lakbima.lk

"1948 සිට මේ රට සංවර්ධනය කළාට තවමත් රට තුල දුප්පත්භාවය තිබෙනවා. යම් යම් අවස්ථාවල දේශපාලන උපක්‍රම භාවිත කරලා, මෙම තත්ත්වය වෙනස් කරන්න හැදුවත්, තවමත් ඒ වෙනස ඇති කරන්න හැකිවෙලා නැහැ. මේක ජනතාවගේ ප්‍රශ්නයක් නෙමෙයි. පරිපාලනයේ තිබෙන මේ තත්ත්වය තමයි අපි වෙනස් කළ යුත්තේ. ජනතාවට සමෘද්ධි ආධාර ලබා දුන්නා කියලා ඔවුන්ගේ දුප්පත්භාවය නැති කරන්න සාර්ථක විසදුමක් වෙන්නේ නැහැ. ඔවුන්ගේ ආර්ථිකය ශක්තිමත් කරකන්න රැකියා අවස්ථා ලබාදීමයි අපි අරමුණු කරන්නේ.

ඒ සදහා තමයි අපේ අගමැතිතුමා ආර්ථිකය ප්‍රසාරණ කරන්න හදන්නේ. මේ දේවල් කරන්න යද්දි තමයි යම් පිරිස් ඒ දේවල් වලට බාධා මතු කරන්නේ. අපට අවශ්‍ය වන්නේ සහජ හැකියාවට අවස්ථාව ලබා දෙන්න. අසල්වැසි රටවල පොලි අනුපාතය 6% - 7% තියෙද්දි. ලංකාවේ පොලී අනුපාතය 15% - 16% ක් වෙනවා. මේ නිසා තමයි සහජ හැකියාවන් තිබෙන පිරිස් වලට ඒ තුළින් තම ආර්ථිකය ගොඩනගා ගන්න ණය මුදලක් ලබාගන්න බැරිවෙලා තිබෙන්නේ.

මහ බැංකුවේ මේ විෂමතා මගහරවා ගන්න පුළුවන්නම්, පොලී අනුපාතය 5% ක් වැනි තත්ත්වයකට ගේන්න පුළුවන්නම්, මේ විදියට ජනතාවට සමෘද්ධියක් මොකටද. වෙනසක් ඇති කළ යුත්තේ ඒ ආකාරයටයි. මේ ලබාදෙන අවස්ථාවෙන්, තමාගේ දෙපයින් නැගී සිටීමට හැකියාවක් උදාකරගන්න කියලා සමෘද්ධිලාභීන්ගෙන් ඉල්ලා සිටිනවා"යැයි විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පවසයි.

ඒ මහතා මෙම අදහස් පළකලේ, කොළඹ දිස්ත්‍රික්කයේ සමෘද්ධීලාභීන් 11512 ක් වෙනුවෙන් සමෘද්ධි හිමිකම් ඔප්පු ලබාදීමේ අවස්ථාවට එක් වෙමිනි. පසුගියදා අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් හෝමාගම දී පැවති මෙම අවස්ථාවට එරාන් වික්‍රමරත්න, දයා ගමගේ, හර්ෂ ද සිල්වා, එස්.එම්.මරික්කාර්, මුජිබර් රහුමාන් සහ  මංජු ශ්‍රී අරංගල යන මහත්වරුන්ද සහභාගි වූහ.  

මෙහිදී වැඩිදුරටත් අදහස් දැක්වූ අමාත්‍ය කරුණානායක මහතා,


"සමෘද්ධීලාභීන් 11512 ක් කොළඹ දිස්ත්‍රික්කයෙන් සමෘද්ධි ජාලයට අද එක්වෙනවා. කොළඹ කියන්නේ ලංකාවේ තිබෙන විශාලම දිස්ත්‍රික්කයක්. දුප්පත් ජනතාව අඩුයි කියලා අපි සිතුවාට, තවත් දහස් ගණනක් දුප්පත් ජනතාව මේ දිස්ත්‍රික්කයේ සිටිනවා. එම ජනතාවගේ සැබෑ ඇස්තමේන්තු සකස් කරලා, ඔවුන්ට සිදුවන අසාධාරණය ඉවත් කරලා, කෙටිකලකින් ඔවුන්ට සාධාරණයක් ඉටු කරන්න අපි කටයුතු කරනවා.

