lakbima.lk

දකුණු පාතාලයකු වන '‍පොඩි ලැසී' නමැත්තාගේ කුඩු තිප්‍පොළ වැටලූ අවස්ථාවේ දී ඒ ආසන්නයේ ප්‍රධාන මාර්ගය අසල සිටි ගාල්ල බන්ධනාගාරයේ නියෝජ්‍ය ජේලර්වරයා එහි පැමිණ සිටියේ කුමක් සඳහා ද යන්න සම්බන්ධව සිදු කළ පූර්ණ පරීක්ෂණ වාර්තාවක් බන්ධනාගාර කොමසාරිස් ජෙනරාල්වරයා වෙත යොමු කළ බව මීටියාගොඩ ‍පොලීසියේ ප්‍රකාශකයෙක් සඳහන් කළේය.
මෙම නිලධාරියාගේ දුරකථන විශ්‍ලේෂණ වාර්තා සම්බන්ධයෙන් විශේෂ පරීක්ෂණයක් ඉදිරියේදී සිදු කරන බව ද එම ප්‍රකාශකයා වැඩිදුරටත් සඳහන් කළේය.
පාතාල කල්ලි නායක '‍පොඩි ලැසී' නමැත්තාගේ කුඩු තිප්‍පොළක් වටලන අවස්ථාවේ කුකුළු ගොවි‍පොළකට මස් මිලදී ගැනීමට එහි පැමිණි බව කියන ගාල්ල බන්ධනාගාරයේ නියෝජ්‍ය ප්‍රධාන ජේලර්වරයා සම්බන්ධ ‍පොලීසිය කළ පූර්ණ පරීක්ෂණ වාර්තාවට ඔහුගෙන් ලබාගත් සියලුම ප්‍රකාශ ඊට ඇතුළත් වන බව ද දැන ගන්නට ලැබේ.
ගාල්ල බන්ධනාගාරයේ නියෝජ්‍ය ප්‍රධාන ජේලර්වරයා වන එම්.ටී. රුවන් තිහාර ජයරත්න නමැති අය පසුගිය 19 වැනි දින මීටියාගොඩ බද්දේගම ප්‍රධාන මාර්ගයට මුහුණලා ඇති සත්ව ගොවි‍පොළක් ආසන්නයට යතුරු පැදියෙන් ගොස් කුකුළු මස් තොග වශයෙන් මිලදී ගැනීමට විමසීමක් සිදුකරන අවස්ථාවේ යතුරු පැදියකින් පැමිණි ‍පොලිස් නිලධාරීන් දෙදෙනකු ඊට යාබද ස්ථානයක සිටි බව කියන කුඩු ජාවාරම්කරුවකු අත්අඩංගුවට ගත් බවත් තමන් මෙම ස්ථානයට පැමිණියේ කුමක් සඳහා ද යන්න එම නිලධාරියාගෙන් ‍පොලීසිය විමසා ඇති බවත් පැවැසේ.
එම නිලධාරියාගේ අනන්‍යතාව එළි කිරීමෙන් පසු ඔහු සන්තකයේ නීති විරෝධී මත්ද්‍රව්‍ය තිබේ දැයි යන්න කළ පරීක්ෂාවෙන් අනතුරුව ඔහු මුදා හැරි බවත් ‍පොලීසිය ගොනු කළ පරීක්ෂණ වාර්තාවේ සඳහන් වේ.
මීටියාගොඩ ‍පොලීසිය පැවැසුවේ මෙම නිලධාරියාගේ දුරකථන විශ්‍ලේෂණ වාර්තා පරීක්ෂා කිරීම ඉදිරියේදී සිදු කරන බවත් ඒ අනුව ඉදිරි නීතිමය කටයුතු සිදු කරන බවයි.
ගාල්ල හා බූස්ස බන්ධනාගාර නිලධාරීන් පිරිසක් පැවැසුවේ 2014 වසරේ සිට 2018.09.22 වැනි දින දක්වා බූස්ස බන්ධනාගාරයේ ප්‍රධාන ජේලර්වරයා ලෙස කටයුතු කළ සමයේ දී ඔහු එම බන්ධනාගාරය තුළ ජංගම දුරකථන භාවිතය මත්ද්‍රව්‍ය හෝ වෙනත් ජාවාරම් කිසිවක් කිරීමට ඉඩ නොතබා නිවැරදි ලෙස රාජකාරී කළ නිලධාරියකු බවයි. ලංකාවේ සියලුම බන්ධනාගාර පරීක්ෂා කරද්දී බූස්ස බන්ධනාගාරය තුළ පමණක් නීති විරෝධී මත්ද්‍රව්‍ය හෝ ජංගම දුරකථන කිසිවක් සිරකරුවන් සන්තකයේ නොතිබුණේ මෙම නිලධාරියාගේ යහපත් ක්‍රියා කලාපය නිසා බව ද ඔවුහු කියති.
මේ සම්බන්ධයෙන් චෝදනාවට ලක්ව සිටින බන්ධනාගාරයේ නියෝජ්‍ය ප්‍රධාන ජේලර් වන එම්.ටී. රුවන් තිහාර ජයරත්න මහතාගෙන් අප කළ විමසීමේදී මෙසේ පැවැසීය.
''බලපිටිය ප්‍රදේශයේ පල්ලියක පැවැත්වෙන උත්සවයක් සඳහා කෑමට අවශ්‍ය කුකුළු මස් ප්‍රමාණයක් මිලදී ගැනීමට පැමිණියා. මීටියාගොඩ හෝ වේරගොඩ ප්‍රදේශයෙන් එම මස් මිලට ගැනීමට බලා‍පොරොත්තුවෙන් එහි ගියා.
මුලින්ම තමන් ගිය ස්ථානයේ තිබූ කුකුළු ගොවි‍පොළ මීට පෙර වසා දමා ඇති බව එම හිමිකරුවන්ගෙන් කළ විමසීමේදී තමන් දැන ගත් බැවින් වේරගොඩ සත්ව ගොවි‍පොළ සඳහා යන්න සූදානම් වූ අවස්ථාවේ ‍පොලීසියෙන් පැමිණි නිලධාරීන් දෙදෙනකු තමන්ගෙන් මොකද මෙතන කරන්නේ, මොකටද මෙහෙ ආවේ යැයි ප්‍රශ්න කර තමන් සන්තකයේ යම් නීතිවිරෝධී දේවල් තිබේ දැයි පරීක්ෂාවට ලක් කර මා සන්තකයේ එවැනි කිසිවක් නොතිබුණු හෙයින් තමන්ට යන්නට අවස්ථාව දුන් බවත් ප්‍රකාශ කළේය.
මාධ්‍යය මගින් මාගේ කීර්තියට හා රාජකාරී කටයුතුවලට යම් අපහසුතාවක් වන ආකාරයේ විවිධ ප්‍රවෘත්ති නිර්මාණය වීම හේතුවෙන් තමන් දැඩි මානසික පීඩාවකට පත්ව සිටින බවත් ඒවා නිවැරදි කරන්නැයි හෙතෙම මාධ්‍යයෙන් ඉල්ලීමක් කළේය.
ගාල්ල බන්ධනාගාර අධිකාරී ජගත් වීරසිංහ මහතාගෙන් අප කළ විමසීමේදී හෙතෙම පැවැසුවේ තම සේවා ආයතනයේ නිලධාරියා යම් කිසි නීතිවිරෝධී කටයුත්තකට සම්බන්ධතාවක් තිබේද යන්න පිළිබඳව ‍පොලිස් පරීක්ෂණ මෙන්ම බන්ධනාගාර දෙපාර්තමේන්තුව මගින් ද පරීක්ෂණ සිදු කළ බවයි.

