lakbima.lk

විදුලි අර්බුදය ගැන බොහෝ දෙනා අවධානය යොමු කරන නිසා විදුලි අර්බුදය යනු කුමක්දැයි අප තේරුම් ගත යුතුය. විදුලි අර්බුදයේ අවසානය වන්නේ විදුලිය කැපීමයි. එහි ආරම්භය වන්නේ විදුලියේ නිෂ්පාදන වියදම වැඩිවීම, ඉන්ධන බලාගාර භාවිතය ආරම්භ කිරීම, මෙම වියදම ජනතාවගේ පිට පටවන්නේ නැතිව තමන් දරා ගන්නා බවට රජය පැවසීම මෙම අර්බුදයේ ආරම්භයයි.  කොළඹ සිට නුවර පාර ආරම්භයේ ඇති කැලණිතිස්ස බලාගාරයෙන් දුම් පිටවීමෙන් විදුලි අර්බුදය ඇතිවී තිබෙන බව දැකගත හැකිය.

මේ තත්ත්වය ඇතිවීමට හේතු ගැන අවධානය යොමු කිරීමට නම් රටේ විදුලි සැපයුමේ සැලසුම ගැන අවධානය යොමු කළ යුතුය. රටේ විදුලි සැපයුමේ ප්‍රධාන අංගය වන්නේ විදුලි ජනනයයි. විදුලි ජනනය පිළිබද තීරණගැනීම 1985 සිට ව්‍යාකූල තත්ත්වයක පැවැතියේය. විදුලි සැපයුම ස්ථාවරව පවත්වාගෙන යාමේ වගකීම ඇත්තේ විදුලි බල මණ්ඩලයටයි. එය මණ්ඩලයක් ලෙස ස්ථාපිත කළේ ස්වාධීනව කටයුතු කිරීමටය.

80 දශකයේ සිට වරින් වර දරුණු ලෙස හා සැහැල්ලු ලෙස මණ්ඩලයේ ස්වාධීනත්වය විනාශ වූ අතරම මණ්ඩලයත් සිය වගකීම් පැහැර හැර තිබේ.
විදුලිය නිපදවීමට, සම්ප්‍රේෂණය කිරීමට දිගින් දිගටම ආයෝජන කළ යුතුය. ලංකාවේ වසරකට ඒක පුද්ගල විදුලි පරිභෝජනය ඒකක 800කි. ඉන්දියාවේ මෙය 700කි. ලෝකයේ වැඩියෙන්ම ඒක පුද්ගල විදුලි පරිභෝජනය වාර්තා කරන නෝර්වේහි විදුලි ඒකක 25,000කි.

ඇමෙරිකාවේ එය 14,000කි. සෞදි අරාබිය වැනි රටක එය 8000කි. ලංකාව දියුණු වන විට අදට වඩා වැඩි විදුලි ඒකක ප්‍රමාණයක් සැපයිය යුතුව ඇත. ආර්ථිකය දියුණු වන විට වැඩියෙන් විදුලිය අවශ්‍ය වනු ඇත. වැඩිවන විදුලි පරිභෝජනයට අවශ්‍ය ආකාරයට බලාගාර සැලසුම් කිරීම විදුලිබල මණ්ඩලයේ වගකීමකි.


බලාගාර සම්බන්ධයෙන් අති විශාල දේශපාලන මැදිහත්වීම් සිදුකරයි. මේ සඳහා දේශපාලන මැදිහත්වීම් කරන්නේ ඒවා විශාල කොන්ත්‍රාත්තු වන බැවිනි. බලාගාරවලට විරුද්ධවීමට පරිසර සංවිධාන, ආගමික සංවිධාන ක්‍රියාත්මක වෙයි. දේශපාලනඥයන් විදුලි ඉංජිනේරු මත ඉදිරිපත් කිරීමටද පටන් ගනී. විදුලිබල මණ්ඩලය විදුලි ජනනය සම්බන්ධයෙන් විසි අවුරුදු සැලසුමක් සකස් කරයි. එය වසර දෙකෙන් දෙකට යාවත්කාලීන කරනු ලබයි.

