lakbima.lk

පෙබරවාරි 18 වැනිදාට යෙදී තිබෙන, වික්ටර් රත්නායකයන්ගේ 77 වැනි උපන් දිනය මොන විදියටද සමරන්න හිතාගෙන ඉන්නේ?

උපන් දිනය වෙනුවෙන් කියලා මේ වතාවේ විශේෂයෙන් ප්‍රසංගයක් පවත්වන්නේ නැහැ. ඒ වෙනුවට එදාට අපි දෙන්නම ගිහින් සුව කළ නොහැකි රෝගීන් වෙසෙන රාජගිරිය වික්ටෝරියා නිවාසයට දානයක් දෙනවා. ඒ හැරුණාම උපන් දිනයදා සවස්වරුවේ වික්ටර්ගේ පැරණි මිතුරන් එක්කාසු කරගෙන පුංචි සාදයක් පවත්වන්නත් සූදානමක් තියෙනවා.

මේ අවුරුද්දේ වික්ටර් රත්නායකයන්ගේ සංගීත කටයුතු මොන විදියටද පෙළ ගැසිලා තියෙන්නේ?

වික්ටර්ගේ “සරස” ඒක පුද්ගල ප්‍රසංගය මේ වෙද්දී රටපුරා සාර්ථක ගමනක් යනවා. පසුගිය 02 වැනිදා නෙළුම් ‍පොකුණ රඟහ‍ලේදීත් ඉතා සාර්ථක ප්‍රසංගයක් නිමාවට පත් වුණා. වික්ටර්ගේ ගීත 50ක් ඇතුළත් පෙන්ඩ්‍රයිව් එකකුත් “වික්ටර් රත්නායක සදාදර ගී” නමින් මේ අවුරුද්දේ මුල එළි දැක්වුණා.

ඒක මීට කලින් ලංකාවේ කිසිම ගායන ශිල්පියෙක් නොකළ දෙයක්. “සරස” හැරුණාම වෙනත් ගෘහස්ථ ප්‍රසංගවලටත් වික්ටර් සහභාගි වෙනවා. ඒ වගේම විදෙස් ප්‍රසංගවලටත් එක්වෙනවා. ඒ වගේම මේ වසරේදී වික්ටර්ගේ ගීත ඇතුළත් මොබයිල් ඇප් එකක් එළිදැක්වීමටත් කටයුතු සූදානම් කරමිනුයි ඉන්නේ.

රසික ආදරය උපරිමයෙන් දිනා සිටින වික්ටර් රත්නායකයන් තවදුරටත් මේ විදිහට ප්‍රසංග පවත්වමින් වෙහෙසෙන්නේ ඇයි කියල සමහරු විමසනවා. මොකක්ද ඔබට ඊට දෙන්නට තිබෙන පිළිතුර?

මම දකින විදිහට, වික්ටර් කියන්නේ සංගීත කටයුතු සම්බන්ධයෙන් කවදාවත් පීඩාවට පත් වෙන කෙනෙක් ‍නෙවෙයි. රසික ප්‍රතිචාරත් එක්ක වික්ටර් හැමදාමත් අලුත් වෙනවා. ඒ ප්‍රතිචාරම තමයි වික්ටර්ව ජීවත් කරවන්නේ. කවදාහරි ඔහුටම ඇති කියලා හිතෙන දවසක් එනතුරු ප්‍රසංගවලට සහභාගි වෙමින් සංගීත කටයුතුවල නිරත වේවි.

මේ වෙනකොට ඔබ දෙපළ විවාහ වෙලා කොච්චර කල්ද?

අපි විවාහ වෙලා දැන් අවුරුදු දෙකක් විතර වෙනවා.

ඔබ දෙදෙනා අතර තිබෙන වයස් පරතරය ඇතුළු විවිධාකාරයේ හේතුන් නිසා මුල් කාලයේ ඔබ දෙපළට විවිධාකාරයේ විවේචන එල්ල වුණා. ඒ විවේචන දිහා බලද්දී අද ඔබට මොකද හිතෙන්නේ?

