Coss Ear2
lakbima.lk
COSS Ear 1

ජනප්‍රිය ගායිකාව පැහැරගෙන යන බවට තර්ජනය කළ පුද්ගලයා අත්අඩංගුවට

ජනප්‍රිය ඇමෙරිකානු ගායිකා ලානා ඩෙල්රේ පැහැරගෙන යන බවට තර්ජනය කළ අයෙක් ෆ්ලොරිඩාවේ ‍පොලීසිය විසින් අත්අඩංගුවට ගෙන තිබේ. ඇය සංගීත සංදර්ශනයක් පැවැත්වීමට නියමිතව තිබූ ඕර්ලන්ඩෝ ප්‍රදේශයේදී මෙම පුද්ගලයා පිහියක් කලිසම් සාක්කුවේ දමාගෙන ගමන් කරමින් සිටියදී අත්අඩංගුවට පත් වූ බව ‍පොලීසිය කියයි. පිළිගත හැකි සාක්ෂි සහිත තර්ජනය කිරීමක් සමග ගායිකාව පසුපස යෑම හා ආයුධයක් අතැතිව ඇය පැහැරගෙන යාමට තැත් කිරීම යන චෝදනා යටතේ හතළිස් තුන් හැවිරිදි මයිකල් හන්ට් හට නඩු පැවැරීමට ‍පොලීසිය කටයුතු යොදා තිබේ.
සමාජ මාධ්‍ය ජාලා ඔස්සේද ඔහු ලානාට තර්ජනය කොට ඇති අතර අත්අඩංගුවට ගැනීම සිදුව ඇත්තේ පසුගිය සිකුරාදාය. කෙසේ වුවද සංගීත සංදර්ශනය පැවැත්වීමෙන් පසු සෙනසුරාදා දිනයේ මේ සිදුවීම මාධ්‍ය වෙත ලබාදීමට ‍පොලීසිය කටයුතු කොට තිබිණි.

සී.එන්.එන්.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.