 31 වැනිදා පැවැත්වෙන ෙබෙරව පූජාවෙන් අනතුරුව ඊශ්වර දේවාලයේ මංගල්‍යය සමය නිමාවට පත් වේ.

ජූඩ් සමන්ත


ලෝකවාසී බෞද්ධ ජනතාවගේ පූජනීයත්වයට පාත්‍ර වූ ශ්‍රී ලංකා රාජ්‍යත්වයේ මුදුන් මල්කඩ ලෙස සළකන මහනුවර ශ්‍රී දන්ත ධාතූන් වහන්සේ උදෙසා පවත්වන වාර්ෂික ඇසළ මහා පෙරහැර මෙවරද උත්කර්ෂවත් ලෙස පවත්වා එය සාර්ථකව නිම කිරීම පිළිබඳ සැලකිරීමේ සංදේශය සාම්ප්‍රදායානුකූලව දියවඩන නිලමේ තැන්පත් නිලංග දෑල මහතා විසින් (26) පස්වරුවේ මහනුවර ජනාධිපති මන්දිරයේදී ජනාධිපති මෛත්‍රීපාල සිරිසේන මහතා වෙත භාර දෙනු ලැබිය.

ඡායාරූපය - ජනාධිපති මාධ්‍ය අංශය


හිටපු ජනාධිපති මහින්ද රාජපක්ෂ මහතාගේ සොහොයුරෙකු වූ අභාවප්‍රාප්ත චන්ද්‍රා රාජපක්ෂ මහතාගේ දේහයට අවසන් ගෞරව දැක්වීම සඳහා ජනාධිපති මෛත්‍රීපාල සිරිසේන මහතා මැදමුලන රාජපක්ෂ නිවසට පැමිණියේය. ජනාධිපතිවරයා සමග ඇමැති විජේදාස රාජපක්ෂ මහතාද බස්නාහිර පළාත් සභා අමාත්‍ය ගාමිණී තිලකසිරි මහතාද පැමිණ සිටියහ.
රාජපක්ෂ නිවසට පැමිණි ජනාධිපති මෛත්‍රීපාල සිරිසේන මහතා පිළිගනු ලැබුවේ හිටපු ජනාධිපති මහින්ද රාජපක්ෂ මහතා විසින්ය. චන්ද්‍රා රාජපක්ෂ මහතාගේ දේහයට අවසන් ගෞරව දැක්වූ ජනාධිපති මෛත්‍රීපාල සිරිසේන මහතා හිටපු ජනාධිපති මහින්ද රාජපක්ෂ මහතා සමග මෙන්ම හිටපු කතානායක චමල් රාජපක්ෂ හා හිටපු ආරක්ෂක ‍ලේකම් ගෝඨාභය රාජපක්ෂ මහතා සමගද සුහද පිළිසඳරක යෙදුණහ. මෙම අවස්ථාවට බස්නාහිර මහ ඇමැති ඉසුරු දේවප්‍රිය මහතාද එක්ව සිටියේය.
රාජපක්ෂ නිවසින් පිට වූ ජනාධිපති මෛත්‍රීපාල සිරිසේන මහතා වීරකැටිය නයිගල පුරාණ රජමහා විහාරයට ගොස් අනතුරුව කොළඹ බලා පිටත්ව ගියේය.

තංගල්ල චන්ද්‍රසේන ගමගේ

ඇසළ පෙරහර කරඬුව වැඩම කිරීම සඳහා දින හතක් තිස්සේ ගම්පහ සිට කිලෝමීටර් 90ක් දුරගෙවා පා ගමනින් මහනුවර පැමිණි නැදුන්ගමුවේ රාජා ඇතු ඊයේ (20) මුලින්ම ශ්‍රී දළදා වහන්සේ වැඳ පුදාගත් අයුරු.

ඡායාරූපය : නදීක දයාබණ්ඩාර - මහනුවර

හිමිකරුවකු නොමැති රුපියල් ලක්ෂ 100කට ආසන්න වටිනාකමකින් යුත් කේරළ ගංජා තොගයක් උතුරු මුහුදේ පාවෙමින් තිබියදී පෙරේදා (18) අලුයම නාවික හමුදාව සොයාගෙන තිබේ.

උතුරු නාවික විධානයට අයත් වේග ප්‍රහාරක යාත්‍රාවක් පෙරේදා (18) අලුයම මුහුදේ නිරීක්ෂණ රාජකාරි කරමින් සිටියදී යම් කිසි පාර්සලයක් මුහුදේ පාවෙනු දැක එය සියභාරයට ගෙන පරීක්ෂා කර තිබේ. එහිදී ඇතුළට ජලය නොයෙන ලෙස සකස්කරන ලද ඇසුරුම් 39ක තිබූ කේරළ ගංජා කිලෝ 83.5යි ප්‍රමාණය හමුව තිබේ.

මෙරටට මත්ද්‍රව්‍ය ප්‍රවාහනය කිරීමේ නවතම ක්‍රමයක් ලෙස ඉන්දියාවේ සිට වෙනදාට බෝට්ටු මගින් ගෙන්වන ලද මත්ද්‍රව්‍ය මේ වන විට ගැඹුරු මුහුදේදී බෝට්ටු මගින් මුහුදට දමා ශ්‍රී ලංකාව දෙසට පාකරනු ලබයි. මෙම මත්ද්‍රව්‍ය තොගයද ඉන්දියාවේ සිට පේදුරුතුඩුවට උතුරු මුහුදේ සිට ශ්‍රී ලංකාවට පා කර එවන්නට ඇතැයි ආරක්ෂක අංශය සැක පළකරනු ලබයි.

අත්අඩංගුවට ගන්නා ලද මත්ද්‍රව්‍ය තොගය කන්කසන්තුරේ උත්තර නාවික කඳවුර වෙත ගෙනඑනු පසු වැඩිදුර විමර්ශන සඳහා කන්කසන්තුරේ ‍පොලිස් ස්ථානය වෙත භාරදී ඇත.

ශානිකා මාධවී පීරිස්

Page 3 of 4

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.