lakbima.lk

'ව්‍යායාම' නූතන සමාජය තුළ ඉතාම සුලභව කතාබහට ලක්වන මාතෘකාවකි. බෝ නොවන රෝග රැසක් වළක්වා ගත හැකි ඔසුවක් සේ ක්‍රියාකාරී වන ව්‍යායාමවල යෙදීම වුවද කළ යුත්තේ කරුණු හරි හැටි දැනගෙනය. මන්ද ඔබ නුසුදුසු ව්‍යායාමවල යෙදීම නොසිතන ආකාරයේ සෞඛ්‍ය ගැටලු මවා දෙන්නක් විය හැකි බැවිනි. ව්‍යායාම යනු හිතුමතයට කළ යුතු දෙයක් නොවේ. විශේෂයෙන් විවිධ රෝගාබාධවලින් පෙළෙන හෘද රෝගීන්, සන්ධි රෝග වලට ගොදුරුවූවන් ව්‍යායාම සඳහා තම යෝග්‍යතාවය හඳුනා ගැනීමට වෛද්‍ය උපදෙස් පැතීම නුවණට හුරුය. ව්‍යායාම සඳහා මිනිසුන් තුළ තිබෙන උනන්දුව, ඉල්ලීම නිසාම ව්‍යායාම මධ්‍යස්ථාන රැසක් බිහිව තිබෙන බව පෙනේ. නමුත් මේවායින් සීමිත සංඛ්‍යාවක හැර වෛද්‍ය උපදෙස් මත, මගපෙන්වන්නන් නොමැත. අවම තරමින් ඔබගේ වෛද්‍යවරයාගේ උපදෙස් මත මෙවැනි ව්‍යායාම ඇරඹීම වඩාත් උචිතය.

නිසි ව්‍යායාම තුළින් ඔබට ලැබෙන සෞඛ්‍ය ප්‍රතිලාභ රැසකි. අස්ථි සහ පේශි ශක්තිමත් කිරීමට උදව්වෙයි. සන්ධිවල නම්‍යතාව වැඩිකරයි. ශරීර බර නියමිතව පවත්වාගෙන යාමට උපකාරි වෙයි. විශේෂයෙන්ම හැඩැති සිරුරක් උරුම කර ගැනීමට හේතුවෙයි. මානසික ආතතිය, අඩුකරමින් හොඳින් අධ්‍යාපන කටයුතුවල යෙදීමට මනස ප්‍රබෝධමත් කරයි. හෘදයේ සේම පෙණහලුවල ක්‍රියාකාරිත්වයද හොඳින් පවත්වා ගෙන යාමට හේතුවෙයි. සිරුර තරබාරු වීමෙන් වළක්වා බෝ නොවන රෝග රැසකින්ද ඈත්ව සිටීමට මගපාදා දෙයි.

එදිනෙදා ජීවිතයේ ක්‍රියාකාරකම්ද ව්‍යායාම බවට පත් කර ගැනීමට උත්සාහ කිරීම ඉතා හොඳ උපායකි. එසේම විනෝදාංශයක් ලෙසද ව්‍යායාම වල යෙදීමට උත්සාහ කරන්න. බයිසිකල් පැදීම, දිවීම, පිහිනීම වේගයෙන් ඇවිදීම ඉතා හොඳ ව්‍යායාම කීපයකි. නැටුම්, එල්‍ලේ, ක්‍රිකට්, කඳු නැඟීම වැනි ක්‍රීඩාවන් වලින්ද හොඳ ව්‍යායාම ශරීරයට ලැබේ. එසේම කාන්තා ඔබට ගේ දොර අතුපතුගෑම, මොප් කිරීම අතින් රෙදි සේදීම වැනි නිවසේ වැඩකටයුතු වල යෙදීමෙන්ද සිරුර හැඩකර ගත හැකිවා සේම සතුටින් ඒවායේ නිතරවීමෙන් සිරුරට ව්‍යායාමද ලැබේ. එදිනෙදා කාර්යයන් කර ගැනීමේදී හැකි සෑම විටම පයින් ගමන් කරන්න. නැතිනම් බයිසිකලයක් පැදගෙන යන්න. ගමනක් යන විට හෝ එනවිට, බස් නැවතුමක් දෙකක් කලින් බැස ඒ දුර ඇවිදීමට පුරුදුවන්න. විදුලි සෝපාන වෙනුවට පඩිපෙළ භාවිතා කරන්න.

