lakbima.lk

නිර්වින්දන වෛද්‍යවරයා වාට්ටුවට පැමිණියේ හෙට දින සීසර් ශල්‍යකර්මවලට බදුන් වීමට සිටින රෝගීන්ගේ විස්තර සටහන් කර ගැනීමටත් රෝගීන්ගේ ශල්‍යකර්මය සම්බන්ධව අවබෝධයක් ලබා දී  එයට ඇති බිය පහ කොට ආතතිය අඩු කිරීමටත්ය.  රෝගියකු සිහි නැති කිරීමට පෙර සැලකීමට බඳුන් කළ යුතු බොහෝ දේ ඇත.

  ”අම්මා කොහොමද? මම තමා ඇනස්තටික් ඩොක්ටර්. අපි පොඞ්ඩක් කතා කරමු. ”
 ඔහු ඇඳ ඉහ පත අතට ගෙන පෙරලූ‍වේය.

”මේ නම හරි නේද?” නම නැවත උච්චාරණය කළ ඔහු විමසීය. ඔබ රෝගියකු ලෙස රෝහලකට ඇතුළු වනවා නම් බාහිර රෝගී අංශයේ දී රෝහලට ඇතුළත් කරන අවස්ථාවේ මුලකුරු සමග නම දීම ඉතා වැදගත් වන්නේ එකම නම ඇති අය කිහිප දෙනෙකු ඇති බැවිනි.  සෑම විටම එකම විදියට නම දීමට ද වග බලා ගත යුතුය.  

”වයස අවුරුදු 36යි. හරිනෙ’’

”ඔව් ඩොක්ටර්”  

”මීට කලින් සිහි නැති කරල  ශල්‍යකර්මවලට මුහුණ දීල තියෙනවද?”

”අවුරුදු දහයකට ඉස්සර ඇපෙන්ඩිසයිටිස් වලට ඔපරේෂන් කරල තියෙනව”

වෛද්‍යවරයා ඇගේ පිළිතුරු එකින් එක සටහන් තබයි.

”මේ පළමු වෙනි බබා නේද?”

”ඔව්. මට ෆයිබ්රොයිඞ් එකකුත් තියෙනවා.”

”ඔව් ඒ නිසා තමයි සීසර් කරන්න වෙලා තියෙන්නෙ. ලේ වර්ගය එහෙම දන්නවද?”

”ඔව්  ඕ පොසිටිව්.”

ඔහු ඇගේ මව් සටහන් පතේ සඳහන් ලේ වර්ගය එයමදැයි බලයි.

”ඒක හොඳයි. වැඩියම තියෙන ලේ වර්ගයනෙ”

”කවදා හරි කෑම වර්ග වලට හරි ඇලර්ජික්, ඒ කියන්නෙ කසල පලූ‍ දාල එහෙම තියෙනවද?”

”මට අන්නාසි කෑවම එහෙම වෙනව. බෙහෙත්වලට නම් වෙලා නෑ.”

”කැස්ස එහෙම තියෙනවද?  එදිනෙදා වැඩ කරද්දි හතියක් එහෙම නෑ නේද? පඩිපෙළක් නගින කොට එහෙම  මහන්සියක් දැනෙනවද?”

”නෑ එහෙම අමාරුවක් නෑ”
වෛද්‍යවරයා වෙද නළාව තබා හෘදය, පෙණහලූ‍ ආදිය පරීක්ෂා කර බැලූ‍වේය.

”දැන් කකුල් පහළට දාල ඇඳේ වාඩි වෙන්න”  ඔහු ඉන් පසු කළේ   ඇගේ උගුර පරීක්ෂා කිරීමය. උපකරණයකින් දිව පහතට කරමින් වෛද්‍යවරයා නිරීක්ෂණය කළේ උගුරේ ඇති කුඩා දිවක් වැනි කොටස හොඳින් දර්ශනය වේදැයි කියා ය.   සිහි නැති කිරීමේදී ශ්වසන පද්ධතියට ඔක්සිජන් හා අනිත් නිර්වින්දන වායු ගමන් කිරීමට ශ්වාසනාලයට බටයක් දමනු ලැබේ. එය නිසි ලෙස ඇතුළු කිරීමට එම ස්ථානය ආබාධ රහිතව තිබිය යුතුය.

ඇඳ ඉහ පතේ ඇති පරීක්ෂණවල ප‍්‍රතිඵල වෛද්‍යවරයා විසින් නැවත නිරීක්ෂණයට ලක්කරයි. සුලූ‍      වැරැද්දකටවත් ඉඩ නැත. දියවැඩියාව තිබේදැයි බලන FBS", කොලෙස්ටෙරොල් බලන​ Lipid Profile" ,  රුධිරයේ ඇතිහිමොග්ලොබින් ප‍්‍රමාණය, ආසාදන තත්ත්ව,   රුධිර පට්ටිකා ප‍්‍රමාණය ආදිය බලන FBC, හෘද වස්තුවේ ක‍්‍රියාකාරකම් බලනECG පටිය, පෙණහලූ‍ වල තත්ත්වය බලන පපුවේ එක්ස් රේ පරීක්ෂාව,  වකුගඩු ක‍්‍රියාකාරිත්වය මනින අක්මාවේ තත්ත්වය බලන Serum creatinine"Blood Urea   රුධිර ගත ලවණ ප‍්‍රමාණය මනින Serum Electrolites ආදී පරීක්ෂණ වලින් රෝගියාගේ සිරුරේ තත්ත්වය මැන බැලීම සෑම ප‍්‍රධාන ශල්‍යකර්මයකටම පෙර සිදු කළ යුතුය.

