lakbima.lk

එක්තරා ආකාරයකට පිබිදෙමින් තිබුණ ශ‍්‍රී ලංකාවේ ආර්ථිකය චංචල වී ඇති බව පිළිගත යුතුය. ත‍්‍රස්තවාදය හමුවේ ඇතිවන අවිනිශ්චිත ස්වභාවය දියුණු වෙමින් පවතින ආර්ථිකයට  එල්ල වන භයානක අනතුරකි. බිය සැකදුරු කර විශ්වාසය තහවුරු කිරීමෙන් පසු නැවත පිබිදීමකට අවකාශය සලසා ගත යුතුය.  එය පහසු නැත. දේශපාලනඥයන් හා ආණ්ඩුව ගැන විශ්වාසය පළුදු වී ඇති අවස්ථාවක එය තවත් දුෂ්කරය. පාස්කු ඉරිදා ප‍්‍රහාරය රටට බරපතළ පීඩනයක් එල්ල කර තිබේ. එය පදනම් කරගනිමින් අතුරු ගැටලූ රාශියක් නිර්මාණය වී ඇත. සෑහෙන කොටසක් සහන ඉල්ලයි. සහන දෙන්නට පුළුවන් ආර්ථිකයක් රටට නැත. ආර්ථික වශයෙන් අසීරු අඩියක සිටි ආණ්ඩුව යාන්තම් පිරිමසා ගැනීමේ ක‍්‍රමවේදයන් අනුගමනය කරමින් සිටියේය. ජන සමාජය තුළ සාමකාමී ස්වභාවය තහවුරු කර රටක් වශයෙන් නැගී සිටීමේ ප‍්‍රයත්නය සහන වැඩ පිළිවෙළ හමුවේ තවත් සංකීර්ණ කර තිබේ.

සැකය සමාජයට සහ බෙලහීනවීම ආර්ථිකයට ඉතිරි කරන ලද මෑත කාලීන සිද්ධි ආපසු හරවන්නේ කෙසේද? එය වැදගත් සාකච්ඡුාවකි. නැවත ගොඩනගන වැඩ පිළිවෙළ අභිභවා යැපෙන මානසිකත්වය මතු වී ඇත. සහන වෙනුවෙන් විශාල ඉල්ලූමක් මතු වී තිබේ. සංචාරක කර්මාන්තය අඩාල වී ඇත. සෘජු හා වක‍්‍ර බලපෑම බරපතළය. නිෂ්පාදන අංශයේ ක‍්‍රියාකාරීත්වය දුර්වල වී තිබේ. විනෝදාත්මක අංශ සෑහෙන කඩා වැටීමකය. සංගීත සංදර්ශන, චිත‍්‍රපට හා නාට්‍ය වැනි අංගවලට බාධා මතු වීම එම ක්ෂේත‍්‍රවලින් යැපුණ සෑහෙන පිරිසක් අපහසුතාවට පත් කරන ලද හේතුවක් බව ස`දහන් කළ යුතුය. අවසානයේ දී වෙළෙඳ පොළ හා  පාරිභෝගිකයා අනපේක්ෂිත කරදරයකය. සියලූම දෙනා කිසියම් ආකාරයක සහන අපේක්ෂා කරයි. පළමුවෙන් සංචාරක කර්මාන්තය සහන ඉල්ලා සිටියේය. අනතුරුව කර්මාන්තකරුවෝ සහන කෙරෙහි යොමු විය. බැංකු වලින් ණය ගත් පිරිස, ලීසිං ගෙවා ගත නොහැකි වූ කණ්ඩායම් රජයේ සහන බලාපොරොත්තු වෙති. එතැන් සිට තොරණ නිර්මාණකරුවෝ දක්වා එය පුළුල් පරාසයකට විහිදී ඇති බව පෙනේ. හදිසි බිඳවැටීමක් හමුවේ සහන අවශ්‍ය බව එක පැත්තකින් දැක්විය හැකිය. හදිසි සහන අවශ්‍ය කොටස හා ඒවා ලබා දෙන ආකාරය විනිශ්චය කරන මිණුම් දණ්ඩ කුමක්ද? එය මෙම ප‍්‍රශ්නයේ අනෙක් පැත්තයි.