අපිට එල්ල වුණු විවේචන දිහා හැමදාමත් අපි උපේක්ෂා සහගතවයි බැලුවේ. කවදාවත් අපි ඒ දේවල්වලට ප්‍රති උත්තර දෙන්න  ගියේ නැහැ. වික්ටර් කියන්නේ හැමදාමත් තමන්ගේ පාඩුවේ ගමනක් ගිය කෙනෙක්. මම ‍පොඩිකා‍ලේ ඉඳන්ම වික්ටර් රත්නායක කියන චරිතයට ගරු කළා. ඉතින් එවැනි කෙනෙකුගේ දිවි ගමනට ශක්තියක් වෙන්න ලැබිම ගැන මට හරි සතුටක්.

දැන් ඔහුගේ පෙනුම දකිද්දී පවා ඕනෑම කෙනෙකුට වැටහෙනවා ඇති වික්ටර් ජීවත් වෙන්නේ ඉස්සරටත් වඩා  සතුටින් බව.

කිෂාන් කනංකෙ

ඡායාරූප - මංජුල පෙරේරා

අපේ රටේ ප්‍රබල දේශපාලනඥයකුගේ පුත්‍රයෙක් පසුගියදා යුගදිවියට ඇතුළත් වුණා. ඒ හිටපු ජනාධිපති සහ වත්මන් පාර්ලිමේන්තුවේ විපක්ෂ නායක මහින්ද රාජපක්ෂ මහතාගේ බාල පුත් රෝහිත රාජපක්ෂයි. රෝහිතගේ අතගත් මනාලිය වූයේ ටට්යානා ජයරත්නයි. වීරකැටියේ පිහිටි, රාජපක්ෂ පවුලට අයත් සුන්දර භූමි භාගයක පසුගියදා (24) පැවැත්වුණු මෙම විවාහ මංගලෝත්සවයට විපක්ෂයේ මෙන්ම ආණ්ඩු පක්ෂයේද මැති ඇමැතිවරුන් ඇතුළුව විශාල පිරිසක් එක්ව සිටියා. 
රෝහිත රාජපක්ෂගේ අතගත් ටට්යානා ජයරත්නගේ පියා ජෙරොම් ජයරත්නයි. ඔහු ශ්‍රී ලංකා පළමු පෙළ ක්‍රීඩා කළ දක්ෂ ක්‍රිකට් ක්‍රීඩකයෙක්. ඔහු අදටත් ක්‍රිකට් පුහුණුකරුවකු ලෙස කටයුතු කරනවා. අපේ රටේ බොහෝ දෙනා මෙම විවාහ මංගල්‍යයට පෙරත් ටට්යානාගේ රුව රූපවාහිනී තිරයෙන් දැක තිබුණා. ඒ ඇය මීට කලකට ඉහතදී රූපවාහිනියෙන් දිග හැරුණු ජනප්‍රිය වෙළෙඳ දැන්වීමක පෙනී සිට තිබිම නිසයි.
විවාහයක් දක්වා දුරදිග ගිය ශක්තිමත් සම්බන්ධතාවක් ඔවුන් දෙදෙනා අතර ඇතිවීමට පදනම සකස් වූයේද එම වෙළෙඳ දචැන්වීම නිසා බවයි රෝහිත පවසන්නේ. “අපේ ආදර කතාව පටන් ගත්තේ මීට අවුරුදු 8කට විතර කලින්. දවසක් මම ජිම් එකේ වර්ක් අවුට් කරමින් හිටියා. අපේ සර් කෙනෙක් හිටියා රංග සර් කියලා. ඒ වෙලාවේ ඉස්සරහා තිබුණූ ටී. වී. එකේ සන්ලයිට් කමර්ෂල් එකක් ගියා. ඒක ටී.වී. කමර්ෂල් එකේ හිටියා මල්මල් තියෙන කහපාට ගවුමක් ඇඳ ගත්තු ගමක ගැහැනු ළමයෙක්. එයාව දැකලා මම නිකං සර්ට කිව්වා බලන්න මාර ලස්සන කෙල්ලෙක්. එයාව කොහෙන් හරි හොයාගන්න ඕන කියලා. එතකොට මම ඇය ගැන මුකුත්ම තොරතුරු දැනගෙන හිටියේ නෑ. එදායින් පස්සේ මම අවුරුදු 2ක් 3ක් විතර කට්ට කකා හෙව්වා කවුද මේ ඇඩ් එකේ ඉන්න ගෑනු ළමයා කියලා. ජිම් එකේ රංග සර්ටත් මම කිව්වා ගමේ වුණාට කමක් නෑ හොඳ කෙල්ලෙක් නම් කියලා. බොරු කියන්න දෙයක් නෑ ඇත්තටම මුලින්ම මම කැමති වුණේ එයාගේ පෙනුමට. සිය අනාගත සහකාරිය සොයා ගැනීම සඳහා තමන් කළ වෑයම සාර්ථක වීමට වසර කිහිපයක් ගතවූ බවයි රෝහිත පවසන්නේ.
“අවුරුදු 2ක් 3ක් තිස්සේ හොයලා එයාගේ යාළුවෙක්ව මට අඳුර ගන්න ලැබුණා. ඒ යාළුවා හරහා තමයි අපේ සම්බන්ධය ඇතිවුණේ. මුලින් යාළුවෝ වගේ ආශ්‍රය කරන්නත් හරිම කට්ටක් කෑවා. ඊට පස්සේ අවුරුද්දක් එකහමාරක් විතර යාළුවෝ විදිහට ආශ්‍රය කළා. එහෙම ඉඳලා තමයි මම කැමැත්ත ඇහුවේ. ඇත්තටම මම ඒක කිව්වෙත් ෆෝන් එකෙන්. ඒක හොඳටම තරහ ගිල්ලා තිබුණු වෙලාවක්. මම ඒ වේලාවේම මේක කියලා දාලා අතැරලා දානවා කියලා හිතලා මුලින්ම මගේ ආදරේ එයාට කිව්වා. නිකං ඔයාට කැමැතියි කියලයි කිව්වේ. මම ඒක කිව්ව හැටියේම එයා නිකං ෂොක් වෙලා වගේ කතා කරන්න බැරි වෙලා එහෙමම ෆෝන් එක තිබ්බා. මම හිතුවා අනාථයි තමයි, වැඩේ ඉවරයි කියලා. මමත් ඊට පස්සේ කතා කරන්න ගියේ නෑ. ඒත් ඊට පස්සේ එයාම තමයි කතා කරලා කිව්වේ 'හරි' කියලා. ඊට පස්සේ අපි තීරණය කළා ආදරය කරන්න.”
පෙම්වතුන් ලෙස කලක් ඇසුරු කරද්දී තමන් සහ ටට්යානා අතර එකිනෙකා 

