Coss Ear2
lakbima.lk
COSS Ear 1

පාකිස්තානය පරදවමින් ඉන්දියාව අවසන් සටනට

අවු. 19න් පහළ ලෝක කුසලාන ක්‍රිකට් තරගාවලියේ ඉන්දියාව සහ පාකිස්තානය අතර පැවැති අවසන් පූර්ව තරගයෙන් ලකුණු 203ක විශිෂ්ට ජයක් වාර්තා කළ ඉන්දියාව අවසන් මහා සටනට සුදුසුකම් ලබා ගත්තේය.
මේ අනුව ඕස්ට්‍රේලියාව සහ ඉන්දියාව අතර අවසන් මහා තරගය පෙබරවාරි 3දා පැවැත්වේ.
ඉන්දීය ජයග්‍රහණය වෙනුවෙන් නොදැවී ශතකයක් රැස් කළ ෂුබ්මන් ගිල් තරගයේ වීරයා සම්මානය දිනාගත් අතර, විශිෂ්ට පන්දු යැවීමක නිරත වූ ඉෂන් ‍පෝරල් කඩුලු 4ක් බිඳ හෙළීය.
පළමුවෙන් පන්දුවට පහර දුන් ඉන්දියාව පන්දුවාර 50දී කඩුලු 9ට ලකුණු 272ක් රැස් කළ අතර, පිළිතුරු ඉනිම ක්‍රීඩා කළ පාකිස්තානු ඉනිම පන්දුවාර 29.3කදී ලකුණු 69කට සීමා විය.
ෂුබ්මන් ගිල් පන්දු 94කදී හතරේ පහර 7ක් සහිතව නොදැවී ලකුණු 102ක් රැස් කළ අතර, මන්ජෝට් කයිරා (47), ප්‍රිත්වි ෂාව් (41), අනුකුල් රෝයි (33) පිත්තෙන් දස්කම් දක්වූහ.
විශිෂ්ට පන්දු යැවීමක නිරත වූ ඉෂන් ‍පෝරල් පාකිස්තානු මුල් පෙ‍ලේ කඩුලු 4ක් ලකුණු 17ක් තුළ බිඳ දැමීය.
 
ලකුණු තත්ත්වය :- 
ඉන්දියාව පන්දුවාර 50දී කඩුලු 9ට - 272යි
ප්‍රිත්වි ෂාව් 41, මන්ජෝට් කයිරා 47, ෂුබ්මන් ගිල් නොදැවී 102, අනුකුල් රෝයි 33, මොහොමඩ් මූසා 67/4, අර්ෂාඩ් ඉක්බාල් 51/3
පාකිස්තානය පන්දුවාර 50දී සියලු දෙනා දැවී - 69යි
රොහෙල් නසීර් 18, සාඩ් ඛාන් 15, ඉෂන් ‍පෝරල් 17/4, ශිවා සිං 20/2, රියාන් පරාග් 6/2

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.