lakbima.lk


පාර්ලිමේන්තුවේ විනය විරෝධී ලෙස හැසිරීම සම්බන්ධව පාර්ලිමේන්තු මන්ත්‍රී ප්‍රසන්න රණවීර මහතාට සහ පාර්ලිමේන්තු මන්ත්‍රී විමල් වීරවංශ මහතාට එරෙහිව අද (21)  පාර්ලිමේන්තුවට  ගෙන එනු ලැබූ  යෝජනා අනුව ප්‍රසන්න  රණවීර මහතාට සති 04ක් සහ විමල් වීරවංශ මහතාට සති 02ක කාලයක් සඳහා පාර්ලිමේන්තුව  තහනම් කෙරිණි.

 ඒ හිටපු අමාත්‍ය විජයකලා මහේෂ්වරන් මහත්මිය විසින් සිදු කළ ප්‍රකාශයක් සම්බන්ධයෙන් පැවති පාර්ලිමේන්තු විවාදයක් අතර තුළ පාර්ලිමේන්තු කටයුතුවලට බාධා කිරීම හේතුවෙනි. එම බාධා කිරීම සම්බන්ධයෙන් පරීක්ෂණයක් සිදුකිරීමට පාර්ලිමේන්තු වරප්‍රසාද කමිටුව වෙත යෝජනාවක් ඉදිරිපත් කෙරුණු අතර, වරප්‍රසාද කමිටුවේ පරීක්ෂණයෙන් අනතුරුව මෙම තීරණයට එළඹී තිබේ.

ඒ  අනූව , එම කාලය තුළ අදාල මන්ත්‍රීවරුනට පාර්ලිමේන්තු පරිශ්‍රයට ඇතුල්වීම තහනම් වනු ඇත.

මෙහිදී, ප්‍රසන්න රණවීර මහතාගේ පාර්ලිමේන්තු තහනම් කිරීම් යෝජනාවට පක්ෂව  ඡන්ද  41 ක් ලැබු අතර විපක්ෂව ඡන්ද  :- 21ක්  ලැබීණි. විමල් වීරවංශ මහතාට පාර්ලිමේන්තු තහනම් කිරීම් යෝජනාවට පක්ෂව ඡන්ද  39 ක් ලැබු අතර, විපක්ෂව ඡන්ද :- 21ක් ලැබීණි.

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.