මෙම ජනන සැලසුමේ විදුලි ඉල්ලුම වැඩිවන ආකාරය, ඉල්ලුම වැඩිවීම නිසා සිදුවන දේ, පිළිබඳ මෙහි සඳහන් කර තිබේ.
විදුලි නිෂ්පාදනය පිළිබඳ අපේ රටේ විදුලි ඉංජිනේරුවන්ට වඩා දේශපාලනඥයන් දැනුවත් යැයි සිතා සිටී. විශාල බලාගාරයක් තනි විදුලි ඉංජිනේරුවෙක්ට සැලසුම් කළ නොහැකියි. ඒ සඳහා විදුලි ඉංජිනේරුවන්, සැලසුම් ඉංජිනේරුවන්, පරිසර විශේෂඥයන්ගේ සහාය ලබාගත යුතුය. ගල් අඟුරු බලාගාර වැනි විශාල බලාගාර ඉදිකිරීමේදී ඒ සඳහා දේශපාලනඥයින් මැදිහත්වන හේතුව ගැන අමුතුවෙන් සඳහන් කළ යුතු නැත.

නොරොච්චෝ‍ලේ බලාගාරය විවිධ රජයන් යටතේ අවලංගු කළ අතර  විවිධ රජයන් ඒ සඳහා අනුමැතිය ලබාදුන්නේය.
විශාල බලාගාරයක් ඉදිකර විදුලිය නිපදවීමට වසර දහයක කාලයක් ගතවේ. බලාගාරයක් ඉදිකිරීමට වසර දහයක කාලයක් ගතවන්නේ ඇයි දැයි ප්‍රශ්නයක් මතුවිය හැකිය. මෙය නිවසක් ඉදිකිරීම වැනි කටයුත්තක් නොවේ. බලාගාරය ඉදිකරන ස්ථානය තීරණ කර ඉඩම් ලබාගැනීම, මුදල් සම්පාදනය කරගැනීම, පරිසර වේදීන්ගේ විරෝධතාවලට මුහුණදීම, නඩු දැමුවහොත් ඒවා විසඳාගැනීම ආදී කටයුතු අවසන් කර බලාගාරයක් ආරම්භ කිරීමට ඒ සඳහා වන තීරණය ගෙන වසර පහක වත් කාලයක් ගතවේ.

බලාගාරයක් ඉදිකිරීම යනු වාහනයක් මිලදී ගැනීම වැනි දෙයක් නොවේ. බලාගාරයක්  විවිධ රටවලදී නිපදවන කොටස් ලංකාවට ගෙනවිත් එකලස් කළ යුතුය.
අද ඇතිවී තිබෙන විදුලි අර්බුදයට හේතුව ගැන අවධානය යොමු කිරීමට 2010 වසරේදී කළ හෝ නොකළ දේ ගැන අවධානය යොමු කළ යුතුය. ඒ අනුව මේ වන විට තිරිකුණාමලයේ අලුත් විදුලි බලාගාර දෙකක් ක්‍රියාත්මක වෙමින් තිබිය යුතුය. ඒ අතරම ඉන්ධනවලින් දුවන තවත් විදුලි බලාගාරයක් ක්‍රියාත්මක වෙමින් තිබිය යුතුය.

ඔබ තිරිකුණාමලයට ගොස් කුමන අත බැලුවත් බලාගාරයක් දකින්නට ලැබෙන්නේ නැත. 2010දී යුද්ධය අවසන්වී විදුලි ඉල්ලුම ඉහළ ගියේය. ඒ වන විට නොරොච්චෝ‍ලේ පළමු අදියර අවසන් කර දෙවැනි හා තුන්වැනි අදියර ක්‍රියාත්මක වෙමින් තිබුණේය. ඉන් පසුව විදුලිබල මණ්ඩලය හම්බන්තොට හා තිරිකුණාමලය ගැන අවධානය යොමුවිය. 2011 වන විට මීළඟ බලාගාරය තිරිකුණාමලයේ ඉදි කළ යුතු බවට රජය තීරණය කළේය.

