lakbima.lk

පිලිපීනයේ මැනිලා නුවර මෙවර කඨින මහා පිංකමක් පැවැත්විණි. එම අවස්ථාවට ප්‍රංශයේ පැරිස් නුවර ජේතවන විහාරාධිපති, ප්‍රංශයේ ප්‍රධාන අධිකරණ සංඝනායක මුරුංගාගස්යායේ ඤාණිස්සර නාහිමි, ශ්‍රී ලංකා බෞද්ධ හා පාලි විශ්වවිද්‍යාලයේ හිටපු උපකුලපති හා පිලිපීනයේ අතෙනියෝ ද මැනිලා විශ්වවිද්‍යාලයේ මහාචාර්ය ඉත්තදෙමලියේ ඉන්දසර නාහිමි, සිංගප්පූරුවේ ප්‍රධාන සංඝනායක, සිංගප්පූරු බුද්ධ විහාර සංගමයේ අනුශාසක ගාල්ලේ උදිත නාහිමි, කොළඹ කොටුව සම්බුද්ධාලෝක විහාරවාසී ශාස්ත්‍රපති විතාරන්දෙණියේ මේධානන්ද හිමි,  සිංගප්පූරුවේ කෝන්ගල ධම්මික හිමි ඇතුලු භික්ෂූන් වහන්සෙලා සහ පිලිපීනයේ ශ්‍රී ලංකා තානාපතිනි අරුණි රණරාජා මහත්මිය ඇතුලු ශ්‍රී ලංකා, පිලීපීන හා චීන ජාතිකයෝ විශාල පිරිසක් සහභාගි වූහ.

ඒ අතර එදින සහභාගි වූ ලාංකේය දායක දායිකා පිරිස විසින් තම ආදරණීය මාතෘ භූමිය ත්‍රස්තවාදයෙන් බේරාගෙන එක්සේසත් ශ්‍රී ලංකාවක් තුළ බියෙන් සැකෙන් තොරව ජීවත් වන්නට අවස්ථාව සලසා දුන්, එවකට සේනාධිනායක, වත්මන් අග්‍රාමාත්‍ය මහින්ද රාජපක්ෂ  මහතාගේ හැත්තෑ තුන්වන ජන්ම දිනය සිහිපත් කර එතුමා විසින් ම පරිත්‍යාග කරන ලද සමාධි බුද්ධ ප්‍රතිමා වහන්සේ ඉදිරිපිට ලංකාවෙන් වැඩම කරවා රෝපණය කර පෝෂණය කරන ලද ශ්‍රී මහා බෝධීන් වහන්සේ සෙවනෙහි සිට පූජ්‍ය මුරුංගාගස්යායේ ඤාණිස්සර නාහිමිපාණන් වහන්සේගේ ප්‍රධානත්වයෙන් ආශිරිවාද බෝධි පූජා පිංකමක් ද පවත්වා එතුමන්හට ආශිර්වාද පල කරන ලදී.

Page 1 of 10

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.