lakbima.lk

සමස්ත ලංකා බෞද්ධ මහා සම්මේලනය 12 වන වරටත් සංවිධානය කළ බෞද්ධ සාහිත්‍ය උළෙල මෙමස 14 වන දා බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණි. සමස්තලංකා බෞද්ධ මහා සම්මේලනයේ සභාපති ජගත් සුමතිපාල මහතාගේ ඇරයුමින්  ශ්‍යාමෝපාලි මහා නිකායේ අස්ගිරි මහා විහාර  පාර්ශ්වයේ මහානායක වරකාගොඩ ධම්මසිද්ධි ශ්‍රී පඤ්ඤානන්ද ඤාණ රතනාභිධාන මහානායක ස්වාමීන්ද්‍රයන් වහන්සේගේ මූලාසනයෙන්, බුද්ධ ශාසන අමාත්‍ය ගාමිණී ජයවික්‍රම පෙරේරා මහතාගේ ප්‍රධානත්වයෙන් සහ උසස් අධ්‍යාපන හා සංස්කෘතික කටයුතු පිළිබඳ අමාත්‍ය ජනාධිපති නීතිඥ ආචාර්ය විජයදාස රාජපක්ෂ මහතා ඇතුළු ප්‍රභූවරුන්ගේ සහභාගිත්වයෙන් මෙම උත්සවය පැවැත්විණි.

මහරගම අපේක්ෂා රෝහ‍ලේ අභිනවයෙන් ඉදිකෙරෙන චෛත්‍යය ප්‍රාකාරයේ වැඩකටයුතු ඇරඹීම පසුගියදා එම රෝහල් භූමියේදී සිදුකරිෙණි.

අපේක්ෂා රෝහ‍ලේ හිටපු අධ්‍යක්ෂ විල්බට් කුමාරසිරි මහතාගේ උපදෙස් මත රෝහල් කමිටු සභාපතිනි මානෙල් අයිලප්පෙරම මහත්මියගේ මෙහෙයවීමෙන් මෙය ක්‍රියාවට නැංවුණු අතර සේයාරුවෙන් දැක්වෙන්නේ සුබ මොහොතින් ෙචෙත්‍යය ප්‍රාකාරයේ වැඩකටයුතු ආරම්භ කළ අයුරුයි.

අපේක්ෂා රෝහ‍ලේ වැඩබලන අධ්‍යක්ෂ බුද්ධික කුලකුලසූරිය, නියෝජ්‍ය අධ්‍යක්ෂ රොෂාන් ගුණරත්න, පරිපාලන නිලධාරිනි නන්දනී වික්‍රමසිංහ, ළමා රෝග විශේෂඥ වෛද්‍ය දීපාල් පෙරේරා යන මහත්ම මහත්මීන් ඇතුළු නිලධාරිහු මෙම අවස්ථාවට සහභාගිවුහ.

ඔබත් මේ සඳහා දායක වීමට කැමති නම් 0771657376 යන දුරකතන අංකයෙන් රෝහල් කමිටු සභාපතිනි මානෙල් අයිලප්පෙරුම මහත්මිය අමතන්න.

ඡායාරූප - තුෂාර අතපත්තු


ජාතික ජල විදුලිබල පද්ධතියට අයත් ප්‍රධාන ජලාශයක් වන මස්කෙළිය, මාවුස්සාකැලේ ජලාශයේ මතුපිට  ජලයේ තැන්පත්ව ඇති දිරා නොයන ඝණ අපද්‍රව්‍ය රැස් කිරීමේ දෙවන පියවරේ ශ්‍රමදානය ඊයේ (17) දවස පුරා එම ජලාශයේදී පැවැත්විණි.


මාවුස්සාකැලේ ජලාශයට ප්‍රධාන වශයෙන් ජලය සැපයෙන ශ්‍රීපාද රක්ෂිතයේ සිට නල්ලතන්නිය හරහා ජලාශයට  ගලා බසින, සීත ගඟුල ඔයට බැහැර කර ඇති දිරා නොයන ඝණ අපද්‍රව්‍ය ටොන් ගණනක් මවුස්සාකැලේ ජලාශයේ මෝහිණී දිය ඇල්ල පාමුල තැන්පත්ව ඇති අතර එම ඝණ අප ද්‍රව්‍ය තොගය රැස් කිරීම මෙම ශ්‍රමදානයේදී  සිදු කෙරිණි.


මෙහිදී එක් රැස් කරන ලද ප්ලාස්ටික් බෝතල් ඇතුලු දිරා නොයන ඝණ අපද්‍රව්‍ය තොගය මස්කෙළිය ප්‍රාදේශීය සභාවේ සෞබ්‍ය අංශය වෙත විදුලි බල මණ්ඩලය මගින් භාර දෙන ලදී.

ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක

දකුණු ඉන්දීය කීර්තිමත් දේශපාලන නායකයෙකු මෙන්ම තමිල්නාඩුවේ ප්‍රාන්ත අධ්‍යාපන ඇමතිවරයා ද වන සෙන්කෝට්ටයන් මහතා ප්‍රමුඛ ශ්‍රී ලංකාවට පැමිණි දකුණු ඉන්දීය ධූත පිරිස අද (17) කථානායක කරු ජයසූරිය මහතාගේ ඇරයුමින් පාර්ලිමේන්තුව වෙත පැමිණියහ.


මෙම නියෝජිත පිරිසට චෙන්නායි හිටපු පුරපති  සයිදෙයි දොරේසාමි ,  M.G.R විශ්ව විද්‍යාලයේ කුලපති ඒ.සී ශන්මුගම් යන  මහත්වරු සහ දක්ෂිණ ඉන්දීය ව්‍යාපාරික නියෝජිත පිරිසක් ද ඇතුලත් වූහ.

 

වසර ගණනාවකින් අනුරාධපුර දිස්ත්‍රික්කයේ ප්‍රදේශ ගණනාවකට වැසි නොලැබිම හේතුවෙන් ජලය නොමැතිව ජනතාව මහත් අපහසුතාවට පත්ව ඇත. සැබැවින්ම ඉන් අසරණ වූ ජනතාවට ඉතිරි වී ඇත්තේ සිඳී ගිය වැව් රොන්මඩ අස්සේ වැඩුණු නෙළුම් අල ගලවා ගැනීම පමණි. ඒ විකිණීමට නොව  නියඟයෙන් සියලු බව භෝග විනාශවීම හේතුවෙන් නෙළුම් අල තම්බා ආහාරයට ගැනීමටය. සේයාරුවෙන් දැක්වෙන්නේ ඔවුන්ගේ වෑයමයි.

ඉන්දීය සංචාරයක නිරතවන හිටපු ජනපති පාර්ලිමේන්තු මන්ත්‍රී මහින්ද රාජපක්ෂ මහතා හා ඉන්දීය අග්‍රාමාත්‍ය නරේන්ද්‍රසිං මෝදි අතර සුහද හමුවක් ඊයේ (12දා) නවදිල්ලි නුවර රාෂ්ට්‍රපති භවන්හිදී පැවැත්විණි. ඉන්දීය අගමැතිවරයා මහින්ද රාජපක්ෂ මහතා පිළිගත් අයුරු.

Page 1 of 4

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.