lakbima.lk

 
ගායන ශිල්පී මධුමාධව අරවින්ද පසුගියදා යුගදිවියට පිවිසුණා. ඒ කොළඹ ගංගාරාම විහාරස්ථානයේදීයි. තමන්ගේ ජීවිතයට ආදරයෙන් ඇතුළුවන අය අරවින්ද යායේ පිපුණු මල් ලෙසින් හඳුන්වන මධුමාධව සිය අරවින්ද යායේ පිපුණු  අලුත්ම මල ගැන රිද්මට කීවේ මේ වගේ කතාවක්.
 
 අරවින්ද යායේ ආයෙමත් මලක් පිපුණා නේද?
 
ඔව්. ඒ මල තමයි නිලූ. පසුගිය 23 වැනිදා අපි දෙන්නා අතිනත ගත්තා.
 
තනිකඩ ජීවිතයේ පාළුව, තනිකම තදින්ම දැණුන නිසාද නැවතත් විවාහවෙන්න ඕනෑ කියලා ඔබට හිතුණේ?
 
මගේ දෙවැනි විවාහයෙන් පස්සේ මම හිතාගෙන හිටියා මීට පස්සේ මම තනිවම ජීවත් වෙනවා කියලා. ඒත් එහෙම ජීවත්වෙන අතරතුරේ නිලූ මගේ ජීවිතයට ළං වුණා. අපි දෙන්නා අතරේ නොදැනුවත්වම වගේ ඇරඹුණු ආදර කතාවක් තමයි විවාහය දක්වා දුරදිග ගියේ.
 
 ඒ කියන්නේ දෙන්නට දෙන්නා දැනහඳුනාගෙන වැඩිකාලයක් නැතුව ඇතිනේද?
 
මේක මම මගේ දෙවැනි විවාහයෙන් වෙන් වුණු හැටියේම ඇති වූ සම්බන්ධයක් ‍නෙවෙයි. ඒත් අපි දෙන්නාගේ ඇසුරට අවුරුදු දෙකක් දෙකහමාරක් විතර වෙනවා. ඇය ඒ වෙද්දී පදිංචිවෙලා හිටියේ එංගලන්තයේ. වයස අවුරුදු 15න් පස්සේ ඇය ලංකාවට ඇවිත් තිබුණේ නැහැ. එංගලන්තයේ ඇයට තිබුණු රැකියාව, ධනය, ගෙවල් දොරවල් ආදී හැමදෙයක්ම මා වෙනුවෙන් අතහැරලා ඇවිල්ලයි මා එක්ක අලුත් ජීවිතයක් ඇය පටන් ගත්තේ.
 
 ඇය කලාවට සම්බන්ධ කෙනෙක් ‍නෙවෙයි නේද?
 
නැහැ. ඇගේ නම නිලූකා බොතේජු. ඇය හෙද නිලධාරිනියක්. නිලූ විශේෂ අවශ්‍යතා තිබෙන පුද්ගලයන් වෙනුවෙන් කැපවෙලා වැඩකරන කෙනෙක්. ඒ උදවිය වෙනුවෙන් ඇය වෙහෙස මහන්සි වෙන හැටි දැක්කාම මට තේරුම් ගියා ඇය හොඳ හදවතක් ඇති තරුණියක් බව. ඇය ගැන මගේ හිතේ ලොකුම පැහැදීමක් ඇතිවුණේ ඒ නිසයි.
 
ඒ ඇති වූ පැහැදීම නිසාමද ඇයව ජීවන සහකාරිය කරගන්න හිතුවේ?
 
ඇයව සහකාරිය විදිහට තෝරාගන්න හේතු ගොඩක් මට තිබුණා. ඇය කිසිම කාන්තාවකගේ නම කැත කරපු කෙනෙක් නොවීමත් එක හේතුවක්. මොකද කාන්තාවක් තවත් කාන්තාවක විවේචනය කරනවා කියන දේ මම දකින්න අකමැතිම දෙයක්.
 
