lakbima.lk

බංග්ලාදේශයේ  ප්‍රධාන පෙළේ දේශපාලන චරිතයක් වන හිටපු අගමැතිනි ඛලිඩා සියා ට වසර 7 ක සිර දඬුවමක් පැනවීම පසුගිය දිනවල දකුණු ආසියානු දේශපාලන කරළියේ කැපී පෙනුණු සිදුවීමක් විය. 73 වෙනි වියෙහි පසුවන ඛලිඩා ට මේ ආකාරයෙන් සිර දඬුවම් නියම කෙරුණේ මුදල් වංචා පිළිබඳ චෝදනාවක් පදනම් කරගනිමිනි. ඛලිඩා සියා ගේ සැමියා වූ සියාඋර් රහමාන් ගේ නමින් පිහිටුවා ඇති පුණ්‍යායතනයක අරමුදල්වලින් ඇමෙරිකානු ඩොලර් ලක්ෂ 4 කට ආසන්න මුදලක් වංචා කිරීම ඇයට එරෙහිව මෙහිදී නැගුණු චෝදනාව විය. මෙය ලංකා මුදලින් රුපියල් කෝටි 7 කට ආසන්න මුදලකි. ඇයට එරෙහිව මෙම චෝදනාව මුල් වරට එල්ල වූයේ මෙයට වසර 8 කට පමණ පෙරය. සිර දඬුවමට අමතරව බංග්ලාදේශ ටකා ලක්ෂ 10 ක (ලංකා රුපියල් ලක්ෂ 20 ක පමණ)  දඩයක් ද පනවා ඇත. එය ගෙවීමට අ‍පොහොසත් වුවහොත් සිර දඬුවම තවත් මාස හයකින් දීර්ඝ වනු ඇති බවද සඳහන් වේ.

කෙසේ වෙතත්, හිටපු අගමැතිනිය මේ වනවිටත් සිටින්නේ බන්ධනාගාරගතවය. ඒ, මෙයට පෙර එල්ල වූ මීට සමාන තවත් වංචා චෝදනාවක් නිසාය. ළමා නිවාසයක අරමුදල් වංචා කිරීම සම්බන්ධ චෝදනාවක් එවර ඇයට එරෙහිව එල්ල විය. මෙම චෝදනාවලට ඇය වැරදිකාරිය ලෙස තීන්දු කිරීම නිසා පසුගිය පෙබරවාරි මාසයේ ඇයට පස් වසරක සිර දඬුවමක් නියම විය. මෙහිදී වංචා කරන ලද මුදල ලෙස සඳහන් වූයේ ඇමෙරිකානු ඩොලර් ලක්ෂ දෙකහමාරකට (ලංකා රුපියල් කෝටි හතරහමාරකට) ආසන්න මුදලකි. ඇය මේ ආකාරයෙන් මුදල් වංචා කර ඇති බව පැවැසුණේ 2001-2006 අතර ඇය අගමැති ධුරය දරමින් සිටි කාලයේය. එම අවස්ථාවේ දී ඛලිඩාගේ වැඩිමල් පුත්‍රයා වන තරීක් රහ්මාන්ට එරෙහිව ද චෝදනා එල්ල විය. එහිදී ලබා දුන් තීන්දුව අනුව 2018 පෙබරවාරි මාසයේ සිට  ඛලිඩා බංග්ලාදේශයේ අගනුවර වන ඩකා හි මධ්‍යම බන්ධනාගාරයේ රැඳවියක ලෙස දඬුවම් විඳිමින් සිටියි. කෙසේ වෙතත් ඇය සඳහන් කරන්නේ මෙම සියලු චෝදනා දේශපාලන පලිගැනීම්වල ප්‍රතිඵල බවයි. ඛලිඩා සියා ට එරෙහිව තවත් බොහෝ චෝදනා එල්ල වී ඇති අතර සමස්තයක් ලෙස දූෂණ චෝදනා පහක් ද, ප්‍රචණ්ඩ ක්‍රියා සම්බන්ධ චෝදනා 15 ක්ද ඇයට එරෙහිව ඇති බව පැවැසේ. ප්‍රචණ්ඩ ක්‍රියා සම්බන්ධ චෝදනාවලට පදනම් වන්නේ 2014 වසරෙන් පසු ඔවුන් ගෙන ගිය ආණ්ඩු විරෝධී ව්‍යාපාරවල දී සිදු වූ සිදුවීම්ය.

