lakbima.lk

ශ්‍රී ලංකාවද සම අනුග්‍රහකත්වය දක්වමින් ජිනීවා මානව හිමිකම් කොමිසම වෙත ඉදිරිපත් කළ යෝජනාව සම්බන්ධයෙන් ඔබ විවේචනයක් ඉදිරිපත් කරනවා. මොකක්ද පදනම

ඒක තමයි මෑත අතීතයේ කරපු ලොකුම පාවාදීම. ලංකාවේ ව්‍යවස්ථාව අනුව එවැනි දෙයක් කරන්න පුළුවන් ජනාධිපතිතුමාට පමණයි. මම ජනාධිපතිතුමාගෙන් මේ ගැන ඇහුවා ඒ වෙනුවෙන් අනුමැතියක් ජනාධිපතිතුමා දීලා නැහැ. විදේශ ඇමැති හෝ විදේශ ‍ලේකම් මේ ගැන දන්නේ නැහැ. ජිනීවා යෝජනා ක්‍රියාත්මක කිරීම තව අවුරුදු දෙකකට දීර්ඝ කරගන්න කතා කළා. ඒවා දන්නෙත් නැහැ. එහෙමනම් කව්ද මේවා කරන්නේ. මුදල් අමාත්‍යාංශයේ හා මුදල් ඇමැතිතුමාගේ නිල නිවසේ තමයි මේ සාකච්ඡා පැවැත්වෙන්නේ. මේවාට සහභාගි වන්නේ රජයේ නිලධාරීන් නොවෙයි තම තමන්ගේ හිතවත් එන් ජි ඕ කාරයෝ තමයි මේ සාකච්ඡා සඳහා සහභාගි වෙන්නේ. ජිනීවා හි ඉන්න අපේ තානාපතිතුමාට නියෝග නිකුත් කරන්නේ මනෝ තිත්වැල්ල. අපේ විදේශ ප්‍රතිපත්තිය කුමක්ද කියලා තීරණය කරන්න එයා කවුද. ඔහු රජයේ කවර තනතුරක්ද නියෝජනය කරන්නේ. මංගල සමරවීර එදා සමඅනුග්‍රහකත්ව යෝජනාවක් ඉදිරිපත් කළ නිසා අපි ලොකු උගුලක හිරවෙලා ඉන්නවා. ඒ අඥාන වැඩේ නොකළා නම් ඇමෙරිකාව අද ජිනීවා මානව හිමිකම් කමිටුවෙන් අයින් වෙච්ච නිසා අපේ රටට එරෙහිව යෝජනා සම්මුතියක් නැහැ. 

මුදල් ඇමැතිවරයා හා මනෝ තිත්තවැල්ල ඉදිරිපත් කරන්න සැලසුම් කළ යෝජනාව කුමක්ද?

එයාලා සැලසුම් කළේ ජාත්‍යන්තරය කියන ආකාරයට සොල්දාදුවන්ට යුද අපරාධ චෝදනා දාන්න. වසර දෙකක් ඇතුළත ඒ සියලු දේ කරලා ඉවර කරන්න. එයාලගේ අධික්ෂණ කාර්යාලයක් කොළඹ දාන්න. එන්.ජී.ඕ.කාරයෝ මනෝ තිත්වැල්ල එක්ක එකතු වෙලා හදපු යෝජනා තමයි ඒවා.

ජිනීවා මානව හිමිකම් කොමසාරිස්වරිය ඉදිරිපත් කළ යෝජනා පිළිගන්නේ නැති බව විදේශ ඇමැති කියලා තිබුණා.

ඔව් ඒ තත්ත්වයට ගේන්න පුළුවන් වුණේ ජනාධිපතිතුමාගේ මැදිහත්වීම නිසයි. නැතිනම් මනෝ තිත්වැල්ලයි, මංගල සමරවීරයි එන්ජිඕ කාරයෝ ටිකයි හදපු ‍ලේඛනයක් තමයි මේ ආකාරයට සම්මත කර ගන්න ගියේ. නමුත් අපිට ජනාධිපතිතුමා මැදිහත් කරගෙන සරත් අමුණුගම මන්ත්‍රීවරයාත් යවලා එහි තිබුණු භයානක කොන්දේසි ඉවත් කරගෙනයි. එය ඉදිරිපත් කරන්න ඉඩ දුන්නේ.