පිළිබඳ ඉතාම හොඳ අවබෝධයක් ගොඩනැගුණු බවද රෝහිත පවසනවා.
“මුල් කා‍ලේ අපි රණ්ඩු වුණා. ඒත් දැන් අවුරුදු 3-4ක් විතර ඉඳන් අපි රණ්ඩු වෙන්නේ නැහැ. දැන් අපි හොඳ අවබෝධයකින් ඉන්නේ. අපේ ජීවිතයේ ජයග්‍රහණ සහ පරාජයන් ඇතුළු සියලු අවස්ථාවල ඇය අපි සමග ඉඳලා තියෙනවා. ඒකෙන් පේන්නෙත් ඇගේ බුද්ධිමත්කම සහ අවබෝධය කියලයි මම හිතන්නේ. එයා ඕන කෙනෙක් එක්ක කතාබහ කරනවා. ආගම්, කුලභේද, වයස බලන්නේ නැහැ. අපේ ගමේ ආච්චි කෙනෙක් එක්ක වුණත් කතා කරනවා. ඇගේ ඒ නිහතමානිකම තමයි මම අගය කරන්නේ. දේශපාලන පවුලකට සම්බන්ධ වෙද්දී ඒ නිහතමානිකම තමයි වටින්නේ.”
රෝහිත සිය පෙම්වතිය වන ටට්යානාට විවාහ යෝජනාවක් ඉදිරිපත් කළ අවස්ථාවේ ඡායාරූප පවා මීට පෙර මාධ්‍ය ඔස්සේ ප්‍රසිද්ධියට පත්ව තිබුණා. පසුගිය 2018 වසරේ අගෝස්තු මාසයේදී අප්‍රිකාවේ උසම කන්දක් ලෙස සැලකෙන කිලිමන්ජාරෝ කඳු මුදුනේදීයි රෝහිත තම විවාහ යෝජනාව ඇය වෙත ඉදිරිපත් කර තිබුණේ. රෝහිත කලකට ඉහතදී ටට්යානා සමග මියුසික් වීඩියෝවකත් පෙනී සිටියා. එම නිසා රෝහිත සහ ටට්යානා පෙම්වතුන් බව කලක පටන් රටටම රහසක් වූයේ නැහැ. කෙසේනමුත්, රෝහිත-ටට්යානා යුවළ කවදා, කොතනදී යුග දිවියට ඇතුළත්වේද යන්න ගැන බොහෝ දෙනා තුළ තිබුණේ විශාල කුතුහලයක්. මේ පිළිබඳ මසක දෙකක පමණ කාලයක් තිස්සේ විවිධ අනාවැකි සමාජ මාධ්‍ය ඔස්සේද පැතිර ගොස් තිබූ බැවින් සමස්ත රටේම අවධානය දිනාගත් විවාහයක් ලෙසයි රෝහිත - ටට්යානා විවාහ මංගලෝත්සවය නිමාවට පත් වූයේ.
 