බංග්ලාදේශ ජාතිකවාදී පක්ෂයේ නායිකාව වූ ඛලිඩා අවසන් වරට එරට අගමැති ධුරය දැරුවේ 2001 සහ 2006 අතර කාලයේය. 2007 වසරේ පැවැත්වීමට නියමිතව තිබූ ඊළඟ මැතිවරණය රට තුළ උද්ගත වූ ප්‍රචණ්ඩ ක්‍රියා සහ විවිධ ගැටුම් හේතුවෙන් කල් ගියේය. මේ අතර තාවකාලිකව හමුදා පාලනයක් රට තුළ ස්ථාපිත කෙරුණු අතර ඛලිඩාට සහ ඇගේ පුතුන්ට එරෙහිව වංචා දූෂණ චෝදනා බොහොමයක් ගොනු කරන ලද්දේ මෙම කාලයේයි. එයින් පසු 2008 වසරේ පැවැත්වුණු මහා මැතිවරණයෙන් ජයගත්තේ ඛලිඩාගේ ප්‍රතිවාදිනිය සේම බංග්ලාදේශයේ තවත් සුප්‍රකට චරිතයක් වන ෂීක් හසිනා ගේ පක්ෂයයි. එතැන් පටන් මේ වනතුරුත් අගමැති ධුරය දරන්නේ ඇයයි. 2008 වසරේ පැවැති මහා මැතිවරණයේ දී ෂීක් හසිනා ඛලිඩා සියා පරදවමින් දැවැන්ත ජයග්‍රහණයක් ලබා ගත්තාය. බංග්ලාදේශ පාර්ලිමේන්තුවේ ආසන 300 න් ආසන 230 ක්ම දිනාගත්තේ හසිනාගේ අවාමි ලීග් පක්ෂය යි. ඛලිඩාගේ පක්ෂයට හිමි වූයේ ආසන 30 ක් පමණි. එයට කලින් 2001 වසරේ පැවැති මැතිවරණයේදී ඛලිඩාගේ බංග්ලාදේශ ජාතිකවාදී පක්ෂයට ආසන 193 ක් හිමිව තිබිණි. 2014 පැවැති පසුගිය මැතිවරණය මෙම පක්ෂය විසින් වර්ජනය කරනු ලැබිම නිසා මේ වනවිට ඔවුන් පාර්ලිමේන්තුවේ කිසිදු ආසනයක් හොබවන්නේ නැත.

බංග්ලාදේශයේ මීළඟ  මහා මැතිවරණය මේ වසරේ පැවැත්වීමට නියමිතව ඇති බව ද සඳහන් කිරීම වැදගත් වෙයි. එය ඔක්තෝබර් 31 සහ දෙසැම්බර් 31 අතර කාලය තුළ පැවැත්විය යුතුය. දැනට පළ වී ඇති  තොරතුරුවලට අනුව එය බොහෝ දුරට දෙසැම්බර් මාසයේ තුන්වැනි සතියේ හෝ හතරවැනි සතියේ පැවැත්වෙනු ඇතැයි බලා‍පොරොත්තු විය හැකි වේ.

නිහාල් පීරිස්

  1. ගොවියන් කෝපගන්වමින් ගුජරාතයේ ඉදිවූ ලොව උසම පිළිරුව
  2. තායිලන්ත ප්‍රකෝටිපතියා සමග හෙළිකොප්ටරය අනතුරක
  3. ඇමෙරිකාවේ දේවස්ථානය තුළ වෙඩි තැබිම ජාතිවාදී ප්‍රහාරයක්
  4. කැතේ පැසිපික් මගීන් මිලියන දහයකට ආසන්න ගණනකගේ තොරතුරු පිටතට
  5. ජමාල් කාෂෝගි ඝාතකයන්ට දඩුවම් කරන බව සල්මාන් කුමරු කියයි
  6. ලොව දිගින් වැඩිම පාලමට මංතීරු 6ක්
  7. සිය සැමියා සපා කා මරා දැමූ සිංහ ධේනුව
  8. වසර 12 000 ක් ඉපැරණි ලුසියා ෆොසිලය අලු යටින් හමුවෙයි !
  9. තවත් අනවසර සංක්‍රමණිකයින් 2000 ක් මෙක්සිකෝ - ග්වාතමාලා දේශසීමාව‍ට
  10. බොන්ඩි වෙරළට පැමිණි රාජකීය යුවළට උණුසුම් ප්‍රතිචාර
  11. පාකිස්තානයේ කුඩා දැරියන් දූෂණය කළ අපරාධකරු එල්ලා මරයි
  12. අතුරුදහන් වූ කාෂෝගී ගේ මළ සිරුර සොයා ‍පොලිස් මෙහෙයුම්
  13. අවාරයේ පිපෙන ජපානයේ සකුරා
  14. හින්දු දෙවොලක වන්දනාවට ආ කතුන්ට ගල්
  15. කැනඩාව ප්‍රතිනිර්මාණිත මරිජුවානා ද නීතිගත කරයි
  16. මොරොක්කෝවේ මාරාන්තික දුම්රිය අනතුරක් !
  17. කැනඩාවේ ප්‍රතිනිර්මාණිත කංසා නීත්‍යනුකූලභාවයට
  18. හැරී හා මේගන් ගේ පළමු රාජකීය සංචාරය අදින් ඇරඹේ
  19. ට්‍රම්ප් සහ කිම් ජොං-උන් අතර දවෛනි හමුවක් ළඟදීම
  20. සෝයුස් රොකට්ටුව නැවත ‍පෘතුවියට
  21. ජපානයේ සතුන් වත්තක ඝාතනයක් සිදුකළ දුලබ කොටියා
  22. රුමේනියාවේ සමලිංගික විවාහ තහනම් කිරීමට පැවති ජනමත විචාරණය පරාජය වේ
  23. මයිකල් සුළි කුණාටුවට බියෙන් 370 000 ක් ඉවත් කෙරේ
  24. ගෝලීය උණුසුම ගැන ඉක්මන් පියවර ගන්නා ලෙස විද්‍යාඥයන්ගෙන් අනතුරු ඇඟවීමක්
  25. බ්‍රසීලයේ ජනපතිවරණය දෙවන වටයටත්

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.