කලා ක්‍ෂේත්‍රයේ බොහෝ අයට පවා ඔබේ විවාහය අවසන් මොහොත වනතුරුම රහසක් බවට පත්ව තිබුණා. ඇයි ඒ?
 
මගේ දේශපාලන වැඩකටයුතු සහ මගේ වයසත් එක්ක පුංචිම කා‍ලේ කරපු දේවල් මම දැන් කරන්න යන්නේ නැහැ. ඒකෙන් මම අදහස් කරන්නේ නැහැ විවාහ උත්සවයක් ලොකුවට පැවැත්වීම සුදුසු නැහැ කියලා. තමන්ට ආසාවක් තියෙනවා නම් දවස් හතක් මඟුල් කෑවත් එහි වරදක් නැහැ. ඒත් මගේ සහ ඇයගේ කැමැත්ත වුණේ ඒක ‍නෙවෙයි.
 
අපි දන්නා කියන කලාකරුවන්, ධනවතුන් ඇතුළු ජනප්‍රිය චරිත ගෙන්වලා අපි මේ වගේ ලොකු ලොක්කන් ආශ්‍රය කරනවා කියලා රටට, ලෝකයට පෙන්වන්න ආසාවක් අපි දෙන්නාටම තිබුණේ නැහැ. ඒ නිසා ලංකාවේ ජනප්‍රියම නම් හදාගත් අය ‍නෙවෙයි, එදිනෙදා සතියක් වගේ කාලයක් තුළදී මට නිතර මුණගැහෙන අය තමයි මගේ විවාහයට ආරාධනා ලැබුවේ. මිල මුදල් යහමින් ඇති අය වගේම බොහොම ‍පොඩි රැකියාවන් කරන අයත් ඒ අතරේ හිටියා.
 
දෙවතාවක්ම විවාහයෙන් පැරදුණු ඔබ තුන්වැනි වතාවටත් යුග දිවි ගමන් ඇරඹීම ගැන විවිධාකාරයේ විවේචන එල්ල කරන අයත් ඉන්නවා නේද?
 
කොයිතරම් බටහිර පන්නයේ විලාසිතා කළත් මම සිංහලෙන් හිතන කෙනෙක්. ඒ නිසා ලිවින් ටුගෙදර් කියන සංකල්පය සිංහලකමට ගැළපෙන එකක් නොවන බව මම වටහාගෙනයි ඉන්නේ. අද හුඟක් අය හොරෙන්ම කාමරවලට ගිහින් මනමාලයෝ, මනමාලියෝ වෙනවා. ඒත් ලෝකයට පෙන්වන්නේ වෙනත් මුහුණක්.
 
ඒ වගේ ජීවිතයක් මට ඕනෑ කළේ නැහැ. මම කොහොමටත් මනමාලයෙක් තමයි. ඒත් මලින් මලට ඉගිලුණාට මම සමනළයෙක් නම් ‍නෙවෙයි. මීට කලින් මම යාළුවෙලා හිටපු සහ කසාද බැඳපු අය ගැන හංගන්න කිසිදෙයක් මට නැහැ. ඒත් තමන්ගේ ඇත්ත ජීවිතය ලෝකයට වසන් කරමින් ජීවත්වෙන සමහරු අද මගෙන් අහනවා තුන්වැනි වතාවටත් කසාද බැන්දා නේද? කියලා. මම හැංගිලා ජීවත්වෙන කෙනෙක් නමෛයි. මට ඕනෑ විදිහටයි මම මගේ ජීවිතය ගත කරන්නේ. කාටත් හොඳ වෙන්නවත් නරක වෙන්නවත් මට වුවමනා නැහැ.
 
ඔබේ මීට පෙර තිබුණු බිඳී ගිය විවාහ සබඳතා ඔබේ බිරිඳට ගැටලුවක් වුණේ නැද්ද?
 
