lakbima.lk

ජාත්‍යන්තර ෆෝබ්ස් සඟරාව  විසින් සිදු කරන ලද සමීක්ෂණයකට අනුව 2019 වර්ෂයේ ලෝකයේ ප්‍රබලම කාන්තාවන් අතරට ශ්‍රී ලාංකික කාන්තාවෝ දෙදෙනෙක් ද එක්ව සිටීම කැපී පෙනුණි. 2019 වර්ෂයේ දී ජාත්‍යන්තර ෆෝර්බ්ස් සඟරාව විසින් "විද්‍යා අංශයෙන්  අනාගතය වෙනස් කළ හැකි වයස අවුරුදු 30ට අඩු පුද්ගලයන් 30 දෙනාගේ ලැයිස්තුවට"  ස්ටැන්ෆර්ඩ් විශ්ව විද්‍යාලයේ පශ්චාත් උපාධි පර්යේෂිකාවක් වන 27 හැවිරිදි හසිනි ජයතිලක ඇතුළත් කර අැත. ඇය මෙම ලැයිස්තුවට එක් වී ඇත්තේ  පුද්ගල සිරුර තුළ පිළිකා සෛල වර්ධනය වීම එම සෛල වර්ධනය අවහිර කිරීමට හා පාලනය කිරීම‍‍ට සංඥා ක්‍රමයක් යොදා ගැනීම හේතුවෙනි. මෙම ප්‍රතිකාර ක්‍රමයේ පිලිකාවට එරෙහි නූතන චිකිත්සාවක් වැඩිදියුණු කිරීම සඳහා හේතු වී ඇත.

එසේම බීබීසී පුවත් සේවය වාර්ෂිකව නිකුත් කර මෙම බලපෑම් කළ හැකි හා අනෙකා අභිප්‍රේරණය කළ හැකි කාන්තාවන් 100 දෙනාගේ ලැයිස්තුව ශ්‍රී ලාංකික සාගර විද්‍යාඥවරියක් වූ ආශා ඩි වෝස්   ද නම් කර ඇත. ඇය එම කාන්තාවන් 100 දෙනා අතරින් 23 වැනි ස්ථානයට පත්ව ඇත.  

මේ අතර ලොව පුරා ඉමහත් ජනාදරයට පත් කාටුන් චිත්‍ර කතා රචක ස්ටෑන් ලී ගේ අභාවය ද මෙම සති‍යේ සිදුවිය. ඔහු විසින් රචනා කළ විශිෂ්ට කාටුන් චරිත අතර ස්පයිඩර් මෑන්, එක්ස් මෑන් හා අයන් මෑන්  වැනි මාර්වල් කාටුන් ප්‍රධාන ය.  ස්ටැන් ලී මිය යන විට 95 වන වියේ පසු විය. 1939  වසරේ දී  ආරම්භ කරන ලද ඔහුගේ කාටුන් චරිත නිර්මාණය කිරීමේ  ව්‍යාපාරය කෙටි කලෙක දී ඉතා ජනප්‍රිය විය. පසුව ලොව ප්‍රමුඛතම කාටුන් චිත්‍රකතා ප්‍රකාශන ජාලයක හිමිකරුවෙකු වීමටත් මාධ්‍ය ලොවේ දැවැන්තයෙකු ලෙස ඉහළම පිළිගැනීමකට ලක් වීමට ඔහුට හැකි විය.  ඔහුගේ චිත්‍රකතා ඇසුරින් වෝල්ට් ඩිස්නි සමාගම  විසින් නිර්මාණය කරන ලද චිත්‍රපට බොහෝමයක්  ‍බොක්ස් ඔෆිස් වාර්තා බිඳ හෙළීය.

ඉන්ටර්පෝල් ආයතනයේ නව සභාපති ලෙස දකුණු කොරියානු නායක කිම්  ජොන්ග් යැන්ග් තේරී පත් විය. ඒ රුසියානු නියෝජිතයා වූ ඇලෙක්සැන්ඩර් ප්‍රොපුචෙක් පරදවා ය. 57 හැවිරිදි  කිම් දකුණු කොරියාවේ  ගියොන්ජි පොලිස් ප්‍රධානියා ය එමෙන් ම මෙන්ග් සභාපතිගේ අතුරැදහන් වීමෙන් අනතුරුව ඉන්ටර්පෝල්හි හිටපු වැඩ බලන සභාපතිය. කෙසේවෙතත්  ඇලෙක්සැන්ඩර් ප්‍රොපුචෙක් පත්වීම සම්බන්ධයෙන් බොහෝඅකමැති වූයේ ඔහුට එත්ත වූ වංචා දූෂණ හේතුවෙනි. අනෙක් අතට ඇමරිකානු සෙනෙට් මණ්ඩලය ප්‍රොපුචෙක්ගේ පත් වීමට එතරම් කැමැත්තක් දැක්වූයේ නැති තරම්ය.ඔවුන්ට අනුව රුසියානු නායකයෙක් ඉන්ටර්පෝල් සභාපති පුටුවට යාම නරියෙකුට කුකුළ් කොටුවක් භාර දීමට සමාන ය.