ප්‍රජාතන්ත්‍රවාදය නැති වෙලා, දුෂණය මුල්කරගෙන, දුප්පත් ජනතාව පැත්තකට දාලා තිබුණ අවස්ථාවක තමයි  2015 ජනවාරි 08 පෙරළියක් තුළින් රට බාරගත්තේ.  ඒ පෙරළිය තුළින් අසාධාරණය සාධාරණයක් බවට පත්වෙලා, ප්‍රජාත්න්ත්‍රවාදය රැකගෙන, අද සැබෑ වෙනසක් ඇතිවෙලා තිබෙනවා. එක් දිස්ත්‍රික්කයකට පමණක් සීමානොවී රටේ සෑම කොනකටම සමානාත්මතාවක් ඇති කිරීමේදී, ඒ පෙරළිය දකින්න බැරි කොටසකුත් සිටිනවා.ඔවුන් රට තුළ අන්තවාදය පතුරවලා ප්‍රශ්න ඇතිකරනවා.


2015 අපි රජය බාරගන්න අවස්ථාවේ, මම මුදල් අමාත්‍ය ධූරයට පත්වන අවස්ථාවේ සමෘද්ධිලාභීන්ට ලබා දුන්නේ ඉතාමත් සොච්චමක් පමණයි. ඒ අවස්ථාවේ අපි ජනතාවට පොරොන්දු වුණා ඔවුන්ට ජීවත්විය හැකි මාර්ගයක් ඇති කරනවා කියලා. එදා බිලියන 22 ක් එනම් කෝටි 2200 ක් වූ සමෘද්ධි ප්‍රථිලාභය කෝට් 4600 කට වැඩි කරලා ඒ ප්‍රශ්නය නැති කරන්න වැඩ කළා. නමුත් ඒකෙන් දුප්පත්කම නැති වුනේ නැහැ. අපි නිකන් සල්ලි දෙන එක නෙමෙයි කරන්න ඕන. මාලු නිකන් දුන්නට ඒ පුද්ගලයාට සෙතක් වෙන්නේ නැහැ.

මාලු අල්ලන්න කියලා දුන්නනම් ඒ තුළින් ඔහුට තමන්ගේ ජීවනෝපාය හැඩගසා ගන්න පුළුවන් කියලා චීන විශේසඥයෙක් වරක් කිව්වා. අන්න ඒ දේ තමයි අපි ශ්‍රී ලංකාවෙත් කළ යුත්තේ. එතකොට තමයි දුප්පත්භාවය නැතිකළ හැක්කේ. ඒ තුළින් රටේ සමෘද්ධිමත්භාවය ඇති කරලා, සමෘද්ධිලාභීන් නැති කරන්න පුළුවන් වෙනවා. මේක තමයි රටට කරන්න පුළුවන් ලොකුම ආයෝජනය. මේක කරන්න ගතවන ප්‍රමාදය තමයි රටට සිදුවන ලොකුම අපරාදය.

පුළුවන්තරම් ඉක්මනින් තමාගේ අනාගතය තමාගේ අතින්ම ඉදිරියට ගෙනයන්න අපිට හැකිවුණොත්, මේ සමෘද්ධිය සදහා ලබාදෙන මුදල් රටේ සංවර්ධනයට යොදවන්න හැකිවේවි. රටේ යටිතල පහසුකම් සපයන ප්‍රධාන ආයතනයක් වන ලංකා විදුලිබල මණ්ඩලය අද සිටින්නේ කෝටි 10,000 ක් පමණ පාඩු ලබන තත්ත්වයක. මෙම තත්ත්වය වෙනස් කරලා, මෙම කෝටි 10,000 රටේ සංවර්ධනයට, ස්වයං රැකියා ප්‍රවර්ධනයට යොදවන්න පුළුවන්නම්, මොනතරම් වෙනසක් සිදුවේවිද.