මගේ අරවින්ද යායේ මතෛක් කාලයක් පිපිලා පරවෙලා ගිය මල්වලට මම ගෞරව කරනවා. ඒ අයගේ වැරදි කියමින්, කේලාම් කියමින් ඉන්න මට වුවමනාවක් නැහැ. ඒත් ඒ සබඳතා නැවත පටන් ගන්නෙත් නැහැ. මම ඔවුන්ට ඒ විදිහට ගෞරව කරද්දී ඔවුන් මතෛක් කාලයක් මාව හොඳින් බලාගත් එක ගැන නිලූ මගේ පිටුපසින් ඉඳිමින් ඒ අයට ස්තූතිවන්ත වෙනවා. අපි ජීවිතය ගැන හිතන්නේ ඒ විදිහටයි.
 
නිල්මිණි තෙන්නකෝන් නම් වූ රංගන ශිල්පිනිය සමග ඔබේ පැවැති පළමු විවාහයෙන් ඔබට දියණියක් ඉන්නවා. ශ්වේතා දියණියත් ඔබත් අතරේ අද තිබෙන සම්බන්ධය මොන වගේ එකක්ද?
 
අපේ සම්බන්ධය වෙනුවෙන් මම සුසුම් හෙළපු, හඬපු වාර ගණන අනන්තයි. මට හිතෙන විදිහට, ශ්වේතාගෙන් වෙන්වීම තමයි මගේ ජීවිතයේ මට සිද්ධ වෙච්ච එකම වැරදීම. වෙන කිසිම දෙයක් මට වැරදුනේ නැහැ. මමයි එතැනදී වරද්දා ගත්තේ. ඒ නිසා ශ්වේතාට විතරයි මට මගේ ජීවිතයේ සමාවෙන්න කියලා කියන්න තියෙන්නේ. වෙන කිසිම කෙනෙකුට මට කියන්න දෙයක් නැහැ. නමුත් මේ කාරණයේදී මට ඇයගෙන්වත් සමාව ඉල්ලන්න ඕනෑ නැහැ.
 
 ඇයි ඒ?
 
මේක මගේ ජීවිතයට සම්බන්ධ තීරණයක්. කවදාහරි මැරිලා යනතෙක් ජීවත් වෙද්දී මට අවශ්‍ය මා විතරයි. සමහරු බොරුවට කියනවා අනිත් අයගේ යහපත වෙනුවෙන් තමන් ජීවත් වෙනවා කියලා. නමුත් ඇත්ත ඒක ‍නෙවෙයි. මැරෙන්න යද්දී තමයි තේරෙන්නේ තමන්ගේ ජීවිතය අයිති තමන්ට විතරක් කියලා. බිරිඳක් විදිහට නිලූ මට දෙන දේ ශ්වේතාට දෙන්න බැහැ. ශ්වේතා මගේ දුව වුණාට බිරිඳක් කරනා දේ මා වෙනුවෙන් කරන්න ඇයට බැහැ. මම දුවෙක් හදාගන්න ගත්තා නම් ශ්වේතාගෙන් මම සමාව ඉල්ලනවා. 
 
ඒත් මම මගේ ජීවිතයට අලුතින් ළංකර ගත්තේ බිරිඳක්. තමන්ගේ ජීවිතයට නැතිවෙලා තිබුණ දේ හොයාගෙන යන එක තාත්තාගේ ස්වභාවය බව ශ්වේතා තේරුම් ගනීවි. ඒ වගේම තාත්තාට නැතිවෙලා තියෙන දේ නැතිවුණේ කොහොමද කියලා ඇයට කවදාහරි වැටහේවි.
 
