lakbima.lk

ඇමරිකානු - මෙක්සිකෝ දේශසීමාවේ ආරක්ෂා තර කිරීම සඳහා ඩොනල්ඩ් ට්‍රම්ප් විසින් ඉල්ලූ ඇමෙරිකානු ඩොලර් බිලියන 5 අර්බුදය හේතුවෙන් ප්‍රාන්තීය වශයෙන් ඇමෙරිකාවේ බොහෝ ආර්ථික ක්‍රියාකාරකම් අත්හිටුවා ඇත.  මේ වන විට බොහෝ වොෂිංටන් ඩී.සී හි ප්‍රධාන ස්ථාන බොහෝමයක් වසා දමා ඇත්තේ  සිය කනගාටුව ප්‍රකාශ කරමිනි. වසා දැමූ ස්ථාන අතර ස්මිත් සත්ව උද්‍යානය, ජාතික කෞතුකාගාරය ප්‍රධාන වේ.

මෙම අර්බුදකාරී තත්වය මැඩ පැවැත්වීමට සුදුසු  තීරණ ගැනීමට ඊයේ (02) ධවල මන්දිරයේ විශේෂ සාකච්ඡාවක් පැවැතිය ද එම මෙම විශේෂ සාකච්ඡා වාරය සඳහා කොංග්‍රස් සභිකයන් ද හෝම්ලන්ඩ් ආරක්ෂක දෙපාර්තමේන්තුවේ ඉහල ආරක්ෂක නිලධරයන් ද එක් වී ඇත.  මෙහිදී දේශසීමා ආරක්ෂණ උපාය මර්ග සඳහා ඔවුනතර කිසිදු එකඟතාවයක් නොමැති වීමෙන් මෙම සාකච්ඡා හෙට (04) දිනට කල්තබා ඇත.

උප ජනපති මයික් පෙන්ස් විසින් ඉදිරිපත් කළ බිලියන 2.5 ‍යෝජනාව ප්‍රතික්ෂේප කර ඇති අතර ඩිමොක්‍රැටික් පාක්ෂිකයන් විසින් ඉදිරිපත් කළ  ආරක්ෂක ද්විත්ව පැකේජ  කෙරෙහි ද අවධානය යොමු කිරීම සිදු නොකළේ ය. ඩිමොක්‍රැටික් පාක්ෂිකයන්ට අනුව  ට්‍රම්ප් විසින් ඇස්තමේන්තු කළ ඇ.බිලියන 5ක මුදලක් දේශසීමා පාලනය සඳහා නොයන බවට තක්සේරු කර ඇත.

ඔවුන්ට අනුව හෝම්ලන්ඩ් දෙපාර්තමේන්තුව වෙත ‍ඇ.ඩො. බිලියන 1.3 ක් මේ සඳහා වැය කළ යුතු ය.  එම මුදලින් දේශසීමා ආරක්ෂාව සඳහා අවශ්‍ය තාක්ෂණය හා කැමරා උපයෝගී කර ගත හැකි බව මතය වී ඇත. 

කෙසේවෙතත් මෙම කඹ ඇදිලි හේතුවෙන්   අඩපණ වී ඇත්තේ  ෆෙඩරල් ප්‍රාන්ත බව පැහැදිලි ය. 

උත්පලා ප්‍රබුද්ධිකා

Page 3 of 7

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.