නමුත් දෙමුහුන් අධිකරණයක් පිහිටුවන ලෙසත් මානව හිමිකම් කාර්යාලයක් ලංකාවේ පිහිටුවන ලෙසටත් යෝජනා කරලා තියෙනවා.

ඔය යෝජනාව අරගෙන ඊට පෙරත් ලංකාවට නියෝජිතයෝ ආවනේ. එදා අධිකරණ ඇමැති හැටියට මම කිව්වේ දෙමුහුන් අධිකරණ දාන හැටි ගැන එයාගේ රටේ අගමැතිගෙන් උපදෙස් ගන්න කියලායි. එංගලන්තයේ සොල්දාදුවෝ ඉරාකයේ ගිහිල්ලා මිනී මැරුවා කිව්වහම ඔවුන් යුද අධිකරණයට ගෙනි යන්න දෙන්නේ නැහැ කියලා තෙරේසා මේ කිව්වා. අපිට ඊට වඩා අයිතියක් තියෙනවා මොකද අපේ රටේ සොල්දාදුවෝ ලෝකේ කොහෙවත් ගිහින් මිනි මැරුවේ නැහැනේ.

රටේ දෙමුහුන් අධිකරණ පිහිටුවීම හා මානව හිමිකම් කාර්යාල ප්‍රතික්ෂේප කළත් ඔවුන්ගේ යෝජනාවේ එය තියෙනවා.

මංගල සමරවීර එදා එකඟ වුණානේ. ඒකනේ මේ ප්‍රශ්නේ. 2015 මාර්තු මාසයේ ජිනීවා ගිය වෙලාවේ හැම රටකම නියෝජිතයන්ට පැහැදිලා කරලා දුන්නා අපේ රටේ ව්‍යවස්ථාව ප්‍රකාරව ජාත්‍යන්තර ගිවිසුම්වලට එකඟ වෙන්න බැහැ කියලා. ඒ රටවල් ඒවා පිළිගනිද්දි අපේ රටේ නියෝජිතයා ජනාධිපතිට හෝ ඇමැති මණ්ඩලයට දැනුම් නොදී ගිවිසුම්වලට අත්සන් කළා.

ඔබ එසේ කීවත් රට පාවා දෙන ගවිසුම්වලට තමන් අත්සන් කළේ නැහැ කියලා මංගල සමරවීර ඇමැතිවරයා නිවේදනයක් නිකුත් කරලා තිබුණා.

එයා කොහොමද එහෙම කළේ නැහැ කියන්නේ. සමඅනුග්‍රහ යෝජනාව අත්සන් කරපු 2015 කව්ද විදේශ ඇමැති මංගල සමරවීරනේ විදේශ ඇමැති.... ජිනීවා ගියේ කව්ද ජිනීවා ගියේ එයයි මමයි ස්වාමිනාදනුයි. එයා කියලා තිබුණා 2015 න් පස්සේ කිසිම රටක් අපට විරුද්ධව චෝදනා ඉදිරිපත් කරලා නැහැ කියලා. 2015 න් පස්සේ විදේශ රටවල් චෝදනා ඉදිරිපත් කරන්න ඕනේ නැහැ අපට විරුද්ධව අපිම යෝජනා ඉදිරිපත් කර ගන්නවානේ. අපිම බෙල්ල කපා ගන්නා චෝදනා ටික අපිම ඉදිරිපත් කරලා දැන් කියනවා වෙන රටවලින් චෝදනා ඉදිරිපත් කරලා නැහැ කියලා. 

ජිනීවා මානව හිමිකම් කවුන්සිලය ඔවුන්ගේ යෝජනා ක්‍රියාත්මක කරන්න තවත් වසර දෙකක් දීලා තියෙනවා. මෙතනින් එහාට කුමක් කළ යුතුය කියලාද ඔබ යෝජනා කරන්නේ.

රට භයානක අඩියට තල්ලු වෙන්න කලින් රටේ යම්කිසි දේශපාලන වෙනසක් සිද්ධ වෙන්න ඕනේ. රට ගැන ආදරය කරන පිරිසකට රටේ පාලනය හිමි වෙන්න ඕනේ. විධායකය හා පාර්ලිමේන්තුව තුළ ඒ තත්ත්වය ඇති වුණේ නැතිනම් රට වහල් දූපතක් වෙනවා. එක පැත්තකින් චිනය යට කරන් ඉන්නවා. අනෙක් පැත්තෙන් ඉන්දියන් කාරයෝ අල්ලගෙන ඉන්නවා. තව පැත්තකින් ඇමෙරිකන් කාරයා අල්ලගෙන ඉන්නවා. මේක කිසිම සුජාතභාවයක් නැති රටක් බවට පත් වෙලා තියෙන්නේ.