නමුත් රටේ දේශපාලඥයින්  මීට පෙර ගත්ත තීන්දු තීරණ නිසි පරිදි ක්‍රියාත්මක නොකිරීමේ ප්‍රතිවිපාක තමයි අද අපට විදින්න සිදුවෙලා තිබෙන්නේ. රු. 15.00 ට රු.16.00 ට නිපදවන්න පුළුවන් විදුලි ඒකකයක් නිපදවන්න රු. 40.00 රු. 50.00 ක් වියදම් කරන්නේ මොන අපරාදයක්ද. අද සමෘද්ධි ලාභීන් ලක්ෂ 21 කට වෙන්කරලා තිබෙන්නේ රු.කෝටි 6700ක් පමණයි. නමුත් විදුලිබල අමාත්‍යාංශය රු. කෝටි 10,000  ක් නැති කරනවා මේ වගේ අධික මිලට විදුලිය ජනනය කරන්න. කොහොමද ඉතින් රටක් සංවර්ධනය කරන්නේ "යැයි පැවසිය.

  1. ගායිකා ඉන්ද්‍රානි සේනාරත්න අභාවප්‍රාප්ත වෙයි
  2. හදිසි නීතිය මාසයකින් දීර්ඝ කෙරේ
  3. ඉඩම් පනත සංශෝධනයට
  4. එක්සත් ජාතීන්ගේ සාමසාධක බලඇණිවල ගැටලු ජනපතිගේ අවධානයට
  5. පවුල් ලක්‍ෂ 6 කට සමෘද්ධිය
  6. හිංදු භක්තිකයන් කතරගමට පාද චාරිකාවෙන් ගමන් අරඹයි
  7. බැටිකලෝ කැම්පස් වාර්තාව පාර්ලිමේන්තුවට - ආයතනය රජයට ගන්න
  8. ජාතික අධ්‍යාපන පනත කරලියට
  9. ත්‍රිකුණාමලය, නාවික තඨාකාංගනය ‘නීල හරිත පාරාදීසයක්’ ලෙස ප්‍රකාශයට පත් කෙරේ
  10. හැටන් දුම්රිය ස්ථානයත් පාළුවට යයි
  11. නාවික හමුදාව ලෝක ජල මානක දිනය සමරයි
  12. තහනම් ධීවර දැල් 24 ක් සොයා ගනියි
  13. පාසල් නොගිය දරුවන් ගැන පියවර ගැනීමට නිලධාරීන්ට බාධා නැහැ
  14. දුම්රිය වර්ජනය හේතුවෙන් බස් රථ ධාවනය වැඩි කෙරේ
  15. අදත් වතු කම්කරුවන්ට ප්‍රහාරයක්
  16. ඩන්සිනන් වතුයායේ රුක් රෝපණ වැඩසටහනක්
  17. මාතලේ ගොඩිගමුව ජලාශය ප්‍රතිසංස්කරණට
  18. මත්ද්‍රව්‍ය නිවාරණ සතිය නිමිත්තෙන් පාසල්වල වැඩසටහන්
  19. තේ කොළ ප්‍රවාහනය කළ කන්ටේනර් රථයක් ප්‍රපාතයකට පෙරළෙයි : රියදුරු හා සහායකට තුවාල
  20. නිරිතදිග මෝසම් වර්ෂාව ප්‍රමාණවත් නෑ ; ජල විදුලිය නිෂ්පාදනය අර්බුදයක
  21. හෙරොයින් ග්‍රෑම් 330 සමඟ සැකකරුවෙකු කොස්ගොඩදී අත්අඩංගුවට
  22. ජෙෆ්රි ඇලෝසියස්ට රටයන්න අවසරදීමට එරෙහිව නීතිපති අධිකරණයට
  23. දුම්රිය වර්ජනය කල් යයි - වෘත්තීය සමිති දැඩි ස්ථාවරයක
  24. රජයේ ප්‍රතිපාදන වලින් ධීවර කර්මාන්තය නඟා සිටුවන්න බෑ
  25. ඇමරිකානු රාජ්‍ය ලේකම්ගේ ශී‍්‍ර ලංකා සංචාරය අවලංගු කෙරේ

Page 7 of 2334

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.