සිරුරේ බර අඩුකර ගැනීමට සහ එහි හැඩය ආරක්ෂා කර ගැනීමට නම් පැයට කිලෝමීටර් 6.4ක හෝ පැයට සැතපුම් 4ක පමණ වේගයෙන් කඩිසරව ඇවිදීම කළ යුතුය. එම වේගයට එක් වරම ළඟා නොවී ක්‍රමක්‍රමයෙන් ටික ටික වේගය වැඩිකර ගැනීම වඩාත් යෝග්‍යවෙයි.

ඔබ ඇවිදින වේගය ඔබටම ගණනය කරගත හැකිය.

විනාඩියට පියවර ගණන  වේගය කි.මී. පැයට   වේගය සැතපුම් පැයට

            70                               3.2                              2.0

            90                              4.0                               2.5

            105                              4.8                              3.0

            120                              5.6                              3.5

            140                              6.4                               4.0

දැන් තිබෙන නවතම ජංගම දුරකථනවලට ඇවිදීමේ පියවර ගණන සටහන් වන පහසුකම් සකසා ගත හැකිය. එසේම නවතම සොයා ගැනීම්වලට අනුව නිරෝගී දිවි පවෛතක් සඳහා දිනකට පියවර 10,000 (දාහදාහක්) ඇවිදීම අවශ්‍ය බවද කියැවෙයි. මේ ප්‍රමාණය ඔබට මුළු දවස පුරාම සිදුකරන ඇවිදීම් වලින් පියවා ගත හැකිය.

ව්‍යායාමයක් ඇරඹිමට පෙර ඇඟ උණුසුම් කිරීමේ ව්‍යායාම කිරීමටත් ව්‍යායාම අවසන් වූ පසු ඇඟ සැහැල්ලු කරන ව්‍යායාමවල යෙදීමටත් අමතක නොකරන්න.

ව්‍යායාම කරන අතරතුර සහ ව්‍යායාම වලින් පසු ජලය පානය කිරීමද වැදගත්වෙයි.

සෞඛ්‍ය අධ්‍යාපන කාර්යාංශයට අපගේ ස්තූතිය

සටහන නිර්මලා කුමාරි සේනාරත්න  

  1. සිසු පරපුර ගිලගන්නා දියවැඩියා මාරයාගෙන් බේරෙන හැටි
  2. බිලිඳාගේ වමනයට හේතු
  3. අර්ශස් රෝගයට ආයුර්වේදයේත් සැත්කම් කරනවා
  4. යුවතියන්ගේ ආර්තවය සම්බන්ධ ගැටලු
  5. හිසකෙස් ඩයි කරන අය ඇලර්ජි ටෙස්ට් එකක් කළ යුතුයි
  6. අවුරුදු පහට අඩු දරුවන් උණෙන් පෙළෙන විට විශේෂ අවධානයක් යොමු කළ යුතුයි
  7. කාන්තාවන් ගැබ් ගැනීමට පෙර රුධිරයේ යකඩ පරීක්ෂා කර ගැනීම වැදගත්
  8. දරුවන්ට වැළඳෙන හිසරද හඳුනා ගනිමු
  9. එකම බෙහෙත දිගටම ගැනීම අහිතකරද?
  10. බොහෝ දෙනෙකු අත්දකින සිරුර කසන හේතු මෙන්න !
  11. ඔබත් මේ රෝගයේ ගොදුරක් ද ?
  12. ඔසප් චක්‍රය අක්‍රමවත් විය හැකි හේතු
  13. සමහර ආබාධවලට වෛද්‍යවරුන් නිර්දේශ කරන ඊ.සී.ජී. පරීක්ෂණය
  14. උදෑසන අවදිවන විට ඇතිවන විලුඹේ වේදනාවට භෞත චිකිත්සාවෙන් පිළියම්

Page 1 of 15

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.