තවත් අවුරුදු දෙකක් ලැබුණා කියන්නේ අපට ගැලවීමක් නැහැ කියන එක නේද?

මේ ආණ්ඩුව තිබුණොත් නම් අපට මානව හිමිකම් චෝදනාවලින් ගැලවීමක් නැහැ. වෙන ආණ්ඩුවක් ආවොත් ගැලවිමක් තියෙනවා. අපේ රටේ ව්‍යවස්ථාවට අනුව කටයුතු කරන අපේ ස්වෛරීභාවය අනුව කටයුතු කරන ආණ්ඩුවක් තියෙනවා නම් ජාත්‍යන්තරය නැට්ට පස්සෙ පැත්තේ ගහගන්නවා මිසක් වෙන දෙයක් නැහැ.

ලසන්ත වීරකුලසූරිය

  1. ගෝඨාභය ජනපති අපේක්ෂකයා කරන්න තීන්දුවක් ගෙන නෑ
  2. අප්‍රේල් 5දා ගලඋඩ සටනේදී අයවැය දිනයිද? පරදියිද?
  3. අයවැයේදී ජනාධිපතිතුමාව බේරගත්තේ අපේ අගමැතිතුමයි
  4. මේ අය වැයේ ජාතික සංවර්ධන ඉලක්ක මොකුත්ම නැහැ
  5. මේක සුපර් මෑන් අය වැයක්
  6. විධායක ක්‍රමය අහෝසි කරන්න මහින්දත් කැමතියි
  7. ජනතාව ඉල්ලන්නේ මහින්ද මිස ‍පොහොට්ටුව ‍නෙවෙයි
  8. රන්ජන්ගේ කතාව මුළු පාර්ලිමේන්තුවටම ප්‍රශ්නයක්
  9. ජනපති අපේක්ෂකයා ජවිපෙ වෙන්නත් පුළුවන් නොවෙන්නත් පුළුවන්
  10. විජේදාස කියූ කතා ගැන කනගාටුයි
  11. කුඩු ගහන මැති ඇමැතිවරු පාර්ලිමේන්තුවේ ඉන්නවා
  12. ජාතික ආණ්ඩුවට එන අය ඉස්සරහට බලාගන්න පුළුවන් - ජේ.සී. අලවතුවල
  13. ව්‍යවස්ථා සංශෝධන සාකච්ඡාවලින් මහින්දලා ඉවත් නොවන්නේ ඇයි?
  14. පොලිස් විරුවන්ට සිදුවන නොසැලකිල්ල ගැන විපක්ෂ නායක පාර්ලිමේන්තුවේදී කළ විශේෂ ප්‍රකාශය
  15. පාර්ලිමේන්තුව උණුසුම් කළ කතානායකගේ සම්පූර්ණ කතාව
  16. ආයෙත් ජාතික ආණ්ඩුවක් නම් හැදෙන්නේ නෑ
  17. හොරට නිදාගෙන ඉන්න හාදයන් ඇහැරවන්න අමාරුයි
  18. ඇමතිවරු වැඩිකරගන්න ආණ්ඩුව කරන උප්පරවැට්ටිය
  19. අපේ එකම අරමුණ අපේම ජනාධිපතිවරයෙක්
  20. ජනපති අපේක්ෂකත්වය මෛත්‍රීට නොලැබුනොත් මම දේශපාලනයෙන් සමු ගන්නවා
  21. සුමන්තිරන් - සම්පන්දන් කියන්නේ එල්.ටී.ටී.ඊ.කාරයෝ නොවේ
  22. රනිල්ගේ සුමන්තිරන්ගේ ගැටවලට අහුවෙන්න එපා - මහාචාර්ය මැදගොඩ අභයතිස්ස හිමි
  23. මැතිවරණයට බිය දේශපාලන පක්‍ෂ
  24. මහින්ද ශ්‍රීලනිපයේ බව අපි පිළිගන්නවා - එතුමත් ඒ බව කියනවා
  25. දයාසිරිගේ කතා අපට වලංගු නෑ

Page 1 of 26

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.