සාම්පූර්හි එක් බලාගාරයක් ඉදි කිරීමට සැලසුම් සකස් කෙරිණි. ඒ සඳහා අවශ්‍ය භූමියක්ද තෝරාගත්තේය. ඒ අතරම හම්බන්තොටට පුද්ගලික ආයෝජනයක් සම්බන්ධයෙන් මිල ගණන් කැඳවීමට රජය තීරණය කළේය
සාම්පූර් බලාගාරය ඉදිකිරීමට කටයුතු සම්පාදනය වන විට ඉන්දියාව තමන්ගේ හඬ අවදි කළේය. ඉන්දු ලංකා ගිවිසුම අනුව තිරිකුණාමලයේ කිසියම් කටයුත්තක් කරන්නේ නම් ඒ සඳහා ඉන්දියාවේ සහායද ලබාගත යුතු බවට වන වගන්තිය ඉන්දියාව මහින්ද රාජපක්ෂ ජනාධිපතිවරයාට සිහිපත් කළේය.

ඒ අනුව ඉන්දියානු විදුලි බල මණ්ඩලයේ සහාය ඇතිව ඒකාබද්ධ ව්‍යාපෘතියක් ලෙස ක්‍රියාත්මක කිරීමට කටයුතු යෙදුවේය. ඒ සඳහා ඉන්දියාව සමග සාකච්ඡා ආරම්භ කර 2013 දී ඉන්දියාව සමග ගිවිසුමක් අත්සන් කළේය. ඒ සඳහා පාඨලී චම්පික රණවක ඇමැතිවරයාද විරෝධය දැක්වූවේය. ඒ ගිවිසුම ලංකාවට අවාසිදායක බව ඔහුගේ අදහස විය. එම ගිවිසුම දෙස බලන විට එය ලංකාවට අවාසිදායක ගිවිසුමකි.

එහෙත් එය රජය අත්සන් කළේය. ඉන් පසුව ලංකාවේ විදුලි බල මණ්ඩලය හා ඉන්දියාවේ විදුලිබල මණ්ඩලය සමග එක්ව සමාගමක් පිහිටුවිය යුතුව තිබුණි. ඒ අනුව සමාගමද පිහිටවූවේය. ඉන් පසුව තිබුණේ බලාගාරය ඉදිකිරීම සඳහා මිල ගණන් කැඳවා යන්ත්‍ර සූත්‍ර මිලදී ගැනීමය. මේ අතරවාරයේදී ආණ්ඩුව මාරු විය. අලුත් අගමැතිවරයෙක් පත් විය. මීට කලින් බලයට පත්වූ සෑම අවස්ථාවකදීම ඔහු සැලසුම් කළ බලාගාර නැවැත්වූවේය.

ඉන් පසුව ටික දිනකින් ඩීසල් බලාගාරවලින් විදුලිය මිලදී ගන්නැයි දැනුම් දෙයි. 2002 දී ඔහු නොරොච්චෝ‍ලේ බලාගාරය නතර කළේය. 2015දී සාම්පූර් බලාගාරය නැවැත්වූවේය. මේ බලාගාර නැවැත්වීම සඳහා කමිටුවක් පත් කරන අතර ඒ කමිටු මගින් බලාගාර නැවැත්වීමේ තීරණ ගනී. 2015 දී පත් කළ කමිටුව තීරණය කර තිබුණේ සාම්පූර් බලාගාරය ගෑස් බලාගාරයක් බවට පත් කිරීමටය.


2015 දී සාම්පූර් බලාගාරය ඉදිකිරීම නතර කිරීමත් සමග ඉන්දියාවට හොඳටම රිදුනි. ඉන්දීය අගමැතිවරයා ලංකාවේ අගමැතිවරයා මෙන් කටට එන දේ නොකියන නිසා බොහෝ ප්‍රවේශමෙන් වචන භාවිතා කරමින්, කොළයක ලියාගෙන පැමිණ සාම්පූර් බලාගාරය ගැන ලංකාව නැවත සිතා බැලිය යුතු බව පැවැසුවේය. ගල් අඟුරු බලාගාරයක් ගෑස් බලාගාරයක් බවට පත් කිරීම ලෙහෙසියෙන් කළ හැකි දෙයක් නොවේ.