මෙම සහන ඉල්ලන කොටස අවධානය යොමු නොකරන වැදගත් කාරණයක් ඇත. මෙම සහන දෙන්නට මුදල් ලැබෙන්නේ කොතැනින්ද? මෙම වසරේ රජයේ අය වැය ලේඛනය අනුව ආදායම ගැන ඇස්තමේන්තුවක් තිබුණි. වියදම ගණන් බැලූ අතර එම වියදම කරන්නට දේශීය හා විදේශීය වශයෙන් ණය ගන්නට සිදුවන බව අනාවරණය කෙරිණ. රජයට ආදායම ලැබෙන්නේ ව්‍යාපාර වලින් නොවේ. රජයට අයත් ව්‍යාපාර එනම් විදුලි බලමණ්ඩලය, ඛනිජ තෙල් සංස්ථාව, ගුවන් සේවය සහ වරාය යනාදී වශයෙන් හැම අංශයක්ම අධික පාඩු ලබයි. රජයේ ආදායම බදු වලින්ය. බදු ආදායම මෙරට දළ දේශීය නිෂ්පාදිතයෙන් සියයට දහ තුනකි. අඩුම වශයෙන් සියයට පහළොවක් දක්වා වැඩි කරගත යුතු බව රටට ණය දෙන ආයතන පෙන්වා දෙන කරුණකි. විශේෂයෙන් අන්තර් ජාතික මූල්‍ය අරමුදලේ නිර්දේශය අනුව ඉන්ධන මිල සූත‍්‍රයක් හා බදු වැඩියෙන් අය කරන ක‍්‍රමයක් ආණ්ඩුව සකස් කර ඇත. නොබෝදා සිදුවූ ත‍්‍රස්තවාදී ප‍්‍රහාරය හේතුවෙන් රජයේ ආදායම අඩුම තරමින් රුපියල් බිලියන පනහක් අඩු විය හැකි යැයි අපේක්ෂා කෙරේ. මෙම අඩුව පමණක් නොව සහන සලසන්නට අවශ්‍ය වියදම  ද ආණ්ඩුව සොයා ගත යුතුය.  එම මුදල් ලැබෙන්නේ කොතැනින්ද? අවධානයට නොගන්නා කරුණ එයයි.

ජනතාව ත‍්‍රස්ත ප‍්‍රහාරයකින් පසු භීතියෙන් සිටිය දී පවා ආණ්ඩුව ඉන්ධන මිල ගණන් වැඩි කළේය. ගොවි ජනතාවගේ නිෂ්පාදන  ආරක්ෂා කරන බව දක්වා ආනයනික ලූනු කිලෝව රුපියල් විස්සකින් වැඩි කළේය. මේවා සුළු කොට තැකිය හැකි දේ නොවේ. ඉදිරි මාස හය තුළ තවත් බදු පැනවෙන්නට ඉඩ තිබේ. තොරණ ශිල්පීන් සිය ආදායම අහිමි වූ බව කියා සහන ඉල්ලන විට ඒවා ගෙවන්නේ සමස්ත ජනගහනය පරිභෝජනය කරන දේ වලින්ය. සංචාරක කර්මාන්තයේ නිරත හෝටලවලට ණය පොලිය කපා හරින විට හා වැට් බදු අඩු කරන විට එම පිරිවැය වලට වන්දි ගෙවන්නේ සමස්ත සමාජය බව පෙන්වා දෙන්නට අවශ්‍යය. වන්දියක් වශයෙන් ආපසු ගෙවන්නේ ජනතාව ගේ අතේ ඇති සුළු මුදල උදුරා ගැනීමෙන් බව සඳහන් කිරීම වැරදි නැත.

මෙම වසරේ ආර්ථික වර්ධනය කලින් උපකල්පනය කළ සියයට 3.6 ට නොව සමහරවිට සියයට 2 ක් විය හැකි බව ආර්ථික පර්යේෂකයෝ පෙන්වා දී තිබේ. ආදායම පහත වැටෙන්නට ඉඩ ඇති බව දක්වා ඇත. ආනයන අධෛර්ය කරන වැඩ පිළිවෙළ හා ත‍්‍රස්ත ප‍්‍රහාර වල බලපෑමක් වශයෙන් ආනයන පහත වැටී තිබේ. වසරේ පළමු කාර්තුවේ ආනයන වියදම සියයට 19.3 කින් පහත වැටී ඇති බව ශ‍්‍රී ලංකා මහ බැංකුව පෙන්වා දී ඇත. ආනයන බදු මෙරට බදු ආදායමෙන් විශාල කොටසකි. පහෙන් එකක් ආනයන වියදම අඩුවන බව සඳහන් කරන විට බදු

ආදායමද ඒ හා සමානව සීමා වන බව උපකල්පනය කළ හැකිය. ආදායම හීන වන විට රටකට කළ හැකි දේ කුමක්ද? තව තවත් සහන දෙන්නට පිරිවැය සොයා ගන්නේ කොතැනින්ද? අපට ඇති ප‍්‍රශ්නය එයයි.

