Coss Ear2
lakbima.lk
COSS Ear 1

දෙමාපියන්ගේ ගැටුම් නිසා මානසික රෝගියෙකු වූ තරුණයෙක්

YOUTH

 එදින උපදේශන සැසියට පැමිණියේ වයස අවුරුදු විසිපහක පමණ තරුණයෙකි. අවුල්ව ගිය හිසකෙසින් හා දහඩියෙන් පෙගුණු ඇඳුම් සහිතව සිටි ඔහු උපදේශක ඉදිරියේ වාඩි වී දිගු කල්පනාවකට සමවැදෙන්නට විය. මඳ වේලාවකින් නින්දෙන් අවදි වූ කලෙක මෙන් ඔහු “මට සේරම එපා වෙලා” යනුවෙන් සිය කතාව ආරම්භ කළේය. ගයාන් නමැති මෙම තරුණයා අම්මාත්, තාත්තාත්, අක්කාත් සමග ජීවත්ව තිබේ. ළමා වියේ සිටම මේ දරුවන්ට නිතරම අසන්නට දකින්නට ලැබුණේ අම්මාත්, තාත්තාත් අතර සිදුවන අඩදබරයි. වාග් ප්‍රහාර හා පහරදීම් ආදී කලකෝලාහල දකින ගයාන් හා ඔහුගේ සහෝදරිය ළමා වියේදී අධික භීතියකින් කල්ගෙවා තිබේ. කලක් ගතවීමේදී ගයාන්ගේ පියා තම දරු පවුල අතහැර වෙනත් කාන්තාවක් හා විවාහ වී ඇත. එතැන් පටන් ඔහුගේ මව ඇඳුම් මසා දරුවන් ‍පෝෂණය කළාය. විසි වයස් සම්පූර්ණ වූ ගයාන්ගේ සොහොයුරිය විවාහ වී වෙනම පදිංචියට ගියේ මේ අතරතුරදීය. එතැන් පටන් ගයාන් හා ඔහුගේ මව නිවසේ තනි වී තිබේ. තම පුතු පියාගේ අඩිපාරේ යතැයි බිය වූ ගයාන්ගේ මව කුඩා කල පටන්ම ඔහුට දැඩි නීති දැමුවාය. සම වයසේ දරුවන්ට මෙන් යහළු යෙහෙළියන් ආශ්‍රය කරමින් විනෝද වන්නට ඔහුට ඉඩ දුන්නේ නැත. ඒ වෙනුවට ඔහු සිය මව සමග නිවසටම වී කාලය ගත කළේය. ඔහු කුමක් කළද මවට කිව යුතු විය. ඇඳුමක් මිලට ගත්තද, වෙනත් කටයුත්තක් කළද, ඒ සියල්ල මවගේ අභිමතය පරිදිම සිදු විය යුතු විය. මිතුර ඇසුර තහනම් විණි. යහළුවෙකුගේ නිවසට යාම තබා යහළුවකු තම නිවසට ගෙන්වා ගැනීම පවා ඔහුට තහනම් වූයේය. ඉන් සිදුවූයේ මෙම තරුණයාගේ මානසික පීඩනය දිනෙන් දින ඉහළ යාමයි. පසු කාලීනව ඔහු සිය මවට හොර රහසේ ප්‍රේම සබඳතා කිහිපයක් පැවැත් වූ අතර ඒ සියල්ල අසාර්ථක විය. ඊට හේතු වූයේ ඔහුගේ මානසික ව්‍යාකූල භාවයයි. එමෙන්ම සමාජයට ඇති භීතියද එම සබඳතා බිඳ වැටීමට බලපා තිබුණි. ඒ වන විට ඔහුට තම ජීවිතය පවා එපා වී තිබිණි. කුඩා කල පටන් භීතියෙන් කල් ගෙවූ ඔහුගේ අධ්‍යාපනයද අතරමග කඩා වැටී පැවතියේය. කරන ලද එකදු රැකියාවකින්වත් ඔහු තෘප්තිමත් වූයේ නැත. එම නිසා ඉතා කෙටි කාලසීමාවක් තුළ ඔහු සිය රැකියා මාරු කළේය. මේ සියල්ලෙන් සිදු වූයේ ඔහුගේ මානසික ව්‍යාකූල භාවය තව තවත් වැඩිවීමය. අවසානයේ ඔහු විශාද රෝගියකු බවට පත් විය. ඔහු උපදේශන සඳහා යොමු කර තිබුණේ සෑහෙන කලක් මනෝ වෛද්‍ය ඖෂධීය ප්‍රතිකාර ලබා දීමෙන් පසු එම රෝහල මගිනි. ගයාන්ගේ ජීවිතයට සිදුවූයේ කුමක්ද ? කුඩාකල පටන්ම දෙමාපියන්ගේ ගැටුම් වලට මැදි වන ඔහු තුළ භීතියක් නිර්මාණය වී තිබිම සාමාන්‍යයය. ඉන් පසු මවගේ දරදඬු ආධිපත්‍යයට ඔහු ග්‍රහණය විය. එම නිසා ස්වාධීනව තීරණ ගැනීමට ගයාන්ට නොහැකි විය. සෑම තීරණයක් පිටුපසම මව සිටීම නිසා ආදර සබඳතාවලදීත්, වෘත්තීය ජීවිතයේදීත් ඔහු අසාර්ථක විය. මව හැර බාහිර සමාජය සමග සබඳතා නොපැවැත්වීම හේතුවෙන් ගයාන්ට පරිබාහිර පුද්ගලයන් සමග සබඳතා පැවැත්වීමේ ගැටලු මතු වී තිබුණි. කුඩා කල පියා සමග දුරස් සබඳතාවයක් තිබිම හේතුවෙන් ඔහුගේ පෞරුෂත්වය නිසි ලෙස වැඩී නොතිබුණි. සම වයසේ මිතුරන් සමාජීය වශයෙන් තමාට වඩා ඉදිරියට යනු දකින ගයාන් මානසිකව කඩා වැටුණේය. ඔහුගේ මව තුළද එම ලක්ෂණ දක්නට තිබුණි. තම පුතු අසාර්ථක වන බව දකින මව දිගින් දිගටම කෝප වූවා මිස ඊට පිළියම් නොසෙව්වාය. එහි ප්‍රතිඵලය වූයේ මෙම තරුණ පුතුට තම ජීවිතය පිළිබඳව තවතවත් කලකිරීමයි. වැඩිහිටියන් තරුණ දරුවන් දෙස වඩා විමර්ශනශීලීව බැලිය යුතුය. තරුණ අවධිය යනු සමාජය ගවේෂණය කරන අවධියයි. තරුණ වියේදී දරුවන් ක්‍රියාකාරී ලෙස ඉදිරියට යන්නේ කුඩා කල ලැබෙන අත්දැකීම් මතයි. කුඩා දරුවන් ඉදිරියේ දෙමාපියන් ගැටුම් ඇති කර නොගැනීමට වගබලා ගත යුත්තේ දෙමාපියන්ගේ ගැටුම් දරුවාගේ මානසික සංවර්ධනයට ජුවම බලපාන නිසාය. මෙවැනි දරුවන් වැඩිහිටියන් වූ පසු ඔවුන් තුළ පෞරුෂ අක්‍රමිකතා බහුලව දක්නට ලැබේ. එමෙන්ම නිවස දරුවාට සුන්දර වටපිටාවක් කළ යුතුය. නිතරම දෙමාපියන් දරුවාගේ ප්‍රශ්න ගැටලු වලට සවන්දිය යුතුය. ආදරය දැක්විය යුතුය. එමගින් සැහැල්ලු හා සතුටුදායී මානසික වටපිටාවක් දරුවා තුළ වර්ධනය වේ. අනාගතයේ ශක්තිමත් පෞරුෂයක් සහිතව යහපත් පුරවැසියෙකු බිහිවන්නේ එවන් වටපිටාවක් තුළ හැදී වැඩුණු දරුවන්ගේය. මනෝ විද්‍යා උපදේශිකා කෞශල්‍යා පෙරේරා