ගල් අඟුරු බලාගාරයක් වෙනුවට ස්වභාවික වායු බලාගාරයක් ඉදි කළ යුතු නම් එය ඉදිකිරීමට සිදුවන්නේ කොළඹය. සාම්පූර් බලාගාරය නවතා දැමීමට ඉංජිනේරුවන් විරෝධය දැක්වූවේය. විදුලි බල මණ්ඩලය එයට විරුද්ධ විය. එහෙත් ජනාධිපතිවරයා පරිසර ඇමැතිවරයා ලෙස සාම්පූර් බලාගාරය නැවතීමට එක සිතින් එකඟ විය. අපේ ජනාධිපතිවරයා හා අගමැතිවරයා එකඟවූ එකම අවස්ථාව සාම්පූර් බලාගාරයේ ඉදිකිරීම් නතර කිරීමයි.

ආචාර්ය තිලක් සියඹලාපිටිය

සංජය නල්ලපෙරුම

  1. රටම අඳුරේ තැබූ විදුලියේ මාෆියාව
  2. පෞද්ගලික අංශය වහල්ලූ කරන නව කම්කරු පනත් කෙටුම්පත
  3. ආර්ථිකය නැංවීමේ වගකීම බැංකුවලට භාරදී තිබේ
  4. ජිනීවා දැලි පිහියෙන් කිරි කෑම
  5. ජිනීවා මර උගුල
  6. රජයේ සේවක වැටුප් ගෙවන්නට වත්කමක් නැති ආර්ථිකය
  7. දෙපැත්තකින් අර්බුදයකට මුහුණ පා ඇති තේ කර්මාන්තය
  8. මත්ද්‍රව්‍ය ජාවාරම්කරුවන් එල්ලා මරන්න පුළුවන්ද?
  9. නිදහස් දවසේවත් ඥානසාර හාමුදුරුවන්ට නිදහස ලැබෙයිද?
  10. අලුත්ම කෙල්ලෝ කොල්ලො ලක්ෂ 14ක් මෙදා සැරේ ඡන්ද ‍පොළේ
  11. රට බෙදෙන බව කියන ඔරුමිත්තනාඩුව සොයා ගියෙමු
  12. කොටුගොඩ මහනාහිමි ඉල්ලන සෙනට් සභාව
  13. නුදුටු ව්‍යවස්ථාවකට චෝදනා එල්ල කිරීම සාධාරණද? - මහාචාර්ය කේ.එන්. ඕ. සොයිසා
  14. ලෝක උරුම සිංහරාජය වනසමින් මාර්ග 02ක් ඉදිකෙරේ
  15. අපනයන නැංවීමෙන් රුපියල ශක්තිමත් කළ හැකිය
  16. සේනා මඩින්න ඩ්‍රෝන
  17. අයවැයෙන් වාර්තාගත සහන ලබාදිය නොහැක
  18. ඉතිහාසයෙන් අත්දැකීම් නැති ආර්ථිකයක් සමග නව වසරකට පා තැබීම
  19. රට කියන තරම් අගාධයකට වැටී නැත
  20. විදේශ මුදල් අලූතින් සොයා ගැනීමේ වගකීම
  21. විශ්වාසභංග යෝජනා නීතියට අනුව සම්මත වී නැහැ - නිතිඥ කණිෂ්ක විතාරණ
  22. දේශපාලන වියවුලෙන් ආර්ථිකයත් අවුලෙන් අවුලට
  23. දේශපාලන අර්බුදයක් වී පුපුරා ගියේ ආර්ථිකයේ දූෂණ සහ අක්‍රමිකතා
  24. පාර්ලිමේන්තුව විසුරුවා හැරීම ව්‍යවස්ථාවට එකඟයි - නීතිිඥ කණිෂ්ක විතාරණ
  25. ගෙදර ගැටුම් තිබියදී ණය දෙන්නේ කවුද?

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.