lakbima.lk

සකස්කරන ලද මස් නිතර නිතර ආහාරයට ගැනීම පිළිකා අවදානම ඉහළ නංවන බව ලෝක සෞඛ්‍ය සංවිධානය අනතුරු අගවා තිබුණේ කලකට පෙරය. එම අවදානම තවත් තහවුරු වූයේ එක්සත් රාජධානියේ පිළිකා පර්යේෂණ ආයතනය සිදුකළ නවතම සමීක්ෂණයකදීය.
බේකන්, සොසේජස් වැනි සකස් කරන ලද මස් වැඩිපුර ආහාරයට ගන්නා කාන්තාවන් හා අඩුවෙන් කන කාන්තාවන් පිරිසක් අතර සිදුකරන ලද මෙම සමීක්ෂණයේදී සැකසූ මස් අඩුවෙන් ආහාරයට ගන්නා කාන්තාවන්ට සාපේක්ෂව නිතර ආහාරයට ගන්නා කාන්තාවන් අතර පිළිකා අවදානම 9න් ඉහළ බව තහවුරු වී තිබේ.
එම පිළිකා පර්යේෂණ ආයතනය පවසන්නේ පියයුරු පිළිකා වලින් 23ම මුලින් වළකා ගත හැකි ඒවා බවය. පියයුරු පිළිකාවලට ගොදුරු වන කාන්තාවන්ගෙන් 8ක් අධිබර සහ ස්ථූලභාවයෙන් පෙළෙන බවත් තවත් 8 මද්‍යසාර වලට ඇබ්බැහිවූවන් බවත් සමීක්ෂණ වාර්තා තවදුරටත් හෙළිකොට තිබේ.
කලකට පෙරදී ලෝක සෞඛ්‍ය සංවිධානය අනතුරු අගවා ඇති ආකාරයට සකස් කළ මස් වැඩිපුර ආහාරයට ගැනීම උදරය ආශ්‍රිත පිළිකා හට ගැනීමේ අවදානමක් ඇති කරවයි. ඒ අතරද රතු පැහැති මස්වල ඒ අවදානම තවත් ඉහළය. බ්‍රිතාන්‍ය සෞඛ්‍ය අංශයන්හි නිර්දේශය දිනකට සකස් කරන ලද මස් ග්‍රෑම් හැත්තෑවකට වඩා ආහාරයට නොගන්නා ලෙසයි.

උත්පලා සුභාෂිනී ජයසේකර

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.