ඒවායෙහි වෙනස් කම් ඇත්නම් ශල්‍ය කර්මයට පෙර  ප‍්‍රතිකාර මගින් යථා තත්ත්වයට පත් කර  ගත යුතු ය. ශල්‍ය කර්මයකදී අනිවාර්යයෙන්ම යම් රුධිර ප‍්‍රමාණයක් සිරුරෙන් ඉවත් වන බැවින් එය දරා ගැනීමේ හැකියාව රෝගියාට තිබිය යුතු ය. ලේ බැංකුවෙන් අවශ්‍ය රුධිරය වෙන් කර ගැනීමට. රෝගියාගේ නෑදෑ හිතවතුන් ලේ බැංකුවට රුධිර පරිත්‍යාග කළ යුතු ය.


”හරි හැම දේම හොඳින් තියෙනවා. සිහි නැති කර ශල්‍ය කර්මය කරනවාට කැමතියි කියල අත්සන් කරලනෙ තියෙන්නෙ. වෙන මොනවත් ප‍්‍රශ්න තියෙනවද?”

”මම ගොඩක් බයේ හිටියෙ. දැන් නම් ඒ බය අඩු වුණා.”

”බය වෙන්න එපා දැන් වෛද්‍ය විද්‍යාව දියුණුයි. මේක අපි නිතරම කරන ඔපරේෂන් එකක්නෙ. හැම දෙයක්ම හොඳින් සිදුවේවි. වැදගත්ම දේ අද ? දහයෙන් පස්සෙ මොනවත් කන්න බොන්න එපා. ඔපරේෂන් එක කරන තුරු වතුරවත් බොන්න එපා.  ”  

”හොඳයි. ගොඩක් ස්තූතියි ඩොක්ටර්”

සිහි නැති කිරීමට පැයකට පමණ පෙර වමනය නැති කිරීමට බෙහෙත් වර්ග  ලබා දීමක් සිදු කරයි. ආමාශය හිස්ව තැබීම අත්‍යවශ්‍ය බැවිනි. සිහිය නැති විට මාංශ පේශි ක‍්‍රියා විරහිත කර ඇති බැවින් ආමාශයේ ඇති ද්‍රව්‍ය පෙණහලූ‍වලට ඇතුළු විය හැකි බැවිනි.  

ඈත අතීතයේ සිට ශල්‍ය වෛද්‍යවරුන්ට තිබූ ලොකුම ගැටලූ‍ව නම්  වේදනාවකින් තොරව ශල්‍යකර්ම කිරීමයි. නිර්වින්දන වෛද්‍ය විද්‍යාව අද මෙතරම් දියුණු තත්ත්වයකට පැමිණ ඇත්තේ ශත වර්ෂ ගණනාවක සිට ඒ වෙනුවෙන් කළ පරීක්ෂණවල ප‍්‍රතිඵලයක් ලෙස ය. මෙහි අතුරු ආබාධ අවම කර ගත හැක්කේ රෝගියාට සහ රෝගයට අනුව කුමන වර්ගයේ නිර්වින්දන ක‍්‍රමයක් භාවිත කළ යුතු ද යන්න  නිසි ලෙස තීරණය කිරීමෙන්ය.

අද බොහෝ සිසේරියන් සැත්කම් පවා සිදු කෙරෙන්නේ රෝගියා සිහි නැති නොකර සුසුම්නාවේ පහළ කොටස නිර්වින්දනය කිරීමෙන්ය.   එහි සාපේකෂව අතුරු ආබාධ අඩුය. ඒ සඳහා රෝගියාගේ සහයෝගයද අවශ්‍යය.

වෛද්‍ය ලංකා සිරිවර්ධන

  1. බෙල්ලේ වායු ගෙඩියක්ද?
  2. බිය විය යුතු හා බිය නොවිය යුතු ශාරීරික වෙනස්කම්
  3. පිළිකා නසන රුවගුණ වඩන වරකා
  4. සිරුර ඔබට කරන අනතුරු ඇඟවීම්
  5. සමේ ඇතිවන ගැටිති
  6. වයස අවුරුද්දෙන් පසුත් ලුණු සහ සීනිවලින් දරුවා ඈත් කර තබන්න
  7. නවීන ආහාර පාන නිසා දැරියන් අඩු වයසින් වැඩිවියට පත්වෙනවාද?
  8. ගර්භණී සමයේ කෙණ්ඩ පෙරළීම
  9. අධික උණුසුම් කාලවලදී නිරෝගී බව ආරක්ෂා කරගන්නා අන්දම
  10. හිසකෙස් ගැටලු අවම කරන උපදෙස්
  11. රෝග සමනය කරන්නටත් රුව වැඩි කරන්නටත් උපකාරී වන වජ්‍රාසනය
  12. ඔබේ වියපත් වැඩිහිටියන්ටත් ‘විශාදය’ ඇති වෙන්න පුළුවන්
  13. ඔසප් වේදනා ඇතුළු බොහෝ රෝග සමනය කරන යෝග ක්‍රමයක්
  14. හදවත නතර වන්නට යන බවට ලැබෙන ඉඟි මෙන්න
  15. වකුගඩු අකර්මණ්‍ය වන හැටි දන්නවාද?

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.