lakbima.lk

මේ වන විට ඉන්දියාවේ සීකා වෛරසය නැවතත් පැතිරීම ආරම්භ වී ඇත. අද වන විට සීකා වෛරසය යැයි හඳුනාගත් රෝගීන් 94 දෙනෙකු ප්‍රතිකාර සඳහා යොදවා ඇත. එයින් 22 ක් ම ගැබ්ගත් කාන්තාවන් වන අතර බොහෝ රෝගීන් ප්‍රමාණයක් ඉන්දියානු බටහිර දිග රාජස්ථානයෙන් වාර්තා වී ඇත.  පළමු රෝගියා වාර්තා වී ඇත්තේ ජයපූර් ප්‍රදේශයෙනි. මේ වන විට ලෝක සෞඛ්‍ය සංවිධානය විසින් යොදවනු ලැබූ 330 ක් පමණ   සෞඛ්‍ය කණ්ඩායම්  ගෙන්වා ඇත.  මේ වන විට 434 515 ක් පුද්ගලයන් පරික්ෂාවට කත් කර ඇති අතර නිවාස 86 903 ක් සෞඛ්‍ය අමාත්‍යංශය විසින් පරික්ෂා කර ඇත.

ඔවුන් විසින් 200 000 ක් සීකා  මදුරුවා ජීවත් වන ස්ථාන සොයා ගෙන ඇත. දැනට වෛරසය ධනාත්මක වී ඇති මූලික තත්වයේ පිරිස 74 483 කි. මේ වන විට මදුරු කීටයන් විනාශ කිරීම හා ධූමායනය කිරීම ආරම්භ වී ඇත.මේ වන විට ඉන්දීය රජය ඇමරිකන් ඩොලර් 2000 ක්  මේ සඳහා වෙන් කර ඇත. සීකා වෛරසය මේ පැතිර යන්නේ තෙවෙනි වතාවටයි. සීකා වෛරසය ගැබ්බර වූ කාන්තාවන්ට වැළඳීමෙන් දරුවන් විකෘතිව ඉපදෙයි. මෙම වෛරසය ලිංගික සබඳතාවයකින් ලේ පාරවිලයනය මඟින් හා එන්නත්කරණයෙන් බෝ වෙයි.

කෙසේවෙතත් හදිසියේ උද්ගත වූ මෙම තත්වය පාලනය සඳහා ඉන්දියාව මහත් පරිශ්‍රමයක් දරමින් සිටියි. සීකා වෛරස් කාරකයා 'ඊඩිස් ඊජිප්ති' නම් ගැහැණු මදුරවාගෙනි. කෙසේවෙතත්  2017 දී  දකුණු දිග තමිල්නාඩුවේ මෙය පැතිර ගිය අතර සීකා වෛරසය සොයාගෙන ඇත්තේ උගන්ඩාවේ කැළෑබද  පෙදෙස් වලිනි.

මේ අතර නිළ සංචාරයක් සඳහා ශ්‍රී ලංකා අගමැති රනිල් වික්‍රමසිංහ මහතා ඊයේ (18) වන දින ඉන්දියාව බලා පිටත් විය. ඒ ඉන්දීය අගමැති නරේන්ද්‍ර මෝදී හමු වී ඉහළ සාකච්ඡාවක් කිරීමේ   අරමුණිනි. හෙට දින (20) වන නව දිල්ලි නුවර පැවැත්වෙන සාකච්ඡාව සඳහා ඉන්දීය විදේශ ඇමතිනී සුෂ්මා ස්වරාජ් ද ඇතුළත් බව   වාර්තා වේ. මෙය ඉහළ පෙළ මට්ටමේ දෙරට වැදගත් ක්ෂේත්‍ර සම්බන්ධයෙන් වනු ඇතැයි බොහෝ විචාරකයන් පවසා ඇත.