කිෂාන් කනංකෙ
 
උපුටාගැනීම - අන්තර්ජාලයෙනි

අනුරාධා එදිරිසිංහ කියන ඔබ ජනප්‍රිය නිළියක් විදියට හඳුන්වන්නද, නැත්නම්  කාර්යබහුල නිළියක් විදියට හඳුන්වන්නද?
 
සතියේ දිනවල රාත්‍රී 8.30 ට හිරු ටී.වී. ඔස්සේ විකාශය වන “අහස් මාලිගා” ටෙලි නාට්‍යයේ “‍පොඩ්ඩි” ගේ චරිතය සහ සෙනසුරාදා, ඉරිදා දිනවල රෑ 8.30 ට ටී.වී. දෙරණ ඔස්සේ දිග හැරෙන “රාවණ” ටෙලි නාට්‍යයේ රාවණාගේ මව පුෂ්‍පෝත්කථා ලෙසිනුත් මම ප්‍රේක්ෂකයන් අතරට එනවා. ඊට අමතරව සෙනසුරාදා දහවල් 12 ට හිරු ටී.වී. ඔස්සේ විකාශය වන ඊධන 10 සංගීත වැඩ සටහනේ නිවේදිකාව ලෙසිනුත් මම කටයුතු කරනවා. ඒ නිසා වෙනදාට වඩා ජීවිතය ටිකක් කාර්යබහුලයි. ඒත් මම ජනප්‍රියද, නැද්ද කියලා තීරණය කරන්න ඕනේ ප්‍රේක්ෂකයෝ. “රිද්ම” ඔබටත් ඒ ගැන තීරණය කරන්න පුළුවන්.
 
ඔබ පසුගිය කාලයේ ලැබුණු ආරාධනා කිසිවක් භාර නොගත් බව ඇත්තක්ද?
 
ඔව්. 2018 වසරේදී මම කිසිම නිර්මාණයක් භාරගත්තේ නැහැ. “රාවණ” ටෙලි නාට්‍යය වෙනුවෙන් ඒ අවුරුද්දම කැප කළා. මොකද ඒ ටෙලි නාට්‍යයේ මම රඟපාන චරිතය ලොකු කැපකිරීමකින් කළයුතු එකක්. මේ වසරේ නම් හොඳ නිර්මාණයක් ලැබුණොත් භාර ගන්නවා.
 
 පුංචි තිරයටම සීමාවෙලා ඉන්නේ සිනමාවට යන්න අදහසක් නැති නිසාද?
 
ආරාධනා ලැබෙන්නේ නැහැනේ. ආරාධනාවක් ලැබුණොත් ආශාවෙන් භාරගන්නවා.
 
ඔබේ පෞද්ගලික තොරතුරු ගැන කතා කළොත්?
 
මගේ තාත්තා ‍පොලිස් නිලධාරියෙක්. පවු‍ලේ හැමදෙනාම හිටියේ අවිස්සාවේල්‍ලේ. තාත්තාගේ අභාවයත් එක්ක අම්මා මගේ ළඟට ආවා. දැන් අපි හැමෝම ඉන්නේ අතුරුගිරියේ. අම්මා මා ළඟ ඉන්න නිසා ගොඩාක් සතුටුයි.
 
 අනුරාධා මාධ්‍ය සාකච්ඡාවලදී ආදරේ ගැන වැඩිපුර කතා නොකරන්නේ ඇයි?
 
දැනට අම්මලාගේ ආදරේ ලැබෙනවා. විශේෂ කෙනකුගේ ආදරය ලැබුණු දාක ඒ ගැන කියන්නම්.
 
 ඒ වගේ ආදරයක් ජීවිතයට උරුම වෙලාම නැද්ද?
 
