lakbima.lk

දඟකාර හැඩකාර යොවුන් දියණියට මේ බ්ලවුස් එක ඔබේ අතින්ම මසා දෙන්න. පපුව 34 ඉණ 28ට මේ පතරොම නිර්මාණය කර තිබෙන්නෙ අවශ්‍ය නම් අඩු වැඩි කර ගන්න.

උපදෙස් කියවා බලා පතරොම් කොටස් ටික වෙන වෙනම කපා ගන්න. ඒ රූප සටහනේ පරිදි ඉදිරි පලුවේ අවශ්‍ය උස ගෙන ගැට ගසන පටියද එයටම යා කර ඇඳගන්න. ඕ රූප සටහනේ පරිදි පිටුපස පලුව අවශ්‍ය උසගෙන නැම්මට තබා කපා ගන්න. මැහුම් වාසි තබා ඇත.

කොලර් එක පතරොමේ ප්‍රමාණයට ස්ටිප් එකේ තබා නැම්මට රෙදි කොටස් 2 කපා ගන්න. එක් කොටසකට වටේ ඉඩ තබා ස්ටිප් කොටස අලවා ගන්න. (අයන් කර) පහළ 1/2 ඇතුලට නවා මසා ගන්න. අනෙක් රෙදි කොටසට මසා ගත් එම කොලර් කොටස තබා වටේ මසා මුළු ලස්සනට එන ලෙස හරවා ගන්න. වටේ මැහුම් ගසා කොලර් එක සකසා ගන්න.

ඉදිරි පලුවේ පටියටද සමග එකටම ෆේසිම කපා (ඒ රූපයේ කුඩා තිත් ඉරි බලන්න) තබා මසා හරවා ගන්න.

උරහිස් මූට්ටු කර කොලර් එක අල්ලා ගන්න. අත්කට වාටිය හෝ පයිපින් කර හෝ මසා ගන්න. අංශය මූට්ටු කර ගන්න. ෆේසිම මැසූ පසු පහළ ඉතිරි වටේ වාටි කොටස මසා ගන්න.

කර උඩ සිට පහළට 3 1/2 හැර අඟල් 3න් 3ට බොත්තම් කාස මසා බොත්තම් අල්ලා ගන්න.

ඉදිරිපත් කිරීම බණ්ඩාරගම එම්.එස්.පී. මැහුම් පාස‍ලේ  උපදේශිකා, ප්‍රවීණ මැහුම් ශිල්පිනී මැහුම් ඩිප්ලෝමාධාරිනි මානෙල් ප්‍රේමතිලක

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.