lakbima.lk

“මම පුංචි කා‍ලේ ඉඳන් චිත්‍ර වලට දක්ෂයි. මම සාමාන්‍ය පෙළට හැදෑරුවෙත් චිත්‍ර. ඒත් උසස් පෙළට මම තෝරාගත්තේ චිත්‍ර විෂය නොවෙයි. අපේ ඉස්කෝලෙ චිත්‍ර ගුරුතුමිය දිලිනි මැඩම් එතුමිය බලෙන්ම වගේ මාව චිත්‍ර වලට යොමු කළේ. මගේ දක්ෂතා දන්න හින්දා. පන්තියේදී පාස‍ලේදී පළාත් තරගවලදී චිත්‍ර වලින් දස්කම් පෙන්වූ මට උසස් පෙළ සමත් වෙලා විශ්වවිද්‍යාලයට යන්න බැරි වුණෙත් චිත්‍ර හින්දා. විභාගයේදී මට මගේ චිත්‍රය සම්පූර්ණයෙන් ඇඳලා ඉවර කරන්න කාලය මදි වුණා.”

පහුගිය දාක අපිත් එක්ක කතා බහට එකතු වුණ නව යොවුන් තරුණයෙක් කියපු කතාවෙන් බිඳක් තමයි ඒ. ඇත්තටම ඒ කතාව තුළ රැඳිලා තියෙන්නේ, කෙනෙකු සතු නිසඟ කුසලතාව හා අපේ අධ්‍යාපන ක්‍රමවේද අතර ඇති පරස්පරය කියලත් කෙනෙකුට හිතෙන්න පුළුවන්. චිත්‍ර ශිල්පියෙකුට චිත්‍රයක් ඇඳීම භාවනාවක් වගේ. පැය ගණනකට සීමා වූ විභාගය තුළදී දක්ෂතාවය වගේම චිත්‍ර ඇඳීමේ වේගයත් බලපානවා. ඒ කොහොම වුණත් තමන්ගේ කුසලතා උපන්ගෙයි මැරී යන්නට ඉඩ නොදුන් ඒ තරුණයා අද වන විට මුහුණු‍පොතේද ජනප්‍රිය චිත්‍ර ශිල්පියෙක්. ඒ වගේම අද ඔහු වෘත්තියෙන් චිත්‍ර ශිල්පියෙක්ම තමයි. ඔහුගේ නම ඉෂාන්ත ඩිල්ෂාන් කුමාර.

“මම ජනප්‍රිය පුද්ගලයන්ගේ රූප සිතුවමට නගලා facebook එකට දැම්මා. ඔය විදියට කරද්දී බොහෝ අයගේ ප්‍රතිචාර ලැබුණා. ඒ අතරේ තමයි මුදලට තමන්ගේ ඡායාරූපයක් චිත්‍රයට නගලා දෙන්න කියලා ඇණවුමක් ලැබුණේ ඒ මීට අවුරුදු 2කට විතර කලින්. හා හා පුරා ඇඳපු ඒ චිත්‍රයට මට රුපියල් 350ක් ලැබුණා.”

අද වන විට ඉෂාන්තට නිම කරන්නට බැරි තරම් චිත්‍ර ඇණවුම් ලැබෙනවාලු.

ඒත් ඔහු ලැබෙන හැම ඇණවුමක්ම බාර ගන්නේ නැහැ. මිනිස් රුවක ඇහි බැම ගැන පවා අවධානය යොමු කරන මෙම චිත්‍ර ශිල්පියා චිත්‍රයක් භාර  ගැනීමේදී ඉන් ලැබෙන මුදලට වඩා ඒ සඳහා ලැබෙන නිදහස ගැනයි හිතන්නේ.

ඉෂාන්ගේ පෞද්ගලික තොරතුරු ටිකකුත් කතා කරමු?

මගේ ගම මහනුවර වත්තේගම මීගම්මන. මගේ තාත්තා කැටයම් ශිල්පියෙක්. සෝමාවතියේ අලුතින් කළ ඉදිකිරීම්වල කැටයම් ශිල්පියා මගේ තාත්තා. මමයි මල්ලියි දෙන්නම චිත්‍ර වලට දක්ෂයි.   මම ඉගෙන ගත්තේ වත්තේගම මධ්‍ය මහ විදුහලෙන්. දැනට මම පූර්ණ කාලය යොමු කරල තියෙන්නේ චිත්‍ර ශිල්පයට. ඉදිරියේදී වෙනත් රැකියාවක් අපේක්ෂා කරනවා. ඒත් චිත්‍ර ශිල්පයෙන් දුරස් වෙන්න අදහසක් නැහැ.

මුහුණු ‍පොතේ ජනප්‍රිය මේ ශිල්පියාගේ දස්කම් Ishantha Dilshan Artis- page එකෙන් දැකගන්න පුළුවන්. ishanthadilshan132@gmail.com විද්‍යුත් ලිපිනයෙන් හෝ 076-6086730 තුළින් ඔහු අමතන්න ඔබට පුළුවන්.

ආරියවංශ කුලතිලක

  1. මට Facebook හරහා වැඩිපුරම එන්නේ සරාගී යෝජනා
  2. සම්මානයත් අරගෙන කැලුම් ඕස්ට්‍රේලියාවේ පදිංචියට යයිද?
  3. දෙරණ 60 plus කිරුළ දිනූ ජී.ඩී. ප්‍රේමරත්න දැන් පමුණුවේ රෙදි විකුණන්නේ නැද්ද?
  4. එකම මාසයක් තුළ රිදී තිරයේත් පුංචි තිරයේත් නැගී එන නළුවාට හිමි සම්මානය හිමිවුණා
  5. අක්කලා විවාහ කරගත් ලෝ ප‍්‍රකට මල්ලිලා
  6. මම ආයෙමත් දුෂ්ට චරිත රඟපාන්නේ නැහැ
  7. මෙවර යූ.ඩබ්ලිව්. සුමතිපාල අනුස්මරණ සම්මානයෙන් පිදුම් ලැබුවෝ
  8. අයියගේ හදවත නැවතුනේ මීට අවුරුද්දකට විතර කලින්
  9. සිතාරා දැන් යෝගා පුහුණුකාරිනියක්
  10. මාධවී වත්සලා කාටවත් නොකියපු ප්‍රේම කතාවේ ඇත්ත කතාව
  11. අදටත් ඉස්කෝලෙ යන්න ආසයි
  12. මගේ නම වැඩිපුර කතාබහට ලක් නොවන්නේ මා කළ අකුසලයක් නිසයි
  13. මම ඉස්සර හාත්පසින්ම වෙනස් චරිතයක් කියලා ගොඩාක් අය දන්නේ නැහැ
  14. ඕලුට තවත් ඕලු මලක්
  15. අවුරුදු ගණනක් ගිහිල්ලත් අදටත් ආරංචියක් නැති උපාලි කීර්තිසේන පිළිබඳ සංවේදී කතාවක්

Page 1 of 16

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.