ආදර සබඳතා ඇතිවෙනවා, නැතිවෙනවා. සම්බන්ධයක් පවතින්නේ ගැළපීම් මතයි. නොගැළපීම් තිබුණම සබඳතා බිඳිලා යනවා. මගේ ජීවිතයේත් එබඳු අත්දැකීම් තියෙනවා. දැනට මට ආදරය කරන්න කෙනෙක් නැහැ.
 
 නළුවෙක් සම්බන්ධව අනුරාධාට පුංචි කටකතාවක් පැතිර යනවා නේද?
 
නළු නිළියන් දෙන්නෙක් එකට රඟපානකොට, නිතර උත්සවවල හමුවෙනකොට ට්ධඵඵඪන ඉඪබඥ ඒ පින්තූර දාලා ඔය වගේ කතා හදලා පුවත් පළකරනවා. ඕක ඕනම නළුවකුට, නිළියකුට ‍පොදු දෙයක්. මාත් එක්ක එකට රඟපාන නළුවෝ හැමෝමත් එක්ක මට තියෙන්නේ යාළුකම් විතරයි. ඉන් එහා ගිය සම්බන්ධතා නැහැ.
 
ආරියවංශ කුලතිලක 
ඡායාරූප - මංජුල පෙරේරා

මමත් Facebook ගිණුමක් පාවිච්චි කරනවා. ඒත් අද ගයාත්‍රි ඩයස් කියලා Facebook එකේ Type කරද්දී එක ‍පෝලිමට ගයාත්‍රි ඩයස්ලාගේ Facebook ගිණුම් හමුවෙනවා. මේ රටේ ගයාත්‍රි ඩයස් කියන නම තවත් කෙනෙකුට තියෙන්න බැරි නැහැ. ඒත් ප්‍රශ්නේ තියෙන්නේ Facebook එකේ හමුවෙන මේ හැම ගයාත්‍රි ඩයස් කෙනෙකුටම මගේ මුහුණ තියෙන එකයි ඒ ගිණුම් ඇතුළට ගිහින් බැලුවාම මගේ පින්තූර තියෙන එකයි. ඒ කියන්නේ මේ හැමෝම මගේ නමින් පෙනී සිටින අයයි. ඒ විදියේ ව්‍යාජ ගිණුම් හින්දා තමයි මට නම් Facebook පරිහරණය කරද්දී හුඟක් ප්‍රශ්න මතුවෙලා තියෙන්නේ.

ව්‍යාජ Facebook ගිණුම් හින්දා ප්‍රශ්නවලට මුහුණ දීපු සහෝදර කලාකරුවන් සහ කලාකාරිනියන් හුඟක් ඉන්නවා. මටත් ඒ වගේ අකරතැබ්බ සිද්ධ වෙලා තියෙනවා. ඇත්තම කිව්වොත් අද මේක විසඳුමක් නැති ප්‍රශ්නයක් බවට පත් වෙලයි තියෙන්නේ. මේ විදියේ ව්‍යාජ ගිණුම් ගැන පැමිණිලි කළාට මේ වංචාකාරි කටයුත්ත නවත්තන්නත් බැහැ. මොකද ඕනෑම කෙනෙකුට ඕනෑ තරම් Facebook ගිණුම් හදන්න නිදහස තියෙනවා. අපි ගොඩාක් කාර්යබහුල හින්දා දවසකට Facebook එකේ ගත කරන්නේ ඉතාම සුළු කාලයයි. නමුත් දවසේ පැය 24ම Facebook වල පදිංචි වෙලාම වගේ ඉන්න අයත් නැතුවා නොවෙයි.  මට හිතෙන්නේ ඒ වගේ අය අතර තමයි අර මුලින් කී විදියේ ව්‍යාජ ගිණුම් පවත්වාගෙන යන අය ඉන්නේ.

ඔය වගේ අය හින්දා මට නොයෙක් නොයෙක් ප්‍රශ්න ඇති වෙලා තියෙනවා. ඔයා මා එක්ක චැට් කළා නේද...? ඔයාට මාව මතකද? මේ වගේ දේවල් කියන අය හිටිගමන් මට මුණ ගැහෙනවා. ඒ හැමෝම මගේ නමින් පෙනී සිටින වංචාකාරි Facebook ගිණුම්වලට රැවටුණු අයයි. මම මේ මොහොතේ හැමෝටම කියන්න කැමතියි. මම ජීවිතේට Facebook හරහා කා එක්කවත් chat කරලා නැහැ කියන එක. 