ශ‍්‍රී ලංකාවේ අනාගතය සැලසුම් කර අලූත් ගැම්මක් ගැනීම පහසු නැත. අලූතින් හිතන්නට අවශ්‍යය. ජනතාව සහන ඉල්ලන ව්‍යුහය පමණක් නොව රාජ්‍ය ආදායමෙන් සහන බෙදා දෙන ක‍්‍රමය ද වෙනස් විය යුතුව තිබේ. ඒවා ප‍්‍රතිපත්ති සම්පාදකයන් අවධානයට ගත යුතු කාරණයකි. හදිසි විපත් අපේක්ෂා කළ යුතුය. ඒවායේ හානිය රක්ෂණය කරන ක‍්‍රමවේද දියුණු රටවල් අනුගමනය කරයි. මැදි ආදායම් රටක් වශයෙන් ශ‍්‍රී ලංකාවේ සැලසුම් සම්පාදකයන් රක්ෂණ පිරිවැය තරගකාරීව අඩුකරන අතර සෑම අංශයක්ම රක්ෂණය කරන නැඹුරුවකට යා යුතුය. මැදි ආදායම් මට්ටම යනු යැපෙන මානසිකත්වයක් ඇති ස්වභාවයක් නොවේ. අලූතින් හිතන අලූත් දේ වලට යොමුවන ආර්ථිකයකි.

එහෙත් ආණ්ඩුව පමණක් නොව ජනතාව ද මැදි ආදායමේ වර්ධනය වූ ලක්ෂණ වලට නැඹුරු වෙන්නේ නැත. ඉකුත් ධාරාණිපාත වැසි සමයේ ජල මට්ටම ඉහළ ගොස් වැනසුන දේපොළවලට රජයේ අලූත් රක්ෂණ ක‍්‍රමයකින් වන්දි ගෙවන බව ආණ්ඩුව ප‍්‍රකාශයට පත් කළේය. එය හොඳ තීරණයකි. එකී ප‍්‍රතිලාභ ජනතාව අතට ලැබුණ ප‍්‍රතිශතය ගැන ප‍්‍රශ්න තිබේ. නමුත් අනපේක්ෂිත විපත් වලින් රක්ෂණ ප‍්‍රතිලාභ සැපයීම හා තාවකාලික සහන දෙන විශේෂ අරමුදල් සකස් කිරීම හොඳ සමාජයක ලක්ෂණය විය යුතුය. පොදු ජනතාව මත බදු බර පනවනු වෙනුවට සංචිත වලින් නිසි කළමනාකරණයක් ඇති කිරීම ඉතා වැදගත්ය.

ලෝක බැංකුවේ අධ්‍යයනයක් ගැන ද මෙහි දී අනාවරණය කිරීම සුදුසුය. වසර 2030 වන විට ලෝකයේ ගැටුම් හා අර්බුද තවත් වැඩිවන බව දක්වා තිබේ. සාමාන්‍යයෙන් ඇමෙරිකානු ඩොලර් ටි‍්‍රලියන විස්සක පමණ විනාශයක් මෙම ගැටුම් හේතුවෙන් ලෝක ආර්ථිකයට සිදුවනු ඇතැයි උපකල්පනය කර ඇත. ගැටුම් පවතින සමාජ ඒවා සමහන් කරන විෂමතා තුරන් කරන වැඩ පිළිවෙළකට යා යුතුය. එවැනි ප‍්‍රයත්න වෙනුවෙන් සහාය දෙන විශේෂ අරමුදලක් ද සකස් කර තිබේ. ඇමෙරිකානු ඩොලර් බිලියනයක මුදල් එක වසරකට වෙන් කර තිබේ. ශ‍්‍රී ලංකාවේ වගකිව යුතු අංශ මෙම පැති ගැන අධ්‍යයනය කර නැත. සමහර රටවල් සමාජ අසමතුලිත තත්ත්ව තුරන් කරන්නට ආර්ථික සහාය සපයයි. උපදේශක සේවා හා ආයෝජන වෙන් කෙරේ. ගැටුම් බහුල සමාජයක් වශයෙන් ඒවා තුරන් කරන්නට ජාත්‍යන්තරයේ සහාය ලබා ගත හැකිය. අප එවැනි පැති ගැන අවධානය යොමු නොකරන්නේ ඇයි?