ජයකාන්ත ලියනගේ - බළපිටිය

 

  1. රවීගේ නිවස වීඩියෝ කරලා
  2. කොළඹ බන්ධනාගාරවලටත් එස්.ටී.එෆ්
  3. නාලක සිල්වා අත්අඩංගුවට
  4. ශිෂ්‍යත්වය අනිවාර්ය නෑ
  5. අද-හෙට නිරිතදිග වැසි වැඩිවේ
  6. “රෝ” ගැන තොරතුරු සැඟවීම රාජද්‍රෝහි ක‍්‍රියාවක්
  7. ආයෝජන මණ්ඩලයේ නව සභාපති හේමසිරි ප්‍රනාන්දු
  8. ක්‍රීඩකයන්ගේ තහනම් උත්තේජක ලැයිස්තුවට කැබිනට් අනුමැතිය
  9. දුම්වැටි බදු මුදල් අය කරන්න ස්ථිර නිලධාරියෙක් නෑ
  10. ලක්ෂ 25 අල්ලස් චෝදනාවකට ගුවන් තොටු‍පොළ ‍පොලීසියේ 2ක් අත්අඩංගුවට
  11. ඉදිරි ඡන්ද සටනට විගී නව පක්ෂයකින්
  12. පර්යන්තය බදු දීම නැවැත්වීමට තවත් සතියක කාලයක්
  13. බදියුදීන් ඝාතන තැත ගැන විධිමත් පරික්ෂණයක් ඕනෑ
  14. පාතාලයට ආයුධ දුන්නැයි හමුදා නිලධාරියා අත්අඩංගුවට
  15. ආර්ථික අර්බුදයක් නෑ
  16. රුපියල තවත් පහළට
  17. සිසුන් ඇතුළත් කිරීමේ ලකුණු වෙනස් කළැයි පැමිණිලි
  18. ණය සීමාවට අමතරව තවත් බිලියන 310ක් ඉල්ලයි
  19. නාලක - නාමල් කටහඬ ගැළපෙයි
  20. සේනානායක ප‍්‍රතිපත්ති එ.ජා.ප.යේ. දැන් නෑ
  21. ක්‍රිකට් ආයතනයේ මූල්‍ය ප්‍රධාන නිලධාරියා අත්අඩංගුවට
  22. ඉදිරි දිනවල ගිගුරුම් සහිත වැසි
  23. රුපියල තවත් පහළට
  24. ජනපති - අගමැති හදිසි හමුවක්
  25. පරන්තන් රසායනික කම්හල ඉක්මණින් යළි සක්‍රිය කරනවා

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.