මාලදිවයි‍නේ නව ජනපති ලෙස මොහොමඩ් සෝලි පසුගිය 17 වන දා දිවුරැම් දුන්නේ ය. ඒ පසුගිය සැප්තැම්බරයේ දී ජනපති අබ්දුල්ලා යමීන් පරාජයට පත් කරමින් ජය ලබා ගැනීමෙන් අනතුරුව ය. මාල දිවයින තුළ ප්‍රබලව සිදු වු දූෂණ වංචා අවසන් කිරීම, මානව හිමිකම් උල්ලංඝනය කිරීම පිළිබඳ චෝදනා විමර්ශනය කිරීම ගෝලීය උෂ්ණත්ව යාන්ත්‍රණය විධිමත් කිරීම සිය අභිලාෂය  බව ජනාධිපතිවරයා ප්‍රකාශ කර සිටියේ සිය ධූරයේ දිවුරුම් දීමෙන් අනතුරුව ය. මාලදිවයින් ජනාධිපතිවරයා දිවුරුම් දීමේ අවස්ථාව සඳහා දහස් ගණනක් පැමිණ සිටි අතර 19 දෙනෙකුගෙන් යුත් කැබිනට් මණ්ඩලයක් පත් කරන බව ජනාධිපතිවරයා ප්‍රකාශ කර සිටියේ ය.

ඒ අතර මාල දිවයින් නව ජනාධිපතිවරයා ගේ පදවි ප්‍රාප්තියත් සමඟ මෙතෙක් නොවිසඳනු නීතිමය කටයුත්තක් විසඳා ගැනීමට ශ්‍රී ලංකාවට හැකි විය. ඒ වසර තුන හමාරක් මුළුල්ලේ සිරගතව සිටි ළහිරු මධුශංක වෙත  ගොණු කර තිබූ ඝාතන චෝදනා වලින් නිදහස් කිරීම හේතුවෙනි. මාල දිවයින් හිටපු ජනපති ඝාතනය කිරීමේ සැළසුම් සකස් කිරීම  යන චෝදනාවට අත් අඩංගුවට ගත් ඔහු අත් අඩංගුවට ගෙන තිබූයේ හේතු විරහිතව ය. මාල දිවයින් අධිකරණය වැඩි දුරටත් ප්‍රකාශ කර තිබුණේ ඔහු‍ට එරෙහිව එල්ල කර තිබූ චෝදනා පදනම් විරහිත බවයි. ජාත්‍යන්තර ක්ෂමා සංවිධානය ද නිවේදනය කර තිබුනේ ඔහු සිරගත කර සිටි සමයේ දී විවිධාකාරයෙන් වධ හිංසා පණවා තිබු බවයි. ඒ අතර  ‘ආගම ඇදහීම’ හා ‘සිර මැදිරියෙන් පිටතට යාම’ පවා ඔහුට තහනම්ව තිබුණු බවට වාර්තා පළ වේ.

ග්වාතමාලාවේ ෆ්යුගෝ ගිනි කන්ද පසුගිය 19 වැනිදා විදාරණය වීම හේතුවෙන් ග්වාතමාලා වැසියන් 4000 ආසන්න ප්‍රමාණයක් එම ගිනි කන්ද ආශ්‍රිත ප්‍රදේශයෙන් ඉවත්කිරීම සිදුවිය. මුව විවරයෙන් මීටර් 500 ක් උසට ලාවා පිපුරුමක් සිදුවූ අතර  අලු කොටස් කි‍ලෝමීටර් 1 ප්‍රදේශයක් පුරා පතිත වීම ආරම්භ විය. ‘ෆියුගෝ’ වනාහි ලතින් ඇමරිකානු කලාපයේ බලවත්ම සක්‍රීය ගිනිකන්දකි.

 

උත්පලා ප්‍රබුද්ධිකා

Page 5 of 5

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.