මගේ සමීපතම කෙනෙකුට කතා කරන්න වුවමනා වුණත් මම කතා කරන්නේ දුරකථනයෙන්. මම කවදාවත් යාළුවෝ එක්කවත් Facebook  එකේ  chat කරන්නේ නැහැ. ඒක මගේ පුරුද්දක්. කවුරු හරි කෙනෙක් Facebook හරහා ගයාත්‍රි ඩයස් එක්ක chat කරලා තියෙනවා නම් එහෙම කරලා තියෙන්නේ මගේ නමින් පෙනී සිටින වංචාකාරි පුද්ගලයන් එක්ක බව මතක තියාගන්න. මේ විදියේ ගිණුම් අතර ටිකක් බරපතළ සිදුවීමකුත් තියෙනවා. මේ වනවිටත් ඒක නතර වෙලා නැහැ.

මීට මාස කිහිපයකට හෝ මගේ හිතවතෙක් මගෙන් ඇහුවා අලුතෙන් ක්ෂේත්‍රයට එන නිරූපණ ශිල්පීන්ට සහ ශිල්පිනියන්ට පුහුණුව ලබාදෙන වැඩපිළිවෙළකට මම සම්බන්ධ වෙලා ඉන්නවාද කියලා. මම ඒ වගේ දේකට සම්බන්ධ නැති බව කිව්වා. මම නිළියක්. ඒ වගේම මම රූපලාවන්‍ය ක්ෂේත්‍රයටත් සම්බන්ධයි. සමහර විට ඒ හින්දා ඒ වගේ කතාවක් පැතිරෙන්න ඇති කියලා හිතලා මම නිහඬ වුණා. ඒත් ගොඩක් අය ඒ වගේ ප්‍රශ්න අහන්න පටන්ගත්තා. මගේ සමහර යාළුවෝ ඇහුවා විවාහ ජීවිතයේදී මතුවෙන යම් යම් ගැටලුවලට පිළිතුරු සපයන වැඩසටහනට සම්බන්ධද කියලා. මේ විදියේ දේවල් ඇහෙද්දී මට තේරුණා මේක ව්‍යාජ facebook ගිණුමක් හෝ ගිණුම් කිහිපයක් හරහා සිද්ධ වෙන දෙයක් බව. ඒ සැකය නිසා මම ඒ ගැන වැඩිදුර හොයලා බැලුවා. මගේ යාළුවෝ facebook එකේ පැතිරුණු ඒ විදිහේ වැරදි පුවත්වල Screen Shot  අරගෙන මට එව්වා. එතකොට තමයි දැන ගත්තේ මේක මගේ නමින් හදපු ව්‍යාජ facebook ගිණුමකින් සිදුවූ දෙයක් බව.

ගයාත්‍රි ඩයස් නමින් පෙනී සිටින මේ ව්‍යාජ ගිණුම මට මඩ ගහන්න කවුරුන් හෝ හදපු එකක්ද, එහෙම නැත්නම් මගේ නම පාවිච්චි කරලා අයුතු දේවල් කරන්න හිතාගෙන පවත්වාගෙන යන එකක්ද කියන්න මම හරියටම දන්නේ නැහැ. ගෙදර ඉඳන් Modling පුහුණුවන්න කැමැති අයට පාඨමාලා පවත්වන බවට දැන්වීම් පවා එහි පළවෙනවා. මෙය ඇත්තටම මම කරන දෙයක් කියලා හිතාගෙන ඒ සඳහා තමන්ගේ ඡායාරූප සහ වීඩියෝ යවපු ගෑනු ළමයි ඉන්නවාද කියන්නත් මම දන්නේ නැහැ.

ඒ වගේම මම විවාහ ජීවිතවල ඇතිවෙන ගැටලුවලට විසඳුම් සපයනවා කියලා හිතාගෙන රැවටුණු අය ඉන්නවාද දන්නෙත් නැහැ. මේ ලිපිය කියවලා හරි ඒ අය දැනුවත් වෙනවා නම් හොඳයි ඒ මම නොවන බව. මොකද මම මේ කතාකරන මොහොත වනවිටත් මේ ව්‍යාජ ගිණුම facebook තුළ තියෙනවා.

ආරියවංශ කුලතිලක

Page 1 of 4

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.