ඒ නිසා මගේ විවාහය ශ්වේතාට අදාළ වෙන්නේ නැහැ. මොකද මම මගේ ජීවිතය ළමයින් වෙනුවෙන් ආගම් වෙනුවෙන් කැප කරලා නැහැ. මම ජීවත් වෙන්නේ මට ඕනෑ විදිහටයි. මිනිස්සු කියන හොඳ නරක දෙකම 
මට එකයි. පළමු වැනි විවාහයෙන් වෙන් වෙද්දී මම හිතාගත්තා මම කවදාවත් ආයෙමත් ළමයෙක් හදන්නේ නැහැ කියලා. දෙවැනි විවාහයෙදීත් මම ශ්වේතා වෙනුවෙන් ඒ කැපකිරීම කළා. දෙවැනි විවාහයේ බිරිඳටත් මම කිව්වා මට ළමයි හුරතල් කරන්න බැහැ. මොකද මට මගේ දෝණිව හරියට හුරතල් කරන්න බැරි වුණා කියලා.
 
මගේ දරුවා වෙනුවෙන් හදපු පූජාසනය මම එහෙමම තැබුවා. ඒ ‍පොරොන්දුව කඩකරනවා නම් මම ශ්වේතා වෙනුවෙන් කරන්නේ වරදක්. නමුත් මම කාටවත් ‍පොරොන්දු වුණේ නැහැ, මම බිරිඳක් වෙනුවෙන් හදපු පූජාසනය පළමු විවාහයෙන් පස්සේ හිස්ව තියෙනවා කියලා. ඒ නිසා ඒ පූජාසනය මත හැමදාමත් මලක් පිපිලා තියේවි.
 
අරවින්ද යායේ කවදාහරි ආයෙමත් අලුත් මල් පිපේවිද?
 
කොහෙත්ම නැහැ. මේ වතාවේ මම මගේ අරවින්ද යායට ගිනි තිබ්බා. මොකද මගේ ජීවිතයේ අන්තිම නවාතැන්‍පොළට තමයි මම දැන් ළඟාවෙලා ඉන්නේ.
 
කිෂාන් කනංකෙ
 
  1. නදීකාට මතක නැද්ද අපේ පුංචි කා‍ලේ.. ගීතයේ අයිතිකරුවා ගැන ඔබ නොදැන සිටි කතාවක්
  2. ශෂිකා පැණි රස කන්න ඇබ්බැහි වෙලා ඉන්නේ
  3. සෝමරත්න සුනාමිය හැදූ දර්ශන තලය මංගල ඡායාරූප ශීල්පීන්ගේ පාරාදීසයක් වූ හැටි
  4. ඔස්කාර් සම්මාන 2019
  5. අහලා පුරුදු හඬක අයිතිකරුවා
  6. ෆේස් බුක් එකයි ෆෑන්පේජ් එකයි දැකලා ඒ අක්කා ලෝචනා ගෙන් ඇහුව දේ
  7. තමන්ගේ සහ පවු‍ලේ සල්ලි අසරණයින්ට දන් දෙන මුහුණු‍පොතේ පින්වතිය
  8. දුප්පත්කමේ අන්තයටම ගිලී බැටළුවන් දක්කාගෙන ගිය ඇය අද ප්‍රංශයේ උසස් අධ්‍යාපන ඇමැතිනියයි
  9. හැමෝම කර අරිද්දී අමල් පෙරේරා ගැන විශ්ව ලංකා කී කතාව
  10. නිදහස ලැබුණු දවස සහ නිදහසක් නැති වූ දවස ගැන රටේ තරු කතා කරයි
  11. කලාකරුවන් හැමෝටම සුබ උපන් දිනයක් කියන කවුද මේ සිරි කහවල
  12. ඉන්දියාවේ කුල්ෆිට හඬ කවන ලංකාවේ සශ්‍රීකා
  13. ප්‍රේමයයි වෛරයයි අතරේ වෙනස කෙස් ගසකට සමයි
  14. එදා මරණ බයේ දුවන ගමන් මම කියපු කතාව රටටම ඇහුණා
  15. කාලෙකට පස්සේ ප්‍රීතිරාජගෙන් දේශපාලන කොමිඩියක්

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.