රක්ෂණය හා ජාත්‍යන්තර අරමුදල් වලින් ලබා ගත හැකි සහන ගැන අමතක කරන ආණ්ඩුව දුගී දුප්පත් ජනතාවගේ පරිභෝජනයට බදු පැනවීම නුදුසුදුය. ජනතාවගේ බදු වලින් සංචාරක හෝටල් වලට සහන සැපයීම ගැන දෙවරක් කල්පනා කරන්නට අවශ්‍යය. සංචාරක හෝටල් වල සේවය කර ඒවායේ ප‍්‍රශ්න නිසා රැකියාව අහිමි වූ දස දහස් ගණනක් සිටිය දී එම හෝටල් වලට නැවත සහන දෙන විට එදා වේල අහිමි වූ ජන කොටස ගැන අවධානය යොමු නොකිරීම ද බරපතළ වරදකි.

ජී.කේ.ජී. සරත්

  1. අලූත් ජනවරමකින් මිස වැටුණු රට යළි ගොඩගත නොහැකියි
  2. භාණ්ඩ වර්ජනයේ ආර්ථික හානිය
  3. මහ බැංකු වාර්තාවෙන් රටට කරන අනතුරු ඇඟවීම
  4. ප්‍රතිත්‍රස්ත පනත හා ත්‍රස්තවාදයට උඩගෙඩි දීම
  5. පාස්කු ඉරිදා ප්‍රහාරය දවුලා ඉස්ලාමික් ස්ටේට් වැඩක්
  6. සමෘද්ධි බැංකු අර්බුදය
  7. නැකත් වේලාව මග හැරුණාට අසුබ නැහැ
  8. “හොඳ රටක් හොඳ හෙටක්“ වෙනුවෙන් බිහි වුණ BEYOND 2020 SRI LANKA වෙතින් රට හදන්න යෝජනා 20ක්
  9. විදුලි අර්බුදයට මුල ඉංජිනේරුවන්ට වඩා තමන් දන්නා බව සිතන දේශපාලනඥයන්
  10. රටම අඳුරේ තැබූ විදුලියේ මාෆියාව
  11. පෞද්ගලික අංශය වහල්ලූ කරන නව කම්කරු පනත් කෙටුම්පත
  12. ආර්ථිකය නැංවීමේ වගකීම බැංකුවලට භාරදී තිබේ
  13. ජිනීවා දැලි පිහියෙන් කිරි කෑම
  14. ජිනීවා මර උගුල
  15. රජයේ සේවක වැටුප් ගෙවන්නට වත්කමක් නැති ආර්ථිකය
  16. දෙපැත්තකින් අර්බුදයකට මුහුණ පා ඇති තේ කර්මාන්තය
  17. මත්ද්‍රව්‍ය ජාවාරම්කරුවන් එල්ලා මරන්න පුළුවන්ද?
  18. නිදහස් දවසේවත් ඥානසාර හාමුදුරුවන්ට නිදහස ලැබෙයිද?
  19. අලුත්ම කෙල්ලෝ කොල්ලො ලක්ෂ 14ක් මෙදා සැරේ ඡන්ද ‍පොළේ
  20. රට බෙදෙන බව කියන ඔරුමිත්තනාඩුව සොයා ගියෙමු
  21. කොටුගොඩ මහනාහිමි ඉල්ලන සෙනට් සභාව
  22. නුදුටු ව්‍යවස්ථාවකට චෝදනා එල්ල කිරීම සාධාරණද? - මහාචාර්ය කේ.එන්. ඕ. සොයිසා
  23. ලෝක උරුම සිංහරාජය වනසමින් මාර්ග 02ක් ඉදිකෙරේ
  24. අපනයන නැංවීමෙන් රුපියල ශක්තිමත් කළ හැකිය
  25. සේනා මඩින්න ඩ්‍රෝන

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.