ඕස්ට්‍රේලියාවේ ක්වීන්ස්ලන්ඩ් ප්‍රාන්තය  විසින් ඊයේ දින ගබ්සාව නීතිගත කළේ ය. ඒ වසර 50 ක් තිස්සේ එම ප්‍රාන්තයේ ජනතාව ගෙන ගිය උද්ඝෝෂන වල බලපෑම හේතුවෙනි. 1970 දශකයේ ආරම්භ වූ මෙම විරෝධතාවය පළමුව හඬ නැඟූයේ බ්‍රිස්බේන් නගරයෙනි. නමුදු එම උත්සහය නැවතත් ගනු ලැබූවේ 1990 මුල් භාගයේ දී ය. ඒ ජැකී ට්‍රේඩ් විසිනි. කෙසේවෙතත් එම ප්‍රයත්නය ද අසාර්ථක විය. ඊයේ පැවති ප්‍රින්ත පාර්ලිමේන්තු ඡන්දයෙන් 50 ට 41 වශයෙන් ලේබර් හා ලිබරල් පක්ෂ නායකයින් දෙපාර්ශවයම මීට පක්ෂව කටයුතු කර ඇත.

කෙසේවෙතත් නව නීති ප්‍රතිසංස්කරණය තුළ සති 22 ට වැඩි කළල ගබ්සා කිරීම නීත්‍යනුකූල  වූ අතර එම ගබ්සාව සිදු කිරීමට නම් වෛද්‍ය අනුමැතීන් 2ක් ලබා ගත යුතුය. මේ වන විට ක්වීන්ස්ලන්ඩ් ප්‍රාන්තයේ ඉතා විශාල ප්‍රමාණයෙන් ලිංගික අතවරයන්ට පත් වූ කාන්තාවන් රැසක් හොර රහසේ ගබ්සා සිදු කරගන්නා පසුබිම තුළ මෙසේ ගබ්සාව නීතිගත කිරීම ප්‍රශංසනීය බව එහි ක්වීන්ස්ලන්ඩ් කාන්තාවන් පවසයි. එම ප්‍රාන්තයේ සාමාන්‍යයෙන් එක  කාන්තාවක් සිය ජීවිත කාලයේ දී  තෙවරක් ගබ්සාවන් සිදු කරගන්නා බව පැවසේ.

ඒ අතර ඔක්තෝබර් 2 වන දා අතුරුදහන් වූ සෞදි මාධ්‍යවේදියාගේ අතුරුදහන් වීම බටහිර හා සෞදි අරාබි රාජ්‍යයන් විරසක කිරීමට තරම් සමත් විය. අවසානයේ දී ‍කාෂෝගී අතුරුදහන් වූයේ තූර්කියේ පිහිටි සෞදි කොන්සල් කාර්යාලයට ඇතුල් වීමත් සමඟය. කාෂෝගී සිය තූර්කි පෙම්වතිය විවාහ කර ගැනීමට අවශ්‍ය ලියවිලි ලබා ගැනීම සඳහා  කොන්සල් කාර්යාලයට  ඇතුල් වූ පසු ඔහු අතුරුදහන් වී ඇති බවට තූර්කි පොලීසිය විසින් සොයාගැණුනි. මේ සතිය වන විට කොන්සල්වරයාගේ නිවස පරික්ෂාවට ලක් වූ අතර ඒ වන විටත් කොන්සල්වරයා නිවස දමා පළා ගොස් තිබුණි. 

ඉ‍මෙම සතියේ දී කාෂෝගී කොන්සල් කාර්යාලයට ඇතුලු වූ වහාම කපා කොටා මරා දමන්නට ඇතැයි විශ්වාස කර ඇත.   එයට පක්ෂව හඬ පට සාක්ෂි ද ලැබී ඇත. මෙයට සම්බන්ධ යැයි සැළකෙන්නේ සෞදි අරාබියේ කිරුළ හිමි කුමරු මොහමඩ් හා ඔහු විසින් යොදවා ඇතැයි විශ්වාස කරන පුද්ගලයන් 15 දෙනෙකි. කෙසේවෙතත් අද දින වන විටත් ඔහුගේ මළ සිරුර හමු නොවී ඇති අතර මළ සිරුර සොයා තූර්කි පොලීසිය කැලෑබද පෙදෙස් හා ගොවිපළවල් තුළ මෙහෙයුම් ආරම්භ කර ඇත. මේ සම්බන්ධයෙන් ඇමරිකාව ඝෘජුව වරද පටවා ඇත්තේ සෞදි අරාබි රජයට වන අතර නිවැරදි තොරතුරු සොයා ගන්නා තුරු  සෞදි රජයට එම වරදින් මිදිය නොහැකි යැයි ට්‍රම්ප් පවසා ඇත.

උත්පලා ප්‍රබුද්ධිකා

Page 1 of 11

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.