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

මේ හැම දෙයක්ම පෙර පිනක් නිසා ලැබුණු දේවල් වෙන්න ඇති

IMAGE 2018 Apr 22 16:52
උදා වූ අලුත් අවුරුද්දේ  ඔබට අපි අලුත් ආරංචි කීපයක්ම රැගෙන එනවා. ‘මලී’ ටෙලි නාට්‍ය හරහා...
Views - 1705

ඕන කස්තිරමක් අල්ලන්න පුළුවන්. ඒත් රතු ලූනු එක්ක නම් බැහැ

IMAGE 2018 Apr 22 13:26
කොයි කවුරුත් ආසා කරන කෑම ජාති වගේම, අප්‍රිය කරන ආහාර වර්ගත් තියෙනවානේ. “කාටත් නොකී රහසක්’...
Views - 1382

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 2192

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 3505

අලුත් අවුරුද්දේ ගායකයෙකු 'නැහැවූ' රූපලාවන්‍යවේදිනිය

IMAGE 2018 Apr 19 15:05
ඔහු මෑතක දී ජනප්‍රියත්වයට පත් තරුණ ගායකයෙකි. සංගීත සන්දර්ශනාදියේද ඔහුට සැලකිය යුතු තැනක්...
Views - 4291

දමයන්ති ජයසූරිය සංගීත දිවියට සමුදී සිත නිවන මඟකට?

IMAGE 2018 Apr 19 10:26
ඔබ මැදි වයස් පසුකරමින් සිටින කෙනෙකු නම් ගුවන්විදුලිය ඔස්සේ කුඩා කල ඔබේ සිඟිති දෙසවන් පිනවූ...
Views - 4457

Please publish modules in offcanvas position.