Coss Ear2
lakbima.lk
COSS Ear 1

19න් පහළ ලෝක කුසලාන සිව්වැනි වරටත් ඉන්දියාවට

නවසීලන්තයේ පැවැති අවු. 19න් පහළ ලෝක කුසලාන ක්‍රිකට් තරගාවලියේ අවසන් මහා තරගයේදී ඕස්ට්‍රේලියාව කඩුලු 8කින් පරාජය කරමින් සිව්වැනි වරටත් ලෝක කුසලාන දිනා ගැනීමට ඉන්දියාව සමත් විය.
ඉන්දීය ජයග්‍රහණය වෙනුවෙන් විශිෂ්ට පිතිහරඹයක නිරත වූ ආරම්භක පිතිකරු මන්ජොට් කල්රා නොදැවී ශතකයක් රැස් කරමින් තරගයේ වීරයා බවට පත්විය.
පළමුවෙන් පන්දුවට පහර දුන් ඕස්ට්‍රේලියාව පන්දුවාර 47.2කදී සියලු දෙනා දැවී ලකුණු 216ක් රැස් කළ අතර, පිළිතුරු ඉනිම ක්‍රීඩා කළ ඉන්දියාව පන්දුවාර 38.5කදී කඩුලු 2ක් දැවී ලකුණු 220ක් රැස් කරමින් ජය වාර්තා කළේය. 
මන්ජොට් කල්රා පන්දු 102කදී හතරේ පහර 8ක් සහ හයේ පහර 3ක් සමගින් නොදැවී ලකුණු 101ක් රැස් කළ අතර, ෂුබ්මාන් ගිල් ලකුණු 31ක්ද, හාවික් දේසායි නොදැවී ලකුණු 47ක්ද රැස් කළහ.
 
ලකුණු තත්ත්වය :-
ඕස්ට්‍රේලියාව: 216 (පන්දුවාර 47.2) ජොනතන් මෙර්ලෝ 76, පාරම් උප්පාල් 34, ජැක් එඩ්වඩ්ස් 28, නාදන් මැක්ස්වීනි 23, ඉෂාන් ‍පෝරල් 30/2, අනුකුල් රෝයි 32/2, ශිවා සිංග් 36/2, කම්‍ලේෂ් නාගර්කෝටි 40/2
ඉන්දියාව: 220/2 (පන්දුවාර 38.5) මන්ජොට් කල්රා නොදැවී 101, හාවික් දේශායි නොදැවී 47, ෂුබ්මාන් ගිල් 34, ප්‍රිතිවි ෂෝ 29, විල් සදර්ලන්ඩ් 36/1, පාරම් උප්පාල් 38/1
 
(සටහන :පමෝද්)

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.